معكم علي الهواء ... أحمد منصور ..... !!

زائر

تذكير بمساهمة فاتح الموضوع :

الى هنا اعزائى اعضاء وعضوات منتدى شباب العمار

تكون قد انتهت حلقة الاستاذ عمرو امام التى كانت من رايى الشخصى

حلقة متميزة بمعنى ماتحمله الكلمة

حد فاصل

وينتقل معكم الاستديو من منطقة الاستاذ عمروامام

الى منطقة الاستاذ/احمد منصور

ونحن فى انتظار تشريفه للبرنامج بافضل مالديه...

وخير مانختم به ..

السلام عليكم ورحمة الله وبركاته

أمير عبد العليم كتب :

أسئلتي بقي

إتفضل يبشمهندس والله مرورك أسعدني

1-
موقف حصلك وقتها كان لسان
حالك يقول ياريت الأرض تنشق وتبلعني ؟

حصلي موقف أنا وواحد زميلي أيام الكلية كلنا متأخرين ورجعين حوالي الساعة 9 بالليل وكنا تقريبا مش شايفين قدمنا

وفي موقف المظلات لقينا عربية دخلنا قعدنا في الكرسي قبل الأخير

وكنا 4 في الكرسي زميلي وانا وجنبي 2 كمان

المهم أخدنا الكلام وبنتكلم بصوت عادي والكلام جاب بعضه علي طلبة كلية العلوم

وبدأت الغيبة للأسف .. بدأنا بواحد كان زميلنا اسمه محمد وقلنا إن مخه ضرب خلاص

وبعدين جبنا في سيرة الأستاذ محمد .. مدرس كان عندنا في المعهد كان خريج علوم

وقلنا إن العلوم قصرت عليه وبعدين جبنا في سيرة أستاذ أسمه عادل وهو خريج علوم وقلنا نفس الكلام

وبعدين يسيدي سبحان من جمع

أبص جنبي ألاقي أخو محمد زميلي ولقيته بيضحك وجنبه الأستاذ محمد وتقريبا سامع وعمل نفسه

مش واخد باله والعجيب إن الاستاذ عادل طلع راكب في الكرسي الأخير

وبجد والله كنت بقول يأرض إنشقي وابلعيني

2-
أكثر موقف طريف حصلك
ساعتها كنت مقتول من الضحك ؟

أول مرة سمعت أحداث الخامسة والعشرون كنا مقتولين من الضحك وأسئل عمرو اللي كان

بيطلع في الروح من الضحك مبسوط

3-
أخر مره بكيت ؟

من فترة كنت بسمع حلقة دينية

4-
أخر مره فرحت من قلبك ؟

إنهاردة واحد صاحبي من أيام الكلية كلمني وعزمني علي خطوبته

وبجد فرحان أوي والله بخبر خطوبته

5-
هل أنت راضي عن نفسك ؟

في نواحي اه ونواحي لا طبعا

يعني لما طلعت النتيجة كنت راضي عن نفسي شوية

ولما عرفت خبر إجازة ابن الاستاذ علي عجاج كنت ساخط جدا علي نفسي

لكن لو بتتكلم عن رضا عام عن نفسي يبقي لا

6-
ماذا تعني الصداقه لك ؟

شيء مهم جدا في حياتي

7-
ترتيب هذه الأشياء في

حياتك (الزوجه الصالحه- الصحه- المال- المنصب- راحة البال- الأولاد)

الصحة .. راحة البال
الزوجة الصالحة .. الاولاد
المنصب ..... المال

حبة أسئله بسيطه مستني الردود

شكرا علي الأسلئة يعم أمير وربنا يعزك

أني أحبك في الله

أحبك الذي أحببتنا فيه

والله إني أحبك في الله وشكرا كمان مرة علي مرورك الجميل

ميزو كتب :

انتظر منى اسئله

هى رخمة شوووووووووووووويات

بس فرصه بقا

هو عمرو نفد منها بس يلا هتتعوض فيك هههههههههههههه

ولا يهمك يعم ميزو رخم براحتك يعني هتكون أرخم من محمد عبد السلام مثلا مبسوط

زائر

كان الله فى العون
يا من تمتلك اروع الردود

رفع الله بك الاسلام والمسلمين

بسم الله الرحمن الرحيم

بعد اذنك هم 5 اسئله صغيرين ويمكن انا عارف بعضهم بس في ناس كتير ماتعرفش

ــــــــــــــــــــــ

انت ليه أصبحت مدير المنتدى؟؟؟ وازاي؟؟؟

عايزين نخدم بلدنا بجد ...ازاي من وجهة نظرك؟؟؟؟

انت تحب موقع القائد والمخطط في صمت ولا تحب تكون منفذ صح؟

نفسك تسيب البلد ولا انت زي السمك؟؟؟؟

(العمار )في جملة واحده توصفها...

