احترمك يا حوينى ،، ولكن !!

ماشى ان مش اى حد يلقى درس علم ولازم يكون أهل لكدا طبعــــا،، لكن

التسرع ف الكلام والتزويد ف بعض الكلمات دا هيخلى

بين التوبة والناس ما صنع الحداد ..

وكمان الست دى اكيد عندها معلومات بتقدمها مش طالعة تتكلم وخلاص

مش عارفه حيرانه جدا من راى الشيخ الحوينى

وطريقة كلامه بردو ع مصطفى حسنى ،، الموقفين دول مخلينى محتارة

ف اسلوب الحوينى جدا جدا ؟؟!!

أولاُ الشيخ بادي كلاموا قبل التمثيلية المكتوبة وتقطيع الكلام ويعلم الله هو مقطوع من أي سياق

ومن نص أول الفيديو واضح إنو الشيخ بينتقد الدعاة بغير علم حديثى التدين (فكيف علمهم)

ثم بيتكلم عن الموضوع اللي إتاخد منوا الحوار وإتكتبت منه التمثيلية اللي في الفيديو ولن ألتفت لإتهامات المكتوبة وما يهمنا هو كلام الشيخ وكلام الشيخ كما يلي

يكمل الشيخ ويقول:
______________________________________________________
ونفس الكلام موجود عند بعض الفنانات

يعني انا لما كنت بروح القاهرة زمان حضرت مجلس حضر فيه واحد من الفنانين المعتزلين قالوا زوجتوا جوة بتدي درس للأخوات

قولتلوا بتدي درس ليه درس إيه يعني قال درس علم

فرد وقال يعني الشهرة لازم نفضل فيها على طول

وإحنا بنلبس القصير ونمثل نبقى تحت الأضواء أول ما خلاص الناحية التانية برضو ابقى نجم

إزاي الكلام ده

في نوع من الآفات الموجودة

وطبعاً النساء نفسهم يقعدوا مع الفنانة دي

القصة مش قصة علم ولا علم بس نقعد مع بعض ونعرف تاريخها وأدعو كل نساء الحي أحسن فلانة عندي إنهاردة هتدي درس والكلام ده هي المسألة لا تعدوا أن تكون هكذا

ده إنسان كان طالع من مستنقع لسة أول إمبارح ده لسة بينضف نفسوا يقعد إزاي مكان أهل العلم
______________________________________________________

1- حنان ترك تابت بعد 2004 (التاريخ المنسوب لقول الشيخ من داخل الفيديو) بسنة أو 2 واللي يراجع النت هيتأكد من كلامي

- الشيخ في كلاموا قال من زمان (عني انا لما كنت بروح القاهرة زمان) خدتوا بالكم من زمان دي يعني الدرس كما ذكر في آخره إنو كان في 2004 ومن زمان يعني إمتى ؟؟

وكمان الشيخ قال (يعني انا لما كنت بروح القاهرة زمان حضرت مجلس حضر فيه واحد من الفنانين العتزلين قالوا زوجتوا ..)

هي حنان ترك زوجها فناان معتزل

لما ناخد حوار من سياقه وسياق زمانه ونجيبة ونسقطه على قصة جديدة في واقع جديد

الكلام هيتغير خالص يعني مثلاً لو كانت الممثلة دي عبير صبري وهي مش عبير صيري اللي تابت فترة قصرة ثم عادت لما كانت لا هي خدت فترة تتعلم علشان تعلم ولا هي ثبتت على الحجاب فماذا ستعلم الناس ؟؟

طب تخيلي لو كانت زيزي مصطفى الرقاصة كنتي هتنبسطي إنها تتوب إنهاردة وتدي دروس علم بعد شهر مثلاً طب منين ؟؟؟

طيب هل لو واحدة هنا في العمار دعت مثلاً الدكتورة عبلة الكحلاوي في بيتها هل هييجي حريم زي اللي هييجوا لحنان ترك مثلاً رغم إن الداعية هتقول الدعوة لدرس علم ويعلم الجميع علم الدكتورة عبلة ويعلم مدى علم حنان ترك

ده لأن العلم ممتهن الآن وده اللي يقصدوا الشيخ اللي مجابش سيرة أصلاً عن توبتها الراجل بيتكلم في الدعاة بغير علم

وده اللي اتكلنم فيه الشعراوي لما قال اللي تعبان بيجيب دكتور واللي بيبني بيجيب مهندس واللي عاوز فتوى بيسأل اي حد !!!!

