هتسافر ولا هتشتغل هنا ف مصر؟؟

ازيكم يا شباب يارب تكونوا بخير

طبعا قبل الثورة كان كل تفكير الشباب بعد اما اخلص كليتى هسافر اشتغل بره

اى حاجة المهم اسافر!!!!

ودا طبعا لان الاحوال ع كل الاصعدة كانت تؤدى الى هبوط الروح المعنوية

والتفكير ف امرين

السفر والعمل بالخارج ، اما العمل هنا

بالوساااااااااااااااطة

عندى سؤل بقى للشباب حاليا وبعد الثورة والحاجات الى بتحصل دى من تغيرات سياسية وكدا

هتسافر بردو او تشتغل بالوسطة

ولا هتشتغل بمجهودك وتقديرك وف مجال دراستك؟؟؟

ايه رايكو؟

قبل الثورة كان نفسي جدا اسيب البلد دي

بعد الثورة لو هاخد هنا اللي يعيشني بس هاكمل هنا

ASMAA MO7Y كتب:: ازيكم يا شباب يارب تكونوا بخير

طبعا قبل الثورة كان كل تفكير الشباب بعد اما اخلص كليتى هسافر اشتغل بره

اى حاجة المهم اسافر!!!!

ودا طبعا لان الاحوال ع كل الاصعدة كانت تؤدى الى هبوط الروح المعنوية

والتفكير ف امرين

السفر والعمل بالخارج ، اما العمل هنا

بالوساااااااااااااااطة

عندى سؤل بقى للشباب حاليا وبعد الثورة والحاجات الى بتحصل دى من تغيرات سياسية وكدا

هتسافر بردو او تشتغل بالوسطة

ولا هتشتغل بمجهودك وتقديرك وف مجال دراستك؟؟؟

ايه رايكو؟

موضوع جميل احييكى عليه

بس علشان حال البلد يتصلح قدمنا سنين
فأنا بفضل السفر
(بس ان شاء الله لما اشوف موضوع الجيش)

بس لو فى فرصه فى مصر تكون كويسه
بالتأكيد هيكون افضل

وفى حاجه اهم انى المحاسبين اللى انا منهم شغلهم كتير
بس اجرهم للاسف ضعيف لذلك الواحد بيفكر فى السفر
ان شاء الله

هسافر ونفسى امشى منها النهادرة قبل بكره

لان الواحد زهق من البلد دى

وبعدين فين الشغل وطبعا لو لقيت شغل مش هيبقى فى مجالك يعنى مالهاش لازمه ان الواحد يقعد

قبل الثورة أو بعدها
الأولوية هنا حتى لو هتعب شوية
لو قفلت هنا مش هيبقى فيه أمل غير هناك ،،

رب هنا رب هناك الواحد يسافر ويتغرب ليه على رأى واحد صاحبى الجنيه فى مصر بألف من برة

والغربة ليها تمن

والله الواحد مش عارف ربنا كاتبله ايه بس اكيد الواحد بيحاول يعمنل الى عليه وهيخلص وهيدور على شغل كويس والله لقيت وتمام وحاسس ان المرتب مجزى ويعيشنى كويس تمام مش لازم اول ما اشتغل يبقى المرتب كبير الاهم انه يبقى مجزى
والله معرفتش وملقتش هحاول كذا مره اول ما تقفل خااااااااااااااااااااااااااالص يبقى ان شاء الله على ksa
او uae بس يارب نلاقى سفر متقفلش دى كمااااااااااااااااان

هسافر هههههههههههههههههههههههههههههههههه انا كنت ضد السفر وانا مخطوبه لكن دلوقتى مش ضده اوى لانى الحال فى مصر عايز سنين وسنين علشان يكون زى هنا

مكان ما ربنا يريد

الرزق مش إختيار

يعني الفرصة الأحسن محدش يرفضها هنا أو هناك

المنتظر زيادة الفرص في مصر وإرتفاع المرتبات

فيزيد مرتب اللي جوة واللي برة ونشوف كلنا خير

وربنا يرزق الجميع

ام يوسف كتب:

هسافر هههههههههههههههههههههههههههههههههه انا كنت ضد السفر وانا مخطوبه لكن دلوقتى مش ضده اوى لانى الحال فى مصر عايز سنين وسنين علشان يكون زى هنا

يعني يا ام يوسف ده بدافع ان انتي بتغيظي الناس
وتقولي اللي بتقبضوه في سنين انا بقبضه في شهر واحد

راعي مشاعر اخواتك المصريين

ههههههههههههههههههههه لا وربنا ده انا حتى حاليا عاطله ههههههههههههههه وبعدين المدرسين هناغلبنين خالص ههههه

