هتسافر ولا هتشتغل هنا ف مصر؟؟

تذكير بمساهمة فاتح الموضوع :

ازيكم يا شباب يارب تكونوا بخير

طبعا قبل الثورة كان كل تفكير الشباب بعد اما اخلص كليتى هسافر اشتغل بره

اى حاجة المهم اسافر!!!!

ودا طبعا لان الاحوال ع كل الاصعدة كانت تؤدى الى هبوط الروح المعنوية

والتفكير ف امرين

السفر والعمل بالخارج ، اما العمل هنا

بالوساااااااااااااااطة

عندى سؤل بقى للشباب حاليا وبعد الثورة والحاجات الى بتحصل دى من تغيرات سياسية وكدا

هتسافر بردو او تشتغل بالوسطة

ولا هتشتغل بمجهودك وتقديرك وف مجال دراستك؟؟؟

ايه رايكو؟

سميح عزت الهيو كتب:: أولاً كلها أقدار
وممكن تكون مش مخطط للسفر وتلاقى نفسك مجبر تسافر .. فتسافر

أما من ناحية السفر والعمل فى مصر علشان البناء وتطوير الوطن

فاللى بيسافر بيفيد بلده .. واللى ما بيسافرش بيفيد بلده
وده موضوع يطول شرحه
المهم إن لو فيه فرصة مناسبة فى مصر .. بالطبع تبقى أفضل من السفر
وممكن ناس تقول مصر فى حاجة لكل الإيدين
فعلا مصر محتاجه كل الإيدين
وفيها أيادى تكفى لكل مشروعاتها الحاضرة والمستقبلية
وكذلك تكفى لتصديرها للخارج
مافيش فى مصر حقيقة مشاريع وأعمال ووظائف تستوعب الجميع
ودى مشكلة الدول المتقدمة قبل مصر
أنا مش بشجع على على السفر
بس بقول حسبة المنطق تسرى
ومقارنة الفرص المتاحة تسرى

واللى عايز يسافر قبل ما يفكر يسافر لازم يكون عارف إن الغربة مش رحلة
لأننا عاصرنا ناس كتير جت الغربة وكانوا فاكرين انها رحلة
وفاكرين إن العمل هنا أخف من مصر .. العمل فى السفر مص دم من الآخر
وكتر الشغل مش مشكلة
بس أنا بقول لكل واحد عايز يسافر .. قبل ماتسافر تأكد من المصادر
والمرجعيات فى مصر من جودة المكان اللى انت متعاقد معاه
فيه فى مصر سجل بالشركات ذات السمعة السيئة على مستوى دول الخليج مثلا وغيرها
علشان تتأكد الأول إن كرامتك هاتكون محفوظة
وبعدين التأشيرات اللى بيسموها الحرة
دى أسوأ شىء ممكن تتخيلوه
شبابنا حالياً بيرحوا يدفعو فى التأشيرة 23000 جنيه
وللأسف ييجوا هنا يتعذبو علشان يلاقوا شغل

مقصدى فى النقطة دى
( اللى يسافر يسافر سفر منظم )

حكاية بسيطة للى بيتوجهوا للتأشيرات الحرة .. ودى اتكررت كتير جداً وكل يوم بييجى لنا ناس الشركة جايين تأشيرات من دى طالبين عمل .
فى يوم قدام باب العمار اللى انا ساكن فيها
لقيت شاب مصرى بيسألنى أنا شغال فين
جاوبته
واتكلمنا شوية .. لقيته شغال فى المعمار .. وهو خريج حاسب آلى

مرة تانية فى نفس المكان .. برده شاب مصرى .. المرة دى بقى كان موقف صعب
تأشيرة حرة على جدة .. مالقاش شغل هناك ( مؤهل عالى برده ).. جه الدمام .. ما يعرفش حد
ماشى فى الشارع .. فلوسه خلصت .. والله بيبكى
دفع فى التأشيرة 23000 جنيه فى مصر
طبعا أنا معايا أسرتى ما ينفعش أستضيفه
أخدته ورحت سكن العزاب لحد ما لاقينا ليه حل
والوضع ده مش غريب هنا بالنسبه لينا
دى حالات متكررة كتير بسبب السفر غير المنظم

الرزق مكتوب فى أى مكان
بس اللى عايز يسافر مايسافرش إلا سفر منظم ويسأل عن الشركة اللى هيسافر عليها
فى وزارة القوى العاملة خاصة بعد الثورة لأن الأوضاع مش زى الأول بدون شرح .

وماحدش يستجعل .. الغربة مش رحلة صدقونى .
ده غير ان اللى يسافر لازم يحط ف باله إن السفر بيسرق العمر
حتى مع الفلوس فى النهاية
الحياة بتكون مرت كانها صخرة والإنسان بيدحرج فيها أو هى بتدحرج فوقه .
تحياتى

لو سافرتم سافروا سفر منظم .. مش غير كده .

فعلا نصيحة غالية وكلام منطقى جدا جدا يا أستاذ سميح ،، السفر المنظم

وفعلا الغربة مش رحلة نهائى ،، دى مأساه ،، ربنا يجيب حضرتك بألف سلامة ان شا الله

دام مرورك العطر ،، لك منى كـــــــــــامل احترامى وتقديرى

اقول لبلدى ايه لو حضنها نادى اقول لناسها ايه دول اهلى وزياده

انا بعشق دولتين وهما هولندا وايطاليا وبعدين نفسي اخر ايامي تكون بالمدينة وان لمت حياتي كلها وبرده انا عايز اسافر علشان اكمل دراستي في امريكا لأما جامعة شياكاغو للاقتصاد او ميتشجين للعلوم السياسية بحكم تخصصي في الاتنين وبعد ين ان شاء الله ارجع واشتغل في الخارجية واتنقل في قنصليات مصر ما بين دول افريقيا واسيا ولاسيما الهند وباكستان .
بس وجرس المنبه ضرب .................. انا اعشق الترحال وبرده بحب اغنية وردة مليت من الغربة ههههههههههههههههههههههههه اعذروني خرافات قبيل النوم .
موضوع جيد يا اسماء

khairy el khashab كتب:: اقول لبلدى ايه لو حضنها نادى اقول لناسها ايه دول اهلى وزياده

حلوة اوى الكلمات دى ،، دام مرورك يا خيرى

muhamad yusif allam كتب:: انا بعشق دولتين وهما هولندا وايطاليا وبعدين نفسي اخر ايامي تكون بالمدينة وان لمت حياتي كلها وبرده انا عايز اسافر علشان اكمل دراستي في امريكا لأما جامعة شياكاغو للاقتصاد او ميتشجين للعلوم السياسية بحكم تخصصي في الاتنين وبعد ين ان شاء الله ارجع واشتغل في الخارجية واتنقل في قنصليات مصر ما بين دول افريقيا واسيا ولاسيما الهند وباكستان .
بس وجرس المنبه ضرب .................. انا اعشق الترحال وبرده بحب اغنية وردة مليت من الغربة ههههههههههههههههههههههههه اعذروني خرافات قبيل النوم .
موضوع جيد يا اسماء

مش حلم ولا اى حاجة بالطموح والجهد والعمل اى حاجة حقيقة وليست بحلم ،، دام مرورك العطر يا محمد