رسالة رقم (6) "الكارثة المنتظرة"

[ندعوك للتسجيل في المنتدى أو التعريف بنفسك لمعاينة هذه الصورة]

الثورة تمت وغيرت الكثير ولكن لتغيير العقول والافكار ده هياخد وقت كبير

قريتنا دائما يغلب عليها العصبيات العائلية ومحتاجه 1000 ثورة عشان تتغير

ندخل في موضوعنا

99.9 مرشح من بلد واحده !

حاجه غريبه جدا...كل اللي ضامن صوت مراته وابنه وبنته يقولك نازل انتخابات وعمره مافكر في نتيجة ده بالنسبة للبلد

وهل بلدنا قادرة على تطبيق الحرية والديمقراطية الان...لااعتقد ذلك

كان هناك عام 2000 2 مرشحين وكان هناك عداء بين المناصرين شديد جدا

وعام 2010 تقريبا كان مرشح واحد وبرضه كان هناك عداء شديد

احنا بلدنا كده وهتففضل كده كل عائله تناصر ابنها _وان كان هناك شباب مثقف فاهم وعارف هيطبق فهمه ازاي لكن مش كتير والي ان يأثروا في الاخرين هياخد سنين_

مابالكم بقى لما يبقى في عدد كبير من المرشحين يصل الي 15 مثلا

ومن الممكن يكون 2 من عائله واحد ويحدث انقسامات وعداءات

ومش بعيد حرب اهليه (زي حرب الطوب في عام 2000)

كل مرشح معتمد على اهداف الثورة وهي الدمقراطية ولكن لايعلم ان اهل قرية بسيطه زيينا غير مؤهلين على تطبيق الديمقراطية الان

زمان كنا يد واحده عارفين عدونا وهو محدد "الحزب الوطني" دلوقتي هنكون كلنا اعداء بعض

استكمال الرسالة في الردود

قبل الثورة كنت بقول بيني و بين نفسي أنا عندي دلوقتي 29 سنة يعني الدورة اللي جاية ممكن أتقدم للترشيح و أدوحر و أهابر في المقعد اللي منصور مش هيسيبه أبدا
و نتحرك كمجموعة شباب نمر على بيت بيت في الدايرة كلها مش بلدنا و بس نقنع و نتناقش و نوعد و كلنا نضمن و نتعهد لغيرنا و لبعض فيما بينا و يكون الهدف الوقوف في وش الفساد اللي معشش في بلدنا من غير خوف و توصيل الخدمات لمستحقيها سواء أفراد أو قرى و يكون الهدف الإصلاح من غير شعارات و لا كتر كلام و حركة للصالح العام و بس
بعد الثورة تلاشى الهدف ده تماما لأني واثق ان الفساد هيلاحقه ناس كتير و التصدي هيكون بقلب جامد مني و من غيري من غير حصانة و لا رأي تشريعي و الخدمات هنقدر نحققها بالشكاوي و بمساعدة عضو هننتخبه من غير تزوير و أكيد هيكون عند حسن الظن

فبصراحة ليه أتقدم طالما نزل عالساحة اللي هيقدر يقدم اللي كان نفسي فيه و يمكن أكتر كمان
المفروض كل واحد ناوي يترشح يشيل الفكرة بمجرد نزول الأصلح و في رأيي هيكونوا كتير المرة دي و التنازل واجب لكل واحد هيترشح بعد ما يحكم ضميره و يعمل مقارنة بسيطة و حسبة صغيرة مع نفسه
طالما هدفك الصالح العام يبقى وسع للأصلح اللي لو ما كنتش هتترشح و هتروح تنتخب زي أي حد هتديله صوتك
بيتهيألي هي دي الحسبة الصح
و أتمنى الجميع يحسبوها كده و إلا كل مخاوفك هتتحقق يا عم باهر

امال احنا دورنا فين كشباب

الشباب غيرو مصير دولة كاملة واحنا ان شاء الله قادرين على التغير

بس لازم نقوى من نفسنا ونجاهد مرة واتنين وتلاتة ونحارب الفاسدين ونمشى ورا الاصلح للبلد