وشكرا

السلام عليكم ورحمه الله....

اذيك يا احمد بيه يارب تكون بخير ....

يمكن دي اول مشاركه ليا في الموضوع ده بس لما عرفت ان انت اللي على الهوا

انا قلت لازم ادخل ....

بص ياسيدي هما شويه اسئله بسيطه جداا ..بس اتمنى انك تجاوبني من قلبك انا عارف طبعا

ان اجاباتك كلها من قلبك وبدون تكلف بس لزياده الطمأنينه فقط لاغير ....

ــــــــــ ــــــــــــ ـــــــــــ ـــــــــــ ـــــــــــ ــــــــــــ

ــ ماالموقف الذي تعرضت له وابكاك..موقف شخصي.. لا وفاه ..لا احداث الغزوالامريكي والاسرائيلي ..موقف شخصي بحت...

اتمنى ان يكون كلامي واصلك؟؟؟؟؟؟؟

ــ ماذا تفعل مع صديق لك (صديق يعني واحد زي الاستاذ حامل المسك مثلا ,مش هو فعلا.. لا

صديق بنفس معزته عندك, اتمنى تكون فاهمني ) ... تفعل معه كل الخير وتقدم له اي شيء

وتساعده في كل شيء وهو لا يفعل معك اي شيء, بالعكس دائما متجاهلك عمره ماسأل عليك ولا

قدملك اي مساعده؟؟؟

خلي بالك اجابتك هتحدد حاجات كتير جداا... من فضلك تريث في اجاباتك....

ــ انت قلت انك من الاشخاص التي لاتفهم من اول وهله ..

هل هذا خطأك ام خطأ الاخرين ..

اذا كان خطأك فلماذا لا تصححه؟؟؟

واذا كان خطأ الاخريين فما زنبهم , وبما تنصحهم ؟؟؟

ــ احمد زغلول .. ماذا يمثل لك بكل صدق .. والله ولا داعي للحلفان رأيك الصادق يهمني ؟؟

ــ ماذا تتمنى ان يزول من العمار وهل تحب العمار اكثر ام مصر؟؟؟

ــ انت الان رئيس الجمهوريه اول شيء تفعله ؟؟؟

ــ كيف تقوم نفسك .. وهل انت راض عن تقويمك هذا؟؟

ــ هل مقتنع بــ ( مادمت تحيا فانت لست ملك لنفسك ,, هناك من يملكونك وتملكهم )؟؟

اخر سؤال ...

ــ عندما يجتمع عقلك وقلبك بأ يهما تسير ؟؟؟؟؟؟؟؟؟؟؟؟؟؟؟

اتمنى انك تجاوبني وبمنتهى الصدق معلش اصل انا موسوس شويه ...

بجد انا سعيد جداا ومستني ردودك على احر من الجمر

تحياتي للقلم الجريءوالعقل الثاقب المستنير......

.... اخوك الصغير ....

حامل المسك حبيب قلبي ربنا يعزك يارب وكفاية كلام حلو أرجوك علشان انا مش قد الكلام الجامد ده

م. سوكر أ. أحمد مروركم شرف ليا وجاري الرد علي الأسئلة إن شاء الله

سوكر كتب :

