كاتب الموضوع | رسالة |
---|
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| |
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) السبت 14 أبريل 2012, 12:09 am | |
| | |
|
| |
نور الإسلام عضو
عدد الرسائل : 2282 العمر : 32 المكان : بيتنا فــ العمار الحالة : مستمرة باذن الله الهواية : القراءة و التفكير تاريخ التسجيل : 18/11/2010 التـقــييــم : 9
| موضوع: رد: (حلقات خاصة) السبت 14 أبريل 2012, 8:27 am | |
| مع ضيفة الموضوع / نور الاسلام
منورة ومتشوقه لاجاباتك [ندعوك للتسجيل في المنتدى أو التعريف بنفسك لمعاينة هذه الصورة]
اهلا بيكى يا اسماء و يارب اكون عند حسن الظن
ملحوظة : الاسئلة فيه منها المكرر بس مع اجابة الشخصية بتختلف ..
أكيييد طبعا و على فكرة فى الشخصبة الواحدة ممكن تختلف من وقت للتانى
حسب الثبات الانفعالى للشخصية ايه علم النفس اللى بقوله ده [ندعوك للتسجيل في المنتدى أو التعريف بنفسك لمعاينة هذه الصورة]
نبدأ بسم الله :)
بسم الله أوله و أخره ؛؛؛؛
- هتنتخبى مين رئاسة ؟ اديتى صوتك لمين ف انتخابات مجلس الشعب ؟
الى الآن الأقرب هو حازم صلاح أبو اسماعيل و لكن اختيارتى
محصورة ما بين ثلاثة " أبو الفتوح , أبو اسماعيل , صباحى "
فى مجلس الشعب انتخبت قائمة حزب الوسط و أكرم فؤاد السمادونى
و رامى مجدى بربش و فى الاعادة رامى مجدي بربش و محسن السيد راضى
مع حفظ الألقاب للجميع
أقولك انتخابات اتحاد الطلاب كمان [ندعوك للتسجيل في المنتدى أو التعريف بنفسك لمعاينة هذه الصورة] - لو فيه ف الكلية حملة شبابية لدعم المرشح الى هتعطيه صوتك هتشاركى فيها بوقتك ومجهودك ولا هتكتفى باعطائك صوتك؟
لا طبعا مش هشارك فيها لأنى مسؤلة عن صوتى و دائما رايي صواب يحتمل الخطأ و
رأي غيري خطأ يحتمل الصواب فى النهاية أنا شايفة المرشح ده أصلح لكن الله
أعلم ربما ليس الأصلح دعمى ليه هو صوتى أم الكلام ليس دعما وربنا يولي الأصلح
- وجهة نظرك ملخصة عن ،،
الاخوان قبل الثورة لما كانو المحظورة ؟ الاخوان ما بعد الثورة حتى الان بما فيهم قرار نزول الشاطر ومرسى ف الاحتياطى :) ؟
الأخوان قبل و بعد الثورة لا يخدمون الا انفسهم و مصلحة مصر عندهم فى المرتبة الثانية بعد
مصلحة الجماعة فى المرتبة الأولى لم اتشائم لكنى تفاءلت بوجود نسبة كبيرة
من حزب الحرية و العدالة فى مجلس الشعب و انتظرت منهم الكثير لكن هم من افقدونا الثقة فيهم
بعد ان اعطيناهم الثقة
فى النهاية عايزة اقولك حاجة انا مش ضد الجماعة بسبب او بدون سبب
لكن فعلا حكمى عليهم مواقف قيادية و شخصية ووارد في يوم ادعم حزب الحرية و العدالة
لما أكون مقتنعة بكده و شايفة كده مش حقد طبقى و لا حاجة [ندعوك للتسجيل في المنتدى أو التعريف بنفسك لمعاينة هذه الصورة] أما بقى حكاية محمد مرسي احتياطى فمتفرقش كتير عن هانى جاد بديل سياسة يا امى [ندعوك للتسجيل في المنتدى أو التعريف بنفسك لمعاينة هذه الصورة] - ابو الفتوح ، عمرو موسى ، صباحى .. وجهة نظرك ملخصة ؟
أبو الفتوح من أفضل ثلاثة مرشحين للرئاسة يمتكلك أفضل برنامج انتخابي واضح
ألياته واضحة لكنى أتوقف امامه لأنه يوجد أكثر من سبب لاختيار المرشح الأنسب
مش مجرد برنامج انتخابي
عمرو موسي هو أحد ثلاثة أسوأ من ترشحوا لانتخابات الرئاسة " شفيق و سليمان و موسى "
لكنه أفضلهم " احسن الاسوأ" أولا لأنه بعيد عن الحكم العسكري ثانيا لأنه هناك فرق بين
من أسد الحياة السياسية و الاقتصادية ووووو فى مصر و تكتم على ذلك و لم يستطع الاصلاح
صباحى من أفضل ثلاثة من مرشحى الرئاسة أراه معروفة و فعلا واحد مننا
مش كلام موقفه من العدو الصهيونى واضح
- اللجنة التأسيسية ، قرار منع فلول النظام السابق الخوض ف الانتخابات الرئاسية لمدة 10 سنوات ، رأيك ؟
قرار من أجل عمرو سليمان لما لم يعمم على كافة المؤسسات الحكومية
لماذا اكتفوا بجزع الشجرة مع ان الشجرة فروعها مثمرة من اللى بيحصل و اللى بنشوفه فى الجامعة
على يد على شمس الدين و اعوانه المفروض فلول النظام السابق شايفه انهم لا يشغلوا
أى مناصب ادارية فى البلد حتى و لا ادارة شئون الطلاب [ندعوك للتسجيل في المنتدى أو التعريف بنفسك لمعاينة هذه الصورة] - فكرة ترشح المرأة لعضوية مجلس الشعب ، الرئاسة ،، مقبولة بالنسبالك ؟
مقبولة لكن مع امرأمن طراز خاص تكاد تكون مش متوفرة حاليا
- الى بيحصل من التيار الاسلامى عامة وتهافتهم ع الكرسى رئاسة او برلمان من أجل سيادة شرع الله وتطبيق الشريعة الاسلامية
ولا عكس دا ؟