مش مهم هو مين ولا ابن مين المهم هيعمل ايه

اقتباس :

فبصراحة ليه أتقدم طالما نزل عالساحة اللي هيقدر يقدم اللي كان نفسي فيه و يمكن أكتر كمان
المفروض
كل واحد ناوي يترشح يشيل الفكرة بمجرد نزول الأصلح و في رأيي هيكونوا كتير
المرة دي و التنازل واجب لكل واحد هيترشح بعد ما يحكم ضميره و يعمل مقارنة
بسيطة و حسبة صغيرة مع نفسه
طالما هدفك الصالح العام يبقى وسع للأصلح اللي لو ما كنتش هتترشح و هتروح تنتخب زي أي حد هتديله صوتك
بيتهيألي هي دي الحسبة الصح
و أتمنى الجميع يحسبوها كده و إلا كل مخاوفك هتتحقق يا عم باهر

فين الناس دي تسمع الكلام ده

المشكلة ان كل واحد شايف انه بس الاصلح

وكأن الثورة لم تغير شيء

الفرقه هتكون بين العائلات

وبين افراد المهنه زي المحاماه مثلا

ياتري هنكبر لبعض ولبلدنا ولا هنركب دماغنا والعداء يتملك من ولادنا

اقتباس :

امال احنا دورنا فين كشباب

الشباب غيرو مصير دولة كاملة واحنا ان شاء الله قادرين على التغير

بس لازم نقوى من نفسنا ونجاهد مرة واتنين وتلاتة ونحارب الفاسدين ونمشى ورا الاصلح للبلد

مش مهم هو مين ولا ابن مين المهم هيعمل ايه

الدور موجود ولكن هيبان نتيجته بعد سنين مش بين يوم وليله

ومش القضيه اننا نقف ورا واحد كده هتتحل المشكله

تعدد المرشحين لازم اكيد كل واحد هيكون ليه مناصرين وساعتها مش هنعرف نطبق الديمقراطية
والعصبيات هتظهر

ولو حدث ده صدقوني "حرب الطوب في 2000" "وحرب المنشورات التي تجرح في الناس في 2000"

ممكن تتكرر ولكن اكثر شراسه

Baher Hokkam كتب:

اقتباس :

امال احنا دورنا فين كشباب

الشباب غيرو مصير دولة كاملة واحنا ان شاء الله قادرين على التغير

بس لازم نقوى من نفسنا ونجاهد مرة واتنين وتلاتة ونحارب الفاسدين ونمشى ورا الاصلح للبلد

مش مهم هو مين ولا ابن مين المهم هيعمل ايه

الدور موجود ولكن هيبان نتيجته بعد سنين مش بين يوم وليله

ومش القضيه اننا نقف ورا واحد كده هتتحل المشكله

تعدد المرشحين لازم اكيد كل واحد هيكون ليه مناصرين وساعتها مش هنعرف نطبق الديمقراطية
والعصبيات هتظهر

ولو حدث ده صدقوني "حرب الطوب في 2000" "وحرب المنشورات التي تجرح في الناس"

ممكن تتكرر ولكن اكثر شراسه

عندك حق يا باهر فعلا ربنا يستر

والله ياباهر كلامك منطقى بشكل كبير

أضف إلى ذلك إن كل 1000 فرد من الشعب عايزين يعملوا حزب

واكيد هانلاقى كل 1000 فى العمار عايزين يعملوا حزب

بس دى مش مشكلة العمار لوحدها

فى الأيام اللى فاتت بحثت فى الموضوع بجدية

فعرفت إن ده حال مصر كلها

حتى على مستوى المدن

بس المسألة ظاهرة فى القرى نظراً لضيق الحيز المكانى
والحيز الخبرى والارتباطات القبليةوالمصاهرة وخلافه .