انا بتكلم جد انى لما افكر مع نفسى انى ممكن اشوف مصر زى هنا امتى بحس انى هموت قبل مااشوفها كده مش متشائمه والله بس فعلا هى دى الحقيقه مش قصه فلوس قصه اسلوب حياه يعنى مثال بسيط خالص قارن احترام الناس هنا ازاى للمرور ولقوانينه وشوف المرور فى مصر عماله ازاى الناس هنا بتحترم القانون برضى مش مضطرين علشان كده تلاقى الدنيا حاجه تانيه

هههههههههههه

فكرة احترام القوانين دي بتعتمد علي العدالة في القوانين نفسها بين الناس
القاتون المصري كان بيصطاد الضعفاء وبس
يعني الللي بيدفع الضرايب اللي ماعندوش واسطة اما اللي دخله مليارات والمفروض يدفع ملايين مابيدفعش علشان مسنود

لما حد بيكسر اشارة لو سواق اجره بيطلع عينه انما لو واحد وراه حد مابيدفعش تعريفه

يوم مايسود العدل وكل واحد يبقي حاسس ان زيه زي غيره والله الدنيا هنا هاتتغير

وايد هاتتغير اول الغيث قطرة اهه العادلي 12 سنة سجن في قضية واحدة ولسه

احترام المرور

ده فى ناس بتبقى ماشية على الصبح فى الشارع وتلاقى العربية ماشية وراه وعمالة تزمر تييييييييييييييييييييييييييييييييييييت

وتلاقى الواحد ولا هو هنا أيه السبب ؟

ضارب فول على الصبح

هههههههههههههههههههه
فلازم نحاول نحارب الفول
[ندعوك للتسجيل في المنتدى أو التعريف بنفسك لمعاينة هذه الصورة]

mahmoud elbakry كتب:: هههههههههههه
يوم مايسود العدل وكل واحد يبقي حاسس ان زيه زي غيره والله الدنيا هنا هاتتغير

انت بتتكلم عن المدينه الفاضله

مش معنى ان كام واحد من الحرميه اللى كانوا وكلنها بيتحاكموا ان خلاص مش هتقابل امثالهم تانى اكيد هيطلعلنا عدلى غير العدلى المرحوم الدنيا قايمه وجود الخير والشر بس اللى مممكن يفرق نسبه الخير للشر كام

اقتباس :: قبل الثورة كان نفسي جدا اسيب البلد دي

بعد الثورة لو هاخد هنا اللي يعيشني بس هاكمل هنا

كلام رائع بجد وان شا الله الى جاى افضل كتير،

بس يارب الكل يفكر ف كدا اننا الى

هنغير بوجودنا هنا

مش السفر برا

اقتباس :: بس علشان حال البلد يتصلح قدمنا سنين
فأنا بفضل السفر
(بس ان شاء الله لما اشوف موضوع الجيش)

بس لو فى فرصه فى مصر تكون كويسه
بالتأكيد هيكون افضل

وفى حاجه اهم انى المحاسبين اللى انا منهم شغلهم كتير
بس اجرهم للاسف ضعيف لذلك الواحد بيفكر فى السفر
ان شاء الله

انا معاك ف حكاية المرتب الضعيف لكن امكانية زيادة المرتبات

ع حد روئيتى هتزيد بعد الثورة ، وبعدين مش لازم مرتب كبير اوى المهم

شغلة كويسة وكل حاجة بتبدا بسيطة وبجهدك هتكبر

لكن بجد الفترة الى جاية دى نفسى نسبة السفر تقل

اقتباس :: هسافر ونفسى امشى منها النهادرة قبل بكره

لان الواحد زهق من البلد دى

وبعدين فين الشغل وطبعا لو لقيت شغل مش هيبقى فى مجالك يعنى مالهاش لازمه ان الواحد يقعد

ع فكرة والله يا محمد المفروض ان النظرة دى تتغير بعد الثورة ع حد علمى ان الى جاى افضل

ولو كل واحد قال كدا يبقى مصر هترجع زى الاول واسوء

اقتباس :: قبل الثورة أو بعدها
الأولوية هنا حتى لو هتعب شوية
لو قفلت هنا مش هيبقى فيه أمل غير هناك ،،

تمام يا مصطفى لكن مفيش حاجة بتيجى بالساهل ولازم نتعب دلوقتى

وبعدين مش هتقفل بعد كدا الى جاى افضل ان شا الله

اقتباس :: رب هنا رب هناك الواحد يسافر ويتغرب ليه على رأى واحد صاحبى الجنيه فى مصر بألف من برة