لى رأي و لكن الله أعلم بالنويا وربنا يصلح النفوس
- بتسمعى لمين ف مذيعين البرامج السياسية ؟
تقريبا مش بتفرج على اي حد منهم مقاطة للتليفزيون لفترة معينة [ندعوك للتسجيل في المنتدى أو التعريف بنفسك لمعاينة هذه الصورة] - باسم يوسف ايه رأيك ف طريقته واسلوب تحاوره مع ضيوفوا ؟ وتعليقك ع اعتذاره للشيخ حازم ع الهواء ؟
بشوفلوا لقطات مش حلقات على اليوتيوب مش اللى بيتريق برضو [ندعوك للتسجيل في المنتدى أو التعريف بنفسك لمعاينة هذه الصورة]
أما اعتذاره للشيخ حازم فمفيش حد بيشوف ده غلط او عيب مع انه قد يكون ذكاء اعلامي
- متوقعه ثورة لو عمر سليمان نجح او شفيق ؟
ههههههه لو نجحوا يبقى الشعب عايز كده مع انى حاسة انه ممكن عمرو موسى
- لو الى انتى هتنتخبيه اتنازل ع الترشح هتنتخبى مين ؟
هنتخب واحد من الاتنين التانين الى الأن لم استطع ترتيبهم ترتيبا صحيحا
- توفيق عكاشه ، الكتاتنى ، محمد ابو حامد ،، وجهة نظرك ف سياستهم واسلوبهم عامة ؟
توفيق عكاشة : بردو بشوف له فيديوهات بقول كل مرة نفس التعليق
" اللهم لا اعتراض "
الكتاتنى رئيس مجلس الشعب بعد الثورة نفسي يطبق اللائحة و لو مرة :)
محمد ابو حامد ساعات بشوفه بيقول كلام موزون و ساعات بقول هو بيقول ايه ده
معلش اسئلة ف السياسة كتير شوية بس حابة اسمع فيهم وجهة نظرك ^_^
ان شاء الله خيرا مع احترامى لجميع الشخصيات اللى ذكرت ده مجرد رأي شخصي
ليس اتهاما او غيره ورأيي يحتمل الصواب او الخطأ و لعلنا نفترض حسن النويا
باقي الأسئلة بعد ما اشتغل شوية فى المشروع يا أسماء [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) السبت 14 أبريل 2012, 4:08 pm | |
| طيب هعلق بقى ع الاجابات بعد ما تخلصى كل الاسئلة باذن الله :) | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) الأحد 15 أبريل 2012, 10:42 pm | |
| | |
|
| |
نور الإسلام عضو
عدد الرسائل : 2282 العمر : 32 المكان : بيتنا فــ العمار الحالة : مستمرة باذن الله الهواية : القراءة و التفكير تاريخ التسجيل : 18/11/2010 التـقــييــم : 9
| موضوع: رد: (حلقات خاصة) الإثنين 16 أبريل 2012, 7:47 pm | |
| أنا اسفة جدا يا اسماء أنا عارفة انى فعلا غلطانة لكن و الله تعبانة
جدا بكرة صباحا ان شاء الله هكمل الاجابات بعتذر مرة تانية
| |
|
| |
نور الإسلام عضو
عدد الرسائل : 2282 العمر : 32 المكان : بيتنا فــ العمار الحالة : مستمرة باذن الله الهواية : القراءة و التفكير تاريخ التسجيل : 18/11/2010 التـقــييــم : 9
| موضوع: رد: (حلقات خاصة) الثلاثاء 17 أبريل 2012, 11:37 am | |
| صلى ع النبى الاول بقى ونكمل باقى الاسئلة :)
عليه أفضل و أذكى السلام معاكى يا سمسم
- اسمك ع الفيس نور الاسلام وجنبيه اسمك الحقيقى ، وكلامنا ع الفيس باسمك الحقيقى
ليه لما بيتذكر اسمك الحقيقى هنا مش بتكونى حابه دا حتى ف قسم البنات ؟
عادى مش حكاية مش حابه ده بس أنا مثلا ليا أكونت تانى باسمى الحقيقى كنت عملاه
لأنى كان عندى تدريب و الدكتورة المشرفة كانت بتتواصل معانا ع الفيس و مع ذلك مكنتش
بستعمله و بردو ستعمل نور الاسلام لأنى الاسم ارتبط بيا و بقى جزء لا يتجزأ
منى كشخص لدرجة انى انتى و كتير من اصحابي بيكلمونى بنور الاسلام
أما عن اسم الحقيقى فأنا ع الفيس بيبقى قمة سعادتى لما ألاقى واحدة صاحبتى
مشوفتهاش من 4 او 3 سنين و بعتالى اضافة و ده طبعا لما بتشوف اسمى على صفحتى
- بتلاقى مجال أكبر للنقاش هنا ولا الفيس بوك ؟ واكتر الجروبات العمارية تحبى تتناقشى فيها وتقولى رأيك ؟
النقاش الجاد هنا فى المنتدى طبعا بس ده مش موجود دلوقتى بشكل كبير الفيس بالنسبة لي
هو أخبار سريعة و تواصل مع ناس من اصحابي مش بشوفهم خالص ليس الا
مع احترامى لكل جروبات العمارفأنا شايفة ان كلها مع و ضد و مش موجود
و لا جروب بيقول مع و لكن احترم لذلك اكتفى بالمشاهدة من بعيد لا سيما كتابة تعليق بسيط
النقاب بالنسبالك خطوة مستقبلية هتاخديها ولا مش من الاساسيات ؟
أسماء أنا قرأت كتير للالبانى و أبو بكر الرازى و الشافعى رحمهم الله و طبعا
فى اختلاف كبير فى مسألة تغطية الوحه و الكفين بالنسبة للمرأة
اما بالنسبة لى فانا دايما بسعى للافضل الحمد لله فى حياتى ككل و فى
دينى و عبادتى فطبعا النقاب هو خطوة ستحدث ان شاء الله
و أنا كلمتك قبل كده فى الموضوع ده
- 4 مستحيلات ف حياتك ،، 4 لوازم بعيدا عن الفروض والطاعة :) ؟
تلاقينى ديما على الفيس من الحين للاخر بكتب " أنا شخص لا يعرف المستحيل :)
بعيد عن أى حاجة مش حرام ليه هتبقى مستحيل ؟؟!!