لكن فى النهاية هى مش ظاهرة غير متوقعة فى مرحلة الانتقال
بل هى ظاهرة طبيعية جدا ويلزمنا التعاطى معها بهدوء

أما من ناحية الاستعداد للديمقراطية
فعلينا أن ندرك أن السقوط لا يعيب الخطوة الأولى
فالسقوط يتبعه وقوف ولذلك لابد من الاستمرار
والأهم الاجتهاد فى تثقيف المجتمع فهذا ما سيخلق
وعى حقيقى بما تتحدث عنه.
واحنا إن شاء الله مؤهلين للديمقراطية مادمنا
مش جِمال .. اللى مش مؤهلين للديمقراطية بالفعل
ومش عايزينها همه بتوع الجمال بس أبشرك إن على المستوى العام
فى مصر السلسلة بتكر ومعظمهم هايقع هايقع .. بس الصبر .

واللى مش مؤهلين للديمقراطية همه اللى رفضوا الثورة بالفعل
لأنهم تعودوا أن يكونوا متلقين أوامر .. فازاى يعيشوا أحرار
والثورة ثورة الأحرار .. والأغلبية ثاروا .

نرجع تانى نقول :

لا تستبعد فى ظل هذا كله انك ستجد من يريد المصالح الشخصية
ومن يريد أن يضرب عيار فى الهواء ويشهر نفسه
ومن يريد أن يعقد صفقة بترشيحه مع مرشحين آخرين
ليحصل على بعض المبالغ بطريقة لا أعتبرها إلا نصب
ولا أعتبر صاحبها إلا متاجراً بالوطن ووطنه الفلوس

ونحن من يريد بالفعل صالح الوطن .. وليس من يريد
صالح العمار فقط .

أما مسألة العصبيات فتأكد أن المرحلة القادمة ستغيرها
بشكل ملحوظ ولن نقول جذرى .

وعايز اقول لكل دول كلمتين
لكل اللى ناووين يترشحوا
خلو بالكم
ياتتفقوا .. يا إما تيجوا ننام كلنا فى العسل

وساعتها أحيى الأخوان المسلمين لأنهم قدروا يكونوا صف واحد موحد
وكسبوكم كلكلم .. حتى على مستوى المجالس المحلية

حد يقول لى ازاى
اقول ده اللى هايحصل
إن ماطورتش أساليب لعبك ودفاعك هجومك ودفاعك فى لعبة السياسة
بحيث كل ده يصب فى صالح المجتمع .. المجتمع وبس
ووصلت للتنظيم المحكم ولعبت بشافية وصدق
فتقدر تلعب فى أى مكان انت عايزه
إلا المنطقة دى بعد الثورة .

أنا مش أخوانى .. بس ساعتها هاسقف للأخوان رغم انى مش هاديهم صوتى .. لأنهم نجحوا فى فهم واحتواء المرحلة .

حد يقول لى الفلوس هاتعمل شعبية
أقول له كان زمان
حد يقول لى العصبية .. أقول له من اللى بيقولوا لك
احنا معاك .. كتير مش هاينتخبوك .. وعائلة لوحدها ماتصقفش .

صباح الحرية يابلدى

اقتباس :

أما من ناحية الاستعداد للديمقراطية
فعلينا أن ندرك أن السقوط لا يعيب الخطوة الأولى
فالسقوط يتبعه وقوف ولذلك لابد من الاستمرار
والأهم الاجتهاد فى تثقيف المجتمع فهذا ما سيخلق
وعى حقيقى بما تتحدث عنه.
واحنا إن شاء الله مؤهلين للديمقراطية مادمنا
مش جِمال .. اللى مش مؤهلين للديمقراطية بالفعل
ومش عايزينها همه بتوع الجمال بس أبشرك إن على المستوى العام
فى مصر السلسلة بتكر ومعظمهم هايقع هايقع .. بس الصبر .

حضرتك وانا ومعظم الشباب والمثقفين يقدروا يطبقوا الديمقراطية ولكننا جزء صغير من جزء اككبر لا يعرف عنها شيء

ولكي نؤثر فيمن حولنا هنحتاج وقت

************************************

اقتباس :

وعايز اقول لكل دول كلمتين
لكل اللى ناووين يترشحوا
خلو بالكم
ياتتفقوا .. يا إما تيجوا ننام كلنا فى العسل

ياريت يسمعوا الكلمتين دول

أنا مش أخوانى .. بس ساعتها هاسقف للأخوان رغم انى مش هاديهم صوتى .. لأنهم نجحوا فى فهم واحتواء المرحلة .

