كاتب الموضوع | رسالة |
---|
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، السبت 21 أبريل 2012, 12:52 am | |
| الاسئلة تم وضعها فى رأس الموضوع
منتظر دخولك وإجاباتك يا دكتور .. ونورتنا مرة تانية
:) ::
| |
|
| |
محمد صلاح هلالى. عماري نشيط
عدد الرسائل : 230 العمر : 34 المكان : ........ الحالة : ........ الهواية : ........ تاريخ التسجيل : 29/04/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، السبت 21 أبريل 2012, 8:11 pm | |
| - اقتباس :
بداية ، برحب بحضرتك يا دكتور محمد وسعيد إنك لبيت الدعوة وإستضفناك
هندردش شوية فى حال البلد والسياسة وطبعا الحوار مفتوح لاى محب ومشارك معنا إن شاء الله
هقتبس من الحلقة اللى فاتت الاسئلة العامة وأسئلة الدستور وهنتكلم عن توجهك فى الرئاسة
ومستجدات الاحداث فى مصر
..
متشكر جدا يا هندسه واتمني ان اكون ضيف خفيف علي البرنامج وعلي الاعضاء وربنا يوفقني واجاوب كويس حابب أعرف رأيك فى حال البلد بعد 13 شهر من ثورة يناير ؟
اكيد حال البلد مش باسط حد واكثر المتشاؤمين بعد الثوره مكنش متوقع الحاله اللي احنا وصلنلها بس الواح بيحبط شويه ويرجع تاني يجيلو شوية امل وهو كدا شويه وكدا شويه علي اسوأ التوقعات مش هنوصل لحاله اسوأ من اللي كنا عليها
لو رجع بينا الزمن وكنت قائد لتلك الثورة أى إتجاه كنت هتمشى فيه رتبلى كدة الخطوات والمحطات اللى كنت هتمر بيها لتحقيق أفضل النتائج ؟ لو كنت قائد الثوره وكل حاجه في ايدي اكيد اي اتجاه كنت هاخده كانت نتايجه هتبقي افضل من اللي احنا فيه دلوقتي كان هيبقي فيه مجلس قيادة ثوره كل الناس تثق في نزاهته حكومه نزيهه مشهود بكفائتها ومفيهاس ولا فل محاكمات سريعه ونزيه بعد استقلال القضاء اعادة هيكلة الداخليه وجهاز امن الدوله واعادة الثقه بين الشعب والشرطه الدستور اولا وبعد كدا انتخابات مجلس الشعب وبعد كدا انتخابات رئاسه ومش هنبقي خايفين اوي مين الرئيس اللي جاي لان صلاحياته هتبق محدده قبل كدا خلال الدستور غير بقي اعادة هيكلة المجالس المحليه وحاجات تانيه كتير بس دا اللي علي دماغي دلوقتي
إوصفلى إحساسك ليلة 25 يناير وإحساسك مساء 11 فبراير كان إيه ؟
ليلة 25 مكنش عندي اي احساس ليلة11 كنت فرحان جدا وزعلان جدا كنت فرحان جدا لان الغمه انزاحت وزعلان جدا لان مكنتش في الميدان ساعة التنحي
أفضل نتائج الثورة فى رأيك وأسواءها ؟
والله في نتايج ايجابيه كتيره بس للاسف مش حاسين بيها لان السلبي فارض نفسه ومن اهم النتائج الايجابيه دي ان الثوره كسرت حاجز الخوف والناس عرفت تقول لا وبعد كدا ميدان التحرير موجود نتايج تانيه زي ان الواحد بدا يحس ان ليه كرامه وعرف يعبر عن رايه وبقي رايه يتسمع وبجد في نتايج تانيه كتير ايجابيه بس مش باينه اما النتايج السلبيه فهي كتير برده بس اكتر حاجه مش عجباني ان معظم الناس مكنتش عارفه تفتح بؤها قبل كدا واول ما عرف يقول رأيه مش عايز حد تاني يقول رأيه الا اذا كان الاي دا يوافق رايه مش هقاول ان اختلاف الراي لا يفسد للود قضيه دلوقتي بقي يفسد كل قضايا الود محدش بقي متقبل راي التاني وزي ميكون راي عمر سليمان صح ان الشعب المصري غير مؤهل للديمقراطيه
ماذا تتوقع لنهاية المجلس العسكرى بالنسبة للحديث عن الخروج الامن ؟
الحقيقه متوفع الخروج الامن لان من وجهة نظرى لو مفيش خروج امن يبقي مفيش خروج اصلا بغض النظر بقي مين الرئيس اللي جاي
وضع الجيش فى الدستور الجديد ؟
زي وضع اي جيش في اي دوله تانيه وزي وضعه قبل الثوره بس مع بعض التعديلات ان ميزانيته تتناقش عادي وميبقاش جهه غامضه محدش عارف عنها حاجه
كلمة ورأيك فى اللواء ممدوح شاهين ، المشير ؟
معرفش عنه كتير قبل كدا بس الحقيقه مبستريحلوش زي باقي المجلس العسكرى خاصة بعد الاعلان الدستوري اللي لبسنا في الحيط المشير اكبر فلولي
الداخلية الحل فيها ايه فى وجهة نظرك "حل عملى وواقعى مع اليات التنفيذ" ؟
الحل فيها ان يجي وزير محترم يعيد هيكلتها ويعيد ثقة التاس فيها الاليات بقي دي بتاعته هو اكيد هو يعرف اكتر مني
متوقع أحكام إيه على ( مبارك ، جمال ، علاء ، حسين سالم ، العادلى ومعاونيه بس يبقى في احكام الاول بس متوقعش الاعدام لاي واحد منهم
مجلس الشعب رأيك إيه هل سيطرة الاخوان والسلف على الغالبية العظمى منه هو بيعبر فعلا عن الشعب المصرى ولا لأ وإن كان لم يعبر فمن أين جاءت الاغلبية ؟
اكيد ساعتها كان بيعبر عن الشعب المصري والا مكنش انتخابهم بس طبعا كان في عوامل اثرت كتير في اختيار الناس ليهم اهمها ان مكنش في بديل جاهز وحاجات تانيه كتير بصراحه مش شايف فايده اني اتكلم عنها دلوقتي
شاركت فى إنتخابات الشعب ، الشورى ، ليه شاركت أو مشاركتش ؟
لا مشاركتش ولا شعب ولا شوري عشان مكنش ليا انتخابات هنا
هل بتعتقد أن هناك فعلا خلاف حقيقى بن الاخوان والمجلس العسكرى أم أنه خلاف مصطنع للتكتيم على موضوع اللجنة التأسيسية أو غيره ؟
اعتقد فعلا ان في خلاف حقيقي بينهم
ليا عودة تانى إن شاء الله
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، السبت 21 أبريل 2012, 9:13 pm | |
| منور يا دكترة .. ومنتظر باقى إجاباتك :)
| |
|
| |
محمد صلاح هلالى. عماري نشيط