أربع أساسيات فى حياتى أولا و ثانيا و ثالثا القراءة فى كتاب
أزور صحبتى و جدتى كل أسبوع :)
أذاكر لأحمد أخويا :)
ألعب مع دودو لعبة حيوان و جماد عاررفها ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
أقرأ معلومة رياضية جديدة
أسياسيات تضحك صح :))) - مميزاتك ؟ عيوبك ؟ سؤال مش بتحبيه يتسألك ؟
مش عارفة بس نور دائما فى صراع مع نور و دى شايفاها عيب و ميزة فى نفس الوقت [ندعوك للتسجيل في المنتدى أو التعريف بنفسك لمعاينة هذه الصورة] مفيش سؤال معين بس عادى بس هم ديما يلاقونى مش بتكلم يقولولى يا ترى
أيه اللى بيدور فى دماغك ؟ بتفكرى فى ايه ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
- لعبة الماجيك ، مين العضو الى بعد عن شخصية نور ؟ مين الى جابها قريبة الى حد كبير ؟
بصراحة أنا بستغربكم كلكم بتعرفوا الشصخصية كده ازاى كلكم ماشاء الله اصبتم الى حد
كبيير هو ممكن بيبقى فى مبالغة فى الكلام الى حد ما لكن كله بيكون صحيح
- فضلتى البعد عن المنتدى كام مره ؟ وكان ايه الاسباب ؟
كل مرة ليها اسبابها لكن اللى اقدر اقوله ليكي ان المنتدى له فى خيال و تصور
كل عضو على المنتدى شكل معين فلما بيلاقى المنتدى مش على الشكل او
التصور اللى بيحبه فبيبعد ده اللى أنا شايفاه بصراحة
- ايه مميزات وعيوب جروبات العمار ع الفيس ؟
ميزتها انها بتجمع أولاد العمار
و عيوبها انها كلام ليس الا منهجها جميعها و لا استثنى منها احد
مع يبقى ضد لكنى لم ارى من يقول مع فلان و نحترم الأخر
مادام الجروب مؤيد لتيار معين فهو لابد و أن يسخر من التيارات الأخرى
- لو كنتى قراتى صوت البلد ايه أكتر مقالات عجبتك ؟ وكنتى منتظره العدد التانى ولا عادى ؟
كنت منتظرة العدد الثانى جداا جداا بصراحة كل المقالات عجبتنى لكن مش متذكرة
بالظبط احسنها أنا قومت دلوقتى أدور عليها علشان اقرأها لقيتها فى البيت التانى [ندعوك للتسجيل في المنتدى أو التعريف بنفسك لمعاينة هذه الصورة]
- اسلوبك ع المنتدى ف وجهة نظرك يختلف عن التعامل العادى بتاعك ؟
أنتى اللى تجاوبي على السؤال ده حاجة غريبة جدا و أنا هعرف ازاى [ندعوك للتسجيل في المنتدى أو التعريف بنفسك لمعاينة هذه الصورة] - تفكيرك ف فرحك انه يكون اسلامى ولا عادى ؟
تفكيري فى فرحى انه يسعد الناس بلا ذنوب
- شايفة نفسك قد المسؤلية ؟
مسؤليات معينة انا قدها و فى مسؤليات انا مش حابها اصلا لكن بغض النظر أنا
لما بكون فى وضع المسؤل ده أمر حتمي فبأذن الله هكون قد المسؤلية
- اكتر حاجة ندمتى انها فاتتك وكان نفسك تعمليها او تشاركى فيها ؟
أكيد فى حاجات كتير لكنه كان ندم وقتى لأنى مش بحب الندم لفترات
كبيرة بحيث انها تأثر على الشخص لكن افتكر أخر حاجة
الرحلة الى النتى قولتلى عليها كنت فى غاية من الحزن
- ايه النشاطات الى شاركتى فيها ف الكلية ؟ وايه رأيك ف اتحاد الطلاب ؟
فى تنظيم و اعداد ملتقى ريادة المستقبل بالجامعة للعام الثانى على التوالى
اتحاد الطلاب بالنسبة للجامعة ككل هذا العام لا يختلف عن كل عام
وده كلام عن ثقة اما اتحاد كلية التربية فهو اتحاد أأمل فيه الخير
- رأيك ف الــــ ... :
الجلبية الفلاحى ، العمار ، المنتدى ، الكلية ، الرياضيات :) ، اللحية ، المسلسلات التركى او عامة ، جمعية شباب العمار ،
صناع الحياة وحملة (اوعى) ، مصطفى حسنى ومعز مسعود وعمر خالد ؟
الجلابية الفلاحى : أعشقها و دى تراث لبنات العمار العمار : دى بلدى يا بنتى اللى بموت فيها
المنتدى : ملتقى أولاد العمار فى اطار من الضوابط و تبادل لثقافات
أبناء بلد المشمش :)
الكلية : على الرغم من البلاوى اللى شفتها فيها لكن بحبها جدا و بتمنى الافضل للاجيال الجاية
الرياضيات رأيتك في السماء نجمة ساطعة ... تجوبين الأفق كأجمل الفراشات
وتنتقلين من كوكب إلى آخر... لتجودين بمنهل من المعلومات
فأي عشق قد تمركز في قلبي ...هل لأني اعرفك منذ عدة سنوات
أم لأنك من فزت بمفتاح حبي ...بسبب الجبر والتفاضل والنهايات
وربما التكامل والعد والهندسة ...وأيضا معرفة الدائرة والاحتمالات
ولا انسى الرسوم التي رسمت ...بين كل من السينات و الصادات
والأشكال الفراغية والمستوية ...والتحويل الهندسي والحدوديات
ربما البعض يفر منك فرارا ...بحجة أن في طريقك عدة متاهات
وآخر يقول ان دروبك وعرة ...وهو في الأصل لا يجيد العمليات
لن انساكي مهما طال عمري ...ولن أنسى الجذور وايجاد المساحات
و النسب المثلثية ومقلوباتها ...والجذور وأيضا لا انسى المتتالياتوهذا قولي أنا فن الرياضيات ...لأُبين حبي وعشقي لمادة الرياضيات
ا لللحية مفيهاش رأى روى البخاري ومسلم في صحيحيهما وغيرهما عن عبد الله بن عمر رضي الله عنهما ، قال : قال رسول الله : " خالفوا المشركين ، وفروا اللحى وأحفوا الشوارب "ا لمسلسلات التركى معرفش تفرق ايه عن المصري بصراحة بس علاقتى بيهم كلهم متوترة الحمد لله و مش بتابعهم و لا بسمعهم بس بستغرب اصحابي بيسمعوعهم كل يوم قبل المحاضرة :) صناع الحياة و حملة اوعى كان ليهم فقرة فى الملتقى و كانوا ليهم باتش فى المعرض على هامش الملتقى و بصراحة فاعليين جدا و بمعرفة شخصية بقيادة فى صناع ناس شغالة بجد و شغل صح و نجحوا فى حملات كتير قبل كده ربنا يعينهمجمعية شباب العمار كيان احترمه بمعنى الكلمة بكل ما تحمله من معنىعمرو خالد و معز مسعود و مصطفى حسن و شريف شحاتة و غيرهم من الدعاة الشباب متابعة ليهم جدا من بداية ظهورهم لأنهم الحقبقة بيوصلوا اقرب من بداية معز مسعود و برنامجه Way to Paradiseرورا بالبرامج العربية وو عمرو خالد و برنامج كلام القلب و مصطفى حسنى و بدايته مع خدعوك فقالوا بصراحة ربنا يقويهم ممتازيين
عدل سابقا من قبل نور الإسلام في الأربعاء 18 أبريل 2012, 12:30 pm عدل 1 مرات | |
|
| |
نور الإسلام عضو
عدد الرسائل : 2282 العمر : 32 المكان : بيتنا فــ العمار الحالة : مستمرة باذن الله الهواية : القراءة و التفكير تاريخ التسجيل : 18/11/2010 التـقــييــم : 9
| موضوع: رد: (حلقات خاصة) الأربعاء 18 أبريل 2012, 12:19 pm | |
| نكمل بسم الله ....