أستاذ سميح لخص بالجملة دى ما يدور فى بالى
النهارده فيه فرقتين كبيرتين على الساحة
الأولى متداعية وتلم الشتات (الحزب الوطنى )
والثانية صاعدة واعدة منظمة مرتبة ........... ( الأخوان )
وما بينهما إلى الآن ملامح صراع بين الغالبية وتشتت يصب فى صالح إحدى القوتين وغالبا فى صالح الأخوان
إذا سار الأمر على هذا الشكل
وقتها لا نملك إلا التصفيق لهم ... ودمتم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
التعديل تم لتغيير سطر بعينه للون الأحمر
لا اضافة ولا حذف

رائع جدا

الاستاذ فهد اختصر دورنا كشباب فى البلد

فى التصفيق للاخوان

الله اكبر ونعم الدور

بدءت الشمعة تتعافى من جديد وتحافظ على لهبها وتحمى الضوء
الذي أقلقني خفوته بإصراره على السير عكس الريح .. والأن
حمداً لله على السلامة .. شباب المنتدى يعرفون مقصدي ..
هذا التناول الصحي والمتعادل والمتحترم للقضايا الهامة في العمار هو
ما يسعدنا ونلتف حوله جميعاً حتى لو اختلفنا لبعض الوقت في الوجهات
.. نعم الكل على يقين أنه الأفضل وأنه الأكثر قرب من النجاح ولديه مبرراته
الخاصة إذا لن يتراجع أحد سلمياً مهما كانت قناعته إلا بالصناديق الرسمية ..
فاترك الملعب لكل من يجد في نفسه القدرة على اللعب ولا تشغل بالك بالنتائج
فكلها للأسف مخجلة حتى على المستوى الاجتماعي والعلاقات لكل العمار .. فمازال
مفعول حقنة الديمقراطية ساكن حتى تاريخه وربما لا يمتصل به أكثر الأجيال الحالية
لأنه ببساطة شديدة الطبع يغلب التطبع ونحن أبناء ثلاثين عاماً من التعليم الديكتاتوري
القمعي المتسلط ونحتاج لفترة طويلة حتى نشفى من هذا المرض .. فالله المستعان
(ما كنتش ناوي أتكلم .. جرجرتوني ليه)

اقتباس :: (ما كنتش ناوي أتكلم .. جرجرتوني ليه)

هو انت لسه قولت حاجه ياعمنا

كمل ياعمنا عاوزين نسمع ونتعلم ونستفيد

بجد قولت كل اللى عاوزين نقوله

ربنا يولى علينا من يصلح

اقتباس :

بدءت الشمعة تتعافى من جديد وتحافظ على لهبها وتحمى الضوء
الذي أقلقني خفوته بإصراره على السير عكس الريح .. والأن
حمداً لله على السلامة .. شباب المنتدى يعرفون مقصدي ..
هذا التناول الصحي والمتعادل والمتحترم للقضايا الهامة في العمار هو
ما يسعدنا ونلتف حوله جميعاً حتى لو اختلفنا لبعض الوقت في الوجهات
.. نعم الكل على يقين أنه الأفضل وأنه الأكثر قرب من النجاح ولديه مبرراته
الخاصة إذا لن يتراجع أحد سلمياً مهما كانت قناعته إلا بالصناديق الرسمية ..
فاترك الملعب لكل من يجد في نفسه القدرة على اللعب ولا تشغل بالك بالنتائج
فكلها للأسف مخجلة حتى على المستوى الاجتماعي والعلاقات لكل العمار .. فمازال
مفعول حقنة الديمقراطية ساكن حتى تاريخه وربما لا يمتصل به أكثر الأجيال الحالية
لأنه ببساطة شديدة الطبع يغلب التطبع ونحن أبناء ثلاثين عاماً من التعليم الديكتاتوري
القمعي المتسلط ونحتاج لفترة طويلة حتى نشفى من هذا المرض .. فالله المستعان
(ما كنتش ناوي أتكلم .. جرجرتوني ليه)

مانقدرش نستغني عنك ياهندسه [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

.. نعم الكل على يقين أنه الأفضل وأنه الأكثر قرب من النجاح ولديه مبرراته
الخاصة إذا لن يتراجع أحد سلمياً مهما كانت قناعته إلا بالصناديق الرسمية ..

