أنا مش هالومك .

موضوع: أنا مش هالومك . السبت 27 نوفمبر 2010, 5:40 pm

تذكير بمساهمة فاتح الموضوع :

أنا مش هاسألك انت ليه بتعملى فيّ كده ...

ولا هاأقوللك زى ماقال جخّك* ..."ياهل ترى انت خاينة ولا مغصوبة "

لأنى متأكد إنك ع الظلم مغصوبة ...

وعارف انهم مكتّفين ايدك ..

ومغمّين عينك ...

ومغيبين وعيك ..

بس أنا ايه ذنبى ؟؟!!

لما أتضرب كل يوم بالجزمة ...فى شوارعك ..

ولما أصحى كل يوم الصبح ..على مصيبة ..فى جرايدك ...

يوم ."اللحمة باربعة وستين ..""

ويوم "الطماطم بقت بعشرة جنيه .."

دول قسموا الغاز على بطايقك ..

وهايشيلو الدعم عن رغيف العيش ..

مع انى الدعم كان ...دعمك..

.....وأدى العيال عاوزة تتكسى ..

لأجل مدارسهم..

لأجل تتعلم ..

وأنا محيلتيش ..اللضى ..

أقولك بلاش تعليم ..

وخليهم هنا جمبك..!!!

مهو مش فاضل حاجة أبيعها عشان خاطرك ..

ارجع وأقول ..عارف انك ع الظلم مغصوبة ..

ومكنتش عاوز أشيّلك همى ..كفاية عليكى ..كوم همّك..

بس أعمل ايه ..أكتم فى نفسى ..لحد مانفجر وأطق ..

أدينى بشكيلك ...

يمكن ..شكوتى تحرّك شىء..مات م القهر جواكِ..

شىْ ..يمكن يخلّيكى ..تفتكرى مجدك ..فتقومى ..

تنتفضى ..ويمكن تكسرى سجنك ..

يمكن ترجعى لوعيك ..

وتفتكرى انى كنت فى يوم ابنك ..

أنا مش هالومك انك دلوقتى نسيانى ..

وانت ايه ذنبك....؟!!

بس لما تفتكرى ..اوعى تسألينى ..أنا كنت ليه سايبك ..؟!

مهو انت السبب.....!

ماانت اللى ربتينى ..غلط

مهو لما كنت صغير وأقوللك أنا خارج ..

تقوليلى أبو رجل مسلوخة برة وهياخدك ..

ولمّا ابن جارنا ..خد لعبتى منى .. ..

جيتلك أبكيلك ..

قولتيلى .."يابنى سامحه ربنا يسامحك

وأنا بكرة غيرها راح أجيبلك "

وأديهم خدوكِ..منى ..

ولأجلك ..سيبتك ..وسامحتهم ..

روحى ربنا يسامحك ..

طيب لعبتى كنت بتجبيلى غيرها ..

بس أنت أجيب منين ..زيك..

ودلوقتى أنا ..مســـــــــــافر..

مش لأجل ماأشوف بديل غيرك ..

زى ماقاللى ..تعليمــــــــك..

مسافر لأجل ..ماأعرف ازاى افك يوم ..ايدك ..

وراجــــــــــــــــــــــــــعلك ..

أصل عمرى ماكنت يوم ..بايعك ..

بس عاوزك تسامحينى ..

لو مقدرتش أفك تكتيفتك ..

مهو أصل الذنب مش ذنبى ..

الذنب كان ذنبــــك ..

بقلمى ..محمود سمير زاهى ..

*جخك ـــــ أقصد الشاعر هشام الجخ ..

دهب كتب:: زى ما بيقولوا

كلام فى الجوووووووووووووون
[ندعوك للتسجيل في المنتدى أو التعريف بنفسك لمعاينة هذه الصورة]

متشكر جدا عل مرورك يافندم ..

M7meD Mo5tar كتب:: وجعت قلبي يا جدع

سلامة قلبك ياحبيبى...ياريتك ماقريتها ..[ندعوك للتسجيل في المنتدى أو التعريف بنفسك لمعاينة هذه الصورة]

احمد صبحى عبدالعاطى كتب:

Islamtaha كتب:: طيب يلا اية رايكم نبدا بقى

نبدا بالهجاء

المطلوب هجاء الحزب التيت

وانا عارف ان محمود اول واحد هيعمل القصيدة دى

وانت يا صبحى يلا بقى اصحى كدة وفوق واكتب يا دكترة

واهى فرصة انت برة البلد محدش هيقدر يعمل حاجة

كبيرها منع من دخول مصر

حاجة بسيطة مش كدة

الدور والباقى على محمود يا عينى هيتبهدل وهيلاقى كلام مش هيعرف معناة والله

وانا مليش دعوة بقى
وجنت على نفسها

هههههههههه[ندعوك للتسجيل في المنتدى أو التعريف بنفسك لمعاينة هذه الصورة]
والله ضحكتنى يا اسلام
ومش عارف أمسك نفسى والله
يا عم شعر أيه دى ساعة زغللة
وبعدين انت عاوزنا منروحش مصر تانى
على العموم أنا هانسحب وخليها لما ساعة الجلالة تيجى تانى

ياسلام ع التواضع يادكترة "تنسحب"....خايف لتحرجنى ياسلام على كرم اخلاقك يادوك [ندعوك للتسجيل في المنتدى أو التعريف بنفسك لمعاينة هذه الصورة]

ياباشا دا انا اللى انسحبلك ..[ندعوك للتسجيل في المنتدى أو التعريف بنفسك لمعاينة هذه الصورة]

أبو سفيان كتب:: وكأن الشاعر محمود سمير يفضفض معنا بلا رقابة من داخله

استمتعنا ببوحك النابع من قلبك

متشكر جدا لحضرتك ...بس كبيرة قوى عليا كلمة شاعر ..[ندعوك للتسجيل في المنتدى أو التعريف بنفسك لمعاينة هذه الصورة]