موضوع ليكى بتعتزى بيه ؟ موضوع سببلك زعل واتأثرتى بيه وندمتى مثلا ع النقاش فيه لانه سبب دا ؟
موضوع بعتز بيه هو موضوع [ندعوك للتسجيل في المنتدى أو التعريف بنفسك لمعاينة هذا الرابط] و موضوع
[ندعوك للتسجيل في المنتدى أو التعريف بنفسك لمعاينة هذا الرابط]
- مين الى تحبى تتناقشى معاه ؟ تقرأى وتتابعى مواضيعه وردوده ؟
معظم الأعضاء بصراحة أنا ليا لون معين من القرات لما بلاقى موضوع فيها أكيد بدخل
أقرأه ولو فى مجال للنقاش بتناقش فيه
- لما بتشوفى حاجة غلط هنا او ف الكلية او او او بتلتزمتى الصمت ولا بتنهى عن الشئ دا ؟
(من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الإيمان). و طبعا بما اننا حاليا مفيش تقبل للأخر بشكل كبيير فأقل حاجة انك تدعى بالهداية
ليكي و للبشر جميعا
- امحمد حسان ، محمد حسين يعقوب ، الحوينى ،،
مين فيهم الى بتابعيه بشكل كبير ؟
بصي يا اسماء أنا القراءة اقرب لي من المشاهدة و الاقرب لي هو الشيخ محمد حسان
- لما بتبقى ف مواصلة او اى مكان وانتى متواجدة ومشغالين اغانى بشكل مستفز وصوت عالى
بتتصرفى ازاى ؟
بقول ممكن لو سمحتم نقلل الصوت شوية فى ناس مش بتتقبل و فى ناس بتتقبل
و فى ناس بتاخدها بتريقة و فى ناس بتبطل لكن بحاول مشغلش دماغى
بيها و اعمل اى حاجة تشتت انتباهى بعيد عن الصوت اللى انا مش حباه
دا غير انه فعلا كلام مستفز و غبي جدااا
أما لو اللى مشغل اصحابي فبندخل فى حوار طويييل بننتهى بيه
لأن كارت الموبايل لازم يتفرمت [ندعوك للتسجيل في المنتدى أو التعريف بنفسك لمعاينة هذه الصورة]
- ف حديث عن اشرف الخلق صلى الله عليه وسلم مش متذكرة صيغته بالظبط بس فيما معناه
ان فيه اربع نقاط يدخلوا الجنة لا نقاش وهما :
اداء الفروض ، صلة الرحم ، عمل الخير (بانواعه) ، زيارة المريض ،،
شايفة نفسك مقصرة ف انهى نقطة وموفيه ف انهى نقطة وازاى ؟
مقصرة فيهم كلهم يا اسماء انا قولتلك انى ديما فى صراع مع نفسي
- اكتر العوائق الى قابلتك او دايما بتقابلك ؟
أنى بتفهم بعدين و انى مش بعرف اوصل وجهة نظري بسرعة و بطريقة صح
- ناوية تكملى بعد الكلية دراسات لو الاجابة بنعم ،، ايه هى الدراسات دى ؟ ولو خطيبك او زوجك المستقبلى باذن الله
رفض فكرة الدراسة او العمل هتتصرفى ازاى ؟
ان شاء الله هكمل دراسة فى مجال طرق تدريس الرياضيات و دراسات اخرى مستقبلية
خاصة بالرياضيات و تدريسها ادعيلي انتى بس [ندعوك للتسجيل في المنتدى أو التعريف بنفسك لمعاينة هذه الصورة]
أولا الدراسة و العمل اى راجل بيرفضهم حاليا بسبب وجود تقصيير
من جهة الانسانة اللى بتدرس او بتعمل فلو مفيش تقصير اذن مفيش
رفض و لو فى تقصير يبقى المشكلة مشكلتك و لا زم تحليها و بردو ادعي يا سمسم
و ان شاء الله مفيش رفض [ندعوك للتسجيل في المنتدى أو التعريف بنفسك لمعاينة هذه الصورة] - (ولا متخذات أخدان) ف زمنا الحالى كتير م البنات او الولاد بياخدوا بيها ولا الا من رحم ربى ؟
ربنا يرحمنا جميعا و يهدينا و يرزقنا الصلاح فى القول و العمل
- انتى اهلاوية ولا ^_^ ؟ ليكى اهتمام بالكورة او الرياضة عموما ؟
أهلاوية و بكتب باللون الأحمر [ندعوك للتسجيل في المنتدى أو التعريف بنفسك لمعاينة هذه الصورة]
ليا اهتمام زيها زي اى حاجة باعرف اخبار لكنى مش شغلي الشاغل
- اذكار الصباح والمساء ، القيام ، الورد اليومى ،، مديالهم حقهم ؟
الحمد لله ليهم وقت فى يومى لكن الانسان ديما يأمل فى الأفضل
و ديما لازم اكون حاسة انى مقصرة علشان ربنا يجعلنى
أأمل للافضل
- ف وجهة نظرك انهى اقوى ف توصيل رسالته : حمزة نمرة ، ماهر زين ؟
حمزة نمرة بقول عليه بيدي محاضرات تنمية بشرية فى أناشيده و اغانيه [ندعوك للتسجيل في المنتدى أو التعريف بنفسك لمعاينة هذه الصورة] لكن ماهر زين هو المطرب المفضل بالنسبة لي و ديما ببحث على التراجم
لكل أغانيه
- لو اتعرض عليكى تكونى مديرة منتدى شباب العمار هتقدرى تديرى المكان دا ؟
لو اتعرض علي هرفض لسبب انى مش هقدر اوفر ليه الوقت الكافى
اما انى اقدر فمدمتى وضعتى موضع مسؤلية فلازم تقدري عليها و الا متقبليهاش من
الأول و هو الأولى و الأفضل
اما طبعا ادارة منتدى شباب العمار هو مسؤلية كبيرة جدا ربنا يعين المسؤلين عليه
- تقدير الذات ، الثقة بالنفس ، تخطى العقبات ، كظم الغيظ ،،
شايفة اى صفة متواجدة فيكى بشكل كبير ؟
بحاول الحمد لله يكونوا موجودين كلهم و هى مش صفات أنا شايفة انهم
مهارات شخصية تقدري تضيفيهم لذاتك
- لما حد من صحابك بيتصل ويسأل عليكى ممكن دا يأثر ف نور بشكل كبير بالايجاب ولا عادى ^_^ ؟ بيأثر فيا جدا و الله بتقلب لي اليوم كله سعادة و العكس بردو لما بلاقي حد مش بيتصل و
أنا ديما بسأل بحس بعدم اهتمام و ببقى حاسة بضيق و زعلانة بصراحة
و خاصة انى اصحابي بيأثروا فيا جدا
- ايه وجهة نظرك ف البنات دى ،،
انا :)) ، حنين ، دهب ، وردة ، اسيرة ، الطير الباكى ، منى عطيه ؟
انتى من اعز الناس بجد انسانة قادرة على النجاح و أحبك فى الله
حنين شخصية عاقلة جدا حاسة انى فى شبه بينى و بينها بس مش عارفة هو ايه
و طبعا شاعرة ممتازة
وردة انسانة حساسة جدا و طيوبة جدا
أسيرة بحسها بتزعل بسرعة و بتفرح بسرعة قلب طفولى ماشاء الله عليها
الطير الباكى و الله متعرفتش عليها بشكل كبيير لكن اتمنى اعرفها