هل ننكر أن سامعي د/عمرو خالد وأ/مصطفى حسني أكثر من سامعي الشيخ ابو إسحاق أو الشيخ حسان أو الشيخ يعقوب رغم فارق العلم وعدم وجود سند لتخصص د/عمرو خالد وأ/مصطفى حسني فيما يتكلمون فيه !!

أخبرا حكاية في 27/رمضان والمفروض كان .. بدل ما .. في التقديم للمادة قايل إنها بعنوان سؤال وجواب واللي اغرفوا في المحاضرات دي إنها بتبقى موضوعها سؤال من الناس والشيخ بيجاوب بيعنى الموضوع كلوا إجابة عن سؤال

ثم اللي جاب جاب مقطع منعرفش أصلا المقدمة دي للمادة ولا لا أو الشيخ قال ولا مقالش

أخيراً اللي رديت عليه كلام الشيخ ونقطة واحدة في آخر التمثيلية لكن جملة ما كتب وقيل في الكلام المكتوب لا يعدوا كونه محاولة وضع الأمرخارج سياقه والبناء عليه بالباطل

قرأت الرد كويس جدا يا أستاذ محمد ،، وانا قولت ف ردى ان مش اى حد يقول كلام ف العلم

بس استغربت من شدة لهجة الشيخ الحوينى حسيت اسلوبه منفــــر شوية

من الدعاه بغير علم .. المفروض يقول دا ويجذب

مش يخلى الناس تيأس او تمل اسلوبه ،، لان دا اعلم اهل الارض

وبيسلم واسلم ع ايده ما لا حصر له

فعتابى ع كدا وانا قولت احترمك ولكن ،، لانه فعلا اهل للاحترام بلا نقاش

ربنا يهدينا جميعا ،، بس فيه نقطة كدا ف كلام حضرتك :

اقتباس :

هل ننكر أن سامعي د/عمرو خالد وأ/مصطفى حسني أكثر من سامعي الشيخ ابو إسحاق أو الشيخ حسان أو الشيخ يعقوب رغم فارق العلم وعدم وجود سند لتخصص د/عمرو خالد وأ/مصطفى حسني فيما يتكلمون فيه !!

جداااااااااااا ودا مش لقياله سبب ؟؟

شكرا لسعة صدرك ..

طبعاً لما رديت رديت على الفيديو وفقط

وحده الشيخ ناتج قطع الكلام عن سياقه

هل نعرف هو بيتكلم على مين أو موضوع الساعة وقت الفيديو ده كان إيه

أو السؤال كان إيه أصلاً (ده على فرض إن الحلقة كانت أسئلة كما قال المدعي ) وإيه ملابساته علشان نقيم إنفعال الشيخ !!

بنــــت العمــــار كتب:

اقتباس :: هل ننكر أن سامعي د/عمرو خالد وأ/مصطفى حسني أكثر من سامعي الشيخ ابو إسحاق أو الشيخ حسان أو الشيخ يعقوب رغم فارق العلم وعدم وجود سند لتخصص د/عمرو خالد وأ/مصطفى حسني فيما يتكلمون فيه !!

جداااااااااااا ودا مش لقياله سبب ؟؟

شكرا لسعة صدرك ..

فرق العدد في المستمعين ليه

لأننا إتربينا بعييييييييد قوي عن الدين وعن فهمه

كان أهالينا بيسيبونا للتلفزيون بالساعات كل يوم ربانا وحيد حامد وأسامة أنور عكاشة وعادل إمام

وإيناس الدغيدي وشريهان وليلى علوي وجيش لو عدينا هنتوه فيه

وكنا معاهم ساعات وأيام لو جمعت تجمع سنين لو كل واحد فينا قضاها تحت رجلين عالم كنا إتعلمنا وبقينا مليون حويني

