لو لم أكن مصريا ماذا تود أن تكون؟؟؟

تذكير بمساهمة فاتح الموضوع :

لو لم لأكن مصريا ماذا تود ان تكون ؟؟؟..........

لو لم أكن مصريا لوددت ان اكون مصريا ...جملة قالها مصطفى كامل منذ قرابة المائة عام قالها فى وقت كان الإستعمار يحكم البلد وكانت ظروف الحياة مظلمة فأنت ملك الإستعمار كل ثرواتك وخير أرضك يحول للخارج لا يمكن لك أن ترتقى لا يحق لك أن تقول رأيك فى أى شىء حتى فى نفسك فأن الإستعمار محيط بك رئيسك فى العمل أجنبى وزيرك أجنبى المسئول عن حال البلد أجنبى، تزرع وتحصد من أجل من من أجل أجنبى يستمتعون بثروتك وأنت لا حول لك ولا قوة.

ظروف الحياة عصيبة والفقر سائد والحق مسلوب وخير البلاد منهوب.

ساد الظلم وأرتفع الغلاء والوباء ولا أحد يعبء بحال الشعب ولكن رغم كل شىء كان الشعب مؤمن بالوطن وكانو يحاربو من أجل حرية الوطن كانو يحبو وطنهم رغم البطالة والفقر والظلم والذل والأستعباد .
كان الأطفال ينشئو على حب الوطن وكانت أحلامهم الصغيرة تنشد بحرية الوطن

بلادى بلادى لكى حبى وفؤادى
مصر هى أمى نيلها هو دمى
قوم يا مصرى مصر دايماً بتناديك

فى أيامنا الحالية أين ذهب الأنتماء الكل يكره البلد حتى الأطفال تربو على كره البلد وأصبح شعار الشعب هى البلد عملت لينا أيه دى بلد و..... الواحد أحسنله يسافر بره ويسيب البلد دى
وما أكثر هذا الكلام والأعجب من هذا إذا لمح أحد بحب الوطن أتهم بأنه "مش عايش فى الدنيا"
والكثير منا أعتبر أن الحل الوحيد هو الهجرة وترك هذه البلد اللعينة فى نظرهم "لازم الواحد يسافر بره البلد عشان يعرف يعيش، مصر قسيت قوى على أهلها يا باشا"

وبالطبع تحولت أناشيد الحب إلى قصائد للسب اللعين المستفز بداعى أن البلد لم تقدم للشعب أى شىء لا يوجد فرص عمل أقتصاد ضعيف أخلاق منعدمة القوى يأكل الضعيف وأشياء أخرى كثيرة
ولكن ألم تكن الحياة أيام مصطفى كامل أسوء من ذلك كنت تحت وطئة الإستعمار ولكن كانت هذه الضغوط تزيد من حب الوطن ولا تعدمه من القلوب
سيظهر من يقول العيب فى الحكومة والمسئوليين هم السبب
لكن من جعلهم مسئولين أليس الشعب هو من أختارهم
ياعم الأنتخبات مزورة هو حد راح أصلاً

سؤال

هل نحن نتقى الله عز وجل حتى نطلب منه أن يصلح أمورنا؟

هل كل العاملين يعملو بضمير ولا يسرقو بل من عجائب العمل أن منا من يسرق ولا يعتبره سرقة هلى أصبح يوجد أمانة فى العمل؟

هل كل من يذهب إلى الجامعة يذهب من أجل التعلم أم يذهبو لملاقاة أصدقائهم من الجنسين؟

هل يهتم الأباء بتربية أولادهم على الأسس الدينية والأخلاق أم يجرو وراء لقمة العيش؟

هل من الذين يشتكون قلة فرص العمل واحد يحمل العديد من الخبرات واللغة أم أضاع سنين الدراسة فى اللهو والفسح ولم يفكر فى أخذ أى دورة تدريبية فى أى شىء؟

إن تحويل الشعب إلى أمة خلاقة يفترض قيام وسط اجتماعى سليم يعمل على تنشئة المواطن تنشئة وطنية فليس يستشعر الاعتزاز بالانتماء إلى بلد ما إلا من يتعلم فى البيت والمدرسة حب الوطن ويقدر أمجاده فى ميادين الفكر والسياسة والاقتصاد