بس لازم الناس تفوق وتعرف انها مش بالمركب لوحدها

ولو فكر كل واحد لمصلحة البلد سيضع نفسه تحت قدمه ويبحث معنا على من يصلح

اقتباس :: والله ياباهر كلامك منطقى بشكل كبير

أضف إلى ذلك إن كل 1000 فرد من الشعب عايزين يعملوا حزب

واكيد هانلاقى كل 1000 فى العمار عايزين يعملوا حزب

بس دى مش مشكلة العمار لوحدها

فى الأيام اللى فاتت بحثت فى الموضوع بجدية

فعرفت إن ده حال مصر كلها

حتى على مستوى المدن

كلام عظيم والمشكلة انهم مش عايزين يعملوا حزب وعن فهم لأ عايزين يعملوا حزب وخلاص

ما هي بقت ميغة احزاب .

وصحيح القول أنني كنت قد طرحت فكرة لجنة فض منازعات كمشروع ولكن للأسف تم صياغتها

من ورايا بشكل انا غير راضي عنه وكان من اهم أهداف اللجنة دي غير حل المشاكل المعقدة

تحديد مرشح يلتف حوله الناس ويكون نابع من قرار جماعي وليس قرار فردي حيث كانت

صياغتي لها ان يكون من كل عائلة عضو في تلك اللجنة تختاره العائلة فيما بينها كي لا يكون

هناك صراع بين العائلات وعلي ما أعتقد ان هذا سوف يولد عضوا لا يختلف عليه اهل بلدنا

ومع برنامجه القوي الذي سيدعمه اهل القرية جميعا بخبراتهم ولاجتماعهم علي الشخص

سوف يكون أجدي بأن يتم اختياره في سائر الدائرة والله ولي التوفيق .

ويبدو كده اني لازم بعد ما اكتب كل كلمة علي المنتدي اليومين دول لا زم اعتذر بعدها

لأن في ناس مش فاهمه ان المنتدي مكان للنقاش ومش عارف ليه مش بيخشوا يناقشوا

AhMeD ELSaYeD كتب:: رائع جدا

الاستاذ فهد اختصر دورنا كشباب فى البلد

فى التصفيق للاخوان

الله اكبر ونعم الدور

إذا كان ده فهمك لردى تبقى فى حاجة لإعادة قراءة الرد
واذا كنت قريت وردك ناتج عن فهم
ففهمك يحترم

اقتباس :: وقتها لا نملك إلا التصفيق لهم ... ودمتم

ان لم نملك سوى التصفيق للاخوان
يبقى نلتمس من الله انه يعوضنا بشباب اخر وبحلم اخر

Baher Hokkam كتب:: بس لازم الناس تفوق وتعرف انها مش بالمركب لوحدها

ولو فكر كل واحد لمصلحة البلد سيضع نفسه تحت قدمه ويبحث معنا على من يصلح

طرح يحترم

اقتباس :: واذا كنت قريت وردك ناتج عن فهم
ففهمك يحترم

شكرا جزيلا لك

اقتباس :: وصحيح القول أنني كنت قد طرحت فكرة لجنة فض منازعات كمشروع ولكن للأسف تم صياغتها

من ورايا بشكل انا غير راضي عنه

شتان الفرق بين لجنة لها دور وحيد وبفكر قبلى غريب

وبين مجلس منتخب قائم على شرعيه انتخابية حره ومحترمه

آنا يلتقيان

وان كان المجلس المنتخب الذى شارك فى صياغته الجميع

-و الذى تم صياغته بالمناسبة على صفحات المنتدى وامام الجميع -

من الممكن ان يكون احد ادواره او مهامه حل المنازعات

لذلك لجنة فضى المنازعات جزء من المجلس المنتخب المقترح

وليست بديلة عنه او منبثقة منه

لانها ببساطه جزء من كل وليس العكس

وهذا للعلم وفقط

********************

اقتباس :: حيث كانت

صياغتي لها ان يكون من كل عائلة عضو في تلك اللجنة تختاره العائلة فيما بينها كي لا يكون