عدد الرسائل : 230 العمر : 34 المكان : ........ الحالة : ........ الهواية : ........ تاريخ التسجيل : 29/04/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، السبت 21 أبريل 2012, 10:40 pm | |
| نيجى للدستور :
هل بعد الحكم بإعادة تشكيل اللجنة هل سيحدث جديد ؟ أن أننا ندور فى دائرة ؟
لازم يبقي في جديد واعتقد ان هيبقي في جديد لان في ضغط كبير علي الاخوان بعد انسحاب معظم الاحزاب وسخط ناس كتير علي االجنه
رأيك إيه فى عدم إختيار الاخوان الدكتور البرادعى والاديب علاء الاسوانى على رأس إختيارتهم ؟
انا شايف ان وجود الدكتور البرادعي مهم جدا نظرا لخبرته الاداريه والسياسيه وكمان وجوده كان هيقلل من سخط الناس علي اللجنه اما بالنسبه للاديب علاء الاسواني انا شايف ان وجوده او عدم وجوده حاجه عاديه في ناس كتير اولي منه مش موجودين شايف إن الدستور الجاى بـ 50 فى المائة من البرلمان هيعبر فعلا عن الشعب ؟
50في المائه نسبه كبيره وخاصة لو قارناها بالمفروض والمفروض ان المجلس يختار اللجنه من خارج المجلس بس بالنسبه دي مش هيعبر غير عن نسبه من الشعب والباقي بقي مش مهم يبقي حظ سعيد في الثوره القادمه مع ان الدستور المفروض يعبر عن كل مواطن من الشعب لان الدستور بتاع الناس كلها مش بتاع الاغلبيه
المختارين لوضعه هم من أصحاب الكفاءات ؟
منهم كفائات وقليل ماهم والباقي مينفعش يبقي في المجلس من اساسه بالشكل الحالى الدستور هيخدم مين ؟
مش عارف بصراحه كدا هيخدم مين بس اعتقد انه كدا مش هيخدم حد
لو مكنت من اختيار 10 أفراد فى اللجنة التأسيسية للدستور هيكون مين إختيارتك ؟
اكيد في ناس كتير جدا نهي الزيني فاروق الباز زويل بس لازم علي رأسهم ابو تريكه وشيكابالا طبعا [ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
محمد صلاح هلالى. عماري نشيط
عدد الرسائل : 230 العمر : 34 المكان : ........ الحالة : ........ الهواية : ........ تاريخ التسجيل : 29/04/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، السبت 21 أبريل 2012, 10:44 pm | |
| انا هقوم انام ولنا عوده ان شاء الله يا هندسه
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الأحد 22 أبريل 2012, 6:05 am | |
| - محمد صلاح هلالى. كتب:
[center]انا هقوم انام ولنا عوده ان شاء الله يا هندسه
ههههههه ، ماشى يا دكترة ، منتظرك :)
| |
|
| |
محمد صلاح هلالى. عماري نشيط
عدد الرسائل : 230 العمر : 34 المكان : ........ الحالة : ........ الهواية : ........ تاريخ التسجيل : 29/04/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، الأربعاء 25 أبريل 2012, 12:35 pm | |
| معلش يا جماعه انا اسف علي التاخير
ومعلش يا مصطفي بجد مكنتش فاضي انا قولت اعتزر ليك انت بالاخص لان بيتهيالي ان انا وانت اللي بندخل علي الموضوع دا بس
| |
|
| |
محمد صلاح هلالى. عماري نشيط
عدد الرسائل : 230 العمر : 34 المكان : ........ الحالة : ........ الهواية : ........ تاريخ التسجيل : 29/04/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، الأربعاء 25 أبريل 2012, 1:32 pm | |
| بالنسبة للرئاسة :
هتختار مين رئيسك وبناءا على إيه إختيارك ؟ هانتخب مين لسه الحقيقه مقررتش لو مفيش جديد هيبقي واحد من اتنين ابو الفتوح او صباحي بناءا علي ايه بناءا علي تاريخه واحساسي بصدقه وانه عاوز يعمل حاجه للبالد مش انه غاوز مجد شخصي ليه ويبقي اسمه رئيس مصر وخلاص وإيه رأيك فى إنسحاب البرادعى وكيف تراه ؟
انا ساعتها كنت شايفه قرار عادي وقولت ان الراجل عارف انه كدا كدا مش تاجح وقال اخدها من قاصرا وانسحب علشان ميبقاش شكلي وحش بس لما الايام عدت عرفت انه كان قرار ذكي ومحسوب انا حسيت ان الراجل واضح واضح وملوش في العب من تحت لتحت وان الاجواء الحاليه مش مناسبه ليه فعشان كدا انسحب وان كنت شايف ان السياسه طول عمرها كدا ومش هتتغير فلازم تسستم نفسك علي كدا السياسه ان انت تظهر عكس ما تبطن فكل ما تكون شاطر في الحته دي هتكون سياسي ناجح
إستبعاد 10 مرشحين بالامس كيف تراه ، ؟ وعدم قبول أية طعون كيف تراه ؟ يصعب على أحد أن يعرفه وكان من الممكن أن تخفى هذا اللجنة إن أحببت ؟
كيف اراه من اي ناحيه يعني والله دا قرار لجنه شايفه ان هم مستوفوش الشروط بغض النظر بقي ان انا كان نفسي حد معين يبقي موجود ولا لأ دخول سليمان ثم إستبعاده ، تحليله إيه فى وجهة نظرك ، والله العمليه دي انا مش بالعها من الاول عمر سليمان مش بالسزاجه ان هو يقع في غلطه زي غلطة التوكيلات دي انا شايف ان نزوله واستبعاده كان بيقوم بدور البلسم اللي شغلته ان هو يلطف الامور وكمان يدي الناس صقه في اللجنه وان الحياه في اللزيز ومنتهي الشفافيه هذا والله اعلم دا رأيي يحتمل الصواب والخطأ أم أن اللجنة أعلنت الحيادية والشفافية بموقف الاستبعاد ولن يعود خصوصا أن أمر التوكيلات
الشيخ حازم ، بغض النظر عن موقفه شايف إن دفاعه عن نفسه صحيح ؟ في ناس شايفه ان هو ركز علي موضوع دخوله وعدم استبعاده اكتر من ان هو يبين صدقه للناس سواء كانو مؤيدين او معارضين وانا بصراحه من الناس دي بس بردو انا التمسله العزر معظم اللي كانو هيبقو في مكانو كانو هيفكر نفس التفكير واكيد كان وجهة نظرو ان هو لو اثبت ان موقفو سليم ومستبعدش فدا دليل علي صدقه