لأنكم كلكم شخصيات جميلة
منى عطية دى بقى صديقتى من الابتدائي و صديقة تلاتة اول و
حبيبتى جدا و ببقى سعيدة جدا لما اقابلها
- عايزة تجيبى بنات ولا ولاد ^_^ وهتسميهم ايه باذن الله ؟
و لاد و بنات دا أنا هفتح حضانة ان شاء الله
ه[ندعوك للتسجيل في المنتدى أو التعريف بنفسك لمعاينة هذه الصورة]سمي بقى احمد و محمد و رتيل و ليمار و أسماء كتييييييييير - حفظ القرأن شئ اساسى من الاولويات ولا مأجلاه شوية ؟
حاليا أنا بصراحة كل وقتى مع القرآن بقضيه قراءة فقط
لكن بعد كتاب عش سعيد لدكتور ابراهيم الفقى
ان شاء الله هتخذ خطوة جادة شجعينى بقى
- فكرتى قبل كدا تدخلى مسابقة دينية ؟
لا بصراحة مش من هواة المسابقات
- بتتفرجى ع افلام وكليبات وبتسمعى عمرو دياب هههههه ؟
اشمعنى عمرو دياب [ندعوك للتسجيل في المنتدى أو التعريف بنفسك لمعاينة هذه الصورة]
لا الحمد لله مخصماهم كلهم
- اليأس بياخدك ولا بتقدرى تسيطرى عليه او تقضى عليه بمعنى اصح ؟ وازاى ؟
بصي يا اسماء فى علم النفس و علم التنمية البشرية
علمونى انى اليأس و الأمل احنا اللى بنوجدهم بكلمتنا فاذا احتجنا اليأس
رددنا كلماته و اذا كنا بحاجة للامل رددنا كلماته فأنا ديما مرددة لكلمات الأمل لأنى بحاجة اليه
- بتملى من الدراسة ساعات ؟
أكيد طبعا و خاصة ان طرق التعليم و الدراسة اللى متبعة معانا تمل اى شخص
و تسبب الاكتئاب كمان ناهيك عن الدكاترة و غيرهم و غير ان الانسان ليه
دائمة نقطة عند اى شيء بيكون اصيب بملل غير عادى لازم
يكون فى شيء جديد خارج عن المعتاد لكسر الروتين ده و البعد عن الملل
- لما بتتعبى من دراستك ، الكورسات الى بتخديها ، حياتك اليومية بتفتكرى أية الله عز وجل :
(ولقد خلقنا الانسان ف كبد) ؟
أنا شخصية مش بقدر اعمل حاجة بحيث انها تكون هى اللي تاخد كل وقتى طول
اليوم و بالتالى تتعبنى انا ديما بلحاول اقسم اليوم لساعات علشان تعملى كذا حاجة
ثانيا انا ممكن امل من الدراسة لكن مملش من كورسات ابدا خاصة لو كورس تنمية
بشرية و بعين انا لو مليت من اى حاجة بجيب الكتاب اللى بقرأه من الشنطة و
اعمل كوباية نعناع و تصبحي على خير بقى [ندعوك للتسجيل في المنتدى أو التعريف بنفسك لمعاينة هذه الصورة] - مواصفات شريك حياتك ^_^ ؟
انسان خلوق و محترم و مؤدب و ووووو
الموضوع ده ينكتب فيه كتاب [ندعوك للتسجيل في المنتدى أو التعريف بنفسك لمعاينة هذه الصورة] - بتحبى العمار ولا عادى مكان مولد وعيشتك والسلام :) ؟
بعشق العمار مكان مولد و مماتى باذن الله و المكان اللى اتربيت فيه
و ان شاء الله ولادى كمان يتربوا فيه
ديما بقول العمار فخر لكل ابنائها وده بحسه فعلا
- لما علاقتك بالمولى عز وجل يحصل فيها خمول بتنشطيها ازاى ؟
بجيب ورقة و قلم و اعمل لى واجب و تلاقينى
ديما مخططة النوت بوك بتاعتى جداول
و الدعاء هو السبيل الوحيد و انا شخصيا بحس بالدعاء
جدا فى اتجاه القبلة و قراءة القرآن كمان
كفاية كدا انا زودتها :)) .. منتظرة اجابتك [ندعوك للتسجيل في المنتدى أو التعريف بنفسك لمعاينة هذه الصورة]
شكــــرا ،،
و لا زودتيها و لا حاجة [ندعوك للتسجيل في المنتدى أو التعريف بنفسك لمعاينة هذه الصورة]
لا بصراحة زودتيها [ندعوك للتسجيل في المنتدى أو التعريف بنفسك لمعاينة هذه الصورة]
انا كنت مستمتعة جدا و بسيت اصلا انى بكتب فى موضوع
طبعا متأسفة جدا على التأخير و التقصير أنا عارفة انى وقفت الموضوع
بقرر اسفى و شكرا على الاستضلفة | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| |
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) الخميس 26 أبريل 2012, 9:32 pm | |
| الرد لغاية ما يجى اكون خلصت تالتة كلية يا نور ^_^ هنتظر ردك ضرورى وهكمل الموضوع ،،
مع الضيف الجديد بعد قليل :) | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) الجمعة 27 أبريل 2012, 8:49 pm | |
| مع ضيف الحلقة م/اسلام ياسر (روميو)
الاسئلة هتكون جاهزة انهاردة بأذن الله ،، منور يا اسلام :) | |
|
| |
RoMiO. عماري أصيل
عدد الرسائل : 8190 العمر : 32 المكان : shoubra الحالة : مش لازم الهواية : mlaksh feeh تاريخ التسجيل : 22/07/2007 التـقــييــم : 7
| موضوع: رد: (حلقات خاصة) الجمعة 27 أبريل 2012, 9:23 pm | |
| متشكر ع الاستضافه :)
ف انتظار الاسئله :)
| |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) السبت 28 أبريل 2012, 1:08 am | |
| منور يا اسلام ،، نبدا بسم الله : - صلى على النبى الاول كدا ^_^ .. - هتنتخب أبو الفتوح ان شاء الله ،، ايه السبب ؟ وكنت مقتنع بحد قبل ابو الفتوح ولا ؟ - لما تلاقى ناس بتتناقش وبتهاجم ابو الفتوح بشكل مقبول ولائق أو العكس ،، بيبقى رد فعلك ايه ؟ - مشترك ف حملة ابو الفتوح ولا مكتفى بتأيده كصوت انتخابى ؟ - الميزة الى بتميز كل واحد من دول والعيب : أبو الفتوح - صباحى - خالد أبو على ؟ - شفيق بعد خروجه من السباق وعودته تتوقع خروجه تانى ولا ؟ وايه وجهة نظرك المختصرة عن الشخص دا ؟ - لما بتلاقى تأييد كبير حبتين من السن الكبير لعمرو موسى ،، ايه شعورك وردة فعلك ولو اخدها عمرو موسى ،، ادينى تصورك لمصر بعدها من النواحى المختلفة سياسية اجتماعية اقتصادية ،، وخصوصا قناة السويس xD ؟ - مجلس الشعب لو نجح ابو الفتوح تخيلك للى هيتم فيه هينحل هيكمل ،، وكذلك مع عمرو موسى ؟ - تتوقع مين الى هيوصل لمرحلة الاعادة ف انتخابات الرئاسة ؟ - انت مقتنع ان القضاء سليم مليون ف الميه وصادق و ان حازم ابو اسماعيل كاذب ؟ - مليونيات يوم الجمعة المتكررة - العصيان المدنى ،، كنت معاها بنزولك او تعاطفك مع الى نازلين ؟ - وجهة نظرك عن الى بيحصل ف : سوريا - الصومال ؟ - من تعاملاتك مع جروبات العمار ع الفيس ، المنتدى مين أكتر شخصيات قابلتها بتتكلم سياسة صح وفاهمة كويس وعندها احترام الرأى الاخر ؟ ومين الى بتتوسم فيه انه يكون عضو مجلس الشعب مثلا او حاجة مؤثرة ف بلده ؟ دا بالنسبة للشباب ف العمار يعنى :) .. - يسقط يسقط حكم العسكر ،، انتى من مؤيديها العبارة دى ؟ وايه السبب بالتفصيل :) ؟ - وجهة نظرك عن : الفلول - الاخوان ؟ - انتخبت حزب ايه وليه ف انتخابات مجلس الشعب ،، وشاركت ف الشورى ولا لا وايه السبب ؟ كدا الاسئلة السياسية خلصت نكمل باقى الاسئلة بعد دقائق ان شاء الله | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| |
| |
ESLAM GODA مدير المنتدي
عدد الرسائل : 2967 العمر : 34 المكان : نفس المكان الحالة : تـــــــــــعــــــــــــــــبــــــــــــــــــــان الهواية : م......ف....ي.....ش تاريخ التسجيل : 27/03/2011 التـقــييــم : 12
| موضوع: رد: (حلقات خاصة) السبت 28 أبريل 2012, 8:50 am | |
| | |
|
| |
RoMiO. عماري أصيل
عدد الرسائل : 8190 العمر : 32 المكان : shoubra الحالة : مش لازم الهواية : mlaksh feeh تاريخ التسجيل : 22/07/2007 التـقــييــم : 7
| موضوع: رد: (حلقات خاصة) الأحد 29 أبريل 2012, 7:02 pm | |
| متأسف جداااا ع التأخير بس كان ظروف غصب عنى و الله
انا هنزل ب اجابات اول جزء من الاسئله و الباقى ان شاء الله على بليل :)
| |
|
| |
RoMiO. عماري أصيل
عدد الرسائل : 8190 العمر : 32 المكان : shoubra الحالة : مش لازم الهواية : mlaksh feeh تاريخ التسجيل : 22/07/2007 التـقــييــم : 7
| موضوع: رد: (حلقات خاصة) الأحد 29 أبريل 2012, 8:23 pm | |
| بسم الله الرحمن الرحيــم - اقتباس :
- - صلى على النبى الاول كدا ^_^ ..
عليه الصلاه و السلام استعنا بالله .. - اقتباس :
- - هتنتخب أبو الفتوح ان شاء الله ،، ايه السبب ؟ وكنت مقتنع بحد قبل ابو الفتوح ولا ؟
د/ ابو الفتوح تاريخ سياسى مشرف جدا لأى انسان صاحب جرأه عاليه فى مواجهه الظلم
انا شايف ابو الفتوح انه الاصلح علشان لو فعلا لو بصينا للراجل دا من اى زاويه (الثوره .الاسلام . اجتماعى ) هتلاقيه من كل الزوايا دى صاحب برنامج قوى و متميز مصرى اصيل بيدهشك فعلا لما بيتكلم بحس انى بحبه قلبا و بصدقه عقلا موقفه من القضبيه الفلسطينيه و مواجهه الشهيره امام السادات يكفى ان الشيخ احمد ياسين رحمه الله عليه اشاد بيه ووجه له شكر مخصوص على مساعداته فى عمليات الاغاثه و فى فك الحصار و الاعانه راجل بيتكلم بطبيعته .. يكفى انه راجل نظيف اليد مش هطول اكتر من كدا لأنى مش هفصل فى موضوع ابو الفتوح :) الجزء التانى من السؤال .. ايوا كنت مقتنع ب دكتور البرادعى ولازال اقتناعى بيه الشخصيه المحترمه الل كل مدى يبين للناس انه كان صاحب رؤيه مستقبيه و اطلاع كبير ع المستقبل الراجل اللى عرض نفسه و اهله لكلام السفهاء و النقد الغير مبرر و الغير صحيح و مواقفه المشهوده ليه كتير جداااا
رجل يقف فى منطقه الوسط بين الليبرالى و السلفى و الاخوانى و جميع الاطياف فلا يوجد خلاف بينه و بين احد منهم و هذا هو المطلوب فى رئيس الجمهوريه :) - - اقتباس :
- - لما تلاقى ناس بتتناقش وبتهاجم ابو الفتوح بشكل مقبول ولائق أو العكس ،،
بيبقى رد فعلك ايه ؟ و الله النقد البناء شئ كويس و مش عيب انى انتقد حد بس يكون نقد مبنى على اسس مش اى نقد من اجل النقد
اما النوع الاخر اللى بيتكلم و ينقد فى الانسان من غير سبب و يظهر فى الشخص اشياء مش فيه ببقى متنرفز جدااا و بحاول اتجنب الناس دى بجد على قد مقدر لأن بحس ان راكنين دماغهم بجد و متعصبين جدا لأفكارهم و بس وللأسف معظم النقد اللى من النوع دا بيكون من الاخوان اللى كان الدكتور واحد منهم يوما من الايام .. و الباقى من ناس مش لاقيه حاجه تعملها تنقد و خلاص زى اقرب مثال واحد النهارده جايب بوستر ملوش علاقه ب بويتر الحمله بتاعه ابو الفتوح و حاطط اللى اتنين جمب بعض ويقول يا اخى مش عيب تسرق البوستر .. دا يترد عليه يتقال ايه !! - اقتباس :
- مشترك ف حملة ابو الفتوح ولا مكتفى بتأيده كصوت انتخابى ؟ الف تره دى كلها لسه للأسف الكليه مقيدانى جداااا و مش بنزل من العاشر غير يوم فى الاسبوع مش بلحق اعمل حاجه بس اللى بقدر عليه اعمله لأبو الفتوح بعمله على قدر الامكان .. و يوم الثلاثاء ان شاء الله هكون رسميا فى حمله ابو الفتوح :)
...... - اقتباس :
- - الميزة الى بتميز كل واحد من دول والعيب :
أبو الفتوح - صباحى - خالد أبو على ؟
طبعا لا خلاف ان الثلاثه بينهم شئ مشترك الا وهو ان جميعهم ابناء للثوره
أبو الفتوح .. انسان يمارس السياسه منذ اكتر من 42 سنه .. ابن بلد ثورى مناضل صاحب قضيه و حق .. ابو الفتوح ابن بلد بكل المقاييس انسان استطاع جذب طائفه كبيره من الشباب المثقف حوله .. انا كاتب فوق من مميزات ابو الفتوح فى اول سؤال :)
