يا سلام عليك يا واد يا بطيخة يا مقطع البنات
الجزمــة " بوظ " الخطوبـــة .. الجزمة " بوظ " الخطوبة وحيــاة أمــه لهوريــه
لازم يتربي مــن أول وجديــــد
دي بقــي اليافطة اللي أمي عملتهــا استيكرات في البيت من أول باب العمـــارة لحد الأودة بتاعتي
لدرجة انهــا لذقت الاستيكرات دي في العربية بتاعتي ، بعــد ما فركــشت خطوبتى ع البت خيخة
الوحشة أوى الأسبوع اللي فات
استنوا بس أصـــل انتوا مش فاهمين أمي عاوزة تجوزهانى عشان فلوسهـــــــا أصل أنا فضحي
ومــا بسترش
هههههههههههههههههههههههههههههههههههههههههههههههههه هه
جتلي في يوم وقالتلي يا روح أمك اتبترت علي خيخة طب أنا هخطبلك أوحش منهــا ... رديت هو فيه أوحش من كده ، وفضحتنى علي اللقمــة اللي بتزغطهالي كبدة لا لا لأ سجق لا لا لأ بفتيك
وقالتلي وحياة أبوك من بكرة لتشوف الفوول والطعمية أكتر ما بتشوف أبوك الله يرحمه
والله انت اللى عاوز تاخد بالجذمة علي دماغك بدل البت اللي فهمتك انها بتحبك وطلعت بتحب وسط البلد
دي بت بيئة يا مقصوووووف الرقبة
خلاص بقي يا أما الله انتى هتذلينى ولا ايه لدرجة انى حاسس انك مش أمي
لا أم المصريين يا عنيـــا
ضحكت بعبط وقولتلهــا : نفر فيصــــل الهرم يعنى ألم الأجرة ولا ايه
المهم من غير مــا ألك ولا ليـــه انتو مبقتوش غرباء
في يوم رجعت من الشغـــل بدري وأمي حبساني في البيت قولت أهرب من وشهــــا وأفتح النت
وأشوف الأوف لاين اللي جايلي من المزز
الحــق يتقـــال لقيت 25 مزة ضايفاني
أنــــا قلت : قشطات كمنجات لعبت البلية معاك يا بطيخة بعد أبوك ما مات
يلا يا واد الحق اختـــار لنفسك واحدة بدل ما أمك تكبس علي نفسك بواحدة أنيــل من خيخة
ويقولوا بطيخة اتجوز يععععععع خيخة
اتعرفت علي رودي في حقوق ، وهدهد خدمة اجتماعية ، ولولو تجارة يعنى عاصمة اليهود
المهم
أمي شكت انى بقالي كذا يوم قاعد ع الكمبيوتر وحالي متشقلب قالت : بس الواد ده شكله فيه حاجة وبيشتغلني وحياة أمه لمشبشباله
فضلت الولية مرقدالي لحد ما شافت واحدة كاتبالي : أخبار أمك ايه
لســه هرد ع المزة
لقيـــت ايــــد نازلة علي قفايا لدرجة ان عنيــا نورت وكــأن كهربة الســد العالي فيـا أنــا
وروحت في غيبوبة
ولمــا فوقت دورت علي امى في الأوضة مالقتهاش
قلت : ليكون ده حلم ولا ايه ، خير اللهم اجعله خير
وبعدهــا لقيـــت المزة بتاعت فيصــل قاعده في الهرم ع النت
وكنا بنتكلم عن عيد ميلادهــا وبقولهــا لازم نحتفـــل بعيد ميلادك
وأنــا في دماغي ان أمي نامت بعد القفا
أتاري بنت الناصحـــة كانت طافية النور وواقفة ورا كرسي
وقالتلي : وحياة أمك ما انت نازل وخدتني باللوكامية في وشي ونيمتنى ع الارض وهاتك يا فين يوجعك
وأنا عمال أدعي : الله يخرب بيت مصلحة الحريم الهابلة اللي سابوكى يا أما
منك لله
قالتلي بتبرطم تقول ايه يلا
قلتلها بدعيلك يا أما
يا حتة مارونجلاسيه
وقالتلي الحـــل عشــــان أخلص من همك وقرفك ده
هخطبلك أي حد والسلام
واحدة كده تكون بنت فلوس وأبوها اتحرق في العراق 14 سنة
ولا اتمرمغ في بنزين الكويت 10 سنين كده
قولتلها ياأما الفلوس مش كـــل حاجة يــا أما
المهم الحـــب
والعشرة الطيبة وانها تكون بنت ناس
قالتلي وحياة أمك ما انت متجوز الا واحدة أبوها مغرقهـــا فلوس
وامها محمياها دهـــــب
والوقتــــي
موعدنــــا كالعادة بعد القصـــة اللى مالهاش لازمة مـــع سؤال الحلقـــةيا تري الراجل ممكن يقبـــل جوازة عشــــان الفلوس والمادة وجبروت والده أو والدته
والبنت ممكن تقبـــل جوازة متريشة ومتظبطة بالملي عشان تعيش مستريحة ماديا ولا ايه ظروفكم
نترك الاجابة
أكيد ليكم
أو
...............؟؟؟؟
و
[ندعوك للتسجيل في المنتدى أو التعريف بنفسك لمعاينة هذه الصورة] 
موضوع: يا سلام عليك يا واد يا بطيخة يا مقطع البنات 
الأحد 08 يوليو 2007, 3:56 pm