إن الأنسان لا يناضل إلا من أجل ما يحب
حبوا وطنكم من أجل رفعته

يا من تشتكون من البلد البلد هى التى تشتكى من سلبيتكم ويأسكم وحالة الشلل التى أنتم فيها.
أفيقو من ظلمات الأحلام الوردية التى لا تفعلون غيرها.
لا تنتظرو الفارس الذى سيحرركم من بأسكم ويحقق لكم الأحلام الوردية.
قومو من نومكم وأنهضو بوطنكم لنعمر بلادنا لنجعلها بأيدنا أحسن بلد .

بأيدينا تحيا مصر

لو لم اكن مصريا لوددت ان أكون مصريا .استغربت جدا من رددودكم ياجماعة فى ايه بتتكلمو على الظروف والمعيشة والغلاء طيب فين الانتماء وبعديين هى مصر دى حسنى مبارك والحكومة ياجماعة مصر دى اعظم بلد فى الدنيا كلها وطبعا هلاقى ناس تقول دا كلام لا مش كلام جرب بس تبعد عن مصر دى سنة واحدة هتحس بحنيين واشتياق رغم علمك بالظروف الموجودة فى مصر انتو بتحكمو دلوقتى على الحكومة مش مصر الحكومة الحالية ليست مصر دا النظام الحاكم لمصر فى فرق كبير جدا ياريت ياجماعة تراجعو نفسكو فى كلامكو وبعديين فى ناس اتكلمت عن هجرة الرسول عليه الصلاة والسلام الرسول هاجر للمدينة مضطرا وناس اتكلمت عن الدولة الاسلامية وانتمائنا لازم يكون للدولة الاسلامية ايه علاقة الكلام دا بلو لم اكن مصريا .

محمد أحيا الموضوع من جديد بتعليقه..
الكلام كتير ومحشور في الزور..
فيه فرق كبير بين اننا بنحب مصر واننا ساخطين على أهل مصر اللي انا وانت منهم..
طول عمرنا واحنا شعب متاكل عشانا ومغلوبين على أمرنا ..
لأ ..مغلوبين ايه ؟؟ احنا اللي راضيين بكده وساكتين ..
الواحد خلاص مبقاش عارف حاجة نصدق كتب التاريخ والامجاد واننا كل فترة بنفوق ونقوم على عمل عظيم زي اكتوبر 73 وتأميم القناة ..الخ
ولا خلاص الزمن ده مش هيرجع تاني..
نرجع ونقول احنا اللي مقصرين في حقنا قبل حق بلدنا من اصغر واحد لأكبر واحد..
كل حبة رمل في سيناء بتقول بقى هما دول المصريين اللي حرروني هما دول اللي عملوا كذا وكذا والتاريخ كتبلهم وبيحكي عنهم..
كل حبة رمل كل حبة تراب بقت حزينة علينا ..
للاسف يامصر الكل بايع..
انا اللى استاهل وانا اللى اتلام ..
انا اللى رجعت ورا وفضلت اتاخر وسبت البياعين قدام..
لا انا بايع ولا انا شارى ..انا عارى..
انا منكم وياريتنى لا انكتب اسمى بينكم..

كنزى. كتب:: لو لم اكن مصريه لوددت ان اكون عراقيه

هههههههههههههههههههههههههه جميل الرد دا بصراحة

زائر

مالو بقى الرد

ولاحاجة هو انا اتكلمت هههههههههه

زائر

ماشى ياعم الكويتى

فرحان كده ياعم الكويتي اهي أم يوسف قلبت الموضوع شات؟؟؟ههههههههه

زائر

سورى وربنا هو اللى بيتريق عليا اه نفسى اكون عراقيه يامحمد

ايه ياعم محمد انا سامع انك سفير مصر في العراق متحاول كده تدي الجنسية العراقيه لام يوسف

زائر

ايوه يامحمد اعمل اتصلاتك ياراجل ...؟ وحياه منجده يامحمد تحاول

لا يا ام يوسف ولا عراق ولا كويت ولا اى بلد فى الدنيا زى مصر راجعى نفسك

زائر

لا والله بجد كان نفسى يكون معايا الجنسيه العراقيه

لولم اكن مصريا لوددت ان اكون عمراويا

عماااااااار يامصر

وعلى راى حسين الجثمى ( كل العمار بهديك )

ونا نسى بنت اللذينه ( لو سألتك انت مصرى تقولى ايه قولى مصرى وبن مصرى وكل مصرى

الله عليه قلها بأعلى صوت وارفع رأسك لفوق انا مصرى وابويا مصرى و(امك تشششششش )

وسمارى ولونى مصرى .

