رسالة رقم (6) "الكارثة المنتظرة"

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

الثورة تمت وغيرت الكثير ولكن لتغيير العقول والافكار ده هياخد وقت كبير

قريتنا دائما يغلب عليها العصبيات العائلية ومحتاجه 1000 ثورة عشان تتغير

ندخل في موضوعنا

99.9 مرشح من بلد واحده !

حاجه غريبه جدا...كل اللي ضامن صوت مراته وابنه وبنته يقولك نازل انتخابات وعمره مافكر في نتيجة ده بالنسبة للبلد

وهل بلدنا قادرة على تطبيق الحرية والديمقراطية الان...لااعتقد ذلك

كان هناك عام 2000 2 مرشحين وكان هناك عداء بين المناصرين شديد جدا

وعام 2010 تقريبا كان مرشح واحد وبرضه كان هناك عداء شديد

احنا بلدنا كده وهتففضل كده كل عائله تناصر ابنها _وان كان هناك شباب مثقف فاهم وعارف هيطبق فهمه ازاي لكن مش كتير والي ان يأثروا في الاخرين هياخد سنين_

مابالكم بقى لما يبقى في عدد كبير من المرشحين يصل الي 15 مثلا

ومن الممكن يكون 2 من عائله واحد ويحدث انقسامات وعداءات

ومش بعيد حرب اهليه (زي حرب الطوب في عام 2000)

كل مرشح معتمد على اهداف الثورة وهي الدمقراطية ولكن لايعلم ان اهل قرية بسيطه زيينا غير مؤهلين على تطبيق الديمقراطية الان

زمان كنا يد واحده عارفين عدونا وهو محدد "الحزب الوطني" دلوقتي هنكون كلنا اعداء بعض

استكمال الرسالة في الردود

حمدى فتحى تهامى كتب:

موضوعك فعلا جميل ياباهر واتمنى ان تكون
رسالتك وصلتك لانى فعلا سامع انى فى ناس كتير ناويه تدخل الانتخابات تحت
اسم المطالبه بحق الشباب واتمنى ان تتفق البلد على رجل واحد حتلى لايحدث
كما قلت حرب الطوب فى 2000 ..

للاسف الشعب لما قام باللثوره افتكر
كل واحد منا انى صوته هو اللى اسقط النظام وعلى اساسه فهم انى صوته ده
فعلا مؤهل انى يسقط حواجز وحدود كتير ومنها مجلس الشعب والشورى والنقابات
والجمعيات وخلافه

فلا تستبعد يا عزيزى ان لا ترى ناخبيين فى الانتخابات القادمه لانى بفضل الله كل الشعب سيكون مرشح نفسه للانتخابات .

ههههه
ربنا يستر وكلامنا ده يجيب نتيجة
راي المنتدى بيوصل بسرعه للشارع

Eman moustafa كتب:

على كده الحق اجهز الواد على ابنى بقى للانتخابات
طالما نص البلد داخل
يا جماعة دى مشكلة ياريت نرسى على واحد
وياريت يكون شاب طموح قريب من الشباب مثقف بثقافة العصر
يقدر يقف فى البرلمان يصلح ويبنى ويقول رأيه

المصيبه ان كل واحد شايف نفسه يصلح!!!!!!

أحمد عبدالعزيز كتب:

الظاهر ان مفيش فايده فعلاً

الناس متعطشه اوي للمشاركة ..وده سبب اساسي للفشل كالعادة ..

( ولا تنازعوا فتفشلوا )

بدون دباجة الرسالة مكتملة وصاحبها اطلقها محددة وواضحة ..والدوران حولها كثيراً يخفيها اكثر مما يظهرها ....

اقترح
عقد إجتماع ضيق بين كل من اعلن ترشحه فى أحد بيوت اهل العمار , مما له ثقه
ومهابه ...ومحاولة توضيخ هذا الأمر ...فعيب علينا ألا نمر فى عهد التزوير
وعهد الديمقراطية أيضاً ...

او عمل إنتخاب مبدئي بينهم على أن
يختار كل منهم أحد الأسماء من باقي المرشحين ..وبذلك نعلم أصلحهم بشهادة
بعضهم البعض ..ذلك بالطبع لو هناك ثقافة حوار تجمعهم .وقبول للآخر ...