صباحى .. سياسى منذ ان كان طالب وقف قدام نظام مبارك كتير جدااا .. فى عز هيمنه و جبروت احمد عز استطاع مهاجمته و الوقوف ضده .. راجل بسيط و فعلا على رأى الحمله بتاعته ان تحس انه واحد مننا فعلا .. راجل نضيف بجد ..جرئ جداااا كان بيقف فى البرلمان زى الاسد بجد و يهاجمهم كلهم .. ربنا يوفقه يارب ان شاء الله
خـالد علـى .. خالد على انا شايفه من وجهه نظرى ان كل اما بقد الامل و احس ان مفيش ثوره حصلت من اللى لسه بيحصل بيدينى الامل بجد لأن ده ثمره الثوره افكاره ممتازه و انه يدخل الانتخابات وسط ناس ليها شعبيه كبيره جدا ف دا فحد ذاته يحسب ليه اما بالنسبه للعيوب ف انا مش شايف عيوب واضحه فى الثلاث مرشحين و ان وجد فهى عيوب طفيفه .. بس انا نفسى خالد على يبدأ ينتشر اكتر من كدا لأن حملته مش ظاهره وسط الحملات التانيه نهائى حضوره ضعيف .. - اقتباس :
- _- شفيق بعد خروجه من السباق وعودته تتوقع خروجه تانى ولا ؟ وايه وجهة نظرك المختصرة عن الشخص دا ؟
خروج ودخول شفيق ما هو الا مهذله بمعنة الكلمه لكن لا اتوقع خروجه مره اخرى .. الا فى حاله حدوث ثوره اخرى :) اما وجهه نظرى فى الشخص ده بينطبق عليه مقوله واحده بس ((اللى اختشوا ماتوا)) .. - اقتباس :
- لما بتلاقى تأييد كبير حبتين من السن الكبير لعمرو موسى ،، ايه شعورك وردة فعلك ؟؟
اما بلاقى تقييـــد لعمرو موسى من طائفه العواجيز ف دا شايفه طبيعى جدااا النظام القديم لسه تأثيره عليهم واضح و مش هينتهى دلوقتى خالص ..و بعدين دا بالنسبالهم رمز يعنى ف مش بحب اخش فى جدال معاهم لأن المناقشه خسرانه الا اللى بحس انه ممكن يستجيب للكلام .. - اقتباس :
- _ ولو اخدها عمرو موسى ،، ادينى تصورك لمصر بعدها !! من النواحى المختلفة سياسية اجتماعية اقتصادية ،، وخصوصا قناة السويس xD ؟
و الله اى حد هياخدها هيشتغل بأديه وسنانه حتى لو كان من الفلول .. لكن متوقعش ان حد هيرضى عنه اصلا مش هيكمل حاجه مع الناس يعنى .. مش هنلاقى المرغوب او اللى بنتمناه فى المجالات السياسيه و الاقتصاديه او اى مجال اخر .. بخصوص قناه السويس ف انا اتوقع اننا ممكن نصحى الاهرامات متباعه مش قناه السويس بس - اقتباس :
- _- مجلس الشعب لو نجح ابو الفتوح تخيلك للى هيتم فيه هينحل هيكمل ،، وكذلك مع عمرو موسى ؟
مع ابو الفتوح اتوقع ان مجلس الشعب هيكمل مهمته بشكل عادى جدا .. دكتور ابو الفتوح كان قايل فى تصريح قريب انه ازاى يشتغل و بينه و بين اى حزب خلاف ف مظنش انه بينه و بين مجلس الشعب مشكله بس لو مسك ابو الفتوح ان شاء الله الشغل للمجلس هيبقى فعلى اكتر مش كلام على ورق وتصريحات فى الهوا وخلاص زى مبنشوف اتوقع هنشوف مجلس حقيقى .... لكن عمرو موسى اتوقع برضه يخلى المجلس اصل عمرو موسى مش بالغباء انه يربى عداوه مع الاخوان و السلفيين بما انهم الاغلبيه البرلمانيه لأنهم مش هيسكتوا لو المجلس اتحل .. دا غير المشاكل اللى هتبقى محوطاه لو مسك الرئاسه .. بس اتوقع بخلاف ابو الفتوح او عمرو موسى انه ممكن ينحل علشان علشان بطلان قانون مجلسى الشعب و الشورى و اللى حكمت المحكمه الاداريه ببطلانه - اقتباس :
- _- تتوقع مين الى هيوصل لمرحلة الاعادة ف انتخابات الرئاسة ؟
اتوقع محمد المرسى مرشح الاخوان و و ابو الفتوح .. او عمرو موسى و ابو الفتوح فى حاله وجود توافق من بعض الاحزاب على ابو الفتوح .. يعنى انا متوقع ابو الفتوح فى الاعاده ان شاء الله :) - اقتباس :
- _- انت مقتنع ان القضاء سليم مليون ف الميه وصادق و ان حازم ابو اسماعيل كاذب ؟
قضيه الشيخ حازم اثارت بلبه كبيره جداا انا مش هقول انه كذاب بس كنت اتمنى انه يطلع ب اى دليل قطعى لأثبات برائته صفحه خالد سعيد اعطته هديه على طبق من ذهب و طلبت منه اظهار الجرين كارد الخاص بوالدته .. كان الشيخ ممكن يحل الموضوع بطرق سهله اظن .. بس مش عارف ليه التطويل دا كله .. ومش هقولك ان قضاءنا نزيه مليون الميه لأ احنا المشكله ان القانون المصرى مليان ثغرات .. و بعدين اللقضاء حكم فى صالح الشيخ اما اللجنه العليا هى اللى قررت عدم خوضه الانتخابات .. - اقتباس :
- _ مليونيات يوم الجمعة المتكررة - العصيان المدنى ،، كنت معاها بنزولك او تعاطفك مع الى نازلين ؟
المليونيات .. نزلت جمعات كتير و كنت مؤيد للنزول لأن مش حاسس فعلا ان فيه اى تغيير .. لكن كان فيه جمعات كتير مكنتش بؤيد للنزول .. اما العصيان المدنى .. على الرغم ان ناس كتير كانت منتقضاه و غير مؤيده بس انا كنت مؤيد و لأن كنت شايف لو اتحقق بطريقه فعليه اكثر من اللى اتعمل بيها كان هيأدى لنتايج كويسه بغض النظر عن الكلام اللى كننا بنسمعه حرام عليكوا البلد و هتخرب و هيحصل و هيكون و عجله الانتاج و الكلام اللى اتحفظ دا .. قال يعنى الاقتصاد حلو اوى و الدنيا فل و العصيان هو اللى كان هيوقع البلد ... بس للأسف معرفتش اشـارك لأن نظام الكليه عندى فى الحضور و كدا كان محتم عليا احضر و خصوصا اننا ديما فى امتحانات .. - اقتباس :
- _- وجهة نظرك عن الى بيحصل ف : سوريا - الصومال ؟
