انا فى ورطة عويصة ..

انا فتاة ملتزمة جدا والحمد لله بس مشكلتى هى الناس انا جميلة بشهادة زمايلى واتقدملى 13 شاب علشان يخطبونى وفعلا بيخطبونى لكن بسرعة بيتفسخ خطوبتى والسبب هو ان واحد مجهول بيبعتلهم رسايل وبيكلمهم بالتليفون وبيقولهم عليا كلام مش كويس رغم انى ملتزمة جدا وبعرف ربنا على قدر استطاعتى وكمان كل اللى بيخطبنى بيقول انه عارف ان اخلاقى كويسة وبرغم كده بيسيبنى وحجته انه بيقول مش عاوز يبقى ام عياله عليها كلام

بجد انا فى منتهى الحزن وبصراحة حاولت انى اموت نفسى اكتر من مرة وبابا دخل المستشفى بسبب حزنه عليا واخويا اعصابه بتروح منه بسبب الكلام اللى بيطلع عليا وامى منهارة جدا وانا مبنمش من كتر الدموع كل يوم

ارجوكم الحقونى

الله اما ارحمنا جميعا
لالالالالا........!!!
والف لا كمان ايه تموتى نفسك دا دا كفربالله
وحاولى تشيلى الفكرة دى من دماغك خالص كمان
وبعدين رافة بالوالد والوالدة واخوكى رافة
وبعدين ان يتقدملك 13 شاب دا كتيييير جداااااا
لـــــــــــــية...!!
المفروض ان الشخص اللى تلاقية مناسب ليكى هو بس اللى توافقى علية وتثقى فية
ودا مش كويس اصلا
وكان الله فى العون
(وعسى ان تكرهو شيئا وهو خيرا لكم)

يا جماعة بجد انا بكتب ودموعة نازلة من عنيا

انا بجد حاسة انى فى مآساة
عارفين انا كل اللى بيتقدملى بيبقوا مناسبين ليا جدا يعنى كلهم على خلق ومتدينيين بجد لكن لما بيسمعوا الكلام ده بيبعدوا عنى على طول
انا نفسى اعرف مين الشخص اللى بيقولهم الكلام ده ربنا ينتقم منه يا رب
دمر حياتى وبقى لونها لون واحد بس لون اسود اللهم لا اعتراض
انا بجد لولا رحمة ربنا كنت يأست انا بدعى ربنا ليل نهار انه يفك عنى وانا خلاص كرهت الجواز
انا كل اللى بطلبه من ربنا انه يشفى بابا واخويا يرجع زى الاول وادعولى يا جماعة

هو جزائة عند الله دا انسان معندوش ضمير ميستهلش يتقال علية انسان اللهم اجعل اعماله خلفا له فى الدنيا

واكيد هيجى اليوم اللى تلاقى فية ابن الحلال وكلنا نحضر فرحك باذن الله ومتعيطيش علشان خاطرنا

ادعولى يا جماعة انا بمر باصعب لحظات حياتى وبجد كلامك ياحنين حنين قوى وانتى شكلك جميلة ورقيقة ادعولى من قلبكم وشكر للجميع

يااااااااااااااااااااااااااه بقالى كتير قوى معرفتش طعم الضحك انتم اخوات بجد انا بحبكم بجد
انا كنت نسيت طعم الضحك بجد
عارفين فى واحدة صحبتى كانت بتقولى انها لما بتشوفنى وانا زعلانة بتحس ان كل الدنيا كئيبة ولما بضحك بتحس ان الدنيا كلها بهجة يارب يارب فرج همى وكربى يا رب
انا بجد بابكى دلوقتى علشان كسبت اخوات جمال زيكم كده ويارب اخويا هو كمان يرجع زى الاول يارب

بصى مفيش حاجة تستاهل دموعك

[ندعوك للتسجيل في المنتدى أو التعريف بنفسك لمعاينة هذه الصورة]

ياماما دى مش مشكلتك دى مشكلتهم انا لما ارتبط بواحده
بسال عنها ناس موثوق فيهم ناس يشهد لهم بالاخلاق
مش مجرد واحد مجههول حاقد عليا او عليكى يبعتلى رساله عالموبايل ويقولى البنت دى وحشه
اقوله اه والله ده انت كلامك مظبوط ده عبط ده
اللى يقولى كده واخد كلامه يبقى لازم اكون عارفه واكون واثق من اخلاقه هو ومشهود له بالحق مش مجرد انسان موتور فى نفسه ضغينه
كل اللى اتقدملك وسابك عشان كده كلهم عيال سيس وامليت وماسخين كمان
ايه التفاهة دى

لو هما متدينين فعلا مش شكلا والدين المعامله بقولهم
بسم الله الرحمن الرحيم..