بسم الله الرحمن الرحيم

بعد اذنك هم 5 اسئله صغيرين ويمكن انا عارف بعضهم بس في ناس كتير ماتعرفش

إتفضل طبعا بس يراجل دول صغيرين برضوا مبسوط

ــــــــــــــــــــــ

انت ليه أصبحت مدير المنتدى؟؟؟ وازاي؟؟؟

الموضوع بمنتهي البساطة كان تحدي ويمكن ناس كتير تعرف الموضوع ده

بالظبط الموضوع إنه كان في فترة كان فيها مشاكل كتير وإساءات كتير

وناس كانت عاملة إعتصامات وناس كانت مطرودة بدون سبب

يعني كان في حالة قلق جامدة جدا

وقعدنا وتقريبا كنا إسلام وأحمد طلعت وعمرو وابومنة ومحمد عبد السلام واحمد القماح

وبجد المنتدي كان صعبان عليا جدا وكنت بتكلم كلام صريح جدا مع أحمد وعمرو

وكان الموضوع أشبه بخناقة كبيرة إن كدا مش نافع ولازم يكون في نظام وكدا كل تعبنا بيضيع

وطبعا كان موفقني في ده ابو منة واحمد القماح ومحمد عبد السلام

المهم إنهم عرضوا إننا نمسك الإدارة

فانا حددت مدة 3 شهور إني هغير المنتدي كله وأعمل فيه نظام حقيقي وإستقرار وعوامل جذب

لإن عمرو كان بيقول أبقي قابلني إن عرفت تعمل حاجة مبسوط

وفعلا بعد 3 شهور عمرو عمل موضوع إسمه شكرا يإدارة وقال فيه إننا نجحنا

وفعلا دخل أحمد طلعت وإسلام وأغلب الأعضاء وأشادوا بالإدارة وساعتها عرضنا إننا نسيب الإدارة

لفريق جديد لكن هما طلبوا اننا نستمر ودلوقتي داخلين علي سابع شهر

عايزين نخدم بلدنا بجد ...ازاي من وجهة نظرك؟؟؟؟

والله يبشمهندس كلنا بنقول كدا لما بنبقي قاعدين وبنلاقي الحماس وكل الناس عايزة تشتغل

لكن للأسف ساعة الجد مش بنلاقي أي حد

وأنا شايف إننا لو كنا ساعة الجد رجالة بجد هنخدم بلدنا علي أكمل وجه إن شاء الله

انت تحب موقع القائد والمخطط في صمت ولا تحب تكون منفذ صح؟

بص تعالي نحط الألقاب علي جنب يعني قائد أو واحد من ضمن فريق مش بتفرق ..

أنا بحب لو هنعمل حاجة إني أشترك في التخطيط وكمان أكون أول المنفذين

نفسك تسيب البلد ولا انت زي السمك؟؟؟؟

منفسيش طبعا أسيب البلد بس ده ميمنعشي إني ممكن أسيبها لأي ظرف سواء شغل أو سفر

بس لازم أرجع برضوا للبلد تاني ...

(العمار )في جملة واحده توصفها...

بلدي وليا الشرف

وشكرا

شكرا ليك إنت يبشمهندس لمرورك وأسئلتك الجميلة

انا هسأل بقى ........

إيه هى فلسفتك الخاصة فى الحياة ؟؟؟

ادى نسبة مئوية لكونك إنسان إجتماعى يعنى انت اجتماعى بنسبة كام فى المية؟؟

كلمة ذكاء بتعنيلك إيه ......ايه هو الذكاء فى نظرك؟؟

مواصفات الشخصية اللى انت تحب تتكلم معاها والعكس؟؟

أحمد زعلول كتب :

السلام عليكم ورحمه الله....

وعليكم السلام ورحمة الله وبركاته

اذيك يا احمد بيه يارب تكون بخير ....

الله يسلمك يعم أحمد والحمد لله يباشا ويارب أشوفك علي خير دايما

يمكن دي اول مشاركه ليا في الموضوع ده بس لما عرفت ان انت اللي على الهوا

انا قلت لازم ادخل ....

إنت نورت الموضوع بجد وشرف ليا مرورك الجميل

بص ياسيدي هما شويه اسئله بسيطه جداا ..بس اتمنى انك تجاوبني من قلبك انا عارف طبعا

ان اجاباتك كلها من قلبك وبدون تكلف بس لزياده الطمأنينه فقط لاغير ....

ــــــــــ ــــــــــــ ـــــــــــ ـــــــــــ ـــــــــــ ــــــــــــ

ــ ماالموقف الذي تعرضت له وابكاك..موقف شخصي.. لا وفاه ..لا احداث الغزوالامريكي والاسرائيلي ..موقف شخصي بحت...