بمعنى أنه إهتم إعلاميا أن بحسم مسألة الترشح أكثر من إثبات صدقه حتى لغير مؤيديه ؟
وجهة نظرو انو لو حسم موضوع الترشيح دا دليل كافي علي صدقه هل تتوقع أن يكون لأمريكا ومصر دور مشترك فى إستبعاده كما يردد مؤيدوه ؟ مش برجح ومش مستبعد اي حاجه دلوقتي كل شيىء ممكن حتي اللي مش ممكن أم أنه بالفعل هى مزدوجة الجنسية ولو دا فعلا تم التأكيد عليه إيه رأيك فيما فعله الشيخ حازم ؟
لو فعلا تم التاكيد يبقي اللي عمله غلط جدا
وشايف مبرره إيه من وجهة نظرك ، رأيك إيه فى رد فعل أنصاره ؟ في انصار رد فعلها رزين وانا عن نفسي اعرف منهم كتير وفي ردود فعل غير مقبوله بالمره
رسميا وبعد خروج الشيح حازم خارج من المنافسة يا ترى القاعدة العريضة اللى بتدعمه هتكون من نصيب مين من المرشحين أبو الفتوح ، مرسى ، العوا .. الخ ؟
ابو الفتوح اكتر حد مستفيد طبعا
بعد رفض الطعن المقدم من خيرت الشاطر تتوقع موقف شباب الاخوان إيه من تدعيم
المرشح الاحتياطى محمد مرسى ؟
زي مكانو مدعمين خيرت الشاطر تماما ودا مهندس ودا مهندس يعني بالنسبالهم مش فارقه كتير وهيقولو ان احنا بندعم مشروع مش سخص وان دا رجل المرحله اللي جايه وكفايه ان الجماعه رشحتوا فدا اكبر دليل ان احسن واحد للمرحله دي
تفسر بإيه ضعف شعبية حمدين صباحى رغم ما يمتلكه من وطنية ومؤهلات عدة ؟
لان ناس كتير متعرفش حمدين صباحي حتي االي يعرفوا ميعرفش تفاصيل كتير عن تاريخه كل اللي يعرفوه عنه انه راجل محترم ومناضل بس وانا نفسي لحد فتره قريبه مكنتش اعرف كتير عنه
واقعيا شايف مين أقرب المرشحين ليصبح رئيس مصر 2012 ؟
عمرو موسي وابو الفتوح
موقف الاخوان من الترشيح نفسه كيف تراه بعدما رفضت مرارا وتكرارا أمر ترشيح أحد قيادتها ؟
(موقف سياسي ( ليه تسيب حاجه لما ممكن تكوش علي كل حاجه
شوفت إزاى قرار الدفع بخيرت الشاطر ، صفقة أم خلاف حقيقى وصل لذروته بين الجماعة والمجلس ؟ متوقعش ان في صفقه وبيتهيالي ان دا اتاكد بعد الاستبعاد ممكن تكون الصفقه كانت في الاول بخروج خيرت الشاطر
قولى ميزة و 3 عيوب فى أبو الفتوح ، صباحى ، أبو إسماعيل ؟
ميزه في ابو الفتوح ان انا واصق فيه وفي اخلاصه عيب في ابو الفتوح اكبر عيب من وجهة نظري انا انو كان في الجماعه بقالو حوالي 50سنه ماشي علي مبدىء السمع والطاعه ويوم ما حب يخرج علي المبدىء اللي ماشي عليه بقالو 50سنه خرج علشان يبقي رئيس صباحي عيبه انو مش منتشر كويس ومحتاج شيء من الرزانه ..ميزات صباحي كتيره بصراحه واضح جدا وتاريخه مشرف جدا وتحس فيه بالصفاء والصدق
أخيرا ماذا وإن لم ينجح أحد المرشحين الثوريين ونجح مرشح محسوب ع النظام السابق ؟
والله لو الناس هي اللي مختاراه فمش هاعمل اي حاجه اما لو حاجه غير كدا فاعتقد ان الناس كلها هتلقيها في الميدان وانا معاهم
هذا والله اعلم وفي الاخر احب اقول ان دي ارائي واتمني ان هي متزعجش حد
نورتنا يا دكتره دا نورك والله يا هندسه وبجد انا انبسط جدا واتشرفت بالدعوه دي واتمني ان اكون ضيف خفيف
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الأربعاء 25 أبريل 2012, 2:22 pm | |
| - محمد صلاح هلالى. كتب:
معلش يا جماعه انا اسف علي التاخير
ومعلش يا مصطفي بجد مكنتش فاضي انا قولت اعتزر ليك انت بالاخص لان بيتهيالي ان انا وانت اللي بندخل علي الموضوع دا بس
فعلا .. ودا أمتع ما فى البرنامج إنها دردشة سياسية هادئة :) - اقتباس :
نورتنا يا دكتره
دا نورك والله يا هندسه وبجد انا انبسط جدا واتشرفت بالدعوه دي واتمني ان اكون ضيف خفيف
نورتنا يا عم محمد وشكرا على تلبية الاستضافة يا باشا :)
:: | |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الأربعاء 25 أبريل 2012, 2:23 pm | |
| راحة بسيطة .. ونرحب بالضيف السابع واللى هيكون من العنصر النسائى
إن شاء الله .. دمتم بود :)
::
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الخميس 26 أبريل 2012, 12:39 am | |
| ضيف البرنامج فى الحلقة السابعة
م/ هند طلعت .. برحب بيكى وشكرا على تلبية الإستضافة
إن شاء الله غدا هضع الاسئلة فى رأس الموضوع وأنتظر إجاباتك
نورتينا يا باشمهندسة :)
| |
|
| |
hend tal3at عماري متقدم
عدد الرسائل : 105 العمر : 35 المكان : 3amar الحالة : .............. الهواية : .............. تاريخ التسجيل : 20/11/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، الخميس 26 أبريل 2012, 9:43 am | |
|
اولا انا بشكر باشمهندس مصطفي جدا انه افتكر العنصر النسائي اخيرا اللي دايما مهضوم حقه ,, وبشكرك انك اتحت لي الفرصه اني ارجع تاني وادخل المنتدي واشارك بعد فتره طوويله وانا معجبه بفكره الموضوع جدا وبحييك علي افكارك واسهامك ف احياء المنتدي مره اخري,, وان شاء الله اجاباتي تكون موضوعيه وف محلها
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الخميس 26 أبريل 2012, 12:43 pm | |
| - hend tal3at كتب:
اولا انا بشكر باشمهندس مصطفي جدا انه افتكر العنصر النسائي اخيرا اللي دايما مهضوم حقه ,, وبشكرك انك اتحت لي الفرصه اني ارجع تاني وادخل المنتدي واشارك بعد فتره طوويله وانا معجبه بفكره الموضوع جدا وبحييك علي افكارك واسهامك ف احياء المنتدي مره اخري,, وان شاء الله اجاباتي تكون موضوعيه وف محلها
ا ربنا يكرمك يا باشمهندسة :) ..
