حتتنا ولا حتتكم

تذكير بمساهمة فاتح الموضوع :

بصراحة أنا داخل أتفشخر شوية بحتتنا

- الوحدة الصحية في حتتنا ( يعني احنا اللي بنعالجكم ونطعمكم )
- المجلس المحلي في حتتنا (يعني السلطة عندنا)
- مكنة المية ( يعني بنشربكم )
- السوق ( يعني بناكلكم )
- المطافي ( يعني نطفي حرايقكم )
- البريد
- بنك القرية
- الموقف
- المقابر
- ده حتى المولد بيبقى عندنا
- و العمدة عندنا
- والجديد بقى ان عضو مجلس الشعب كمان بقى من عندنا
- و مية شروق اللي بتشتروها هي كمان من عندنا

معلش يا جماعة لازم نكون واقعيين ونعترف ان حتتنا تنفع بلد مستقلة أما حتتكم فبصراحة تموت من غير حتتنا
وماتنسوش ان احنا الأساس والأقدم
و مش عشان عندكو مركز الشباب و السيبر بتاع النت يبقى خلاص تتنططوا

ركزوا شوية كده واعقلوها وقولوا عندك حق واحنا كلنا بلد واحدة وحتتنا وحتتكم واحد
بدل ما كل شوية بنسمع ان حتتنا ميتة و حتتكم مصهللة و الكلام اللي لا يودي و لا يجيب ده و لو اتحسبت بالورقة و القلم يبقى معلش هتكتشفوا الحقيقة المرة

اللهم أمين

اللهم امين

سنضل دوما مع شباب العمار نسعى لفعل الخير ورسم البسمة فى وجوة الناس

اقتباس :: على فكره حتتنا داخله مسابقه افضل حته فى العالم [ندعوك للتسجيل في المنتدى أو التعريف بنفسك لمعاينة هذه الصورة]

كفاية انت منها يا عم شريف
لازم تفوز طبعا

عمرو إمام - أحمد منصور - شريف - محمد مختار - عمرو البكري - أبو حازم
بحبكم في الله و ربنا يديم المعروف و الود و المحبة

اقتباس :: كفاية انت منها يا عم شريف
لازم تفوز طبعا

الله يكرمك يا عم اسلام [ندعوك للتسجيل في المنتدى أو التعريف بنفسك لمعاينة هذه الصورة]

اللهم امين وكل سنة وانتا طيبين
وبالعيد واكل اللحمة متهنيين

ياجماعه انا اصيله ولازم اعترف ان حتتنااللى هى حتت ابوحازم تكسب بس بما انى بقيت تبع حتته مكنه الميه لازم انتمى ليها وطبعا مفيش بعد حتتنا الجديده

بعد غياب طويل عن المنتدى والموضوع الاسطورى لصاحبة صديقى الحميم اسلام طلعت

احب ارجع تانى ارفع الموضوع لانة تاريخى وزلزل المنتدى حب وايفيهات وسخرية على النظام

الحتتى بتاع بلدنا العمار الجميلة وشبابها الجميل الطيب الخلوق ونرجع تانى للمنافسة الشرسة دى

بس هقول اية مفيش وجة مقارنة اطلاقا وهى دى الحقيقة المرة علشان اسلام عمل من حتتة اماثل

وبرضة احنا الاصل حى الزمالك بالعمار من الاخر احنا عاصمة العمار وارجعو اسئلة التاريخ علينا

ومش هتكلم غير على حتت اسلام لان الباقى من الحتت لايستحق الذكر من الاساس واحب افكر الاخ اسلام

فاكر لاما كنت عندك قريب بخصوص الطلب بتاعى وانا خارج من الشارع بتاعك ماسورة المياة ضربت وبقيت

ولا شلالات نياجرا وبلاش كلام تانى يا عم اسلام دى حتة مقطوعة الخدمات معدوم فيها التمدن نهائى حتة خربانة

وانت برضة فى اخر الشارع انت وعمر المختار ومفيش غير احمد منصور اللى على الناصية وعلى زايد برضة

محدوف فى اخر الشارع مأساة ياولاد الحتة المشهورة بالغربان والمعيز والناموث يا حتة مسئة مش ترعة كانت

مقسماكم اتنين وبرضة انت يا اسلام عمال تتفشخر على الفاضى ياحتة كانت تبع كفر الفقهاء وواحد من حتتنا اللى

حررها واحنا عندنا انكار ذات وقلبنا على بعضنا زى ما انت عارف حتتكم عفرة ودخان وتراب ومعيز وناموس

وفران والهدار مليان وسلملى على محمد عبدالسلام اللى ساكن جنب الاسلاك الشائكة وعلى الحدود ودمتم بكل ود

اة نسيت جامع الجازرين مليان حشرات ايام ما كنا بنصلى فية ايام المعرض وانت عارف واسئل كابتن ايمن فتحى

اما بقى ختام كلامى عن حتتنا وسع انت داخل باريس فى فرنسا بانكوك فى تايلاند نيويورك فى امريكا روما فى

ايطاليا مدريد فى اسبانيا ليفربول فى انجلترا وكفاية وصف حتتنا يا اسلام المكان الراقى مجمع المولات والعيادات

وصيدلية الدكتور وهبة وغيرة وغيرة وما خفى كان اعظم دة حتى على وش شارعنا العمارة الوحيدة اللى فى

العمار يعنى مساكن مولات عيادات هدؤ سكينة وقار وكبرياء من فرط حبنا بعاصمة العمار الكبرى حتتنا
واخيرا شكرا شباب العمار على ما فعلنا بشئن الحب والود والافة والاحترام والانجاز فى رسم البسمة

اخوكم المتعصب الى حتتة العظيمة

Abo hazem

إسلام كتب:: عمرو إمام - أحمد منصور - شريف - محمد مختار - عمرو البكري - أبو حازم
بحبكم في الله و ربنا يديم المعروف و الود و المحبة

وانت حبيب قلبى يا عم اسلام انت ومن ذكرت من شباب العمار

وانت دايما فى القلب مهما طال العمر يا احلى اسلام عرفتة فى حياتى


Abu hazem

[ندعوك للتسجيل في المنتدى أو التعريف بنفسك لمعاينة هذه الصورة] وتمــضى الايام

» صلاة العيد السنادي في حتتنا ولا في حتتكم