يا أنا يا حماتى ....(يوميات طريفه فى البيت المصرى)

تذكير بمساهمة فاتح الموضوع :

كالعاده هناك صراع دائم بين زوجه الإبن وأم زوجها(حماتها)
هناك كثيرا من المشكلات اللى تحدث ما بين هذين الطرفين وخصوصا بعد الزواج
طوال فتره الخطوبه (سمنه على عسل)
يرجع سبب هذه المشكلات لأسباب عديده منها
1*غيره الأم وشعورها بفقدان إبنها
2*رغبه الزوجه فى الحصول على كل إهتمام الزوج ونسيانه جميع الأهل والأصدقاء وعدم تذكر أى شخص سواها
3*أحيانا تقوم أم الزوج بمقارنه حال بنتها المتجوزه اللى طلعان عينها بحال زوجه إبنها (المتستته المتهنيه) طيب ليه اسيبها فى حالها؟ هى أحسن من بنتى لازم أطلع عنيها
4*أحيانا يكون الزوج (الابن) سبب فى هذا الصراع الدائم بعدم قدرته على جعل الامور متوازنه بين الطرفين
وفى اسبا ب تانيه كتتتتتتتتير
من خلال موضوعنا هنقول بعض المواقف الطريفه اللى بتحصل بين الزوجه وأم الزوج داخل بيوتنا المصريه ...
وفين دور البنت المتعلمه اللى تقدر تمشى أمرها زى ما بنقول وتكسب حماتها فى صفها ....بس مش فى الوش مرايا وفى القفا سلايه....لاء عاوزنها تحب حماتها فعلا زى أمها
وتحاول تقرب منها وتكون سند ليها بجانب زوجها

منتظره رايكم وبعد كده نقول المواقف اللى بتحصل وكل اللى عنده أى موقف عارفه يحكيه ونشوف هنستفاد منه إزاى وكمان إزاى نتفادى الأخطاء اللى بتحصل

marwa كتب:: اقتباس:
ع فكرة ممكن اوى تكون زوجة الابن هى اللى مش كويسة ودلوقتى الظاهرة الموجودة ان الام هى الى لازم تجهز الفطار معبال الهانم ماتنزل من فوق وتقول اصلى عندنا بصحى الظهر ومش متعودة ع كدة وهى فى الاصل منتنة معندهاش دم لازم تعرف ان دى مكان امها وتاخد بالها منها وتطمن عليها دايما لان كله سلف ودين وانا بحب البنت الى تحترم حماتها وتقولها حاضر ونعم بكدة تبقى بنت متربية ومحترمة وبتعامل امها باحترام
تسلم ايديك ع الموضوع ياقمر

يسلملى مرورك يا تسنيم
تعقيبا على كلامك ..مفيش حاجه بقى إسمها متعوده إنتى إتنقلتى بيت تانى ليه إسلوب حياه معين
لازم تحاولى تتأقلمى مع إسلوب الحياه ده مش تقوليلى متعوده
وتسيبى حماتك الغلبانه متبهدله ...لا لازم تحسسيها إن إبنها عرف يختار إنسانه محترمه أد المسؤليه

معلش بقا انا مش معاكم معنى ان البنت مش تساعد حماتها انها مش محترمه ومش قد المسئوليه

طيب وليه ده كله لو الاختلاط بينهم هيجيب مشاكل نشيل ده من ده ونعيش فى هدوء

طبعا انا عندى كلام كتير قوى فى النقطه دى بس كل اللى انا عايزه اقوله ان مش منحق حد يدخل فى طريقه حياه الطرف الاخر والبنت لما بتتجوز بتحلم باسلوب معين فى بيتها

مش عارفه ليه لازم مرات الابن تعيش مع حمتها !!!! طيب لو هما الاتنين مش طايقين بعض ايه اللى بيفرض عليهم انهم ياكلوا ويشربوا مع بعض غصب عنهم الاتنين

اعتقد كدا المشاكل بتزيد

تسلم ايدك يا دهب على موضوعك جميل ومحتاج مناقشه طويله

رد جميل جدا [ندعوك للتسجيل في المنتدى أو التعريف بنفسك لمعاينة هذه الصورة]