نورتينا مرة تانية والاسئلة الان فى رأس الموضوع
::
| |
|
| |
hend tal3at عماري متقدم
عدد الرسائل : 105 العمر : 35 المكان : 3amar الحالة : .............. الهواية : .............. تاريخ التسجيل : 20/11/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، الخميس 26 أبريل 2012, 11:27 pm | |
| السلام عليكم انا قلت ارد على شوية اسئلة والباقى بعدين ان شاء الله
حابب أعرف رأيك فى حال البلد بعد 13 شهر من ثورة يناير ؟
دلوقتي احنا داخلين ف 15 شهر علي ثوره 25 يناير الثوره التي ظلت مكتومه ف انفس العديد منا سنين طويله ,,حال البلد رغم كل مايحدث علي المدي البعيد مضيء جدا ومتفائله ان شاء الله,, لكن مايحدث الان من تخبط القوي السياسيه والفوضي خيبه امل كبيره لينا كلنا بس مستمرون واللي جاي احلي ان شاء الله
لو رجع بينا الزمن وكنت قائد لتلك الثورة أى إتجاه كنت هتمشى فيه
يااااااه ياريت قول للزمان ارجع يا زمان لو كنت قائد للثوره كنت اول قرار هعمل محاكمه ثوريه عاجله لكل رموز الفساد والنظام السابق وكل من شارك في قتل المتظاهرين وبعد كده مجلس رئاسي مدني تتبعه حكومه ثوريه او حكومه وحده وطنيه ثم وضع الدستور اولا ثم انتخابات الرئاسه يليها انتخابات برلمانيه كنت اتمني ان يحصل كده ف الفتره الانتقاليه !
إوصفيلى إحساسك ليلة 25 يناير وإحساسك مساء 11 فبراير كان إيه ؟
يوم 25 يناير كحال كل المصريين لم اتوقع ابدا انها ثوره قولت شويه شباب الحماس واخدهم وفاكرين نفسهم هيعرفوا يعملواحاجه ! وكنت مصدقه ان مصر مش زي تونس وان مبارك مش زين العابدين !!
يوم 11 فبراير احساس لا يوصف ! حسيت يمكن لاول مره اني بحب مصر اووووي واني فخوره اني مصريه وان احنا شعب عظيم وان مصر ام الدنيا فعلا مش كلام وخلاص ,,,وان مصر ودم الشهداء اللي راحوا بقي ليهم حق عليا !رتبيلى كدة الخطوات والمحطات اللى كنتى هتمرى بيها لتحقيق أفضل النتائج ؟
كان لابد من اتباع الطريق السلمي لنجاح الثوره وتحقيق اهدافها فبعد محاكمه كل رموزالنظام السابق ومحاكمه مبارك واعوانه وجود مجلس رئاسى مدنى لإدارة المرحلة الانتقالية، تتبعه حكومة وحدة وطنية لإدارة هذه المرحلة الحرجة من تاريخ البلاد، وتكون مهمة المجلس العسكرى حماية مؤسسات الدولة والمحافظة عليها فقط فالمجلس العسكرى لا يُحسن العمل بالسياسة وغير مؤهل لذلك ,, تطهير مؤسسات الدولة، خاصة مؤسسة الإعلام ووزارة الداخلية، ثم الدستور اولا ف انتخابات الرئاسه ف الانتخابات البرلمانيهأفضل نتائج الثورة فى رأيك وأسواءها ؟
الثوره حققت انجاز عظيم وهو سقوط الرمز الاعظم للنظام وغلق ملف التوريث و حل الحزب الوطني الديمقراطي وحلمجلس الشعب والشوري وخروج المعتقلين واصبحت المشاركه السياسيه من حق الجميع اخوان وسلفيين وليبراليين واقباط ولم تعد جماعات محظوره !! وافضل نتائج الثوره علي الاطلاق كسر حاجز الخوف عند المصريين وبعث الامل فيهم من جديد
اسوء مافي ثورتنا هو السماح للثوره المضاده ف انجاح مخططها بعد إخلائنا للميادين,ووثقنافى المجلس العسكرى بحسن النية,وأنا أعتقد أن الثورات لايوجد مايسئ لها ,لأن أى ثورة بريئة من أى فعل سيئ ,ولكن تهاوننا معها هى ماتجعلها ربما تفشل.
ماذا تتوقعى لنهاية المجلس العسكرى بالنسبة للحديث عن الخروج الامن ؟
من وجهه نظري مهما كان رئيس مصر القادم سيخرج المجلس العسكري خروج امن ,لا يأمل احدان لو أتى رئيس من رحم الثوره سيستطيع محاسبه المجلس العسكري,فالعسكر يتملكون من جميع المناصب القيادية ف الدولة والهيئات التنفيذية عن طريق ضباط جيش متقاعدين وأعضاء سابقين من الحزب الوطنى يستخدمهم العسكر فى فعل مايريد,فإذا إستمر الوضع كما هو عليه سيخرج العسكرى خروج امن,بل سيحكم الوطن أيضا عن طريق رئيس لايتبع له مباشرة.
كلمة ورأيك فى اللواء ممدوح شاهين ، المشير ؟
اللواء ممدوح شاهين : مشرِّع الفوضى القانونية فى المرحلة الانتقالية ,حيث وضعنا فى مأزق دستورى كبير لانستطيع الخروج منه حتى الأن.