اتمنى ان يكون كلامي واصلك؟؟؟؟؟؟؟

كلامك واصل بس المشكلة إنه صعب لكن علشان خاطرك هقول بس مش هفسر أوي يعني مبسوط

حصل موقف مع حد كنت بحاول أحافظ عليه والله حتي من شر نفسه

وبجد كان بيعملني نفس المعاملة

لحد ماكتشفت إنه إنسان مش تمام وبجد كانت أكبر صدمة إتصدمتها

ــ ماذا تفعل مع صديق لك (صديق يعني واحد زي الاستاذ حامل المسك مثلا ,مش هو فعلا.. لا

صديق بنفس معزته عندك, اتمنى تكون فاهمني ) ... تفعل معه كل الخير وتقدم له اي شيء

وتساعده في كل شيء وهو لا يفعل معك اي شيء, بالعكس دائما متجاهلك عمره ماسأل عليك ولا

قدملك اي مساعده؟؟؟

خلي بالك اجابتك هتحدد حاجات كتير جداا... من فضلك تريث في اجاباتك....

متجاهلني وعمرة مسأل عليا ولا قدملي أي خدمة .. بس

طيب انا ممكن أحكيك علي حاجات أصعب من كدا ومش مع ناس بعزهم زي حامل المسك

ناس كل اللي بينا إنه عايز مني حاجة وفعلا بياخد الحاجة دي وبعدها عينك متشوف الا النور

والله كلام زي الزفت في حقي وكلام يعمل مشاكل جامدة جدا

وبيلف ويرجع ويحتاجني ومش بتأخر عليه

بس ده مش معناه إني مش بزعل لا أنا ممكن أزعل من كلمة بسيطة جدا

لكن حسيت فيها بإهانة لكن برجع أصفي بسرعة جدا وبنسي من غير معاتب

ــ انت قلت انك من الاشخاص التي لاتفهم من اول وهله ..

هل هذا خطأك ام خطأ الاخرين ..

اذا كان خطأك فلماذا لا تصححه؟؟؟

واذا كان خطأ الاخريين فما زنبهم , وبما تنصحهم ؟؟؟

علي رأي المثل تعرف فلان؟ .. أيوة .. عاشرته؟ .. لا .. تبقي متعرفوش

أنا بشوف ناس بتحكم عليا من اول مرة قعدنا مع بعض أو إتكلمنا مع بعض

أو حتي من غير منقعد بتحكم بالإفتراض كدا ومش شرط يكون مش منصف لا ده ساعات أكتر من منصف

طيب إعرفني الاول وبعدين إحكم علشان لما نتصاحب تبقي عارف عيوبي أيه ومميزاتي أيه

علشان متتصدمشي فيا أو علشان متفترضشي فيا حاجات مش موجودة

ــ احمد زغلول .. ماذا يمثل لك بكل صدق .. والله ولا داعي للحلفان رأيك الصادق يهمني ؟؟

بص يعم أحمد إحنا يمكن مقعدناش مع بعض كتير ولا نعرف بعض كويس

لكن أحمد زغلول بالنسبة ليا إنسان محترم أتمني أن أعرفه

ــ ماذا تتمنى ان يزول من العمار وهل تحب العمار اكثر ام مصر؟؟؟

العادات السئية وأشهرها عادات الزواج ..

أنا بحب الناس اللي موجودة في العمار جدا وعندي إنتماء كبير لمصر

ــ انت الان رئيس الجمهوريه اول شيء تفعله ؟؟؟

أعلن الجهاد

ــ كيف تقوم نفسك .. وهل انت راض عن تقويمك هذا؟؟

أنا حاسس إنس ماشي في طريق وأجمل حاجة إني مبقفشي ومبرجعشي دايما ماشي

وحاسس إني ماشي صح إن شاء الله

ــ هل مقتنع بــ ( مادمت تحيا فانت لست ملك لنفسك ,, هناك من يملكونك وتملكهم )؟؟

مادمت تحيا فأنت ماذلت مكبل بالأوامر والنواهي

هناك واجباتك تجاه الاخرين وواجبات الاخرين تجاهك

لو بالمعني ده يبقي مقتنع جدا

اخر سؤال ...

