محتاجة نصيحة

اولا السلام عليكم وكل سنة وانتم طيبن
انا بنتوتة فى كلية عندى مشكلة مع واحد من زمايلى زميلى ياجماعة ده بيحبنى جدا ماتتخيلوش نظراته دى ناحيتى عاملة ازاى منين اروح الاقى عينه عليا وبصراحة مش قادرة اقوم نظرات عنيه ليا رغم انه عمره ماكلمنى هو متفوق جدا جدا دراسيا وانا كنت فى يوم محتاجة محاضرات قلت اطلبها منه يمكن يقولى حاجة ويرحمنى من نظراته دى شوية ماعملش حاجة الا انه تنحلى ويبتسم وخلاص وانا بصراحة معاهدة نفسى انى ماارتبطش باى زميل ليا بس الواد ده صعبان عليا انه يحبنى كده وخلاص وانا بصراحة معجبه بيه بس مش لدرجة حب يعنى انا معجبة بوسامته وتفوقه
قولولى اعمل ايه اكتب له جواب؟

زمن الجوابات انتهى خلاص شوفى النتى عايزه ايه وبكل صراحه وبكل ثقه اعملى اللى انتى عايزه يعنى لو عايزه تكلميه كلميه على طول وقوليله على اللى انتى حساه منه واعرفى منه هو عايز ايه وقوليله على اللى انتى عايزه واتفقم على حل يرضى الطرفين.

تمام بن تيميه الله ينور عليك. بس هى لازم تشوف جميع الاراء علشان تختار وهى على بصيره

مفيش بعد كلام الاخ بن تيميه

جزاك الله خير

عايزه اقولك ان الاولاد بروفيشنال فى النظرات

وانتى مش تيجى حاجه فى تفكيرهم

لا للدرجه

بصى ياحببتى ياصاحبه المشكله

بجد انتى لو ركزتى مع كل حد بيبصلك يبقى نص شعب مصر بيبصلك

يبقى مش هتخلصى

متركزيش مع حد

فى شباب طبيعتهم كده
وفى ناس فضوليه يعنى يحب يترصد كل حركات البنت

المشكلة دى فكرتنى بمشكلة واحدةى اعرفها اوى يمكن شبه المشكلة دى اوى
هى برده واحد متفوق دراسيا الاول على الدفعة ده بقى بيحبها حقيقى هو كان فى الاول زى صاحبنا ده بيبص كده بس ده اعترفلها وهى استخارت ربنا وماارتحتش وقالتله انها مش هاتقدر تبدله نفس الشعور ورغم ده ياجماعة لسه بيعشقها بمعنى الكلمة عارفين ليه لانها اتصرفت صح واعجب جدا بيها اكتر من الاول

عايزين راى
صراحة
محدش يضايق
البنت الى كتبت الرسالة بنت فاضية0000 وعاوزة اى حد وخلاص يبصلها ويبقى العاشق والولهان وكمان بتكتر فى الكلام وتقول جواب عاوز ااقلها حاجة لو الولد ده بيعشق عشق وحقيقى وكل حاجة لو انتى الى بدأتى وقلتيلو اشربى انتى بقى مينفعش بنت ا تقول و تعبر عن مشاعرها لولد بجد هيتعامل معاها وحش جدا صدقونى

كمان هو شرط انو متفوق فى الدراسة يبقى اخلاقو عاليه ومحترم مين قال كدة !!!!!!

فى ناس ولاد لذينا بس متفوقين جدا مافيش علاقة نهائى

بجد انتى عايشة مراهقة ربنا يهديكى


وبعديت تعالى هنا معلشى خلينا صراح اكتر هاتى بنت انهاردة ماشية فى الشارع بأى طريقة وشوفى الشباب هتلاقى عنيهم ناقص تاكل منها حتة يبقى بيحبوهم؟؟؟؟؟

كلو عاوز يتسلى والى مش عاوز يتسلى اهو بقى تسليه

انتى لو ده منهج ماشية عليه انك متحس عشان متجرحيش حولى تفهميه كده علشان تخلصى
او اذا كان انسان محترم بيحبك بجد جربى بس بشرط انه يكون مبيلعبش بيكى ومتحوليش تعلق نفسك لانك بجدهتتعبى

هو دلوقتى بيبصلك واول ما تكلميه ويزهق منك يبص الناحيه التانيه

انا معنديش اكتر من الكلام اللى اتقال بجد والله تسلم ايدهم
والله نصيحه من بنت خليكى فى دراستك واياكى واياكى من فترة الكليه
لانك لو فعلا حبتى حد منهم عمرك مهتجوزيه واظن الحب الصادق او الشريف هو اللى بينتهى بالجواز صح
انت ازا ى هتجوزى واحد فى سنك دة اول تعرفى ان فى ناس كانه زمايل فى الجامعه بنات وشباب والشاب منهم اتجوز بنت واحدة كانت زميلته مش غريبه
اقصى حد للبنت تتجوز اظن بعد الجامعه صح لانه اهلك هما اللى بيجهزولهم اما الولد يبخرج من الجامعة يبحث عن شغل ودة اصبح من الاستحالات انه يلاقى شغل بسرعه ولسه هيجيب شقه ويجهزها وانتم عرفين يعنى مشوار طويل هتكون البنت اتجوزت وخلفت بدل الطفل 5
انا واقعيه يمكن زيادة شويه ودى كانت من اول النصائح اللى اتقالت ليه قبل دخولى الجامعه
وفعلا بعمل بيها وعايشه احلى حياة فى الجامع
ويارب تكون رسالتى وصلتلك وفهمتى وجهه نظرى معاكى

وبنا يحفظك