والغربة ليها تمن

معاك جدا والله يا استاذ عمرو وبالذات الى جاى لازم احنا الى نبنى من جديد

هو كلام افلام يمكن لكن والله مصر محتاجة الشباب انهم يبنو من اول

وجديد كل شئ سياسة ، تجارة ، ايدى عاملة ، كل شئ لازم احنا الى نعمله

علشان مصر ترجع تقوم تانى بعد الثورة

اقتباس :

والله
الواحد مش عارف ربنا كاتبله ايه بس اكيد الواحد بيحاول يعمنل الى عليه
وهيخلص وهيدور على شغل كويس والله لقيت وتمام وحاسس ان المرتب مجزى ويعيشنى
كويس تمام مش لازم اول ما اشتغل يبقى المرتب كبير الاهم انه يبقى مجزى
والله معرفتش وملقتش هحاول كذا مره اول ما تقفل خااااااااااااااااااااااااااالص يبقى ان شاء الله على ksa
او uae بس يارب نلاقى سفر متقفلش دى كمااااااااااااااااان

تمام جدا يا احمد وان شا الله مش هنقفل هنا والشغل هيبقى متواجد لكن بالصبر والنظرة السليمة

اقتباس :: هسافر هههههههههههههههههههههههههههههههههه انا كنت ضد السفر وانا مخطوبه
لكن دلوقتى مش ضده اوى لانى الحال فى مصر عايز سنين وسنين علشان يكون زى
هنا

نورتى يا ام يوسف وترجعى بالسلامة يارب

اقتباس :: مكان ما ربنا يريد

الرزق مش إختيار

يعني الفرصة الأحسن محدش يرفضها هنا أو هناك

المنتظر زيادة الفرص في مصر وإرتفاع المرتبات

فيزيد مرتب اللي جوة واللي برة ونشوف كلنا خير

وربنا يرزق الجميع

مش بقول اختيار لكن انا اقصد الفكرة ان لازم الشباب مش يبقى كل تفكيرهم هخلص واسافر

لازم التفكير دا يتغير ، وكلام حضرتك مظبوط جدا لكن برده لازم نفكر ان الشغل ف مصر افضل كتير من السفر

[ندعوك للتسجيل في المنتدى أو التعريف بنفسك لمعاينة هذه الصورة]

نورتو التوبيك يا جماعة لكن بالنسبة للنقاش الجميل الى حصل الى انا بجد

سعيدة بيه جدا

من وجهة نظرى ان مصر ماشى هتتغير ف فترة كبيرة او سنين زى ما ام يوسف قالت

لكن التغيير دا ع ايد مين او مين الى هيعمله

الشباب يبقى لازم الشباب بتوعنا يكونو هنا ف مصر ، مش اول ما يخلصه يسافره

وبالنسبة ان الامارات او اى بلد تبقى احسن من مصر انا معاكى ان البلاد الخليجية مثلا

بتحترم جدا اشارات المرور و و و و

افضل من مصر تمام

لكن اوعدك ان مصر هتبقى افضل واحسن بلد ف الدنيا

مش مهم الميعاد لكن صدقينى مصر هتبقى كدا

وابقى قولى اسماء قالت

شكرا

هسافر علشان مصر هتنيها مصر عاوزه معجزه علشان تتغير

سيكا كتب:: هسافر علشان مصر هتنيها مصر عاوزه معجزه علشان تتغير

تمام يا اخ محمود لكن صدقنى لو كلنا قولنا كدا مش هتفضل مصر كدا

وبس لا دى هتسوء الى ابعد المدى ... فكر فيها كويس

وهتلاقى كلامى مظبوط جدا

تقبل كلامى

شكرا

انا كماااااااااااان نفسي اسافر علشان اشوف حاجات غريبه وكمان علشان اتفسح مش مهم الفلوس عندي :d

اقتباس :: انا كماااااااااااان نفسي اسافر علشان اشوف حاجات غريبه وكمان علشان اتفسح مش مهم الفلوس عندي :d

نورتى التوبيك يا جميل

لكن انا بقولك ع حكاية الشغل برا مصر مش اقصد تسافرى علشان تتفسحى

يارب اكون وصلتلك وجهة نظرى

شكراااااااااااا

اه طبعا ما انا هسافر وهشتغل علشان برضو الفلوس

والله........انا كان نفسى اخلص دراستى
واطفش
بس لو حال البلد اتعدل
فعلااااااااااااااااااااا!!!!!!!!!
يبقى خلينا فيها

