هل تؤيد تؤيدين سفر المراة((نقاش جاد))

ليه ياحمد

انت كدة بتظلم المراة فيها ايه لما تشتغل
وتسافر
الدنيا ومطتلابتها صعبه جدا يبقى هتتحل ازاى

لو واحدة بتصرف على اهلها ومش لاقيه شغل
تقعد وتجوع هى واهلها ولا تشتغل فى طرق غير شريفه

انا كدة مختلفه معاك فى رايك

انا معاكي ان فيه حالات استثنائية بس برده في حدود الدين
غير كده غير مؤيد بالمرة لعمل المرأة زوجها ووالدها متكفلين برعايتها في بيتها

بس ظروف الحياة صعبهه بحكم الغلاء والاسعار

وغير دة كله ان كل انسان من حقه يامن مستقبله
ومتستقبل اولادة

وادام هتسافر وتحافظ على تعاليم دينها يبقى خلاص

بيتهيألى انها مش مضطرة تسافر بره زى ما الدكتور قال ليها ناس متكفلة بيها

ولو مضطرة والظروف صعبة لازم يكون معاها حد يحافظ عليها وياخد باله منها

مينفعش لوحده دى خااااااااالص

طيب افترضه ملهاش حد

وفشلت فى الحصول على شغل فى بلدها

يا ابويا عليكى

معقداها اووووى يا طير

حتى لو افترضنا كده مفيش حاجة اسمها ملقيتش شغل فى بلدها ليه يعنى ضاقت الدنيا

انا مش مع انها تسافر لوحدها خاااااااااالص انتى مبتسمعيش عن اللى بيحصل ولا ايه

فى برنامج (وائل الابراشى) كان مخصص حلقة عن الموضوع ده وبجد بيحصلهم ربنا يعزك يعنى

بلاوى فى الغربة

انتى عماله تعقديها كده ليه

هى والله مامعقدها تعقد ولا حاجه

هى قضيه فعلا

ودى حاجه واقعيه

طيب هو فى فعلا شغل فى مصر

طيب لو حتى لاقتى ممكن الشغل دة يامن مستقبل
مظنش

ياجماعه انا واقعيه والله

وشايفه ادام الواحدة محافظه على دينها خلاص يعنى تسلك فى الحديد

لأ انتى مش واقعية انتى رؤيتك مظلمة شويتين

والله اى انسان لو دور كويس على شغل هيلاقى

بس يبقى امله فى ربنا كبير مش متشائم

هى الشباب لاقيه شغل

عشان البنات تلاقى شغل فى مصر

طب الشباب لاقيه شغل برد عشان البنات تلاقى شغل بره
و بعدين اللى بيدور بيلاقى

ههههههههههههههههههههههههه

والله انتى عسل

فكرتينى باعلان كوكاكولا بتاع (المتشائمين بيشجعوا مصر واحنا معاهم هههههههههه)

تفائلى شويه هى مش سواد وضلمة اوى كده

ربك موجود

ياجماعه حتى فين الشغل اللى يامن مستقبل حد دلوقتى فى مصر

ولا يساعد فى مطالب الحياة دلوقتى

ممكن اسألك سؤال ياطير هو انتي هاتبقي المسؤله الاولي عن احتياجات البيت ؟؟؟؟!!!!!!!

انا شايف انك شايله هم الشغل اكتر من اي شاب مع اني الشاب هو اللي اكتر واحد المسأله دي تهمه جدااااااااااااااااااااااااااااا جدا
بس مش معني كلامي اني بقول المرأه مالهاش دور في الحياه الزوجيه اطلاقا بس مش هي الاساس هي ممكن تشارك

وياسيتي ليكي عندي اول مايكون في تعيين
ليكي عليا اكون موظفك وفي مصر كمان في العمار كمان ولاتزعلي انا مش بستهزأ انا بتلكم بجد بس يكون تقديرك عالي وماتكونيش في كليه تجاره ولاتربيه ولاخدمه اجتماعيه اي حاجه تانيه انا في الخدمه

تقبلي مروري انا عارف تقلت عليكي شويه

Amr Emam كتب:

SAMA كتب:

ياجماعة اظن دي أمور فقهية والعلماء هما اللي يقرروا ده ينفع ولا لاء

لكن مينفعش يتاخد فيها آراء كده

والله والله سلمت يداك ..

كل واحدة وواحدة يتكلمون بما تهوى الانفس .. والدين اخر من يعلم ..

فعن عبد الله بن عمر عن النبي صلى الله عليه وسلم قال: (لا يحل لامرأة تؤمن بالله واليوم الآخر تسافر مسيرة ثلاث ليال إلا ومعها ذو محرم)

معنى محرم = اى رجل يكتمل فيه صفات الرجولة ويكون محرم عليها كأخيها او ابيها او ابنها او زوجها ...

وسمعت من الشيخ ابو اسحاق الحوينى

انه لا يجوز ان تسافر أكثر من ثلاث ليال ولو للحج او العمرة ..

فاذا كان السفر بدون محرم للحج غير جائز فما بالك بغيره ..

فلا تقولوا للعلم او لكذا او لكذا ..

السفر للحج (للحج) بدون محرم غير جائز شرعا

فما بالكم لغير الحج ؟؟؟

أحنا بنتكلم اسبانى ؟؟؟

الطير الباكي كتب:

هى مش محتاجه شيخ ولا حاجه

الامر نبص عليه من راينا

ونشوف صعوبات الحياة ومطالبها اللى مش بقت تتحقق غير بالسفر

ومش مهم رأى الدين ..؟؟؟

كل حاجة هناخد فيها رأينا ؟؟ والدين أخر من يعلم ؟؟؟

حاجة غريبة جدا ... والله حاجة تطهق ..

انا هفرقع من الغيظ بجد ..

المناقشة اتقفلت ...

ليه كدة ياعمرو

مش قصدى والله

انا كل اللى قصدى فيه مش اتغادى على راى الدين او المعارضه فيه

لا طبعا

انا قصدى اننا عرفين راى الدين فى الموضوع

فقصدى هل يرضى حد بقضيه سفر المراة
ام لا

يعنى من ناحيه راينا ووجهات النظر ام راى الدين فاكلنا عرفينه
ومامنين بيه طبعا

jamyka_777 كتب:

يا جماعة طالما الدين قال لأ يبقى لأ

بدون نقاش ( هو مش احنا مسلمين ولا ايه )

بالظبط كده مفهاش فصال

يا جماعة واحدة واحدة عليها شويه

حصل خير هى غرضها من الكلام كويس متقصدش اللى انتوا فهمتوه بالظبط

ومدام الدين قال لا يبقى لا خلاص

والله انا وجهه نظرى مفهومه كويس

وربنا عالم بنايتى وهو اللى هيحيسبى مش انتم اللى هتحسبونى

ومعنديش استعداد انى ابرر الموقف اكثر

انا عرضت المشكله وانا عارفه حكم الدين فيها

انا نزلن الموضوع لقبيل المناقشه بين الشباب اللى عايشين الصعوبات دلوقتى
ولا يرضه ان المراة سؤاء اخت ليهم ام زوجه انها تسافر ولا لا


بس مشاء الله يعنى قولت كدة ولاقيت هجوم عليه كانى بيحربونى

على راى المثل اما العجل بيقع بتكثر سكاكينه ولا ايه