هناك صراع بين العائلات

بلد بها من العائلات ما لا يعلم عدده الا الله

وتريد من كل عائلة من يمثلها

من اجل وأد صراع العائلات

ولم تفكر حضرتك فى صراع العائلة الواحدة حول الشخص المختار

وكيفية وآلية اختياره

ولم تفكر حضرتك انك تعيدنا بهذا الى زمن العصبيات الجاهليه

ثم لجنة عدد اعضائها بهذا الكم كيف تجتمع واين وكيف تتشاور وتتفق حول قرار واحد

نكون فى الغرفه 10 ونتعارف ونحن احباء حتى نصل لرأى واحد

فما بالك برؤوس العائلات فى العمار فى مكان واحد

اللهم سلم

؟؟؟؟؟؟؟؟؟؟؟؟؟؟؟؟؟؟؟

AhMeD ELSaYeD كتب:: رائع جدا

الاستاذ فهد اختصر دورنا كشباب فى البلد

فى التصفيق للاخوان

الله اكبر ونعم الدور

مع احترامى للأخ فهد ياهندسة
ولكى لاتلوم عليه

أنا اللى اختصرت الدور فى التصفيق ليهم
لو فضلنا نتفرج عليهم
وهانصقف ليهم لأنهم قدروا يستغلوا الموقف
السياسى صح
واحنا فضلنا نتفرج عليهم بس ومشغولين بالحزب الوطنى
وطالما فيه من كل بيت فى العمار مرشح زى ماسمعت
يبقى عليه العوض
دى كلها لعبة سياسة

يجب أن ننسى الحزب الوطنى فهو يتهاوى أو تهاوى بطبيعة الحال
ونركز فى وحدة الصف بدونه
ده من الآخر
الحزب الوطنى خطته تأخير نمو المجموعات لحين لم شتاته

ياعم احمد امسكوا ايدين بعض
وثقفوا الناس
ولادنا وولادكم أمانة فى رقبتكم انتم دلوقت
قبل مايكونوا امانة فى رقبتنا
كفايه احنا اتنفينا

الإمضاء
واحد وفدى نشط سابقاً
وحر حاليا

اقتباس :

مع احترامى للأخ فهد ياهندسة
ولكى لاتلوم عليه

أنا اللى اختصرت الدور فى التصفيق ليهم
لو فضلنا نتفرج عليهم
وهانصقف ليهم لأنهم قدروا يستغلوا الموقف
السياسى صح
واحنا فضلنا نتفرج عليهم بس ومشغولين بالحزب الوطنى
وطالما فيه من كل بيت فى العمار مرشح زى ماسمعت
يبقى عليه العوض
دى كلها لعبة سياسة

يجب أن ننسى الحزب الوطنى فهو يتهاوى أو تهاوى بطبيعة الحال
ونركز فى وحدة الصف بدونه
ده من الآخر
الحزب الوطنى خطته تأخير نمو المجموعات لحين لم شتاته

ياعم احمد امسكوا ايدين بعض
وثقفوا الناس
ولادنا وولادكم أمانة فى رقبتكم انتم دلوقت
قبل مايكونوا امانة فى رقبتنا
كفايه احنا اتنفينا

الإمضاء
واحد وفدى نشط سابقاً
وحر حاليا

التثقيف هو زراعة بذرة افكار صحية ولكن الارض صحراء وهتحتاج وقت واحنا بدأن لكن لسه بدري

والانتخابات كمان شهور ولو تكرر بعد الثورة ماحدث في عام 2000 هتبقى فعلا كارثة

احنا اكيد هنحاول نحد من شدتها والموضوع ده البداية

وان كل واحد لازم يعرف انه ممكن لو فكر في نفسه وبس البلد هتخسر كتييييييير وبالتبعية هو كمان هيخسر

موضوعك فعلا جميل ياباهر واتمنى ان تكون رسالتك وصلتك لانى فعلا سامع انى فى ناس كتير ناويه تدخل الانتخابات تحت اسم المطالبه بحق الشباب واتمنى ان تتفق البلد على رجل واحد حتلى لايحدث كما قلت حرب الطوب فى 2000 ..

