يانهار تعالو اتفرجوا على فضايح الاعضاء والمشرفين-الجزء الثان

زائر

hi youth and daughters elamar

معانا ابطال القصه فى الجزء ده ( توتى ،سيكا، ميزو، rich man، عادل امام، ahmed ). وخليك معانا
قهوة " شباب العمار " لصاحبها ahmedوابنه عادل امام كان نقطة التقائهم الدائم هي قهوة" شباب العمار"....
أطلق ahmed هذا الأسم علي القهوة التي ورثها عن أجداده للانه متعلق جدا بشباب العمار .. و من يعرف كيف سيسميها عادل امام أبن ahmedعندما يأتي دوره.....
كانوا دوما يلتقون عندahmedحيث يشربوا دائمآ .. واحد قهوة .. واحد سحلب و 2 شاي ... يلعب الدومينو.. و يشربوا الشيشة…دائمآ علي النوتة...
كنوا يتلاقون دائمآ في تلك القهوة يتحسروا علي حالهم.. و يبحثوا عن
وسائل لمواجهة نفقات البيت و العيال.. حتي اتي يوم و فجر ميزو فكرة العصابة في خلايا عقولهم….
تعالوا ندخل فى الحوار الظريف ده:
- ميزو: بالذمة ديه عيشة اللي احنا عايشينها دي...حاجة تقرف..
- توتى: اصطبحنا و صباح الملك لله.. مالك يا سيدنا.. مقريف ليه عالصبح...
- ميزو : يعني و الا فلحنا في الدراسة... القصص بتاعتي مرمية في كل حتة ماحدش بيشتريها.. السجاير بقيت استلفها... المشاريب دايمآ عالنوتة.. و لولا أن ahmed واد جدع و صاحبنا من زمان.. ماكناش حتي حنلاقي حتة نتقابل فيها...
ما ترص حجر عليه القيمة ياد يا عادل.. انت بتخنصر في المعسل ليه اليومين دول ...
- عادل : انت كمان حتتأمر.... ما تتدفعوا اللي عليكم الأول...
- سيكا : طالع لأبوك صحيح .. طب شيل الشيشة من قدامي . و ديني ما انا طافحها....
- ahmed : ما تهدي امال ياسيكا... انت دايما كده بتتزربن اوام... الواد صغير و لسه ما يفهمش في الأصول.. اجري ياد يا عادل نزل دور شاي لحبايبنا هنا...
- سيكا : تكرم يا حج ahmed .. اصيل طول عمرك .. بس انت عارف يعني الواحد حساس في موضوع الفلوس دي.. و بعدين لما ييجي عيل صغير و يعايرك.. مش حلوة يعني...
- rich man : ما تخلص بقي يا سي سيكا.. انت حتعمللي فيها فيلم درامي و الا ايه... طول عمرك جدع ياahmedبكره تفوت عليا في المحل اخدلك راسك و دقنك علي حسابي...
- ميزو : محل ؟؟.. محل ايه يا اسطي.. انت حتهجص و الا ايه.. مش اتشمع بالشمع الأحمر الأسبوع اللي فات لما طيرت ودن الجدع و انت بتحلقله دقنه...
- rich man: و النبي نقطني بسكاتك.... لازم تفكرني.. ده ايه النحس اللي ماسكنا ده يا جدعان... ما تلعب يا سيكا... دورك..
- سيكا : العب ايه .. ما هي اتقفلت اهيه زي الدومينو...
- توتى :يا نهار أسود... زي الدومينو ؟؟... هو احنا كنا بنلعب شطرنج...ما حنا بنتنيل نلعب دومينو من ايام الفراعنه...
- سيكا : و النبي ياتوتى سيبني في حالي....
فترة صمت طويلة... سرح كل واحد منهم في خياله.. بين صوت الكركرة.. و دخان الشيشة... و طال الصمت.. و اخيرآ تكلم ميزو بنبرة جادة... و هذا كان نذير خطر دائمآ ...
- ميزو : شوفوا يا جماعة ... خلينا واقعيين... كده مش حنعرف نكمل ابدآ... جربناها دايمآ في الحلال.. و مشينا جنب الحيطة.. بس ما نفعش... احنا اربعة مش كده... ايه رأيكم نعمل عصابة...(قالها بصوت واطي )
توتى بخ الشاي اللي يشربه فا جيه الرذاذ في وجه rich man اللي انتفض من مكانه ناظرآ بهلع الي ميزو.. بينما مسكت سيكا نوبة سعال كادت تخنقه و عندما تمالك نفسه مرة اخري .. قال :
- الله يخرب بيتك يا ميزو.. علي آخر الزمن عايزنا نبقي ارباب سوابق و حرامية...
- ميزو : وحياة الفيش و التشبيه.. انتوا نسيتوا الزنزانة ايام الكلية..
لا شعوريا مد توتى وrich man ايديهم يتحسسوا علي قفاهم..
- rich man : اتكلم عن نفسك يا اخويا.. انا كنت بشرب سجاير ساعة ما اتمسكتم .. انا صفيحة الحالة الجنائية بتاعتي ابيض من مسحوق ايريال نفسه...
- ميزو : صفيحة... هو سمن... اسمها صحيفة يا خريج أوكسفورد.. لو عندك طريقة تانية ناكل بيها عيش.. قولي عليها يا فصيح... عالعموم انا نويت و خلاص... اربعة.. تلاتة .. اتنين.. انشالله لوحدي حعملها...
- توتى:حلمك بس يا ميزو .. انت بتتكلم بقلب جامد كده عشان بطولك.. بس احنا التلاتة متجوزين و عندنا عيال.. و لازم نفكر فيهم في الأول يعني...ما تقول حاجة يا سي زفت (ناظرآ الي rich man الذي كان مستغرقآ في تفكير عميق )
- rich man : اهو عشان خاطر اني متجوز و عندي عيل.. انا موافق ميزو ... ما هي لا طابت يا اتنيلت عملنا كل المشاريع و فشلت... مشينا في السليم و اتمسكنا و اتلبينا علي قفانا و اتمرمط بكرامتنا بالأرض... انا بقي موافق بالثُلُث...
لحظة سكوت طويلة ...
- سيكا : انا عارف ان اجلنا هيكون علي يدك ان شاءلله يا ميزو... ماشي و انا معاكم ياكش تولع ...
- توتى : يعني انا اللي مش حوافق... ماشي .. الله يخرب بيوتكم كلكم.. صحبة مهببة... كان دايمآ الناظر بتاع المدرسه بيقوللي نهايتك سودة يا توتى ... كدا فرحان يا عم ميزو ( ناظرآ الي السماء ) .. انا موافق بس علي شرط... مافيش حد حيتأذي.. و لا حتي نقطة دم... مافيش واحد غلبان حنسرقه و لا ...
- rich man : خلاااااااااااااااص يا حبيبي.. انت حتعمللي فيها عماد حمدي.... معلوم اننا لو عملنا اي عملية حتكون نضيفة مية مية و مافيهاش أذية لأي حد..
- سيكا : انا نفسي اول ما نعمل عملية .. نتمسك علي طول.. اديني اخدللي اجازة من البيت شوية...
- ميزو: بدايتها كفر ياسيكا ... خلونا في الجد... اول عملية انا بلفها في دماغي ا من فترة... فتحوا دماغيتكم و نضفولي ودانكم و اسمعوني كويس...
و اقتربت أربعة رؤوس في منتصف المائدة .. و ساد صمت خفيف اعقبه صوت ميزو......
البقية الحلقة القادمة.....