ــ عندما يجتمع عقلك وقلبك بأ يهما تسير ؟؟؟؟؟؟؟؟؟؟؟؟؟؟؟

انا والله مبعرفشي أفرق بينهم يعني مبعرفشي أقول لقلبي أركن إنت شوية علشان هشغل عقلي

والعكس .. أنا بعمل الحاجة اللي بؤمن بيها حتي لو الناس نقدوني فيها

اتمنى انك تجاوبني وبمنتهى الصدق معلش اصل انا موسوس شويه ...

والله يعم أحمد أنا جوبت باللي في دماغي ومن واقع حياتي وحسب فهمي للسؤال

بجد انا سعيد جداا ومستني ردودك على احر من الجمر

أنا الأسعد وشكرا علي مرورك الطيب
تحياتي للقلم الجريءوالعقل الثاقب المستنير......

.... اخوك الصغير ....

شكرا علي مرورك حنين وهجواب بس مش دلوقتي

علشان انا أستويت بصراحة من البشمهندس والبشمحاسب مبسوط

ماشى يا سيادة المدير وهو كذلك

كما يحلو لك

الله يكون بالعون الجماعة قايمين بالواجب اوى مبسوط

ايه دة كويس انى لحقت اللحقه هيصة

بجد كنا هيفوتنى فايت عادل امام هو اللى بينغسل يييييييييييييي قصدى بيتسال مبسوط

طيب قبل مدخل انا كمان واسال

احظر عادل الاول اسال يعادل ولا بلاش عشان مترجعوش تقوله ان مقولتش

بـــــــــــــــــــــــــــــــــــــلاش مضحك

حنين كتبت :

انا هسأل بقى ........

وماله هي جت عليكي إنت كمان إسئلي geek

إيه هى فلسفتك الخاصة فى الحياة ؟؟؟

مبحبش الأسئلة الكبيرة دي

بس عموما معاملة الناس بإحترام .. سواء كبير أو صغير بتخليك تقرب بسرعة من قلوبهم

ادى نسبة مئوية لكونك إنسان إجتماعى يعنى انت اجتماعى بنسبة كام فى المية؟؟

أنا مش عارف إنتي بتحسبيها إزاي

يعني لو بعدد الأصدقاء يبقي هتكون النسبة المئوية مرتفعة والحمد لله

لو بالعلاقات والتواجد بين الاهل يبقي النسبة مرتفعة والحمد لله

لو بدرجة حبي للناس وحب الناس ليا الحمد لله مرتفعة

لو بدرجة عمل صدقات جديدة والتعرف علي الناس يبقي نص ونص Basketball

كلمة ذكاء بتعنيلك إيه ......ايه هو الذكاء فى نظرك؟؟

الذكاء هو نفاذ البصيرة وحسن الفطنة

مواصفات الشخصية اللى انت تحب تتكلم معاها

البساطة الهدوء سرعة الفهم البشاشة الثقافة ..

والعكس؟؟

النقيض من الصفات دي

شكرا لمروك الجميل أ. حنين

الطير الباكي كتبت :

ايه دة كويس انى لحقت الحلقه هيصة

والله بعودة يطير .. ونورتي الحلقة ..

بجد كنا هيفوتنى فايت عادل امام هو اللى بينغسل يييييييييييييي قصدى بيتسال مبسوط

الله يسامحك :لاع0غ:

طيب قبل مدخل انا كمان واسال

احظر عادل الاول اسال يعادل ولا بلاش عشان مترجعوش تقوله ان مقولتش

بـــــــــــــــــــــــــــــــــــــلاش مضحك

حصلنا الرعب مانتي قولتي بينغسل مدي أيدك وخدي فومين إنتي كمان هيصة

لا بجد إتفضلي إسئلي وميهمكيش

وسع للبنات بقى ياعادل فى الغسيل مقولكش يعنى هيصة

عموما انت اللى جبته لنفسك وكدا هتفرح فيك عمرو من الحلقه اللى فاتت هو عينهالك اصلا

بهدى النفوس انا ههههههههههه

واشهدوا ياجماعه حسبى انى قد بلغت مبسوط

ازيك يا ابو منصوووووووووووور

خد عندك يا جميل

لو يوم لاقدر الله حصلك فقدان فى الذاكرة ومبتفتكرش غير اخر 15 دقيقة فى حياتك

ياترى ايه هى الاحداث اللى تتمنى تفتكرها ومين الاشخاص اللى تتمنى يكون حاضرين فى الذاكرة ؟؟

جاوب والأسئلة البقية تأتى ..