المشير: قائد الثوره المضاده ولا يختلف عن مبارك,فكلاهمها نفس السياسية. وكلاهـمـــــا عسكر كاذبـــــون
الداخلية الحل فيها ايه فى وجهة نظرك "حل عملى وواقعى مع اليات التنفيذ" ؟
اكييد انا مش اهل ان اضع حل عملي لمشكله الشرطه بس انا شايفه ان الحل الاقرب لاي مشكله هي تعريف اسباب التي أدت للمشكله وحلها من الجذور يعني البدايه من كليات الشرطه وطريقه التدريس وبث القيم والتحلي بضبط النفس ف ضباط الشرطه من البدايه ,, وعلي الجانب الاخر اعاده هيكله الشرطة وعندنا الكفائات اللي تقدر تعمل كده
متوقعة أحكام إيه على ( مبارك ، جمال ، علاء ، حسين سالم ، العادلى ومعاونيه )
لحد دلوقتي مخطط الثوره المضاده شغال كووويس اووي ولو استمر يبقي عليه العوض والاحكامهتبقي علينا احنا مش عليهم !! وترشيح عمر سليمان كان بياكد علي كده بس الحمد لله خلصنا منه !
مجلس الشعب رأيك إيه هل سيطرة الاخوان والسلف على الغالبية العظمى منه هو بيعبر فعلا عن الشعب المصرى ولا لأ وإن كان لم يعبر فمن أين جاءت الاغلبية ؟
والله السؤال ده محتاج كلام كتيير اووي هل من الاساس الشعب المصري بما يحتويه من نسبه كبيره من الفقر والجهل و 60 سنه من الظلم واقصاء لقوي سياسيه وممارسه كل انواع الفساد السياسي مؤهل لديمقراطيه حقيقيه ؟؟؟
لا احد ينكر ان الشعب خرج ف انتخابات مجلس الشعب واعطي صوته للاخوان والسلفيين لانهم كانوا اكتر تنظيما ولم يكن هناك قوي منظمه تستطيع منافستهم او التاثير ف الشارع مثلهم ,, ولكن الاخوان والسلفيين استغلوا عدم وعي فئه كبيره من المجتمع والتاثير عليهم باسم الدين لينالوا اصواتهم وبطبيعه شعبنا فهو يتأثر ب اي شيء له صله بالدين ! تذكرت زميله لي قبل الانتخابات بيوم بقولها هتنتخبي مين ؟ قالتي مش عارفه بس هنتخب الاخوان عشان انصر ربنا اصل بيقولوا لو منتخبتش الاخوان كده مش هنصر ديني !! اتصدمت بصراحه لما تكون واحده متعمله وتقول كده طيب غيرها يقول ايه ؟؟ قولتها انتي اختصرتي نصر دينك ف صندوق الانتخابات ؟ امال الصلاه والصوم والذكاه دول ايه ؟؟
الاخوان لا يمثلوا الاغلبيه وجائت الاغلبيه ف مجلس الشعب لانهم كانوا اكثر تنظيما وكثير من الشعب عن اقتناع او عدم اقتناع بالاخوان اعطي صوته للاخوان تحت مبدء "منجربهم مره يمكن دول اللي يظبطوا البلد" !! والدليل علي كده انتخابات مجلس الشوي فقد اظهرت العدد الحقيقي للاخوان وتمثيلهم ف الشارع !!
شاركتى فى إنتخابات الشعب ، الشورى ، ليه شاركتى أو مشاركتيش ؟
شاركت فى الجوله الاولي من انتخابات مجلس الشعب وكنت متحمسه جدا لاول انتخابات نزيهه لكنه كان خطأ وربنا رزقني باللي اقنعني ان لا انتخابات تحت حكم العسكر دخلت ف الاعاده كتبت يسقط يسقط حكم العسكر وبالتالي مشاركتش طبعا ف الشوريهل بتعتقد أن هناك فعلا خلاف حقيقى بن الاخوان والمجلس العسكرى أم أنه خلاف مصطنع للتكتيم على موضوع اللجنة التأسيسية أو غيره ؟
بعد كل حدث كنت اضع سيناريو للمؤامره اللي بينهم يجي الحدث اللي بعده يبوظلي السيناريو خاالص ,وكنت فى ميدان التحرير جمعة 20 ابريل حسيت فعلا ان الخناقة حقيقية لأن المشير لايمكن يرضى لنفسه انه يتهان فى ميدان التحرير من جماعة الإخوان ونقول مسرحية,وترشيح الإخوان للشاطر ومرسى بيقول انها خناقة,وبعدين حكم القضاء بحل اللجنة التأسيسية بيثبت ان مافيش تكتيم على موضوع اللجنة,ع العموم كله هيبان والصفقات السرية مسيرها تنكشف,وأتمنى من جماعة الإخوان المسلمين أن تراعى شعبها وربها فيما تفعله,وأن تتجنب الدخول فى الشبهات حفاظا على أصوات ناخبيها.
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الجمعة 27 أبريل 2012, 2:46 am | |
| - اقتباس :
السلام عليكم انا قلت ارد على شوية اسئلة والباقى بعدين ان شاء الله
وعليكم السلام ، تمام يا باشمهندسة .. نورتى الموضوع ومنتظر بقية إجاباتك
::
| |
|
| |
hend tal3at عماري متقدم
عدد الرسائل : 105 العمر : 35 المكان : 3amar الحالة : .............. الهواية : .............. تاريخ التسجيل : 20/11/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، الجمعة 27 أبريل 2012, 2:23 pm | |
| هل بعد الحكم بإعادة تشكيل اللجنة هل سيحدث جديد ؟ أن أننا ندور فى دائرة ؟
أتوقع بتغيير فى المضمون أيضا,وأدعو الأغلبية الى مراجعة نفسها فالدستور يعبر عن جميع فئات الشعب ولايعبر عن الأغلبية فقط فالأغلبيات متغيرة والدستور هو الذى سيبقى,فقرار حل اللجنة مناسب جدا وياريت يكون أعضائها بالكامل من خارج البرلمان ونختارهم بناء على معايير واضحة يتفق عليها النخبة والمسؤولين
سابقا ،،
رأيك إيه فى عدم إختيار الاخوان الدكتور البرادعى على رأس إختيارتهم ؟
الدكتور البرادعى قيمة كبيرة وسبب من اسباب الثورة,فكان لابد من وجوده ليس فقط أنه عامل من عوامل اشتعال الثورة ولكن لقيمته العلمية ومكانته العملية,ودكتور علاء الأسوانى أيضا له قيمة علمية كبيرة فلابد من وجوده,ولابد أن يعلم الاغلبية ان إقصاء الرمزو المعارضة لهم لايأتى فى مصلحتهم.
شايف إن الدستور الجاى لو بـ 50 فى المائة من البرلمان هيعبر فعلا عن الشعب ؟
الدستور دائم ولكن الاغلبيه متغيره من زمن لاخر,, حتي لو اتفقنا ان المجلس الحالي بأغلبيته يعبر عن الشعب فلا يصلح لهم كتابه الدستور فهم اغلبيه اليوم غدا سيكون تيار اخر يمثل الاغلبيه ! هل سنعيد كتابه الدستور مره اخري ليمثلهم ؟!