أو في علم تطبيقي كنا أخدنا الدكتوراه في أي علم

ومش موضوع أعلم واحد في الأرض والجملة دي غلط لأن يعلم مقدار العلم رب العالمين

هو بشر يجطئ ويصيب وهو بشر يخطئ ويراجع من العلماء مثله وكلهم عندنا في مقام العلم

ليه بقى بنسمع عمرو خالد ومصطفى حسني مع حفظ الألقاب لأنهم بيجيبونا من خيبتنا نسخن للماتش ومش مطلوب منهم أكتر من كدة

إنهم يصحوا الدين في نفوسنا ويسلمونا للي بعد كدة

ومحدش بيكسب بالتسخين ولا يتقال عليه لاعب علشان سخن

لما بقى نسخن كدة ونفك من الضياع والرواسب الغلط نبتدي ننقل مع المشايخ

ونسمع الأول الشيخ محمد حسان والشيخ محمود المصري ونقول الشيخ الحويني والشيخ يعقوب و د/المقدم ود/أحمد فريد ود/ياسر برهامي

دول صعبين وشداد وهما صح بس إحنا اللي مساكين

وفين وفين لما نقدر نسمعهم ونفهم منهم وتو ما نسمع ونفهم نعرف إنهم هما اللي بيدرسوا الإسلام وده المنهج العلمي

ونضحك إننا كنا بنسمع دينا من الجماعة الخفاف دول ونقول دول نسمع منهم موعظة رقاق نقل لقصة

أو شرح مبسط لأمر ما لكن لما نحب نعرف دينا لازم منروحش لبتاع دبلوم الصناعة ولا المهندس اللي لسة متخرج

لأ نروح للعالم الكبير ناخد الرد في المسألة

لأنو هو اللي هيقول على الفقه فقه وعلى العقيدة عقيدة ويعرف إيه السياسة الشرعية و.....

مطولشي عليكي بس فرق العدد من بعدنا عن ربنا ونسبة الملتزمين لغير الملتزمين

اقتباس :: لأننا إتربينا بعييييييييد قوي عن الدين وعن فهمه

فعلا ..

اقتباس :: ليه بقى بنسمع عمرو خالد ومصطفى حسني مع حفظ الألقاب لأنهم بيجيبونا من خيبتنا نسخن للماتش ومش مطلوب منهم أكتر من كدة

إنهم يصحوا الدين في نفوسنا ويسلمونا للي بعد كدة

ومحدش بيكسب بالتسخين ولا يتقال عليه لاعب علشان سخن

مع احترامى لحضرتك مش متفقه معاك ف النقطة دى ،، انا واحده من الناس

من سماعى لمصطفى حسنى أثر فيا جدااااااا

وخلانى اترك حاجات غلط كتيييير كنت بسلكها قبل كدا ف حياتى

وبردو عمرو خالد ..

لما كنت بتفرج ع الحوينى او يعقوب و و و كنت بحس من اخطائى انى ف النار لا محاله

مش تقليل من علمهم بس دى ناس عايزة ناس واخده خطوة البداية الى هى تسخين الماتش مش اول

ما ابدأ بعد مثلا ما كنت مش محجبة ومش بصلى وبكلم وبروح وباجى

اسمع للحوينى او اسمع ليعقوب ،، مش سهله وكتير عملوها واصيبوا بالملل ودا لتربيتنا النيه

بالنسبه للدين والبعد عنه ..

اما بالنسبة لنقطة اعلم اهل الارض فانا دايما اسمع الكلمة دى ع اساس انه

اعلم اهل الارض ف الحديث النبوى ..

اقتباس :: ونضحك إننا كنا بنسمع دينا من الجماعة الخفاف دول ونقول دول نسمع منهم موعظة رقاق نقل لقصة

بردو نفس الى قولتوا فوق بس حاجة زى القصص دى بتدينى انا شخصيا قوة ارادة

وبتعلمنى حاجات كتير جدا جدا ،،

مصطفى حسنى مثلا ف عمار الارض برنامج رائع

جاب قصة أحمد ياسين وفاروق الباز وزينب الغزالى وواحد معاق اجنبى وعمل اكتر من الى اى صحيح يعملوا

القصص دى بتدى دفعه غير طبيعية وخلتنى دايما افكر فيها واتعلم

ومكنش ليا صبر ع القرأه بدأت اجيب قصص الناس دى واقرأ فيها وهكزا

وكمان بقيت اسمع شوية بشوية محمد حسان وهكزا

كلامى كله ان نقطة التسخين للماتش دى ف وقتنا بمثابة حجر الاساس ف البناية

اقتباس :: لازم منروحش لبتاع دبلوم الصناعة ولا المنهدس اللي لسة متخرج

متفقه ..