قال
الله تعالى((يَا أَيُّهَا الَّذِينَ آمَنُوا إِن جَاءكُمْ فَاسِقٌ
بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا
عَلَى مَا فَعَلْتُمْ نَادِمِينَ ))

واوعى تفكرى فى الموضوع بطريقه سلبيه وانتحار وكلام فاضى
اصبرى وصابرى واربطى ورابطى
ولعله خير وربنا عايزلك الاحسن
واعلمى
عن أبى يحيى صهيب بن سنان رضى الله عنه قال : قال رسول الله صلى الله عليه وسلم

" عجبا لأمر المؤمن إن أمره كله خير, وليس ذلك لأحد إلا للمؤمن :إن
أصابته سراء شكر فكان خيراً له, وإن أصابته ضراء صبر فكان خيراً له "
رواه مسلم

ان شاء الله كلامك ريحنى كتييييير وزاح عنى هم ما يتلم

السلام عليكم

بصى هما قالوا كل اللى ممكن يتقال


انا دلوقتى هقولك حاجه وحده حاولى تقربى من ربنا واندمجى مع اصحابك هينسوكى

واحنا هنا كلنا حبناكى اوى وتحت امرك فى اى وقت

'طيب الحمد لله ان انتى بخير
صدقينى الاصدقاء الاحباب كل واحد بيواسى بكلام
وعن تجربه مريت بيها الكل يواسينى ويقف جمبى بس ف الاخر بيسبونى ونفضل انا وهمى لوحدنا برده الناس تنسانا
واعيش محدش حاسس بيه
بس فى واحد اللى مينسنيش
وهو ربى صدقينى اتجهى لربك واصدقى النيه
حاولى بس كده بهدوء مع ربنا وهو الوحيد اللى مش هينساكى
بجد كلنا ندعيلك من قلبنا
ربنا معاكى

يلاااا يمشكلتى ومضيعيش الوقت وابدئى بمراسلة البنات الجدعان دول وهما

ان شاء الله يقفوا جنبك ويخففوا عنك ويسعدوكى واحنا كلنا اخواتك وبندعيلك

ربنا يخفف عنك ويكرمك باللى يصونك ويحافظ عليكى انه ولى ذلك والقادر عليه

انا بامانة مش لاقي كلام اقوله بعد اللي اخواتي قالوه
بس صدقيني لازم تكوني مؤمنة ان نصيبيك ده لسه ماجاش لحد دلوقتي يعني مش من بين ال13 الو لو 100 ممكن يكون هو ال101 ده واحد مكتوب من بداية الخلق
اكيد هايجي اللي هايكون مقدريك وشاريكي ولو الدنيا كلها اتكلمت عنك كلام مش كويس هو عمره ماهايصدق الكلام الفارغ ده
قل لن يصيبنا الا ما كتب الله لنا هو مولانا وعلى الله فليتوكل المؤمنون "

ويارب تكون حياتيك مليانه حب وسعاده وفرح بدل الحزن ده

بصراحة انتى بتضخمى المشكلة جداااااا وعلى فكرة الانسان لما بيبقا مرتاح البال بينسا كل حاجة
فراحة بالك تنقسم الى ثلاث اقسام
الاول/انسان حابب يكره اى انسان عايز يرتبط بيكى
ثانيا/فى مشكلة عائلية لكل من ولدك وولدتك واخواتك
ثالثا/انتى عايزة تموتى نفسك او بمعنى ادق تنتحرى

اولا الانسان اذا كان انسان فى حد ذاتة او ممكن نقول عليه شبه انسان على فكرة دا قريب منك جداااااا وانتى عارفه جدااااااا بس مش ممكن تكونى شكيتى فيه اذاى يعرف انك اتخطبتى 10 مرات وزاى مانتى بتقول بتتفسخ احنا ريف وعلى فكرة احنا اتقدمنا كويس جدا وبما اننا قرية فالطبيعى اذاى يبقا عارف اى عريس يتقدملك وعايزيفشكل الارتباط وعلى فكرة انى انا اسف فى اللفظ الكام انسان اللى حاولتى ترتبطى فيهم معقول ميكونشى واثق فيكى ثقة عمياء انتى كنتى هتبقا شريكة حياتة وبكدا تعرفى وتتاكدى انى ربنا بيحبك ولسة مقدرش اختيار الزوج المناسب

ثانيا/انتى بتقولى ولدى مر باذمة صحية بسببى لالا دا مش بسببك دا ابتلاء من ربنا ممكن يكون حابب يبتلى الشخص دا بحاجة احنا منعرفهاش ونزعل جدااااااا وابتلاء ربنا يكون اصغر واضعف المسببات اما بالنسبة لولدتك الام المعرف دايما انها امينة سر ابنتها البنت استحالة تنكر او تخفى حاجة عن ولدتها فا المشكلة اللى بتعانى فيها ولدتك دا جزء من مشكلتك اما بالنسبة لاخوكى احنا كلنا هنا اخواتك بجد وبصراحة اكتر الله يكون فى عون اخوكى بجد هو بيعانى من المشكلة بجد اكتر منك وهو حاسس بايعدها كويس جدا وعلى الشق التانى لالانسان اللى عايز يدمر مستقبلك برجح انه ممكن يكون انسان حاب يتقرب منك وانتى بعدتى بطريقة مش كويس جارك مثلا زميلك فى المدرسة فى الكلية فى العمل فى الشارع المهم انك ممكن تكونى ضايقتى انسان كان بيحبك جداااااااا وبدلا من هذا الحب اصبح تدمير لكل حاجة جميلة انتى بتفكرى فيها
وبصراحة كدا (الا بذكر الله تطمئن القلوب)انا عارف انى الاخوة الاعضاء قالو الكلام دا بس بصراحة متناهية صلاة( صلاة استخارة) وبجد تتطلبى رضا ربنا عليكى وبالتفكير الصح هاتوصلى لو لجزء من المشكلة وربنا يهديكى الى سواء السبيل وتكونى علاقة مع انسان بجد يستهلك