يا أنا يا حماتى ....(يوميات طريفه فى البيت المصرى)

اقتباس :

بس
مش فى الوش مرايا وفى القفا سلايه

ههههههه
شكلها هتبقى يوميات جامدة..

ياأنا ياحماتى هههههههههههههههههههههههههههههة
ياأنا ياهى فى البيت
الكمة دى بقيت اسمعها كتير الايام دى بس للاسف من البنت مش الحماة
واللة دة حقيقى طبعا مش الكل
ف من البنات دلوقتى بتتجوز وهى حطة حمتها فى دماغها
يعنى ممكن اقول انها بتفكر ازاى.....
ان الحماة حماة مش ممكن تكون ام يعنى هى مش حطة لنفسها فرصة انها تكتشفها
مع ان الحماة دى بكلامك وحنيتك معاها وحبك لزوجك ممكن جدا تكسبيها
حتى دة لو مش حصل على طول بس اكيد هييجى يوم تحسن علاقتها معاكى وتعترف بجميلك
وبتفكر كمان ان زوجها ملكية خاصة ليها يعنى يحدد بل يحجم علاقتة بأهلة بعد الزواج
طبقى دة على نفسك هتقدرى؟؟؟
دة طبعا الجزء اللى يخص البنت بس .....لسة اللى يخص الحماة


خلاصة الكلام
البنت لوحطت والدتها مكان حماتها وان ممكن يحصلها دة !!! لايمكن هتعمل كدة

ع فكرة ممكن اوى تكون زوجة الابن هى اللى مش كويسة ودلوقتى الظاهرة الموجودة ان الام هى الى لازم تجهز الفطار معبال الهانم ماتنزل من فوق وتقول اصلى عندنا بصحى الظهر ومش متعودة ع كدة وهى فى الاصل منتنة معندهاش دم لازم تعرف ان دى مكان امها وتاخد بالها منها وتطمن عليها دايما لان كله سلف ودين وانا بحب البنت الى تحترم حماتها وتقولها حاضر ونعم بكدة تبقى بنت متربية ومحترمة وبتعامل امها باحترام
تسلم ايديك ع الموضوع ياقمر

انا قصدى ياحبيبة قلبى ان الزوجة قبل ما تتزوج كانت متعودة تصحى متأخر وانها مش متعودة ع انها تصحى بدرى تجهز فطار وبعد الجواز بتبتدى تقول كدة لحماتها بمعنى اصح ان حماتها هى الى تجهز الفطار بس كدة

اقتباس:
ع فكرة ممكن اوى تكون زوجة الابن هى اللى مش كويسة ودلوقتى الظاهرة الموجودة ان الام هى الى لازم تجهز الفطار معبال الهانم ماتنزل من فوق وتقول اصلى عندنا بصحى الظهر ومش متعودة ع كدة وهى فى الاصل منتنة معندهاش دم لازم تعرف ان دى مكان امها وتاخد بالها منها وتطمن عليها دايما لان كله سلف ودين وانا بحب البنت الى تحترم حماتها وتقولها حاضر ونعم بكدة تبقى بنت متربية ومحترمة وبتعامل امها باحترام
تسلم ايديك ع الموضوع ياقمر

يسلملى مرورك يا تسنيم
تعقيبا على كلامك ..مفيش حاجه بقى إسمها متعوده إنتى إتنقلتى بيت تانى ليه إسلوب حياه معين
لازم تحاولى تتأقلمى مع إسلوب الحياه ده مش تقوليلى متعوده
وتسيبى حماتك الغلبانه متبهدله ...لا لازم تحسسيها إن إبنها عرف يختار إنسانه محترمه أد المسؤليه


معلش بقا انا مش معاكم معنى ان البنت مش تساعد حماتها انها مش محترمه ومش قد المسئوليه

طيب وليه ده كله لو الاختلاط بينهم هيجيب مشاكل نشيل ده من ده ونعيش فى هدوء

طبعا انا عندى كلام كتير قوى فى النقطه دى بس كل اللى انا عايزه اقوله ان مش منحق حد يدخل فى طريقه حياه الطرف الاخر والبنت لما بتتجوز بتحلم باسلوب معين فى بيتها

مش عارفه ليه لازم مرات الابن تعيش مع حمتها !!!! طيب لو هما الاتنين مش طايقين بعض ايه اللى بيفرض عليهم انهم ياكلوا ويشربوا مع بعض غصب عنهم الاتنين

اعتقد كدا المشاكل بتزيد

تسلم ايدك يا دهب على موضوعك جميل ومحتاج مناقشه طويله

ونفسى بجد الناس تنشر الثقافه دى فى البلد
حماتك عاشت حياتها وغيرها وغيرها يبقى ليه البنت متعش حياتها بإستقلاليه شويه
تحس فعلا إنها فى مملكتها الخاصه
ويبقى فى زيارات وود وحب بين الطرفين أصل مش معقوله الكام ساعه اللى هروح أزور فيها حماتى هوريها العين الحمرا..لا بالعكس ممكن أكون وخدالها هديه وهقولها وحشتينى وهتبقى وحشانى فعلا هقوم أعمل الاكل فى اليوم ده وأنضف البيت هحسسها إنى موجوده برضو
ومن هنا مش هتشوفنى غير كده على طول وخدالها هديه ..بقولها وحشتينى ..بعمل الأكل ..بنضف البيت...كلها حاجات تدعو للحب مش للكراهيه
طبعا محدش معارضنى فى الكلام ده ..كلام تمام ومفيهوش غلطه


على فكره يا دهب كلامك ده حصل بالفعل معايا شخصيا وصدقينى كان من اكبر غلط فى حياتى انى افرض نفسى على او حد يفرض نفسه على حياتى

الحكايه بسيطه بس احنا اللى بنصعبها على نفسنا قوى وماشين ورا عادات بتكون اكبر سبب فى خراب البيوت

النقاش ممتع معاكى جدا

والله يا دهب بما انى بقيت ام فبقيت احس احساسهم طبعا هى مش مستوعبه ان ابنها يروح لحد غيرها
وطبعا الاستاذ مجرد ما يخطب يهتم بالهدايا والكلام الحلو والتليفون والراغى وينسى ان فيه انسانه موجوده فى البيت محتاجه منه ولو كيلو موززز

وطبعا البنت بتدخل فى صراع مع الام وتقوله انت من حقى كفايه عشت معاها الفتره اللى فاتت الفتره اللى جايه بتاعتى انا

ومش هقول ياعينى هو الضحيه لا هو يقدر يحل مشكلته بشويه ذكاء منه

متقلقيش انا متابعه معاك لغايه ما نشوف مين اللى هيقعد فى البيت

فينك يادهب
عايزين بقيت المشاهد ونسمع اليوميات
الموضوع لسة فية بقية

متابعة معاكى