سبتتنا وسلفنتنا ولفتنا فى اشتترون وكرتنيتنا صح اه بس لو طلت اشنأه هحرقها .

ولمضه لماضه تقولك ايه اول تانى كده مين تقصدنى انه

وتقلك برده قول هنساكى نفسى بس اسمعها وانت بتقولهالى شف هتعمل فيك ايه

صدقنى دول بيضحكو علينا .

عمراوى مصرى

عمراوى عراقى

الردود فى أول الموضوع كانت تأخد شكلا جميلا

زائر

لو لم اكن مصريا لودت ان اكون فلسطينيا

لو لم اكن مصريا لوودت ان اكون فلسطينى كلام جميل يا طلال وانا كمان معاك ابقى فلسطينى ادافع عن شعبى
وبلدى فلسطين لانها تستاهل ملعون ابو مصر بلد زبالة بتزل شعبة اللى دافع عنه فى يوم من الايام

زائر

بصراحه مش ناويه اكون حاجه تانيه غير مصريه
يمكن المساوء كتير فى بلدنا
بس البلد مش هى السبب اللى بيحكموها هما السبب
والردود فى بداية الموضوع كانت رائعه
كله مجموعه لهم وجهة نظر بيدافعوا عنها
بس كل واحد على طريقته
تسلم يا دكتور على الموضوع

بصراحه انا عمري مفكرت بالسؤال ده
يعني عمري متمنيت اكون غير فلسطينيه مش لاجل حاجه
بس كفايه الشرف اللي ربنا اختارنا باننا نكون اكتر ناس بنجاهد بسبيله ضد اعدائنا
واكتر ناس بيروح منهم شهداء في سبيل الله والوطن يعني اكتر ناس هتدخل الجنه
باذن الله بشفاعة شهدائها

ورغم الظروف كلها لكن بلدي بنظري هيه جنتي وبحبها جداا
لكن علشان اجاوب على السؤال
فلو لم اكن فلسطينيه لودت ان اكون مصريه بصراحه
مع ان الظروف صعبه بيها كمان ههههه لكن بحب اهلها وتاريخها
(علشان كده انا معاكم هنا هيصة

)

ميرسي برنس للموضوع
سؤال غريب لكن جميل

موضوعك حلو أوى أوى

وفعلا انت أثرت موضوع مهم أوى احنا كجيل كمان نعتبر ما اتربيناش على حب مصر بس بجد بنحبها

وفى الفترة الأخيرة دى ظهر كذا جروب على الفيس بوك زى لو لم أكن مصريا يبئى أشطة اوى وده زى اللى قاله مصطفى كامل بس 2009

وكمان الانتماء ما انكرش اننا فعلا ما عندناش انتماء أو على الأقل الموضوع مش فارق بالنسبة لنا انتماء مش انتماء مش هتفرق

ظروف الحياة عصيبة والفقر سائد والحق مسلوب وخير البلاد منهوب.
اهاا عندنا كده ومن حقنا اننا نحاول نبعد أو نهرب

وبالنسبة لأيام مصطفى كامل هما كانوا عارفين هما بيحاربوا مين كويس أوى
وعارفين حقهم هييجى ازاى من عدوهم ده تفتكر احنا زيهم ؟؟؟ ما اعتقدش
احنا مش عارفين احنا هنحارب ايه بالظبط ومين ؟؟علشان نوصل للى عاوزينه

» ماذا تحب ان تكون
» ماذا ستتمنى عندما تكون بين احضانها..؟؟
» لو طلب منك الكشف عن اسمك الحقيقي في المنتدى ماذا سوف تكون رد
» لو لم اكن مصريا
» من أنت؟ ومن تكون؟