وهل الافضل أن يكون أعضاء اللجنة كلها من خارجه ؟
بالتأكيد الافضل ان يكون اعضاء اللجنه بالكامل من خارج البرلمان واختيارهم يكون بناء علي معايير واضحه يتفق عليها النخبه والمسؤلين
بالشكل الحالى الدستور هيخدم مين ؟
بالشكل السابق الدستور سوف لايخدم أحد لأنه لم يوضع لأغلبية أو لاأقلية فالبتالى سوف يقع كابتى الدستور فى مأزق دستورى كبير ومازق شعبى أكبر لأن الشعب سوف لايطيق دستور تكتبه فئة واحدة,فالكل متضرر إذا تم السيطرة على كتابته
لو مكنت من اختيار 10 أفراد فى اللجنة التأسيسية للدستور هيكون مين إختيارتك ؟
مصر مليئه بالكفائات ولاتتسع لعشرة فقط ولا مائة فقط ,وأتمنى أن يكون الدستور به شخصيات تعبر تعبير حقيقى عن المرأة والأقليات والتوزيع الجغرافى وعلاقة الجيش بالدولة ونظام الدولة فكلها أشياء لاتأخذ بالأغلبية او بالإنفرادية,وأتمنى أن يتواجد زويل والبرادعى ونهى الزينى وبعض الشباب المستنير مثل معتز عبدالفتاح وعمرو حمزاوى وغيرهم.
الدستور قبل الرئاسة ولا العكس ، مع أى إتجاه فيهم وليه ؟
كنت اتمني ان يكوون الدستور اولا قبل اي شيء ويأخد وقته ف الكتابه,, ف الدساتير لا تكتب ف ايام ! ولكن مع وضعنا هذا أري ان لا انتخابات ولا دستور تحت حكم العسكر ,,فلو تم كتابه الدستور وتم الاستفتاء عليه والشعب رفض الدستور هل سيتم تأجيل الانتخابات الرئاسه وسيمتد حكم العسكر مره اخري ؟ وكيف يكتب دستور دوله ف ايام !! من رأيي ان يتم انتخابات الرئاسه ف موعدها وبعد ذلك يتم تشكيل لحنه لكتابه الدستور لا يكون للرئيس اي سلطه عليها
ولي عوده
| |
|
| |
hend tal3at عماري متقدم
عدد الرسائل : 105 العمر : 35 المكان : 3amar الحالة : .............. الهواية : .............. تاريخ التسجيل : 20/11/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، السبت 28 أبريل 2012, 7:42 pm | |
| انا بعتذر جدا عن التأخير يا هندسه :) وسأواصل الاجابه عن باقي الاسئله
هتختارى مين رئيسك وبناءا على إيه إختيارك ؟
الان انا ف حيره كبيره بين مقاطعه الانتخابات وبين المشاركه ف كلاهما صعب,فبعض المرشحين الحاليين لديهم القدرة على رئاسة الجمهورية ولكننى أفكر فى مقاطعة الإنتخابات لأنها تحت حكم العسكر, وما بني علي عسكر فهو عسكر وأيضا إعتراضا على المادة 28 التى لاتقبل الطعن لى نتائج اللجنة.
وإيه رأيك فى إنسحاب البرادعى وكيف تراه ؟
جاء انسحاب البرادعى فى الوقت المناسب لكى يعبر أن الثورة مازالت مستمرة وان الترشح للإنتخابات وسط هذه الصفقات ماهى الامسرحية نعلم نتيجتها,فالعسكرى لايريد رئيس قوى ولكنه يريد رئيس تحت مظلته,والعسكرى قادر على توجيه الرأى العام بمساعدة الاسلاميين لاختيار الرئيس المتفق عليه
إستبعاد 10 مرشحين كيف تراه ، ؟ وعدم قبول أية طعون كيف تراه ؟
انا مع إستبعاد كل الفلول ولو بالطرق الغير القانوينة لأنهم عطلوا الثورة كثيرا ولايخدمون الا مصالحهم,وبالنسبة للشاطر وأيمن نور جاء إستبعادهم بقرار ظالم لأنهم سجنوا ظلما,أما بالنسبة لحازم أبوإسماعيل فأنا لاأعلم هذا الإصرار الذى يمتلكه من أين مصدره؟
دخول سليمان ثم إستبعاده ، تحليله إيه فى وجهة نظرك ،
دخول عمر سليمان من البداية جاء بعد دخول خيرت الشاطر واستبعاده جاء مع استبعاد الشاطر فالعسكرى يريد توسيع سلطاته والإخوان تريد توسيع سلطاتها ولكنهم حتى الأن مصالحهم لاتتعارض,فعمر سليمان هو مرشح العسكر وهو ايضا رمز لتخويف الإخوان واستبعاده قرار فى مصلحة الثورة والثوار الذين لايعترف بهم عمر سليمان وامثاله.
الشيخ حازم ، بغض النظر عن موقفه شايف إن دفاعه عن نفسه صحيح ؟ بمعنى أنه إهتم إعلاميا أن بحسم مسألة الترشح أكثر من إثبات صدقه حتى لغير مؤيديه ؟
هذا الموضوع به خبايا كثيرة لانعلمها وأتمنى من اللجنة العليا أن تظهر كل أوراقها فى مؤتمر عام حتى تهدئ من انصاره اللذين لايثقون أساسا فى قرارات اللجنة,فأنا لاأعلم لماذا كل هذا الدفاع المستميت عن دخول حازم للإنتخابات مرة أخرى,برغم قرار اللجنة.
هل تتوقعى أن يكون لأمريكا ومصر دور مشترك فى إستبعاده كما يردد مؤيدوه ؟
بالطبع لا أتوقع هذا ,فحازم او غيره لايستطيع أن يعرض أمريكا للخطر ولا يعرض أمنها فى الخطر لأن أمريكا لامصلحة لها مع حازم لأنها قادرة على خلق مصالح مع الشيطان نفسه,فأمريكا أكبر من حازم بكثيير.
لو بالفعل هى مزدوجة الجنسية إيه رأيك فيما فعله الشيخ حازم?
مايفعله الأستاذ حازم هذه الأيام ماهو الا توجيه غير مبرر لأنصاره وإفتعال أزمات غير مسئولة,أما بالنسبة لجنسية والدته فالجهات كلها أجمعت على أمركة والدته,فلماذا هو يصر على غير ذلك ولماذا عندما يطلب منه أن يقسم ,يقول "والله ماأعرف",حقا لايعرف الاستاذ حازم جنسية والدته ,شئ غير معقول.
