محتار بجد ومش عارف اعمل اية

سؤال محتاج اجابة منكم

هو ممكن حد يكون بيحب اتنين فجاءة يشوف ان واحده فيهم هى الافضل وهى المستقبل تحصل مكالمة من التانية تغير اللى فى دماغة بس الاهم انا مش عارف اعمل اية بس انا حاسس انى غلطان فى اللى بعملة يعنى من ناحية انى مش عارف اخد قرار وانى بضيع وقتهم واكيد الكلام دا يجرح اى بنت فانا خايف اجرح اى حد منهم

مفيش حد بيحب اتنين في وقت واحد ازاي يعني؟؟؟؟؟؟؟؟؟؟

بص هو انت ممكن تكون بتحب الاولي والتانية انت مش حبتها انت ممكن تكون لما الاولي سابتك

فالتانية اخدت مكانها بدليل ان الاولي اول ما كلمتك انت احترت وما بأتشي عارف تعمل اية

انت لو بتحب التانية ماكنتش احترت انت كدة تبقي بتحب الاولي مش التانية وانت ادري بنفسك طبعاااااااااا

بصراحة ممكن الواحد يحب اتنين او يتهيأله انو بيحبهم

لو بتحبهم بجد حاول تختار اللى بتحبها اكتر وهى كمان تكون يتحبك

وربنا يسترك ويهدينا جميعا

طيب دلوقتى اولا شكراا ليكم ثانيا انتم اتكلمتم من نحيتى انا طيب وحده منهم اقدر اقولها انا هسيبك ازاى من غير اى سبب او داعى ياريت حد يشوف حل

وياريت تراعو اللى مخلينى متمسك باتانية انها قربتى وبحن للاولى بمجرد انى اشوفها او اسمع صوتها

بالظبط كده
انته كل واحده فيها صفه بتشدك ليها
والصفه دى متكنش فى التانيه بس تكون فيه صفه برده بتشدك ليها مش فى الاولى
يعنى ده اعجاب مش حب

طيب ممكن يكون كلامكم صح بس مش مقتنع بية لان صعب انك تفرط فى انسان حبك بسهولة كداا وبدون سابق انذار

فكرتني بأغنيه محتار اختار من فيهم (خالد علي )بص انت اختار اكتر واحده قلبك بيحبها وبيميل لها وبتستريح ها اكتر اكيد في واحده اكتر من التانيه

اقولك انت مشكلتك مش مشكله الاختيار انت اكيد مختار واحده بس خايف تواجه التانيه بس

اقولك واجها احسن دلوقتي قبل ما تحبك قووي وسعتها عمرها ما هتغفرلك اللي هتقولهولها


ربنا يوفقك ومتحترش (وترسي علي بر )

22222222222 انت مفتري بجد
انا اسف مشش بهزر بس
انا شايف ان ده لايتعدي الاعجاب مش حب
اللي بيحب حد بيشوفه احسن واحد في الدنيا ومبيشوف حد غيره

بص بقي يا بن الناس الحب مش لعبه انت كده بتلعب بالاثنين وده حرام عليك انت محبتش ولا واحده فيهم بدليل انك محتار بينهم وبعدين القلب يحب مره ميحبش مرتين وانت بكرة تلاقي اللي تحبك وانت تحبها بجد وتلاقي مشاعركوا واحده ومتبادله وسبك من لعب العيال اللي انت بتعمله ده لأنى ده اسمه تسالي ولعب بمشاعر الأخرين وقلوب الناس مش لعبه في ايدك واللي انت بتعمله في غيرك ممكن بعد الشر يطلع عليك وده انت متحبوش ولا ليك ولا لغيرك صح

بص ان قرات ردود اخوات بس انا عندى راى مختلف شويه

اولا انك بتحب واحدة منهم وواحدة معجب بيها انا معرفتش احدد مين عشان انت مكتبتش التفاصيل كلها
بس المشكله مش فى كدة المشكله انك هتختار اللى انت معجب بيها مش اللى بتحبها لانك اللى معجب بيها لقيت فيها ميزة او صفه او شى اللى انت بتحبها مش بتدهولك يعنى مفتقدة فى اللى انت بتحبها وانت مش هتحس بكدة غير لما تقرب من اللى انت معجب بيها حتحس انك غلط واتسرعت فى الاختيار ومن حسن حظى ان قرايت المشكله متاخر يعنى زمانك دلوقتى اخترت



انا واحدة بسالها اخوكى انتم مش بتجوزوة ليه قالتلى
حكايه زى دى كان اخوها بيحب بنت عمته اوى اوى بس المشكله انه محدش منهم كان بيقول لتانى كل واحد منهم بيحب فى صمت لمدة كبيرة بس شاء القدر انه يتعرف ببنت تانيه كلمه وكان بيتعامل معاها على طول بحكم الشغل المصيبه ان اللى معاة فى الشغل قعدت كلمته وبقت تجر رجله لحد لما اعجب بيها لانها كانت بتعطى له اللى كان مفتقدة فى بنت عمته
وبعدين ساب بنت عمته فترة وجاء القدر والنصيب وبنت عمته جالها عريس واتخطبت مش عايزة اقولكم انه يوم فحها جته حله نفسيه وقطع علاقته بالتانيه لانه عرف الى كان مفتقدة ملوش لازمه ودلوقتى لحد دلوتى مجوزش وهى عندها 3 عيال


بس ياخوفى يحصلك كدة انا حبيت اكتب الحكايه عشان انبهك وربنا يسامحنى على اللى انا خرجته من سر اخو صحبتى بس انا عارفه انها معندهاش كمبيوتر ومش بتدخل على المنتدى ومش هتقرا الحكايه وربنا يسامحنى


وللله معالك وتحسن اختيارك

بص أسمحلى أقولك إنك مش بتحب حد عارف ليه لأن اللى بيحب بيحب واحده مش إتنين فى وقت واحد أنت كده بتغالط نفسك وبظلمهم هما الأتنين معاك والمقارنه بين إتنين متبقاش حب لحد فيهم مقدرش أقولك غير كلمتين بس حكم ضميرك ما بينهم وشوف أنت عايز أيه

أكيد مش بتحب حد فيهم واللى بيشدك ليهم حبهم أو اعجابهم ليكوحيرتك دى لازم تبترها بموقف يوضح للاتنين انك مش بتحبهم بطريقة ماتجرحهمش عشان ماتظلمهمش بصمتك ماتعلقهمش فى احبال الهوى الدايبة الحاجات دى سلف ودين على مر الزمان وربنا يهديك للصالح ويوفقك