نشره عن العمار

1_حدثت ضجه كبيره فى العمار حول بيع الاراضى وارتفعت اسعارها بدرجه مبالغ فيها مما ادى ذلك الى جشع المواطن العماراوى ورغبته فى البيع باعلى الاسعار وكان ذلك له تاثير على المواطن متوسط الحال الذى لم يصبح لديه ادنى فرصه فى الشراء وذلك للغلاء


2_ كلنا نعرف عن موضوع المجارى ولكنه اخذ طريقه فى النجاح فالامر لم ينتهى وكل فتره ياتى العمال لزرع مواسير جديده وكان ذلك له تاثير فى نقل الموقف ونتمنى ان يلقى النجاح


3_بالنسبه لازمه الشبكات فقد نجحت شبكه فودافون فى السيطره على الوضع واستطاع كل فرد عماراوى ان يطلب ويستقبل مكالماته ولكن مأساه شبكه موبينيل مازالت قائمه ويأمل البعض بتغير وزرع شبكه موبينيل ولكن موت يا حمار
ويلا يا عماروين غيروا لفودافون احسنلكم بدل البهدله

من عنيا يا فجر

مش هغير رقمى عمرى هو ايه سهل كده موبينيل اتحسنت شويه لان فى شبكه تقويه اتعملت فى بنها

ياريت ياجماعة مش نجيب في سيرة الناس لان البلد مليانة جشع من غير الراجل دة ما ييجى


وبشرة خاصة ليكى روز

كتب لكى عند الله أنكى أغتبتى هذا الرجل وممكن تصلحى ال أنتى عملتية دة بطريقتين

1- أنك توقفى في المكان ال أنتى اغتبتية فية وتجمعى ما كان موجودا من بشر وحيوانات وكل شى ذكرتى الغيبة أمامة

2- أنك تروحى لهذا الرجل وتقوليلة على ما حدث ولازم يسمحك

أستغفرى الله ليغفر لكى حق الله

وسيكون هناك حق هذا الرجل لابد أن يسامحكى وألا أقصى حقة منك يوم القيامة (( يوم لا ينفع مالا ولا بنون إلا من أتى الله بقلب سليم))

اولا يا استاذ دى مش غيبه لان الغيبه انك تتكلم على حد من وراه بحاجه تسيئه واعتقد ان الكلام على العام لاى حد حتى هو لو شافه

انا اسفه يا جماعه

انا شايف ان الموضوع فعلا دخل في غيبة ونميمة لاني مش ذنب الراجل انه بيشتري ارض
وبعدين مابيعملشي حجه غلط
احنا دايما بنحب ننتقد من اجل الانتقاد

على العموم حصل خير وبعدين انتو بتقولوا ان مش ذنبه انه معاه فلوس وهو حر عموما انا مجبتش سيره النقطه دى انا بتكلم عن سبب رفع سعر الارض وقلت ايه السبب

ثانيا بتقول سعر الارض بقى زيه زى مصر وانت بقى هتجيب سعر ارض فى ريف زى سعرها فى مصر فى مدينه

على العموم ده كان موضوع من ضمن الموضوعات وانتو تحاملتوا عليا
بس انا شايفه ان انتو بتتكلموا بمثاليه كويس انكم مثالين للدرجه دى ومبتتكلموش عن اى خبر فى البلد

لاء روز أنا مش بتحامل على حد أنا بوضحلك ال حصل علشان تعرفى الخطأ وكلنا بنخلط تعالى نشوف تعريف الغيبة ال أنتى وضعاة

انك تتكلم على حد من وراه (( الراجل مش موجود يبقى وراة ))


بحاجه تسيئه (( كلمة معيز -- وجعلة هو سبب الجشع ))

ياجماعة محدش يزعل احنا هنا بنتناقش ولازم نتعلم من هذا التناقش ومفيش حد مثالى ( الكمال لله واحدة )

موضوع رائع ...... ولكن لو سمحتو بدون  كر اسماء....و ياريت تكون الخبار منوعه ..
مشكوووووووورين...............

تعديل بسيط...
موضوع رائع ...... ولكن لو سمحتو بدون  عرض اسماء....و ياريت تكون الأخبار منوعه ..
مشكوووووووورين...............

حاضر انا بعد كده مش هكتب بذكر اسماء

واسفه بس مكنش قصدى لان كلمه ابو معيز دى الكل بيقولها هنا فى البلد وهو معروف بيها

على العموم حصل خير يا جماعه

شكرا ليكوا يا جماعه

بصراحة ياروز الموضوع حلو

أما عن أرتفاع الأسعار فبحب أقولك أن أرتفاع الأسعار مش هنا بس ( أبسلوتلى ) دة في ميدان عبدين والشرابية

هو أنتو فتحتوا المنتدى الساعة كام النهاردة

سلاس

هاى روز الموضوع بتاعك جامد سيبك من اى حد ارجو منك نشر الاخبار اول بأول لانى بحب اعرف كل حاجة عن البلد

ربنا معاكى رووووووووووووووووووووووز

شكرا ياروز على هذه الاخبالر الغالية


لكن فيه حاجة أنا بقول للفقير اللى مش قادر على ثمن شراء



الاراضى ا يدخلون الجنة لفقراء

الأخت روز يبدو أن قلمك متعقل ولديه الاستعداد لطرح الموضوعات التي تحتاج منا الدراسة وتبادل الرأي بشكل صحيح ومفيد، فموضوع ارتفاع أسعار الأراضي في العمار وكذا كل عمار ليس إلا من فعل المجتمع الذي فقد رشده وسعى بشكل مخيف نحو التقليد وفقط دون النظر لإمكاناتي الشخصية وهذا سبب تأخر كل البسطاء .. لي صديق يقول لي »الناس عاملة زي الغنم .. تستني أو بدرية تنزل البرسيم .. والكل ينزل وراها بدون تفكير« مع الاعتذار في التشبيه، الأرض عرض وطلب وبما أن كل من سافر وأنعم الله عليه بالمال وليس لديه مشاريع يستطيع استثمار تحويشة العمر بها لجأ إلي شراء الأرض فتسارع عدد محدود من أصحاب رؤوس الأموال وعرضوا أرقاماً خرافية .. وارتفعت الأسعار إلى أرقام أخشى على قلبي الضعيف من ذكرها، لأن الطلب أكثر من العرض بأضعاف والفقير يزداد فقراً والغني يجن من الغنى .. فأصبحنا كمن يلعب القمار .. المقامر والمقامر والمتقامر عليه كلهم على ترابيزة واحدة أي نحن نشتري ونبيع لبعضنا البعض .. وجزء مهم أيضاً من المشكلة هو البناء في الأراضي الزراعية الذي تجاهلته الدولة بعض الوقت، فزرعت الإرض بالطوب الأبيض المتوسط دون احتياج لكل المساحات المبنية ولكن استثمار وإشعال النار في أسعار الأرض الزراعية وتحويلها إلى أرض مباني .. والله المستعان.
أتمنى أن نستغل هذه المساحة من الحوار لنصل إلى حلول لمشاكلنا المتوارثة وهي كثيرة لننقذ أهلينا من الأحمال والأعباء المعيشية التي أتعبت عاتقهم وأجهدتهم. والله من وراء القصد وهو المستعان
أحييكي من كل قلبي وإلى الأمام بنفس الاتزان في الطرح والموضوعية وجودة المفردات واللغة.
صباح الفل

شكرا جدا على الكلام ده فى حقى وانا سعيده بجد برائيك فى الموضوع