انت ليه بتحب مصر؟؟؟؟؟

مصر دي حاجة كبيرة قوي في قلوبنا أكيد

سألت نفسك قبل كده انت ليه بتحب مصر؟

على العموم لو مكنتش سألت نفسك أديني بسألك دلوقتي
انت ليه بتحب مصر؟

ياريت كل واحد يفضفض ويطلع كل اللي جواه ويقول ليه بيحب مصر

cheers

بحب مصر طبعا عشان حاجات كتيرة جدا جدا جدا
كفاية اني بحبها لانها ارضي وارض الشهدا اللي دافعوا عنها
وبعدين كفاية انت فيها........ بقي انت تبقي فيها ومحبهاش

ربنا يخليك ليا يا أحلى وأجدع أخ في الدنيا

أنا بقى بحب مصر علشان فيها اتولدت وكبرت شوية بشوية
ومن خيرها أكلت ومن نيلها شربت
وعلى أرضها جريت ولعبت
وفيها أهلي وأحبابي وأصحابي ومعارفي وجيراني
وذكريات طفولتي وشبابي وحياتي كلها طبعا في مصر
وحاجات كتير عايزة كلام للصبح وبردو مش هقدر أوفي اللي جوايا من حب مصر

عشان حاجات كتيرررررررررررر
زى ما قلت كده

بحبك بحبك يا مصر
مصر
مصر
مصر هى امى
نيلها هو دمى
شمسها فى سمارى
شكلها فى ملامحى

وزى الفيلم بتاع اوعى وشك
اللى عاوز يتصور مع ايد البطل اللى عضه الجندى الاسرائيلى الوقح

زائر

انا بحب مصر علشان مصرام الدنيا

بس بيشارك مصر فى حبى ليها العراق

بس تصدق السؤال محرج انا معرفتش اجاوب سألت ماما

بحب مصر لانى مصريه لان كل حاجه حلوه حصلتلى كانت على ارضها وكل صحابى وقاريبى ساكنين فى حضنها وامى وابويا واخواتى عايشين فى قلبها

ولو طلعنا من مصر ورحنا ارض مش ارضنا هنحس بقيمه مصر هنحس باشتيقنا لهوا مصر ولارض مصر ربنا ميحرمناش من مصر
مهما كنا مش عاجبنا الحال فى مصر ده ميقللش فى حبنا لمصر لان مصر هى الارض ومش من حقها علينا اننا نحاسبها على حاجات هى ملهاش ذنب فيها وكل اللى اقدر اقوله ربنا يخليكى لينا يا مصر يا بلدنا الاصيل يا نبع الحنين

على فكره مصر مش مجرد اغانى زى ما الاخ الفاضل ميدو مشاكل قال ............

المهم انا بحب مصر علشان
1-الانتماء وحب الوطن شعبه من شعب الايمان الرسول الكريم بكى وهو خارج من مكه......
2-انا مصرى اتولدت واتربيت واتعلمت وعيشت هنا فلو انا لا احبها يبقى انا بكره كل القيم الحلوه فى حياتى اللى اتعلمتها من بلدى مصر..................
3- فى ناس كتيييييييييييييييييير اوى بيحسدونا على اننا مصريييييين مش علشان الحضاره او النيل او غيره بس كفايه ان مصر ذكرت فى القران 5 مرات اكتر من اى بلد غيرها...........
4-بالعقل لو انا مش بحب مصر احب ايه قولى والله لا كلام اغانى ولا شعارات انا مصرى بعشق مصر مهما حدث لى فيها دخلت معتقل، انضربت فى مظاهره ،اتعين زميلى قبلى بالرغم من انى اعلى منه فى التقدير، مهما حدث والله بحبك يامصر وهاعيش واموت وانا بحبك يامصر..........
وشكرا على هذا السؤال الرائع؟؟؟؟؟؟؟؟؟؟

ياجماعه هو الموضوع ببساطه لما سالوا الصقر ايه احلي مكان في الدنيا طار لمسافات بعيده مر فيها علي اماكن جميله جدا بسي راح في الاخر لمكان عادي جدا وقال هو ده اجمل مكان في الدنيا قالوله اشمعنا المكان ده بالذات مع انك مريت علي اجمل منه

رد وقال انا اتولدت هنا

برافو عليكم كلكم المصريين اهمه حيوية وعزم وهمه جيل بعد جيل متقدمين

لو ندهت تلاقيني ادمها لو امرت اسبأ احلامها لو تعبت ليله تلاقيني بغزل توب الامن علشنها امي امي امي

