حتتنا ولا حتتكم

تذكير بمساهمة فاتح الموضوع :

بصراحة أنا داخل أتفشخر شوية بحتتنا

- الوحدة الصحية في حتتنا ( يعني احنا اللي بنعالجكم ونطعمكم )
- المجلس المحلي في حتتنا (يعني السلطة عندنا)
- مكنة المية ( يعني بنشربكم )
- السوق ( يعني بناكلكم )
- المطافي ( يعني نطفي حرايقكم )
- البريد
- بنك القرية
- الموقف
- المقابر
- ده حتى المولد بيبقى عندنا
- و العمدة عندنا
- والجديد بقى ان عضو مجلس الشعب كمان بقى من عندنا
- و مية شروق اللي بتشتروها هي كمان من عندنا

معلش يا جماعة لازم نكون واقعيين ونعترف ان حتتنا تنفع بلد مستقلة أما حتتكم فبصراحة تموت من غير حتتنا
وماتنسوش ان احنا الأساس والأقدم
و مش عشان عندكو مركز الشباب و السيبر بتاع النت يبقى خلاص تتنططوا

ركزوا شوية كده واعقلوها وقولوا عندك حق واحنا كلنا بلد واحدة وحتتنا وحتتكم واحد
بدل ما كل شوية بنسمع ان حتتنا ميتة و حتتكم مصهللة و الكلام اللي لا يودي و لا يجيب ده و لو اتحسبت بالورقة و القلم يبقى معلش هتكتشفوا الحقيقة المرة

كيد مش هايجيلو نوم بعد كدا هههههههههههههههههههههههههههههههه

اليومين اللي فاتو بصراحة كنت مستخبي و مرديتش أرد هنا علشان القافلة كانت في حتتكم
إنما خلاص كده يا قماح فطارت و نرجع كما كنا
و بصرف النظر عن كل الكلام اللي فات ده
حتتنا هتنور النهاردة يا قماح كالعادة بزيارتكم ليها

هههههههههههههههههههههههههه
على فكره مش هقدر اتكلم تانى عن حتتكم
خلاص بقت مصدر رزق
انا معاكم
محدش يجيب سيرة حتة المجموعه يا اخونا [ندعوك للتسجيل في المنتدى أو التعريف بنفسك لمعاينة هذه الصورة]

زائر

هو انت كدا معاهم معاهم عليهم عليهم فين رائيك
يااااااااااااااااااااااااااااااااااا

يااااااااااااااه الموضوع ده وحشني قوي
هعمل ايه بس من ساعة ما رجليكم خدت على حتتنا في الرايحة و الجاية و الواحد قال خلاص نعيش في سلام بقى و نردم على الموضوع ده خالص إنما افتكرت بس الصراع الحتتي فقلت أمسي على حتتكم و أقولها كل سنة و انتي طيبة يا حتة مليانة شباب زي الورد حتتنا اتشرفت بيهم الكام يوم اللي فاتوا و كانت منورة فعلا بطلتهم علينا

ههههههههههههههه فعلا كانت منورة بامارة قطع النور يومين

هو يوم واحد بلاش تزوير و المكنة بتاعت الجامع كانت شغالة و منورة لحد ما النور آد تاني
يعني كنتو منورين أهو ماكدبناش في حاجة

إسلام كتب:: هو يوم واحد بلاش تزوير و المكنة بتاعت الجامع كانت شغالة و منورة لحد ما النور آد تاني
يعني كنتو منورين أهو ماكدبناش في حاجة

يا استاذ اسلام اللي نور لما النور قطع ده ايه مولد الجامع
اللي هو منين؟؟؟؟
من المحمود موتورز يعني حتتنا ليها الفضل في حاجات كتيييييييييييير ابسطها انت قولته اهه

فى حته فى الدنيا دى

يبقا فيها اسلاام طلعت ومتبقاش منورة

والله ما مجامله

محمد مختار كتب:: فى حته فى الدنيا دى

يبقا فيها اسلاام طلعت ومتبقاش منورة

والله ما مجامله

يعني علشان الاستاذ اسلام الوحيد اللي بيفزع فيك يرعبك في المعرض داخل تثبته

ناس ماتجيش غير بالعين الحمرا[ندعوك للتسجيل في المنتدى أو التعريف بنفسك لمعاينة هذه الصورة]

اه والله يا عمنا كانوا منورين حتتنا فعلا

وعقبال يارب كل سنة

اقتباس :

هو يوم واحد بلاش تزوير و المكنة بتاعت الجامع كانت شغالة و منورة لحد ما النور آد تاني
يعني كنتو منورين أهو ماكدبناش في حاجة

يا استاذ اسلام اللي نور لما النور قطع ده ايه مولد الجامع
اللي هو منين؟؟؟؟
من المحمود موتورز يعني حتتنا ليها الفضل في حاجات كتيييييييييييير ابسطها انت قولته اهه

هههههههههههههههههههههههههههههههههههههههههههههه

حتتنا .... ما أجملها
حتتنا .....ما أروعها

نورتونا يا أجمل شباب على وجه الارض كلها ، وربنا يجازيكم خير .

