وعدت ليالي الامتحانات....

هلت عليا ايام الامتحان زي مهلت عليكم والحمد لله انها عدت ب السلامه عدت بحلوها ومرها واهو كله بيعدى 000

يفضل الدكاتره يهددونا ويرعبونا من الامتحان اللى محدش هيعدي منه زى ميكون بينا وبينهم تار بايت000 لكن اهى عدت الامتحانات واللى ذاكر حل واللى مذاكرش محلش ومحدش نقص حاجه000

لكن اكبر غلطة انكم ترعبوا نفسكو م الامتحانات زى اللى حصلى قبل اول امتحان000الامتحان بكرة وانا لسه مخلصتش وعشان انا مبخفش الا م اللى خالقنى ومش حته امتحان اللي يرعبنى كان شعارى ف اليوم ده كلام صحبى وحبيبى

زيزو مخمخه :(اللى ذاكر ذاكر من زمان واللى ذاكر من زمان نسى ودلوقتى محدش احسن من حد المهم المذاكرة ليلة الامتحان )

عشان كده اخدت المادة بتاعت بكره فحت وردم وكلى عزيمه واصرار وف لحظه اتشقلب حالى وكيانى 360 درجه0000

رن جرس التليفون الو السلام عليكم

زيزو مخمخه:ازيك ياعمراوي ايه خلصت ولالسه!

عمراوي:ايوووووو يازيزو بقى احنا وش خلصت برضه

زيزو مخمخه: اتكلم عن نفسك بس ياروحى اناخلصت من زمااان وقاعد مستنى الامتحان

عمراوي: اخص عليك يا ندل كل الفتره دى كنت بتخدعنى وبتذاكر من ورا ضهرى وانا زى اللطخ كنت باقول انك صاحبى وحالك من حالى طلعت حمار مذاكره

وانتهت المكالمه مع اخلص صديق لعمراوي بدا من هنا فيلم الرعب000


اسودت الدنيا قدامى وضاع اخر امل ليه انى اخلص وشفتى عماله تترعش ولا جدو عمراوي الكبيير وجسمى بقى عمال يترعش ولاتسونامى

ماما : قوم عشان تاكل لقمه ترم بيها عضمك انا مجهزالك فرخه تستاهل بطنك

عمراوي: انتى مش عارفه ان الفراخ اليومين دول عندها انفلونزا

ماما : يابنى دا كلام اشاعات وحتى لو كان بجد احنا شعب ياكل الظلط ومفيش حاجه تهمنا دانا حتى باشك انالفراخ تكون هيه اللى اتعدت مننا00000

قعدت اكل وانا خايف من الفراخ والامتحان فى نفس الوقت واول ما مديت ايدى ع الفرخه حصلى حالة خوف مزدوج وقعدت اعطس (هاتشىىىىى كوكو هاتشىىىى كو كو) يالهوى هيه ناقصة اناجالى انفلونزا الطيور ولا ايه!

اناحاسس ان راسى تقيله جيت احسس عليها لقيت طلعلى عُرف مصيبه ليطلعلى ريش هاروح الامتحان ازاى بُكره! نزلت راسى تحت الحنفيه اكتشفت ان اللى حصل كان تخاريف ليله الامتحان عدت ساعات وراها ساعات وانا باحاول الم نفسى دخلت نمت وقمت ع الفجرية دعيت ربنا انه ينجدنى من شبح الامتحان قعدت اذاكر والحاله مفرقتش كتيير عن امبارح بالليل الفرق الوحيد انى بدل ما كنت بادخل الحمام مرة كل ربع ساعه جبت م الاخر وقعدت اذاكر ف الحمام عشان م اقمش من على المذاكره كل شويه 0000

ماما الساعه كام عندك 0000 تمانية ونص00000ايه يامصبتى السوده ناقص نص ساعة ع الامتحان000


اخدتها جرى وانا ف التاكسى حصلت اول مفا جاة اكتشفت انى نسيت الفلوس ف البيت لكن السواق طلع ابن حلال واخد منى الساعه بس نزلت بسرعة

وحصلت المفاجاة التانيه وهيه انى نسيت رقم الجلوس جتنا نيله فى حظنا الهباب

المفاجاه التالته ان الساعه وصلت تسعة جريت بسرعه وصلت على باب الجامعه لقيت الباب مقفول ومفيش حد من الطلبه موجود 00000 افتحوا الباب انا طالب وعاوز ادخل اللجنه اناعندى امتحان 00

وهنا وانا فى قمة رعبى حصلت المفاجأةالكبيرة طلعلى احد الفراشين

وقالى : سلامتك يابنى الامتحان بكره مش النهارده!!!!!!!!

شكرا لمرورد وردك

ههههههههههههه

ههههههههههههههه