دهب كتب:

شكرا على المرور
حنين ..أحمد ماهر..أسيره الاحلام..مدام مروه..الاستاذ محمد عبد الرحمن

اقتباس :: معلش بقا انا مش معاكم معنى ان البنت مش تساعد حماتها انها مش محترمه ومش قد المسئوليه

طيب وليه ده كله لو الاختلاط بينهم هيجيب مشاكل نشيل ده من ده ونعيش فى هدوء

طبعا انا عندى كلام كتير قوى فى النقطه دى بس كل اللى انا عايزه اقوله ان مش منحق حد يدخل فى طريقه حياه الطرف الاخر والبنت لما بتتجوز بتحلم باسلوب معين فى بيتها

مش عارفه ليه لازم مرات الابن تعيش مع حمتها !!!! طيب لو هما الاتنين مش طايقين بعض ايه اللى بيفرض عليهم انهم ياكلوا ويشربوا مع بعض غصب عنهم الاتنين

اعتقد كدا المشاكل بتزيد

تسلم ايدك يا دهب على موضوعك جميل ومحتاج مناقشه طويله

ــــــــــــــــــــــــــــــــــــــــــــــــــــــــــــــــــــــــــــــــــــــ

كلامك مظبوط جدا يا مدام مروه ومعجبه بيه
ونفسى بجد الناس تنشر الثقافه دى فى البلد
حماتك عاشت حياتها وغيرها وغيرها يبقى ليه البنت متعش حياتها بإستقلاليه شويه
تحس فعلا إنها فى مملكتها الخاصه
ويبقى فى زيارات وود وحب بين الطرفين أصل مش معقوله الكام ساعه اللى هروح أزور فيها حماتى هوريها العين الحمرا..لا بالعكس ممكن أكون وخدالها هديه وهقولها وحشتينى وهتبقى وحشانى فعلا هقوم أعمل الاكل فى اليوم ده وأنضف البيت هحسسها إنى موجوده برضو
ومن هنا مش هتشوفنى غير كده على طول وخدالها هديه ..بقولها وحشتينى ..بعمل الأكل ..بنضف البيت...كلها حاجات تدعو للحب مش للكراهيه
طبعا محدش معارضنى فى الكلام ده ..كلام تمام ومفيهوش غلطه

نيجى بقى للواقع......
ههههههههههه
سامحونى ممكن تكون الضحكه مش فى وقتها بس اللى هقوله ده اللى بيحصل فعلا
تيجى البنت فى الخطوبه تقول هقعد لوحدى
تقوم الدنيا وتقعد...شوفوا البت قليله الادب ياختى من أولها مش طايقه حماتها
ومش عاوزه تقعد معاها عاوزه تاخد الواد وتسيطر عليه ههههه
بنات أخر زمن ..إحنا عمرنا شوفنا كده يا أختى دول بنات متدلعين
تحصل مشاكل من المككن أن تؤدى بالخطوبه إلى الفشكله فركش مبقاش فى خطوبه
ويجى أخينا المظلوم والله دايما مظلوم ههههه العريس مش عارف يرضى أمه ولا خطيبته ولا حماته
ولا مشاكل الشغل ولا مشاكل الشبكه ولا العفش ولا الشقه
يفضل يشد فى شعره لما يقرع [ندعوك للتسجيل في المنتدى أو التعريف بنفسك لمعاينة هذه الصورة]
فاصل وهنواصل تانى
هاخد بريك خفيفه ورجعالكم

[ندعوك للتسجيل في المنتدى أو التعريف بنفسك لمعاينة هذه الصورة].