لو قريتي ردي هتلاقيني أقصد نفس ما قلتيه بالضبط

والحاجات الغلط اللي تركتيها الأصل في المجتمع المسلم إنها مش موجودة

وكلنا للأسف كنا أو مازلنا واقعين فيها وفي غيرها

ومس قصد تقليل من شأن د/عمرو خالد وأ/مصطفى حسني والطبيعي إنو يبقى في فرق ونسيب أخطاء كتير على إيديهم

لكن في فرق بين اللي بياخد بإيدي من تحت الأرض من البير المفحوت لنا من 200 سنة وده محمود

واللي بياخدنا لفوق وده الأصل

ولو إنصلح حال المسلمين ستختفي طائفة د/عمرو خالد وأ/مصطفى حسني لأن البير هيكون إتردم والإصل إنو مش موجود

ده وباقي ما كتبت مجرد رأيي والعلم عند الله

محمدعبدالرحمن كتب:: لو قريتي ردي هتلاقيني أقصد نفس ما قلتيه بالضبط

والحاجات الغلط اللي تركتيها الأصل في المجتمع المسلم إنها مش موجودة

وكلنا للأسف كنا أو مازلنا واقعين فيها وفي غيرها

ومس قصد تقليل من شأن د/عمرو خالد وأ/مصطفى حسني والطبيعي إنو يبقى في فرق ونسيب أخطاء كتير على إيديهم

لكن في فرق بين اللي بياخد بإيدي من تحت الأرض من البير المفحوت لنا من 200 سنة وده محمود

واللي بياخدنا لفوق وده الأصل

ولو إنصلح حال المسلمين ستختفي طائفة د/عمرو خالد وأ/مصطفى حسني لأن البير هيكون إتردم والإصل إنو مش موجود

ده وباقي ما كتبت مجرد رأيي والعلم عند الله

وبكدا وصلنا لنقطة واحدة .. جزيت خيرا لرقى الحوار ..

ونعم بالله ..

انا مع كلام حضرتك يا استاذ محمد انا فعلا من الناس اللي مش بتسمع ولا لعمرو خالد ولا مصطفي حسني

وفعلا استغربت من الموضوع علشان مش الشيخ الحويني اللي كده شيخي رقم 1 الشيخ ابواسحاق ربنا يرزقه الصحه هو والشيخ حسان ان شاء الله ويرفع رايه الاسلام ع ايديهم ولو كان الشيخ ابواسحاق زي ما الناس بتقول ماكنتش الناس تااسلم ع ايده زي الناس اللي كانو ف المانيا

اللهم اعز الاسلام والمسلمين واهديني الي ما فيه الخير لينا

Ana Mu$lma كتب:: انا مع كلام حضرتك يا استاذ محمد انا فعلا من الناس اللي مش بتسمع ولا لعمرو خالد ولا مصطفي حسني

وفعلا استغربت من الموضوع علشان مش الشيخ الحويني اللي كده شيخي رقم 1 الشيخ ابواسحاق ربنا يرزقه الصحه هو والشيخ حسان ان شاء الله ويرفع رايه الاسلام ع ايديهم ولو كان الشيخ ابواسحاق زي ما الناس بتقول ماكنتش الناس تااسلم ع ايده زي الناس اللي كانو ف المانيا

اللهم اعز الاسلام والمسلمين واهديني الي ما فيه الخير لينا

اللهم أمين وياستى ماشى عقبالنا لما نقول مش بقينا نسمع مصطفى حسنى وعمرو خالد

» بنحبهم ولكن
» أسد ولكن على سوريا
» اسامح ولكن
» أدعية .. ولكن في الاتجاه المعاكس
» سوداء ولكن ،،