ولكن
يبدوا ذلك صعب المنال ..فلا يوجد تنسيق داخل العائلة الواحدة ولا اجتماع
على رأي واحد ...او ربما هناك فرقعات إعلامية عديدة سوف نمر بها فى المرحلة
القادمة ...ولكن نصيحتي لهم ان تلك الفرقعات العديدة وما يؤخذ على العمار
من إنطباعات يجعل باقي الدائرة لا تلقي للعمار بالاً لعلمها ان مرشحيها سوف
يدكوا عِظام بعضهم البعض ...

كلام رائع

ولكن لازم يسمعوا لينا
وهنفضل نحاول قدر المستطاع لعدم حدوث كارثة

bent el_3amar كتب:

بشمهندس احمد السيد ياريت كل شخص فى العمار يعرف
الكلام الى حضرتك بتقوله دا لانه مهم جدا ,يعنى الانتخابات لسه شوية عليها
ولغاية دلوقتى 8 او 9 اعلنوا ترشيحهم ولسا كمان كتييييير
,وكل واحد هيدخل هيحط فى دماغه اذا كان شاب ان هو الى خلص الشعب من حسنى وان دا وقت الشباب ولازم هما يمثلونا
ولازم يكون فى عهد ديموقراطى بحت والحرية والديموقراطية دى هتحصل لو اعضاء مجلس الشعب والشورى عندهم25 او بالكتير 28 .
اما بقى الرئيس يبقى عندوا 30 سنة ,علشان الدولة تبقى روشة وجامدة اخر 30 حاجة .
مهزلة ..
انا
مش بقلل من الشباب لكن مينفعش الشباب تنسب لنفسها نجاح الثورة والحماس
الزائد دا مش هيحل حاجة ولا هينول حاجة لحد فينا من الجو الحر الديمو قراطى
الى بنحلم بيه.
ولازم الشباب تهدى شوية من جانب الانتخابات علشان لسا فيه حورات ومفاجئات كتييييير والمنتدى هيزهزه من كتر المواضيع .
عذرا للاطالة ..
تحياتىbent el_3amar,,,,,,,

هو أحمد السيد قال كده؟!

ما نترك من يترشح يترشح طالما لاتوجد ضوابط
انا كان عندى اقتراح انى المستقل الراغب فى الترشح يجب عليه ان يحصل على توكيل من عدد من اهالى بلاد الدائرة التابع لها حتى يكون له شعبية ولا يشغل فكر الناس بكلام وهو مش ناجح
اللى ينزل ينزل بس لو وفع وما خدش اصوات الا نفسه ما نشوف وشه تانى
وكفايانا فرقة

اممممممم
انا كان قصدى بشمهندس احمد عبد العزيز لكن غلط فى اسماء الاباء ,يالا حصل خير
كويس ان حضرتك فكرتنى ,
thanks
تحياتى bent el_3amar,,,,,

ليس من حق أى شخص أن يمنع أى شخص من الترشح ..ولكن من حق أى شخص أن ينتخبه أو لا ...

وإلا فليست هذه هى الديموقراطية التى لطالما دعونا إليها ..وكأننا نتعامل بمبدأ الحزب الوطنى القديم .حيث

أنه كان يمنع الأشخاص من الترشح بتأصيل سابق لمبدأ إنه ساقط ساقط ...قد رسخ فى نفس الناس طالما أنه

ليس أحد أعضاء الحزب الوطنى ...

كيف تريد الإجماع على شخص للترشح شفهيا وعلنيا ...وقد يفشل الاجماع عليه فى الاستفتاء السرى ؟!

وإلا ان أجمعنا عليه الآن ..فما احتياجنا إذا للإنتخابات ..ولماذا شرعت أصلا..؟

أعرض عليكم جميع أنواع الأكل ...وأترك لكم حرية الإختيار بينهم ...وتأتى جماعة منكم لتقول نريد أن يقتصر عرضك

فقط على السمك مثلا...برغم أن السمك كان ضمن أنواع الأكل التى عرضتها عليكم ...وكان بإمكان هذه الجماعة اختيار السمك

وترك الحرية للأخرين ليختاروا مايشاؤن...وليرضخ الجميع لرأى الأغلبية فى النهاية ...

فأنت لن تستطيع جمع البلد كلها على شخص أبدا ..فاترك القرار لصندوق الاقتراع ...

وأجد ان كل المشكلة هاهنا ..أننا نريد مرشحا من البلد ولكننا نخشى تشتت الأصوات ..

ولأن فكر التعددية الحزبية ...الذى انتشر بعد الثورة ليس مقتصرا على العمار فقط ولكنه فى مصر كلها ..

