معكم علي الهواء ... أحمد منصور ..... !!

مررت علي الموضوع لأتعرف اكثر علي ضيف هذه الحلقه ...الذي شدني اتزان كلماته وردروده وثقافته منذ تسجيلي بالمنتدي متابع ان شاء الله.

م/ احمد منصور قال

والجواب موجود علطول ... هو إحنا لقينا الحلال وسبناه

كلنا عارفين إن في بعض الأعمال حرام أقلها العمل اللي يجلب عليك معاصي

يعني مثلا الشغل في شرم الشيخ سواء في فنادق أو علي الشواطئ أو فيها عموما

هو دا مش حرام ....... طبعا حرام


انا اسف على النعقيب

بس انا حبيت الفت نظرك لحاجة ياريت متقولشى حرام وحلال الا لما يكون فى ادلة قاطعة

حضرتك حرمت شرم الشيخ كلها ليه ياريت اعرف الدلائل والبراهين اللى استندت عليها

بس خد فى بالك شرم الشيخ فيها

فنادق

الشرطة

الجيش

المحلات التجارية

السائقين

عمال النظافة

الدكتور والموظفين فى المستشفى

امام الجامع

المهندسين فى شركات الانشاء والعاملين


شركات الشحن

شركات التسويق




ده كله بيتهيىء ليا انه حرام ده على اساس كلام حضرتك


باريت الخاطرة الجاية رد على موضوعى

مستر احمد منصور

وانا شايف إن المكان ده رأس للمفاسد والقبائح



مينفعش نقول الشىء ده حرام من وجهة نظرى وحلال من وجهة نظر شخص تانى

انا عايز ادلة قاطعة على حرمانية العمل فى شرم الشيخ عموما

نسيم كتبت :

يانهااااااااار الادمن بتاعنا هو اللى على الهوا


السلام على من اتبع الهدى .......

وعليكم السلام ورحمة الله وبركاته

ممكن اشارك معاكوا ....ولالا

طبعا إنت تنورينا أكيد

والله كلامك جميل ومعبر جدا وكلامك عن الجدية شئ مهم اوى



مش كتير بنلاقى الشخص الجاد فى حياتنا الا من رحم ربى



وخاطرة الحب ""الحب اجمل احساس بالدنيا ولكن اجمله ان يكون هذا



الحب متصل بالله سواء كان للزوج او الخطيب او الصديق وهكذا ""



الاهمال فى معرفتنا للحلال والحرام هو اننا فقدنا الثقة بالله ودة ردى على سؤال الاهمال

شكرا جزيلا يأخت نسيم

حان وقت الاسئلة ....



اولا :من هو احمد منصور الذى لايراة الناس ؟؟؟انا سالت السؤال دة لمستر عمرو امام

هو واحد بس اللي بيقابل الناس بيقعد معاهم وبيكتب في المنتدي وبيروح شغله وبيروح كليته

وبيزور أهله وقريبه وعايش حياته زي أي شاب

ثانيا :متى تحس انك غير مفهوم بين الناس ؟؟؟؟؟؟؟

في موقفين ..

الأول : في أول لقاء ليا بحد بحس إنه مش فاهمني خالص لإني مش من الأشخاص اللي

ممكن يتحكم عليهم من أول لقاء

الثاني : لما ببقي ساكت

ثالثا :مامدى طموحك ؟؟؟والى اين تذهب بك احلامك ؟؟؟؟

طموحي عالي أوي .. وأحلامي كبيرة

لكن اللي بيشغلني هو طموحي المرحلي يعني حاليا إني أنجح في شغلي وأتقدم في دراستي

علشان دي خطوة لبداية مرحلة جديدة إن شاء الله

رابعا :مواصفات زوجة العمر بتكون ايه فى نظر احمد منصور ؟؟؟

والله أنا مش طماع ولا بتشرط وسايبها لربنا وكل أملي إنه يكرمني بزوجة صالحة

فسايب الموضوع برمته علي الله

خامسا :لماذا تكلمت بالذات عن الحب فى خاطرتك؟؟

لو متكلمتش عن الحب دلوقتي هتكلم عنه إمتي ؟؟؟

سادسا :بما انك تحدثت عن الحب ماتعريف الحب من وجهة نظرك ؟؟

هو حد بيكون معاك يكون محتاجلك وانت محتاجله بيخاف عليك وبتخاف عليه بيرسم معاك معالم الحياة

سابعا :اذا حسيت انك معجب بحد سواء بنت او ولد بتقلة ولا لا؟؟؟؟؟

لو ولد بقوله طبعا وبحاول أصاحبه أقرب منه لكن لو بنت طبعا لا

ثامنا :ماذا تمثل لك العمار ؟؟

بلدي

تاسعا :الازهر من وجهة نظرك ؟؟؟

هو أفضل مؤسسة عملها إنسان ليه دور عظيم جدا وللأسف بتكتر حوله الاقاويل للتقليل من شأنه ودوره

لكن طبعا يفني الجميع وبيقي الازهر إلي ما شاء الله ..