اولا

كل سنة وانتم طيبين وبخير وباحسن حال

ثانيا

انا دخلت مخصوص اعيد عليكم ياحبايبى

ثالثا

ارد على كلام اللى اسمة اسلام وطلعلى السما بحتتة

فاكر نفسة فى جاردن سيتى

الله يرحم النور اللى قطع والمكنة اللى بتشتغل ربع ساعة وتريح ساعتين

ولا الخشب اللى عندهم والزبالة ياى سفاج

دة كفر الناموس يا اسلام

مش حى الزمالك

كل سنة وانت طيب يا ابو عمر ياحبيبى

أولاً السلام عليكم ، وأزيك يا عم أحمد وكل سنة وأنت طيب .
وبعدين يا أبو حازم أنت عارف كل حاجة وعارف أيه معناها حتتنا ، بس لازم تقول الكلام اللى أنتا سويته ده ، علشان طبعاً أكيد ليك ولاء لحتتك ، وحتتك على عنينا وعلى رسنا ، بس لما تيجى تقارن بنها وبين حتتنا ، أكيد حتتنا اللى هتفرق بأكتساح عن حتتكم ، ولعدة أسباب تتميز بيها حتتنا عن حتتكم أولها الهدوء والسكينة بعكس الضوضاء المشاغبات التى تحدث فى حتتكم . وتتميز حتتنا أو حى السلام كما يلقبوه : بوجود أغلب المؤسسات الهامة من المستشفيات إلى الوحدة المحلية لـ مكنة الماية لـــ الوحدة المحلية لــ البنك لــ البوستة هقول أيه ولا أيه
يا جماعة مفيش وجه مقارنة من الأساس ،،،،،،،،،

البوسطة تباعكم

كمان بتنصبة وكمان ماكنة المياة بعيدة عن حتتكم

احنا بقى العيدات والدكتور وهبة

معهد الفتيات

مسجد مكة اللى البلد كلها بتصلى فية علشان الشيخ سعد ابن حتتنا

هقولك اية ولا اية

احنا الاصل والباقى تقليد

متقولش حاجة تانى يا أبو حازم علشان أصلاً مش هتلاقى حاجة من الأساس !!
وبصراحة أقصرت فأجزت

والله بتصعبة عليا

حتة على قدها

وساعة اذان المغرب يطفو عنكم النور وعايشين فى الضلمة

ياعينى عليكم

ما يصعبش عليك غالى .

أحنا وافقنا على قطع النور فى بعض الأوقات علشان نحل أزمة الكهرباء العالمية مش أكتر ،
وحتتنا بالطبع لما لها من مواقف نبيلة فى شتى المجالات ،
فوافقت على هذا الموضوع وبشروط : أن قبل ما يقطعوا النور بيكون فى خبر مُسبق عند كل فرد فى الحتة
وبعد موافقة كل فرد فى الحتة .
وهقولك ليه طلبوا مننا أحنا أن الكهرباء تقطع عندنا ،
هقولك علشان حتتنا أكبر وأوسع وأهم من حتتكم .

هههههههههههههه............انتو لسة بتتكلموا فى الموضوع ده

حتتنا بتصبح على حتتكم و بتقولكم كل سنة و انتو طيبين
و دايما متجمعين
و إيد واحدة متحدين
و مع بعض في أول أيام العيد سهرانين
و فـ معرض الملابس في دوار الجزارين موجودين
و فـ عمل الخير مشاركين
و فـ تنمية بلدنا مساهمين
و السنة الجاية نكون جميعا على جبل عرفات واقفين

إسلام كتب:: حتتنا بتصبح على حتتكم و بتقولكم كل سنة و انتو طيبين
و دايما متجمعين
و إيد واحدة متحدين
و مع بعض في أول أيام العيد سهرانين
و فـ معرض الملابس في دوار الجزارين موجودين
و فـ عمل الخير مشاركين
و فـ تنمية بلدنا مساهمين
و السنة الجاية نكون جميعا على جبل عرفات واقفين

اللهم آمين مبسوط

اللهم امين

على فكره حتتنا داخله مسابقه افضل حته فى العالم [ندعوك للتسجيل في المنتدى أو التعريف بنفسك لمعاينة هذه الصورة]

نام ياشريف

» صلاة العيد السنادي في حتتنا ولا في حتتكم