.موضوع لذيذ ويقترب من الواقع

مش هنكلم الموضوع ولا ايه

انا كنت متابع

والموضوع كان حلو

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: مش هنكلم الموضوع ولا ايه

انا كنت متابع

والموضوع كان حلو

إحنا مش عاوزين متابعه بس لازم نشارك كلنا وكل واحد يقول رايه
ويحكلنا كده على كام موقف من مواقف الحموات الفاتنات
أنا بصراحه مش لاقيه تشجيع

دهب كتب:

اقتباس :: مش هنكلم الموضوع ولا ايه

انا كنت متابع

والموضوع كان حلو

إحنا مش عاوزين متابعه بس لازم نشارك كلنا وكل واحد يقول رايه
ويحكلنا كده على كام موقف من مواقف الحموات الفاتنات
أنا بصراحه مش لاقيه تشجيع

كملى انتى يا دهب وهنشجع ونعمل كل حاجه

[ندعوك للتسجيل في المنتدى أو التعريف بنفسك لمعاينة هذه الصورة]

لو زوجه الابن راحت جابت قماشه حلوه كده وفصلتها جلابيه
وخارجه بيها أول يوم ......وحماتها شافتها
يانهار مش معدى لازم تنكد عليها والا بقى لو كانت لسه متجوزه مبقلهاش كتير
هنقول بقالها سنه ولا حاجه
تفضل بقى حماتها تقولها ...إيه الجلابيه الحلوه دى ؟جبتيها امتى؟وفصلتيها فين؟ودفعتى كام؟
أل هى غاليه بقى ولا رخيصه؟ يا اختى ما دولابك لسه مليان أنت لحقتى دوبتى اللى عندك؟
ومحادثه غريبه بقى كلها كلام يسد النفس
والبنت تحلفلها انها كانت من القماش اللى عندها ولسه مفصلاها
لالالالالا ...أبدا هى تصمم ان ابنها اللى دفع حقها
يا عين امه ناتفه ريشه أول بأول ههههههه
كل يوم والتانى راحه تجيب هدوم جديده
يا ستى طيب وفيها إيه مش جوزها أمال مين اللى هيشترى ؟ ابوها يعنى؟
ده فرضا يعنى لو هو اللى شاريها لكن هى مفصلها من عندها
وتفضل بقى كل لما تشوفها لابسه الجلابيه تعك دمها

انتظرونى فى حكايات تانى

دهب كتب:: لو زوجه الابن راحت جابت قماشه حلوه كده وفصلتها جلابيه
وخارجه بيها أول يوم ......وحماتها شافتها
يانهار مش معدى لازم تنكد عليها والا بقى لو كانت لسه متجوزه مبقلهاش كتير
هنقول بقالها سنه ولا حاجه
تفضل بقى حماتها تقولها ...إيه الجلابيه الحلوه دى ؟جبتيها امتى؟وفصلتيها فين؟ودفعتى كام؟
أل هى غاليه بقى ولا رخيصه؟ يا اختى ما دولابك لسه مليان أنت لحقتى دوبتى اللى عندك؟
ومحادثه غريبه بقى كلها كلام يسد النفس
والبنت تحلفلها انها كانت من القماش اللى عندها ولسه مفصلاها
لالالالالا ...أبدا هى تصمم ان ابنها اللى دفع حقها
يا عين امه ناتفه ريشه أول بأول ههههههه
كل يوم والتانى راحه تجيب هدوم جديده
يا ستى طيب وفيها إيه مش جوزها أمال مين اللى هيشترى ؟ ابوها يعنى؟
ده فرضا يعنى لو هو اللى شاريها لكن هى مفصلها من عندها
وتفضل بقى كل لما تشوفها لابسه الجلابيه تعك دمها

انتظرونى فى حكايات تانى

عندك حق فعلا وتبقى العمليه كلها نكد فى نكد

هى الحرايم الكبيره كدة بقى والمفروض انها تستحمل علشان خاطر زوجها وكدة

او تراضى حماتها وتديها حته قماشه من تحت الطبليه

[ندعوك للتسجيل في المنتدى أو التعريف بنفسك لمعاينة هذه الصورة]

منتظرين باقى اليوميات ..

» يوميات حماتى ...الست محاسن.
» صور طريفه للاطفال
» ::::معلومات تهم ست البيت::::::::::
» البيت الحرام
» البيت الفلاحى