الاخ ميشو فى كل رد ليا معقب على كلامى ليه
كل واحد حر فى رده يا اخى الفاضل

كل واحد منكم يسال نفسه ليه بيحب امه اللي ولدته وربته وشالت همه واويته بحنانها ؟

هيعرف ويتاكد ليه انا بحب مصر

سؤال جميل ومحدش سئلهولي قبل كده ومشعارف ارد بجد علشان انا مش مجهز رد بس انا هحاول ارد : أولا علشان انا مصري وإتولدت علي أرضها وعلشان اهلي منها وأصدقائي وكل معارفي اليي مقدرش أستغني عنهم وعلشان دي بلدي اليي مهما لفيت [size=24][color=blue]بردو هرجعلها لأني مقدرش استغني عنها اينعم مش واخد حقي ومتغرب بس مسيري هرجعلها [color:9b15=red:9b15]وذي مقال مصطفي كامل [/size] :/ [size=29] لو لم أولد مصرياُ لوددت ان أولد مصريا[ /size]. وبجد مشعارف اوصفلك أو أقول أو أكتب موضوع تعبير بس بحبها أحبها وأعيش أحبها واموت وأنا بحبها وشكرا لموضوعك الجميل

[img][ندعوك للتسجيل في المنتدى أو التعريف بنفسك لمعاينة هذه الصورة][/img]عارفه احلى حاجه فيك ايه بتحلى اى شىء عنيكى تجى فيه قمر ده ايه اللى تتساوى بيه

ده اقل كلام اقوله واحلا كلام فى الهوا قولنها سلام ياحبى

والله يااسلام موضوع كويس بس للوطنين بس يعني الناس اللي عايشة يومها وخنوقة اصلا ممكن تسالهم تقولهم انتم ليه مخنوقين من مصر ونفسكم تولعو فيها

كفاية انى اتولدت فيها وكمان اتربيت فيها

ايه ياعم انت مشربتش من نيلها

علشان دى بلدى أم الدنيا
جرب تقعد بره العمار أسبوع
وساعته هتعرف قيمة مصر لو خرجت براه

بسم الله الرحمن الرحيم

يا جماعة لما قرأت الردود دي ما كنتش متخيل انها هاتبقى كدة
كنت متخيل ان الناس هاتقول علشان
المواصلات اللى بنتعب فيها كل يوم الصبح
علشان العيش اللي بالخناق
علشان التعليم على شان المرتبات
علشان .......علشان......علشان.......
لكن الحمد لله أخر واحد كتب رد ( زيكو )قال اللى انا حاسس بيه دلوقتى

يااااااه الموضوع دا قديم أوووى

بحب مصر علشان هى مصر .

مصر هي أمي

نيلها هو دمي
شمسها في سماري
شكلها في ملامحي
حتى لوني قمحي لون خيرك يا مصر

متلاقيش مثالها ست كل عصر
ضلة جنب نيلها تسوى ألف قصر
و لاّ وردة بلدي فيها عطر مصر
و لاّ جو مصر
و لاّ سحر مصر

صحيح كلام شعارات وأغاني بس جميل وفيه كتير من أحاسيسنا

مين قالك انى بحب مصر

ان كل مشوف شباب زى الورد حاصلين على احلى كليات وقعدين على القهوة

مش لاقين شغل ولا لما بشوف الموضفين خصوصا ان انا موضف

راتبهم ضئيل وميكفيش

وغيرهم عايش ولا همة

قولوى اية اللى شايفينة حلو فى مصر

مش معنى ان الحكومة وحشة

تبقى بلدنا وحشة
احنا بنتكلم عن مصر بلدنا
مش مصر الحكومة اللي مبهدلة شعبها

هههههههههههههههههه

ماشى يأخ اسلام

بس ممكن سؤال

اية اللى انت شايفة حلو فى مصر

ارجو الاجابة

شايف وطن

لازم هحن ليه لو بعدت عنه
شايف أهل وأصاحب و جيران وأحباب
شايف بيت وأرض وهوا وزرع
شايف ذكريات جميلة و طفولة عشتها
شايف حاجات كتير قوي لو قعدت للصبح مش هطلع بردو اللي في نفسي واللي حاسس بيه

» انت بتحب أو بتكره إيه
» انت بتحب ربنا...؟؟؟
» ازاى تعرف انك بتحب
» انت بتحب ربنا؟؟
» بتحب ربنا ليه ؟؟؟