اذاعة اخبار العمار .. يوم بيوم .......

السلام عليكم

من ازاعة اخبار العمار نبلغكم انناسوف نغطى كل ما هو جديد يوم بيوم من بلدة العمار الكبرى

وذلك على تردد منتدى شباب العمار

بازاعة اخبار العمار

زائر

يوم بيوم مع بامبرز ههههههههههههه

طيب ايه الجديد

يوم الاربعاء 27-6-2007

حدث شجار وعراك كبير فى منطقة الموقف بين احد ابناء عائلة من عائلات العمار واحد اولاد ؟؟؟؟؟؟ الذى يدعى بـ "؟؟؟؟؟؟؟؟؟" ........
هذا وقد قام ذالك الشخص الغير معروف بهجوم على كشك ؟؟؟؟؟؟ ودمره وكان معه الكثير من اقاربه

مراسلنا / مصطفى

متستعجليش يا ام يوسف
انتظروا
يوم الخميس

والله أنت أسد وجدع كمان
بصراحة أنت أحلي من خميس أبو العافية

علي فكره الاخبار دي مش مظبوطه انا كنت في موقوع الحدث واليكم البيان التالي

الواد ؟؟؟؟؟؟ رزل علي واحد بالموتوسيكل بتاعه والراجل دا من عيله ؟؟؟؟؟؟؟
ومعاه بالاماره عربيه حمرا اللي الواد ؟؟؟؟؟؟؟؟ كسر زجاجها بعد ما الراجل كان عاوز يفرمه بيها

المهم يا جماعه الواد ؟؟؟؟؟؟؟؟؟ شرح الراجل دا بالموس في وشه اسفر هذا عن حوالي 4 غرز تم اجراؤها في عيادة الدكتور يوسف زكي بربش

وهذا الرجل قرر الاخذ بثأره من ؟؟؟؟؟؟؟؟؟؟

وفي تلك الجواء الملتهبه والاحداث المليئه بالشغب الواد ؟؟؟؟؟؟؟؟ قال الجري الجدعنه بعينها

وفي ذلك الحين وصلت الحاجه ام ؟؟؟؟؟؟؟؟ والحاج اخو ؟؟؟؟؟؟؟؟ علشان ابوه تعيشو انتو

وعاوزين يفضو المشكله

ولكن الحماسه وشجاعة ولاد البلد ظهرت وقرر اهل المجني عليه الاخذ بالثار وزعبو بالسياره الي منطقه الموقف وقاااامو بتكسير فيللا ام ؟؟؟؟؟؟؟؟؟؟

ويطلبون ؟؟؟؟؟؟؟؟؟ حيا او ميتا او يقوم ؟؟؟؟؟؟؟؟ بتقديم كفنه لاهل المجني عليه

وفي ظل هذا حدثت تطورات حيث امتدت احداث الشغب الي منطقه البحر ولم تفي الينا معلومات مؤكده عن هذا

وهنا يجب ان نسال انفسنا الي متي هذه الاحدات والي متي احداث العنف والبلطجه سؤال لابد من الاجابه عليه من قبل الحكام والمسئولون عن الامن

نشرتنا الاخباريه انتهت انتظرونا في نشرتنا القادمه في تمام الساعه الواحده صباحا

كان معكم خميس ابو العافيه قطاع الاخبار

.....................................العمار تي في ...................................
...........................الرأي والرأي الاخر .......................................

على فكرة انا نبأى كان مختصر بسبب انه كان فى رد كافى على النبأ ده فى موضوع بعنوان نبأ هام وعاجل

وقد انتقلت في وقت مبكر من صباح هذا اليوم مراسلون ومحققون من قبل قتاه العمار الحره الي موقع الحادث

برئاسه اللواء ايهاب رفعت مساعد وزير الداخليه والمقدم محمد سعيد والعسكري حسام صبري

الي موقع الحادث وتم يحرير محضر بالواقعه واحيل المحضر الي النيابه التي امرت بالتحفظ علي الضبوطات وامرت بضبط الجناه لتقديمهم الي المحاكمه العاجله

ياريت يا حسام تقدم ورقك فى الازاعة بتاعتنا واحنا هنشغلك بملغ وقدره 10000مليم مصرى شهريا

واظن ان ده مبلغ مغرى جداااااااااااااااا ومش هتلاقيه غير عندنا

ياجماعة الموضوع حلو بس فية أخبار من غير صور ياريت ياجماعة ال يجيب أخبار يحاول يرفق معاها صور أو فيديو

موضوع جميل ياعمرو بس ياريت ياجماعة بدون ذكر اسماء اي حد

ههههههههههه لا موضوع فعلا محتاجينو

كويس يا عمرو بس ارجو يكون الكلام صح

عشان مضيعش مصدقية الازاعة

ههههههههههههه

هى الاخبار دى مبتزعش اخبار الجو الحر ده حد يقول الدرجه كام

28-6-2007

اهلا بكم .. يتضرر اهل العمار من سوء الطقس شديد الحرارة نهارا وليلا حيث انه يوجد احتباس حرارى فى الجو منذ ثلاثة ايام ويخبر رجال الارصاد الجوية ان هذا الحال سوف يستمر لمدة يومين مقبلين .. الله اعلم

اما عن الخبر الثانى فى هذا اليوم .. فنود ان نحيطكم علما بانه سوف يقام غدا الجمعة ان شاء الله حفل زواج الدكتور / بدوى عبد الخالق عبد العزيز .. وسوف يكون هذا الزواج المبارك فى حدود الشريعة الاسلامية "لا طبل ولا مزامير" .. ندعو له بان يبارك الله له فى زوجته ..

