.،. شكــــرآ .،.

شكرا ،،

شكرا لمادونا ،،

صحيح بنوتة مش من دينى

لكن عمرى ما حسيت دا صديقة طفولتى وحياتى كلها وعمرى الى جاى وراح ..

شكرا انك كنتى بتفكرينى بصلاتى وبتصرى انى اصلى والتزم وبتقومينى ع كل حاجة حلوة عملتها ،

وشكرا لمعاقبتك بالحدة لاى غلط اعمله ف الحياة ايا كان ،

شكرا انك بقالك 7 سنين صديقتى واختى وحياتى كلها وانتى جوهرتى وكنزى زى دايما ما بقولك ،

شكرا انك الوحيدة الى فهمتى اسماء محيى بمعنى اللفــــــــــظ ،

شكرا اننا متخانقناش خناقة من ساعة ما عرفنا بعض مهما كان اختلافنا لكن كنتى بمتصى غضبى وشكرا انك علمتينى دا ،

شكرا ع كل موقف دافعتى عنى فيه ، شكرا ع كل موقف خرجتينى منه وتعبتى بدالى وسهرتى اوقات بدالى

شكرا انك مخليا حياتى جنة معاكى بس بحس ان الهموم رايحة رايحة وليها اكيييد حل ،

شكرا كبيرة انك دايما بابتسامتك الى زى القمر وتفاؤلك الى ادمنته تقوليلى ،، ثقى ف ربنا الى جاى احلى كتير وهتشوفى ،

معاكى بلاقى نفسى الى بحبها يا مادونا .. شكرا حبيبتى ....

شكرا ،،

شكرا لاى حد قل بأصله معايا وعلمنى ازاى اتعامل مع النوعية دى من البشر ،

شكرا للى افتكرتهم صحابى بجد انهم فوقونى بدرى بدرى قبل ما اصدق ان فيه حاجه اسمها صداقة ،

شكرا لاى حد وصل خلافى معاه لمرحلة الشتيمة وعرفنى اد ايه هو .... ! وعرفنى قيمة تربية ابويا وامى كويس ،

وكمان عرفنى قيمة نفسى كويس جدا ،

شكرا لاى حد طلبت منه حاجة (اقل من البسيطة)

ف يوم من الايام وخذلنى ومش عملهالى وعرفنى اد ايه لما بينطلب منى حاجة بجيب من السما حتة واعملها ،

شكرا لكل واحدة وقعت بينى وبين صاحبة ليا وموتت اجمل حاجات كانت بينا ،

شكرا لكل ولد او بنت اتكلم ف حقى كلمة وحشة واخدت بدا ف ميزان حسناتى اد كدا ،

شكرا للى ظلمونى واسااءوا الظن فيا ،

شكر والف شكر والله

شكرا يا صاحبى ،
صاحبى الى كتفه ف كتفى بيخلينى مطمن ،
عارفه هيفضل جانبى مهما لقانى بتجنن ،
ومش من دمى ولا اخويا ولا عمى ،
لكنه اختار يكون جنبى ..

شكرا لكل صحابى ..