لا انا اشتغلت الحمد لله هنا

ولو مش كنت اشتغلت بسهولة بردو كنت فضلت هنا

ادور ع شغل واتعرض عليا السفر مرة اول ما خلصت

وللاسف وافقت والحمد لله انى مسفرتش .. ومفيش اسوء من الغربة

أولاً كلها أقدار
وممكن تكون مش مخطط للسفر وتلاقى نفسك مجبر تسافر .. فتسافر

أما من ناحية السفر والعمل فى مصر علشان البناء وتطوير الوطن

فاللى بيسافر بيفيد بلده .. واللى ما بيسافرش بيفيد بلده
وده موضوع يطول شرحه
المهم إن لو فيه فرصة مناسبة فى مصر .. بالطبع تبقى أفضل من السفر
وممكن ناس تقول مصر فى حاجة لكل الإيدين
فعلا مصر محتاجه كل الإيدين
وفيها أيادى تكفى لكل مشروعاتها الحاضرة والمستقبلية
وكذلك تكفى لتصديرها للخارج
مافيش فى مصر حقيقة مشاريع وأعمال ووظائف تستوعب الجميع
ودى مشكلة الدول المتقدمة قبل مصر
أنا مش بشجع على على السفر
بس بقول حسبة المنطق تسرى
ومقارنة الفرص المتاحة تسرى

واللى عايز يسافر قبل ما يفكر يسافر لازم يكون عارف إن الغربة مش رحلة
لأننا عاصرنا ناس كتير جت الغربة وكانوا فاكرين انها رحلة
وفاكرين إن العمل هنا أخف من مصر .. العمل فى السفر مص دم من الآخر
وكتر الشغل مش مشكلة
بس أنا بقول لكل واحد عايز يسافر .. قبل ماتسافر تأكد من المصادر
والمرجعيات فى مصر من جودة المكان اللى انت متعاقد معاه
فيه فى مصر سجل بالشركات ذات السمعة السيئة على مستوى دول الخليج مثلا وغيرها
علشان تتأكد الأول إن كرامتك هاتكون محفوظة
وبعدين التأشيرات اللى بيسموها الحرة
دى أسوأ شىء ممكن تتخيلوه
شبابنا حالياً بيرحوا يدفعو فى التأشيرة 23000 جنيه
وللأسف ييجوا هنا يتعذبو علشان يلاقوا شغل

مقصدى فى النقطة دى
( اللى يسافر يسافر سفر منظم )

حكاية بسيطة للى بيتوجهوا للتأشيرات الحرة .. ودى اتكررت كتير جداً وكل يوم بييجى لنا ناس الشركة جايين تأشيرات من دى طالبين عمل .
فى يوم قدام باب العمار اللى انا ساكن فيها
لقيت شاب مصرى بيسألنى أنا شغال فين
جاوبته
واتكلمنا شوية .. لقيته شغال فى المعمار .. وهو خريج حاسب آلى

مرة تانية فى نفس المكان .. برده شاب مصرى .. المرة دى بقى كان موقف صعب
تأشيرة حرة على جدة .. مالقاش شغل هناك ( مؤهل عالى برده ).. جه الدمام .. ما يعرفش حد
ماشى فى الشارع .. فلوسه خلصت .. والله بيبكى
دفع فى التأشيرة 23000 جنيه فى مصر
طبعا أنا معايا أسرتى ما ينفعش أستضيفه
أخدته ورحت سكن العزاب لحد ما لاقينا ليه حل
والوضع ده مش غريب هنا بالنسبه لينا
دى حالات متكررة كتير بسبب السفر غير المنظم

الرزق مكتوب فى أى مكان
بس اللى عايز يسافر مايسافرش إلا سفر منظم ويسأل عن الشركة اللى هيسافر عليها
فى وزارة القوى العاملة خاصة بعد الثورة لأن الأوضاع مش زى الأول بدون شرح .

وماحدش يستجعل .. الغربة مش رحلة صدقونى .
ده غير ان اللى يسافر لازم يحط ف باله إن السفر بيسرق العمر
حتى مع الفلوس فى النهاية
الحياة بتكون مرت كانها صخرة والإنسان بيدحرج فيها أو هى بتدحرج فوقه .
تحياتى

لو سافرتم سافروا سفر منظم .. مش غير كده .

Ahmed elshaer كتب:: والله........انا كان نفسى اخلص دراستى
واطفش
بس لو حال البلد اتعدل
فعلااااااااااااااااااااا!!!!!!!!!
يبقى خلينا فيها

نورت الموضوع يا فندم

ابراهيم محيى عبد العاطى كتب:: لا انا اشتغلت الحمد لله هنا

ولو مش كنت اشتغلت بسهولة بردو كنت فضلت هنا

ادور ع شغل واتعرض عليا السفر مرة اول ما خلصت

وللاسف وافقت والحمد لله انى مسفرتش .. ومفيش اسوء من الغربة

منور يا حبيبى الدنيا كلها ،، والحمد لله انك اشتغلت ف مصر ،،

يارب دايما موجود معانا ،، تسلم ع المرور