وشايف مبرره إيه من وجهة نظرك ، رأيك إيه فى رد فعل أنصاره ؟
كفاية كلام عن حازم ابواسماعيل علشان ماحدش ينتقدنى,لأن الإختلاف مع انصاره شئ شبه مستحيل.
رسميا وبعد خروج الشيح حازم خارج من المنافسة يا ترى القاعدة العريضة اللى بتدعمه هتكون من نصيب مين من المرشحين أبو الفتوح ، مرسى ، العوا .. الخ؟
استاذ حازم أصبح الان لامتلك تلك القاعدة العريضة فالكثير من أنصاره توجهوا لدعم مرشحين أخرين ,وأعتقد أن الباقى سيظل مقتنع بالشيخ حازم وسيشكك فى الانتخابات والبعض الأخر سيتوجه الى من يقول انه يريد تطبيق شرع الله,وأعتقد أنها لن تكون من نصيب العوا لانه أدان الاستاذ حازم حول جنسية والدته
موقف الاخوان من الترشيح نفسه كيف تراه بعدما رفضت مرارا وتكرارا أمر ترشيح أحد قيادتها ؟
اعتقد ان الاخوان سيندمون علي هذا القرار فقد فقدوا مصدقيتهم لدي الكثير ممن وثقوا فيهم ونالوا اصواتهم ف انتخابات مجلس الشعب والشوري كما كشف النقاب عن حقيقتهم للشعب المصرى كله، فهم تيار متأسلم وليس إسلاميا فهم لم يتمسكوا بأخلاق الإسلام التى تقوم على الإيثار وليس الأنانية والاستئثار بالسلطة. بالاضافه ان اسبابهم للترشح غير مقنعه بالمره حيث يرددون ان الظروف الحالية التى تمر بها مصر هى التى دفعتهم إلى اتخاذ هذا القرار، وأنهم عرضوا على أكثر من شخصية سياسية بارزة دعمهم وان السياسه هلي التي تفرض عليهم تغيير قرارتهم !! طيب لماذا لا يدعمون دكتور سليم العوا ؟ اودكتور عبدالمنعم ابوالفتوح؟ او الاستاذ حازم صلاح؟ فكلهم مشروع اسلامي وتربيه اخونيه !! اعتقد ان السبب الاقوي وراء دفعم بمرشح رئاسي هو فشلهم ف تكوين حكومه. شوفت إزاى قرار الدفع بخيرت الشاطر ، صفقة أم خلاف حقيقى وصل لذروته بين الجماعة والمجلس ؟
سبق وتحدثت عن هذا الموضوع
بعد رفض الطعن المقدم من خيرت الشاطر تتوقع موقف شباب الاخوان إيه من تدعيم المرشح الاحتياطى محمد مرسى ؟
جماعه الاخوان قائمه علي مبدء السمع والطاعه لو الجماعه قالت انتخبوا سعد الصغير هينتخبوه ف طبيعي جدا انهم ينتخبوا مرسي !
إيه رأيك فى سليم العوا كشخص وكمرشح لرئاسة مصر ؟
علي لسان سليم العوا انه لا يستطيع اداره مكتبه المكون من 11 فرد فكيف يدير مصر اكييد انا مش هعرف قدراته اكتر منه والعوا أقدر فكره وعلمه ولكنه عاشق للسلطة,والعوا كان يعتقد أنه المناسب للتوافق عليه من الاخوان والعسكرى,ولكنه بعد دعم الاخوان لغيره,فأصبح صفر فى هذه اللعبة,ويجب عليه إحترام قيمته وأن ينسحب فورا.
تفسرى بإيه ضعف شعبية حمدين صباحى رغم ما يمتلكه من وطنية ومؤهلات عدة ؟
أولا ضعف الإمكانيات المادية التى تدعم الحملة ,وأيضا حملته ليست على المستوى الإبداعى التى تمثله حملات أخرى,وصباحى يمثل الفكر الناصرى الذى لايروق للبعض فى هذا التوقيت اللذى يحتاج الى فكر متجدد
عودة أحمد شفيق بالامس بعد إستبعاده ؟ هل مؤثر ؟ ولو أه تفتكرى مين أكثر المضرورين ؟
"عاد_ لينتقم" عاد شفيق مره اخري لاستمرار العك السياسي ونتيجه للورطه التي وضعنا أنفسنا فيها بالاستفتاء على قرارات اللجنة الدستورية والذى حصن قرارات اللجنة العليا للانتخابات وفقا للمادة 28، اكييد ترشحه سيؤثر علي العمليه الانتخابيه فعودته ستعيد التوازن بين كافة المرشحين فى الانتخابات الرئاسية ,, واعتقد اكتر المتضررين عمرو موسي.
أحمد شفيق ، عمرو موسى .. فى إعتقادك من فيهم هو الرئيس الذى سيؤمن الخروج مع المجلس ؟
كلاهما سيؤمن خروج المجلس
واقعيا شايفة مين أقرب المرشحين ليصبح رئيس مصر 2012 ؟
اعتقد عمرو موسي يليه ابوالفتوح,إذا لم تحدث مفاجأت أخرى
قوليلى ميزة و 3 عيوب فى أبو الفتوح ، صباحى ، أبو إسماعيل ؟
أبوالفتوح,هو المرشح الاسلامى الوحيد الذى استطاع ان يجمع الليبراليين واليسارين لتأييده,ومايجعلنى معترضة عليه,خلفيته الاخوانية الذى مازال يعتز بها,وخلافه مع الاخوان جاء حول قرار ترشحه للرئاسة انما عاش اكثر من 20 عام تحت مبدأ السمع والطاعة لهم. صباحى لااحد يستطيع ان يختلف عليه,فهو مناضل قوى ومعارض عنيد وتاريخه السياسي معروف,ولكن فكره غير مناسب لهذه المرحلة.ولكننى أراه هو الأصلح للرئاسة اذا اخترنا من هؤلاء المرشحين. أبواسماعيل,برغم موافقه الداعمة لشباب الثورة فى معركتهم ضد العسكرى الا اننى أرى أنه لايصلح إطلاقا أن يقود مصر فى هذه المرحلة ولا أى مرحلة,لأنه لايمتلك أى خبرة سياسية أو عملية أو علميه تؤهله لذلك
أخيرا ماذا وإن لم ينجح أحد المرشحين الثوريين ونجح مرشح محسوب ع النظام السابق ؟
مستمرون ان شاء الله
"ومصر عارفه وشايفه وبتصبر لكنها ف خطفه زمن تعبر ونسترد الاسم والعناويين" | |
|
| |
hend tal3at عماري متقدم
عدد الرسائل : 105 العمر : 35 المكان : 3amar الحالة : .............. الهواية : .............. تاريخ التسجيل : 20/11/2010 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، السبت 28 أبريل 2012, 8:01 pm | |
| وبكده نكون وصلنا لنهايه البرنامج :) انا بشكرك جدا يا هندسه لاني استمتعت جدا بالاجابه علي كل هذا الكم الهائل من الاسئله انا لو مع معتز الدمرداشي مش هيسال كل ده | |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، السبت 28 أبريل 2012, 8:04 pm | |
| - اقتباس :
انا بعتذر جدا عن التأخير يا هندسه :)
لا إحنا مقدرين الظروف :) ، - اقتباس :
وبكده نكون وصلنا لنهايه البرنامج :) انا بشكرك جدا يا هندسه لاني استمتعت جدا بالاجابه علي كل هذا الكم الهائل من الاسئله انا لو مع معتز الدمرداشي مش هيسال كل ده [ندعوك للتسجيل في المنتدى أو التعريف بنفسك لمعاينة هذه الصورة] هههههههه أى خدمة :) ، نورتينا والله يا باشمهندسة
وشكرا لتلبية الإستضافة :)
..