في الحلقة القادمة ان شاء الله أحاول اكملكم القصه عن
سرقة البنك اوكي

ههههههههههههههههههههه يخربيت عقللك ياميزو

بجد والله موضوع جامد جدا وضحكنى اوى اوى وريتش مان ابدع فى دوره اوى

دمه خفيف فى القصه الجميلة دى مستينة الجزء التانى بجد يسلم ايدك الموضوع دا حلو اوى كبر مساحة دور ريتش مان اوى لانة عسل اوى فى دور الحلاق هههههههههه

لا حلوة والله بجد

هههههههههههههههههههه

كملها يا ميزو برافوا عليك روعة

ههههههههه ايه يجماعة محدش بيشكر فى دورى ليه

اى نعم مساحته صغيرة شوية بس دور محورى بردو ههههههههههههه

يارب اخد اوسكار يارب

تسلم يميزو

زائر

هههههههه ياروش

هههههههههه

زائر

هههههههههههههههههههههههههههه
بس كده صاحبى هيزعل مطلعه حلاق يااراجل

دخلنى معاهم فى الجزء التانى (طلال )

تسلم ياميزو

والله برافو عليك

مع ان دورى ........!!!

بس ماشى الكلام المهم الابداع

والنا س عجباهم اوووووى دور الحلاق

بس لو بيحلقو هايعرفو قيمة الحلاق دا

ههههههههههههههههههههههههههه

منتظرينك

هههههههههههة جامدة جدا واللة

والله براوا عليك ياميزو

ههههههههههههههههه

بجد موضوع جميل كمل احنا في انتظارك

وميرسي ليكي

موضوع جاااااااااااااامد ياميزو ههههههههههه الله ينور

هههههههههه
جميل جداااااااا والله

هههههههههههههههههههههههههه

فين الجزء الثالث

مشكوووووووووووووووووووووووووووور

والله موضوع حلو جدا . ودور ميزو جاااااااااااااامدههههههههههههههههههههههههه

زائر

ههههههههههههههههههه

مستنى الجزء الثالث

شكرا جدا جدا جدا لكل الى ردوا ها عاوزين الجزء التالت لالالا :ارلا=*:

زائر

ههههههههههههههههه
حلوه يا ميزو

» تعالو اتفرجوا على فضايح الاعضاء والمشرفين- الجزء الاول
» هام لجميع الاعضاء والمشرفين بالمنتدى أدخل وشوف الشباب (فى النت)
» فضايح الفنانين في أيام الدراسه
» فضايح البنات اول ما عرفوا الكمبيوتر
» اتفرجوا علي ردود فعل الجزائرين وتفكيرهم !!!!!!!!!!!!!!!