للاسف الشعب لما قام باللثوره افتكر كل واحد منا انى صوته هو اللى اسقط النظام وعلى اساسه فهم انى صوته ده فعلا مؤهل انى يسقط حواجز وحدود كتير ومنها مجلس الشعب والشورى والنقابات والجمعيات وخلافه

فلا تستبعد يا عزيزى ان لا ترى ناخبيين فى الانتخابات القادمه لانى بفضل الله كل الشعب سيكون مرشح نفسه للانتخابات .

على كده الحق اجهز الواد على ابنى بقى للانتخابات
طالما نص البلد داخل
يا جماعة دى مشكلة ياريت نرسى على واحد
وياريت يكون شاب طموح قريب من الشباب مثقف بثقافة العصر
يقدر يقف فى البرلمان يصلح ويبنى ويقول رأيه

الظاهر ان مفيش فايده فعلاً

الناس متعطشه اوي للمشاركة ..وده سبب اساسي للفشل كالعادة ..

( ولا تنازعوا فتفشلوا )

بدون دباجة الرسالة مكتملة وصاحبها اطلقها محددة وواضحة ..والدوران حولها كثيراً يخفيها اكثر مما يظهرها ....

اقترح عقد إجتماع ضيق بين كل من اعلن ترشحه فى أحد بيوت اهل العمار , مما له ثقه ومهابه ...ومحاولة توضيخ هذا الأمر ...فعيب علينا ألا نمر فى عهد التزوير وعهد الديمقراطية أيضاً ...

او عمل إنتخاب مبدئي بينهم على أن يختار كل منهم أحد الأسماء من باقي المرشحين ..وبذلك نعلم أصلحهم بشهادة بعضهم البعض ..ذلك بالطبع لو هناك ثقافة حوار تجمعهم .وقبول للآخر ...

ولكن يبدوا ذلك صعب المنال ..فلا يوجد تنسيق داخل العائلة الواحدة ولا اجتماع على رأي واحد ...او ربما هناك فرقعات إعلامية عديدة سوف نمر بها فى المرحلة القادمة ...ولكن نصيحتي لهم ان تلك الفرقعات العديدة وما يؤخذ على العمار من إنطباعات يجعل باقي الدائرة لا تلقي للعمار بالاً لعلمها ان مرشحيها سوف يدكوا عِظام بعضهم البعض ...

بشمهندس احمد عبد العزيز ياريت كل شخص فى العمار يعرف الكلام الى حضرتك بتقوله دا لانه مهم جدا ,يعنى الانتخابات لسه شوية عليها ولغاية دلوقتى 8 او 9 اعلنوا ترشيحهم ولسا كمان كتييييير
,وكل واحد هيدخل هيحط فى دماغه اذا كان شاب ان هو الى خلص الشعب من حسنى وان دا وقت الشباب ولازم هما يمثلونا
ولازم يكون فى عهد ديموقراطى بحت والحرية والديموقراطية دى هتحصل لو اعضاء مجلس الشعب والشورى عندهم25 او بالكتير 28 .
اما بقى الرئيس يبقى عندوا 30 سنة ,علشان الدولة تبقى روشة وجامدة اخر 30 حاجة .
مهزلة ..
انا مش بقلل من الشباب لكن مينفعش الشباب تنسب لنفسها نجاح الثورة والحماس الزائد دا مش هيحل حاجة ولا هينول حاجة لحد فينا من الجو الحر الديمو قراطى الى بنحلم بيه.
ولازم الشباب تهدى شوية من جانب الانتخابات علشان لسا فيه حورات ومفاجئات كتييييير والمنتدى هيزهزه من كتر المواضيع .
عذرا للاطالة ..
تحياتىbent el_3amar,,,,,,,

» رسالة
» رسالة من .........
» رسالة الى كل من هجر
» رسالة من أمى
» مجددون(رسالة 2)