فلا تخشى التعددية ..لأنها وان سلّمنا بأنها تشتت الأصوات ..فهذه ستكون حالة عامة ..وسيكون معدل الأصواات الإنتخابية بشكل عام

سيكون منخفض ..فالأغلبية ولو قل عددها ..ستكون مع الأصلح مهما تعدد عدد المرشحين ..

الترشّح حق للجميع ...والقرار لصندوق الاقتراع ..ولاشىء غير ذلك ..هذه هى الديموقراطية التى أعرفها ..وربما اكون مخطئأ فى فهمها ..

وهذه وجهة نظرى المتواضعة التى ليس لى الحق فى فرضها على أى شخص ...

مع كامل احترامى لرأى البشمهندس باهر ..

ع الهامش ...

اختلاف الرأى لا يفسد للود قضية ..

وحشنا كلامك يادكتور

كلامك زي الفل

ولكن انا قلت ان مصر بتحاول تطبق الديمقراطية وده هياخد وقت من التجارب
مابالك بقرية تحكمها عصبيات العائلات

باقي شهور على الانتخابات وانتشرت الشائعات والتجريح في الاشخاص

لو تضمن لي احترام الاخر لن نحذر ولن نقول

Baher Hokkam كتب:: وحشنا كلامك يادكتور

كلامك زي الفل

ولكن انا قلت ان مصر بتحاول تطبق الديمقراطية وده هياخد وقت من التجارب
مابالك بقرية تحكمها عصبيات العائلات

باقي شهور على الانتخابات وانتشرت الشائعات والتجريح في الاشخاص

لو تضمن لي احترام الاخر لن نحذر ولن نقول

برافوا عليك يا باهر

الواحد خايف يقول إن بلدنا فعلاً مش عارفة تتحمل قدر الديمقراطية ...

الكل يريد أن يعيش التجربة الجديدة التى حرم منها قرابة الخمس عقود ...

والكل سيكون سعيد حتى لو فشلت أول تجربة للديموقراطية ..

وإلا إن منعنا خوض الجربة ...خشية فشلها ..فلن نطبق ديموقراطية طيلة حياتنا ..

ولكن نجرب فنفشل مرة ...ونجرب أحرى فنفشل ثانية ..ولعلنا ننجح فى الثالثة ..

..وإن نظرنا للواقع فإننا لن نستطيع منع أحد من الترشح ...فلن نبوء من ذلك إلا بجزء من كرهه ..

وسيفهم ذلك بمبدأ المؤامرة عليه لإنجاح شخص آخر لايرى فى قرارة نفسه أنه أفضل منه ..

واعتقد ان معيار الانتخاب الآن هو الصلاحية لا العصبية ..

والدليل على ذلك التحركات الواسعة التى تشهدها العمار من شبابها وشيوخها وكبارها ...سعيا لضمان

نزاهة الإنتخابات ونزع العرقيات ...وأنا شاهد على ذلك بنفسى وشاهدته ...

وأرى من الوعى مايطمئن قلبى ..أنه مهما تعدد المرشحون ..

وهذا لا ينكر انه لا وجود للعرقيات والعصبيات ..موجودة ولكنها أقل كثيرا من ذى قبل ..

فلا يوجد شىء يحدث بشكل تام مئة بالمئة ...

وحتى وإن كانت نظرتى وفهمى للوضع فى البلد خاطىء ...

فدعونا نجرب ونجرب ونجرب حتى ننجح ..

فمن يخشى الماء ...لا يتعلم السباحة ..

كلامك صح يا باهر
وياريت نعرف نمسح لعبة العيلة والعصبية
يبقى الانتماء لفكرة ومبدأ
اللى كان ينفع ايام الحزب الفاسد ما ينفعش دلوقتى
[b][center]

هل لى ان اطرح وجهة نظرى بصفتى احد ابناء العمار وليس بصفتى احد المرشحين ام ان كلامى سيحمل على محمل الدعايه 00000!

زمان كنا يد واحده عارفين عدونا وهو محدد "الحزب الوطني" دلوقتي هنكون كلنا اعداء بعض

على رأى واحده صاحبتى
كنا بنتكلم فى موضوع الأعداد الكبيره اللى مترشحين
فبتقولى على سبيل الهزار (ده ناقص اللى يغسل وشه ويصحى بدرى هيترشح)
والله فعلا حاجه غريبه

هل لى ان اطرح وجهة نظرى بصفتى احد ابناء العمار وليس بصفتى احد المرشحين ام ان كلامى سيحمل على محمل الدعايه 00000!
ننتظر..

» رسالة
» رسالة من .........
» رسالة الى كل من هجر
» رسالة من أمى
» مجددون(رسالة 2)