سوريا .. الله يكون فى عونهم يارب .. ويخلصهم من بطش بشار و اعوانه ليس لنا لهم سوا الدعاء .. وقوف جامعه الدول محلك سر من قضيه سوريا و عدم اتخاذ اجراءا و قرارات حازمه بشأنها عار عليها بجد .. الصومال .. ربنا يكون فى عونهم دول اللى بجد محتاجين الدعاء .. - اقتباس :
- _- من تعاملاتك مع جروبات العمار ع الفيس ، المنتدى مين أكتر شخصيات قابلتها
تتكلم سياسة صح وفاهمة كويس وعندها احترام الرأى الاخر ؟
و الله انا فى عدد قليل جدا من جروبات العمار ع الفيس جروبات كتير خرجت نفسى منها علشان اللى كنت بقراه و بشوفه من خناقات و مشاكل .. لكن على المستوى اللى مشترك فيه . فيه أ/عمرو امام .. م/احمد فتحـى .. و اكيد فيه ناس تانيه بس خايف انسى حد .. بس عندى تعليق صغير فى النقطه دى .. للأسف احنا مجتمعنا بيفتقد موضوع تقبل الرأى الاخر ديما كل واحد شايف ان هو الصح .. و شايف المعارض ليه يبقى عدو مفيش نقطه اننا نتناقش بشكل موضوعى لازم النقاش ينتهى بمشكله و خناق و طبعا الالفاظ الجميله اللى بتتبع الموضوع دا :) ف انا نفسى اشوف بجد نقاش موضوعى الناس تستفاد منه عدم التعصب للرأى الشخصى . او حزب منتمى ليه .. - اقتباس :
- _ ومين الى بتتوسم فيه انه يكون عضو مجلس الشعب مثلا او حاجة مؤثرة ف بلده ؟
اخويا مصطفى فتحـى .. بجد مصطفى بتوسم فيه خير جدا . كاريزما و ذكاء عالى جدا .. نشاط من غير حدود .. افكاره مرتبه.. علاقته ب كل العمار كويسه م الاخر بيحاول يعمل ارضيه للأنتخابات و ليه اححلام كتير عايز يحققها و دا من ضمن احلامه فعلا :) و اتوقعله يحققها ان شاء الله فى يوم م الايام .. دا ع مستوى الناس اللى قريبين منى و اعرفهم كويس .. - اقتباس :
- _- يسقط يسقط حكم العسكر ،، انتى من مؤيديها العبارة دى ؟ وايه السبب بالتفصيل :) ؟
طبعا مؤيد وبشده .. نيجى للسبب ناخدها تدريجى من اول احداث البالون لمذبحه ماسبيرو .. ل محمد محمود 1 ثم مجلس الوزراء .. ف احداث محمد محمود 2 .. نهايه ب مذبحه الالتراس فى بورسعيد .. الالتراس اللى هتف و قال يسقط يسقط حكم العسكر الكلمه زعلتهم اوى ازاى شويه عيال يقولوا كدا لا احنا نرتاح منهم و يحسر اهالى الشباب دول على ولادهم . العسكر اللى عانينا من حكمهم من ايام عبد الناصر لحد النهارده .. اللى متبتين فى الحكم و خايفين يسيبوا البلد على خير .. لازم يخلوها نار و يفرقوا بين المصريين وبعضهم .و بعد اللى حصل امبارح قدام وزاره الدفاع دا ايه رايك فيه !! . بعد دا كله ايه رأيك يسقط و الا لا ؟؟؟ - اقتباس :
- _- وجهة نظرك عن : الفلول - الاخوان ؟
الفلول .. و الله انا اتمنى اى حد منهم يتحاكم (المخطئين فى حق الوطن منهم) الفلول اللى ياما خربوا وزورا و نهبوا ملهمش الحق ف تولى اى منصب هام فى البلد .. الاخوان .. ناس عانت م النظام اللى فات اصحاب عقول كبيره جدا و خبرات سياسيه عظيمه .. لكن اعترض اعتراض تام عليهم فى الوقت الحالى .. اللى كانوا بيعانوا منه زمان بيعملوه هما دلوقتى .. عايزين يوصلوا للحكم بكل الطرق و تولى اى منسب فى الدوله بشتى الطرق . الناس دى كان المفروض يبقوا اول ناس بين الثوار لكن دول من اول م الريس اتنحى و محدش شاافهم فى الميدان وزى ميكون دا كان كل املهم .. مشفنهمش الا ف 25/1/2012 ليه ؟؟ علشان يحتفلوا بمرور عام ع الثوره . ثوره ايه اللى تحتفل بيها تحتفل ب الناس اللى ماتت و حقها لسه مجاش و لا تحتفل ب المحاكمات الهزليه اللى بتحصل و الا ب الناس اللى لسه هربانه ومجتش !!! الاخوان كنت متوقع منهم افضل من كدا بس الظاهر ان الكرسى بيغير الناس فعلا .. الاخوان اصبحوا بلا مصداقيه عند ناس كتير مع انهم كان سهل اوى يكتسبوا حب الشعب كله و تعاطفه معاهم .. - اقتباس :
- _- انتخبت حزب ايه وليه ف انتخابات مجلس الشعب ،، وشاركت ف الشورى ولا لا وايه السبب ؟
انتخبت الوسط .. الحزب المحترم بمعنى الكلمه مؤسسه ثورى و نائبه ثورى و اعضائه قمه فى الاحترام .. انتخابات الشورى لا بصراحه مشاركتش فيها .. حسيت انها محسومه من قبلها و انا مش شايف اهميه كبيره لمجلس الشورى كماله عدد و مقاعد للأخوان فقط لاغير - اقتباس :
- _ كدا الاسئلة السياسية خلصت نكمل باقى الاسئلة بعد دقائق ان شاء الله مبتسم
حرام عليكى و الله :) انا ايديا ورمت من الكتابه يامسهل عقبال الباقى على بليل ان شاء الله اكمل باقى الاسئله :) | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) الإثنين 30 أبريل 2012, 1:58 am | |
| - اقتباس :
- بعد دا كله ايه رأيك يسقط و الا لا ؟؟؟
مليون يسقط !! - اقتباس :
حرام عليكى و الله :) انا ايديا ورمت من الكتابه يامسهل عقبال الباقى
على بليل ان شاء الله اكمل باقى الاسئله :) معلش حقك عليا :) منتظرة باقى الاجابات باذن الله ^_^ | |
|
| |
RoMiO. عماري أصيل
عدد الرسائل : 8190 العمر : 32 المكان : shoubra الحالة : مش لازم الهواية : mlaksh feeh تاريخ التسجيل : 22/07/2007 التـقــييــم : 7
| موضوع: رد: (حلقات خاصة) الإثنين 30 أبريل 2012, 2:02 am | |
| - اقتباس :
معلش حقك عليا :) منتظرة باقى الاجابات باذن الله ^_^
ان شاء الله النهارده انزل بباقى الاجابات :) | |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: (حلقات خاصة) الجمعة 19 أكتوبر 2012, 8:10 pm | |
| نشغل الموضوع تانى :)
قريبــــا ^_^ | |
|
| |
| (حلقات خاصة) | |
|