وقبل كدا ما صلاح الدين الأيوبي قفل الازهر قرن من الزمان لحد مالظاهر بيبرس فتحه تاني

وفين صلاح الدين وفين بيبرس .. لكن الازهر ماذال موجود

عاشرا :احلى يوم مر عليك مش قادر تنساه كان امتى؟؟ وعشان ايه كان حلو؟؟

يمكن أجمل يوم في حياتي وأسوء يوم كانوا مجتمعين بشكل غريب

أجمل يوم كان أخر أغسطس 2008 وأسوء يوم علي الإطلاق ومش ممكن هنساه أبدا هو أول سبتمبر 2008 وعذرا لعدم ذكر السبب

شكرا ياخت نسيم

أبو منة كتب:

فينك من زمان يا ريس منتظرك

من زمان تبقي علي الهواء عايزين نندردش

شوية مع بعض كده بس ده لو مش يضايق

أنا يباشا أدايق منك .. إنت حبيبي يابو عمر ودردش يباشا وانا تحت أمرك

ممكن تعرفانا اكثر علي شخصية أحمد منصور ؟

شاب من ضمن الشباب متفائل وطموح بيحب بيته وأهله جدا

بيحب الحياة وبيحب يخرج ويسافر بيحب يشترك في عمل الخير بيحب يقول الحق ومبيخفشي

بيتصرف علي طبيعته جدا في كل المواقف وصريح للحد اللي يخوف

وانت طبعا مجرب صراحته

وأيه الحاجات اللي بتحبها علي المنتدي ؟

إنه بإسم العمار واحلي مافيه هما الناس اللي فيه

والحاجات اللي بتكرهها ؟

بكره تطفل بعض الأعضاء والإشاعات السازجة اللي بيطلعها بعض الناس ساعات

ومين هم الأعضاء المقربين ليك في المنتدي ؟

المنتدي كله سواء أعرفهم ولا لا .. دي ناس بتشاركني أفراحي وأحزاني

منهم اللي بحبه جدا وانا عمري مشفته زي الاستاذ سميح اللي لسة مصبح عليا علي الخاص

بس بجد بحس إني في بيتي وإن هما دول أهلي

وياتري أنك شايف أنك بتستفيد من المنتدي ولا ؟

بستفاد جدا كفاية اني عرفت واحد عسل زيك

ومن العضو اللي نفسك ترفع له كرت أحمر ؟

مفيش علشان الكارت الاحمر إترفع في وقته خلاص

وياتري انت مش بتفكر بموضوع الخطوبة دلوقتي ؟

بفكر معندكشي عروسة

وأيه مواصفات اللي تحب تكون موجودة في شريكة حياتك ؟

إنها تكون عندها مقومات الزوجة الصالحة إن شاء الله

وهل أنت لقيت بنت الحلال ولا ليس بدور عليها ؟

يعم مانا بقولك معندكشي عروسة

وهل في حاجة أنت ندمت أنك عملتها ؟

طبعا وده لإني كنت فاهم حاجة غلط أو حد كان عايز إني أفهم غلط لكن لما عرفت الحقيقة ندمت

واتعلمت إني متسرعشي تاني أبدا وأعمل فيها الشاطر حسن

وهل انك ظلمت حد قبل كده من غير قصد ؟

وبقصد كمان لكن رجعت إعتذرت ومن ساعتها مكررتهاش تاني

وما هو أصعب موقف أتعرضت له في حياتك ؟

في موقف بس مش هحكيه لكن من أكتر المواقف اللي كانت صعبة وانا كنت منتظر نتيجة البكالوريوس

كنت قلقان وخايف أوي لكن الحمد لله جاءت الرياح بما تشتهي السفن المرة دي

معلش طولت عليك يا غالي بس يهمنا نعرفك أكثر

ولا يهمك يحبيبي ومتشكر علي مشاركتك وانا عارف انك تعبان والف سلامة عليك
ويارب تجواب علي أسئلتي كلها

جوبت علي حسب فهمي للأسئلة