نلتقى بعد الخبر القادم باذن الله

والله أحلى نشرة أخبار سمعتها وخاصة التحليل الجميل من الأخ حسام أبو العافية بتاع الدهب .. الفكرة جميلة وممتازة يا عمور .. وأنا عن نفسي لم أعرف هذه التفاصيل إلا من هنا .. وأعتقد أنه إضافة حقيقية للمنتدى خاصة للقريبين من الحدث .. لا يعنينا الأشخاص فالكل يعرفهم بشكل سماعي ولا داعي لكتابة أسمائهم, ولكن نود أن نتعلم من الأحداث التي تدور في العمار ونطرحها على منشر المنتدى لتعم الفائدة .. أجمل ما في الباب حرية التعبير وسرعته وبدون تكلفة ولا مندوب ومصور .. فقط كل من شاهد حدث سلبي أو إيجابي يتفضل بنقله بكل أمانة لتعم الفائدة ويدوم التواصل.
برافوا عليك يا عمرو .. وتحية لكل من شارك .. خصصوا هذا باباً مستقل.
صباح الفل

انا سعيد جدااااااااا يا استاذ جمال
وكفاية حماسك الشديد اللى دايما معودنا عليه
وهنوافيكم بالاخبار كل يوم بعد يوم وبالتاريخ
وانا قصدت اعمل ده علشان يبقى فى تاريخ لكل احداث بتحصل فى العمار سواء من كبيرة وصغيرة وعشان كل اللى من العمار وعايش فى الخارج يحس انه بين اهله وناسه
انتظروا المزيد

29-6-2007

اهلا بكم شباب العمار
اليكم هذا النبأ منذ ان وصلنا ..
يتم افتتاح حضانة الجهاد غدا يوم السبت الموافق 30-6-2007 بمشيئة الله تعالى بمنزل الدكتور / بدوى الشاذلى علام ... بمنطقة خلف مركز شباب العمار ..
حيث ان هذه الحضانة تقوم بتحفيظ القرءان وتعليم امور الدين وتقبل جميع الاعمار .......

ازاعة شباب العمار...
شعارنا - نطير فى سماء العمار ونغوص تحت ارضها من اجل ان نأتى لكم بكل ما هو جديد ..

ايه الحاجت الحلوة دي ياعمرو
ممكن اشتغل معاكم مراسل او مذيع
ياريت تقبلوني

يا باشا انت تامر والمنتدى كله تحت امرك
ولو تحب اعينك مشرف انا مستعد حالا ههههههههههه
بس ايه التوقيع الرائع الجميل ده
بجد والله جملة رهيبة ولكن من يعتبر .؟؟؟؟؟؟؟؟؟!!!

ايه الجمال ده ياشباب
بجد موضوع جامد ياعمرو
دي قناة الجزيرة كدة هتغير منكم
وفعلا الاخبار دي اول مرة اعرفها ربنا يخليكم نورتوني
عندي اقتراح
ايه رأيكم كل واحد يعلن الأحداث اللي حصلت في منطقته ؟
علشان تبقى الأحداث معلنة اول بأول
وبجد فكرة جميلة تسلم ايدك

فكرة جميلة يا سيندريللا
وياريت لو عندك اخبار النهارده تكتبيها واى واحد عنده اخبار يكتبها
لكن لو سمحتم تكتبوا التاريخ فى الاول علشان اللى يقرأ الخبر يعرف هو حصل امتى ..
ولو حد حب يكتب خبر قديم يكتب جانبه كلمة (أرشيف)
واحنا طالبينك للازاعة بتاعتنا وباعلى من مرتب حسام بشوية ...

بصفتي أحد مستمعي اذاعة صوت العمار

أحب أسجل إعجابي وتشجيعي للفكرة

وياريت نسمع دايما صوت العمار من خلال إذاعتكم الجميلة دي

وياريت يكون شعار الإذاعة

" مع إذاعة صوت العمار مش هتقدر تسد ودانك "

لأ لأ خلاص الشعار ده مش هينفع خالص

ده أنا مخدتش بالي انها إذاعة مقروأة يعني تسد ودانك ولا ماتسدهاش مش فارقة

هههههههههههه
ماشي انا موافقة بس هيكون كام بقى
لازم نتفق الاول ........
وعلى العموم ما فيش عندي اخبار دلوقتي
الدنيا هسسسسسسسسس لدرجة اني نمت جنبهم
شكلي كدة هغير المنطقة دي واروح عند الموقف
بس كدة د حسام هيكرهني هبقى اكتر من مرتبه وكمان اتعدى
على منطقته ...لا خلاص الطيب احسن
سنوفيكم بالأنباء عاجلا وقت حدوثها باذن الله
كانت معكم مراسلتكم سندريللا .....من اموت منطقة في العمار

ههههههههههههه
والله ردودكم تهلك من الضحك
يا اسلام احنا طبقنا شعارنا من زمان ارجع للصفحة الاولى واقراه
وياريت تنضم لمجموعة المراسلين

اما انتى بقى يا سيندريللا فمن الافضل علشان مفيش حد يزعل هنعمل المرتب حسب الكفاءة وحتى الان يبقى اكفأ واحد حسام وانا طبعا
شدوا حيلكم ووافونا بالاخبار اول باول

والله انا نفسى اعمل تاريخ للعمار بحلوها ومرها وان شاء الله هتبقى من هنا البداية

» استفتاء اخبار العمار؟
» خبر مهم من اخبار العمار الكبري
» مفاجاه خدمة اخبار العمار
» اول اذاعة اسلامية على النت تعمل 24 ساعة
» اجعل اذاعة القران على سطح المكتب بنقاء عالى جدا