سؤال كمان بالمرة

لما كنت قاعد معايا اخر مرة

كنت سرحان فى ايه ؟؟

ايه ياعم أحمد اللى بيحصلك ده

دا الناس زى مايكونوا ماصدقوا عموما كان الله فى عونك

وبقولك ايه كفايه عليك اوى لحد كده وأقفل الموضوع مادام عمرو امام دخل

ولا اقولك على رأى المعلم عبد الفضيل :زى بعضضضضضضضضضضضه

ههههههههههههههههههههههههههههههههههههههههههههههه

خواطر رائعه من انسان يبدو اكثر من رائع

بجد بشكر ام مريم علي الموضوع الرائع ده .....

واللقاء المره دي بجد رائع والموضوع شدني وقريته كله وده نادر لما يحصل

يمكن معنديش اسئله دلوقتي ......بس ممكن كمان شويه يبقي عندي Idea

معلش يا أحمد انا كنت سالت مرة بس ممكن سوال صغير

ممكن اعرف سر سعدتك اليومين دول وبصراحة ؟

وياريت الأجابة علي السوال

عمرو امام كتب :

ازيك يا ابو منصوووووووووووور

الله يسلمك يعمنا أيه النور ده

خد عندك يا جميل

هات يباشا وماله مبسوط

لو يوم لاقدر الله حصلك فقدان فى الذاكرة ومبتفتكرش غير اخر 15 دقيقة فى حياتك

يسلام علي الأفلام الهندي اللي إنت بتسمعها كتير

بس كان فيلم جااااااااااااامد مش كدا مجنون2

ياترى ايه هى الاحداث اللى تتمنى تفتكرها ومين الاشخاص اللى تتمنى يكون حاضرين فى الذاكرة ؟؟

لو بالتمني يبقي أتمني منساش حاجة خالص الحلو والوحش لإن دي تجارب حياتي

ومن غيرها كنت هبقي إنسان تاني

جاوب والأسئلة البقية تأتى ..

منتظرين الفيلم الجديد إن شاء الله

عمرو امام كتب :

سؤال كمان بالمرة

لما كنت قاعد معايا اخر مرة

كنت سرحان فى ايه ؟؟

بكرة تعرف

علي رضا كتب :

ايه ياعم أحمد اللى بيحصلك ده

دا الناس زى مايكونوا ماصدقوا عموما كان الله فى عونك

وبقولك ايه كفايه عليك اوى لحد كده وأقفل الموضوع مادام عمرو امام دخل

ولا اقولك على رأى المعلم عبد الفضيل :زى بعضضضضضضضضضضضه

ههههههههههههههههههههههههههههههههههههههههههههههه

شكرا علي مرورك يعم علي والموضوع هيتقفل فعلا بس اما المزيع يرجع

نور كتبت :

خواطر رائعه من انسان يبدو اكثر من رائع

بجد بشكر ام مريم علي الموضوع الرائع ده .....

واللقاء المره دي بجد رائع والموضوع شدني وقريته كله وده نادر لما يحصل

يمكن معنديش اسئله دلوقتي ......بس ممكن كمان شويه يبقي عندي Idea

شكرا علي مرورك الطيب بس ياريت تلحقي قبل مالموضوع يتقفل

يارب متلحقيش مبسوط

أبو منة كتب :

معلش يا أحمد انا كنت سالت مرة بس ممكن سوال صغير

يسلام إتفضل يباشا

ممكن اعرف سر سعدتك اليومين دول وبصراحة ؟

وياريت الأجابة علي السوال

بيقولك الغلاسة ليها ناسها

وانا بصراحة غلس ومش هريحك برضوا

وربنا يخليك إنت وعمرو لبعض يارب مبسوط

» معكم على الهواء... أخو أحمد رفعت اليوم.........
» معكم علي الهواء ... عمرو امام .... !!!!!!
» ..معكم على الهواء...حنين...تعليقاتكم؟
» معكم على الهواء .. AhMeD ELSaYeD ... اليوم
» حوار صريح جدا (الحلقة السابعة ) (أحمد منصور)