| |
|
| |
A$Maa M0hi مشرف عام
عدد الرسائل : 7855 العمر : 32 المكان : zaG الحالة : a7sn mn l 2wl الهواية : song ,, تاريخ التسجيل : 22/02/2011 التـقــييــم : 17
| موضوع: رد: الان .. "أنت .. والرئيس" ، .. قدمنا 8 حلقات ،، السبت 28 أبريل 2012, 8:08 pm | |
| | |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الإثنين 30 أبريل 2012, 11:18 am | |
| إن شاء الله ضيف الحلقة الثامنة من برنامج أنت والرئيس
هو .. أ/ أحمد أنس منورنا يا أستاذنا وشكرا لتلبية الاستضافة
::
| |
|
| |
احمد عبدالمجيد عماري أصيل
عدد الرسائل : 2125 العمر : 35 المكان : العمار الحالة : مهندس مدنى بالسعودية الهواية : القراءة والرسم والشعر تاريخ التسجيل : 08/10/2008 التـقــييــم : 0
| |
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الإثنين 30 أبريل 2012, 2:07 pm | |
| - احمد عبدالمجيد كتب:
خطيبتى إختارت طريق الثورة واللى بيختار طريق الثورة مابيعجبوش اى حاجة,ياخوفى [ندعوك للتسجيل في المنتدى أو التعريف بنفسك لمعاينة هذه الصورة])
اما بقه بالنسبة لااحمد انس فممكن أتوقع لك إجاباته عاملة إزاى,لأنى من خلال قعدتى معاه,هرانى كلام عن الثورة,لدرجة انى رحلت من عنده خلاص [ندعوك للتسجيل في المنتدى أو التعريف بنفسك لمعاينة هذه الصورة]) ههههههههههه :)) .. منور السعودية كلها يا إبن عمى مش إنت اللى عامل فيها ثورجى ، قابل يا هندسة :) منتظرين أ/ أحمد أنس مفجر ثورة التطوير والتغيير :):: | |
|
| |
ahmed anaas مصمم المنتدى
عدد الرسائل : 176 العمر : 39 المكان : البيت الحالة : مش فاضي خالص اقولك الهواية : سماع موسيقي & بنج بونج & التصميم & كرة قدم & تاريخ التسجيل : 13/03/2007 التـقــييــم : 0
| موضوع: رد: الان .. "أنت .. والرئيس" ، .. قدمنا 8 حلقات ،، الثلاثاء 01 مايو 2012, 8:02 am | |
| حابب أعرف رأيك فى حال البلد بعد 13 شهر من ثورة يناير ؟
بعد 13 شهر . . اقدر اقولك ان حال البلد اتغير كتير جدا للأسوأ . . واصبحت المعاناة اكبر للمواطن المصري
لو رجع بينا الزمن وكنت قائد لتلك الثورة أى إتجاه كنت هتمشى فيه ؟
اكيد بما اني قائد الثورة . . . كنت فعّلت شعار ( ايد واحدة ) من البداية وعمري ما كنت افرط في الشعار دا ابدا . . . وماكنتش هاحط الشعب المصري في خانة الاختيار بين امرين خير وشر أبدا بل كان هايبقي الاختيار بين احسن الممتازيين . . دي أولوياتي للشعب
إوصفلى إحساسك ليلة 25 يناير وإحساسك مساء 11 فبراير كان إيه ؟
يوم 25 يناير ( ازاي هانعمل ثورة واشوف فعالياتها قدام عيوني . . بعد ما كنت بسمع عنو في التاريخ بس ) يوم 11 فبراير . . . زي هدف محمد زيدان وابو تريكة في ماتش الكاميرون 2008 ( مع الاختلاف طبعا ) . . كنت دايما متأكد من النتيجة
رتبلى كدة الخطوات والمحطات اللى كنت هتمر بيها لتحقيق أفضل النتائج ؟
1- مجلس رئاسي 2 – تأسيسية دستور باستفتاء شعبي 3 – تغيير ملابس الشرطة نهائيا وتفعيل نظام اداري جديد للشرطة 4 – 5 - 6 – المحاكمات ساعتها كانت هاتم بشكل نهائي غير 7 8 9 – تكملة فكرة التطهير لجميع المؤسسات العامة بالدولة
أفضل نتائج الثورة فى رأيك وأسواءها ؟
لا توجد نتائج ايجابية على ارض الواقع غير تغيير صورة الشباب المصري والتأكيد علي انهم قادرين علي الصعاب اسوأ نتائج الثورة . . حدث ولا حرج
ماذا تتوقع لنهاية المجلس العسكرى بالنسبة للحديث عن الخروج الامن ؟
كيف تريد ان تبني دولة العدل والعدالة وتتحدث عن خروج آمن نهاية المجلس العسكري أتمني ان تكون بلا دماء . وعلامة الاستفهام الأهم بالنسبة لي ما دور المجلس العسكري بعد انتخاب الرئيس
كلمة ورأيك فى اللواء ممدوح شاهين ، المشير ؟
خلينا في ممدوح شاهين بلاش المشير . . ممدوح شاهين من اهم اسباب تأخرنا ودا بسبب انو المستشار القانوني. . . عايز يلعب بالبيضة والحجر في القوانين والمواد الدستورية . . عايز يجهض الثورة بالقانون
متوقع أحكام إيه على ( مبارك ، جمال ، علاء ، حسين سالم ، العادلى ومعاونيه
موضوع الاحكام دا لا يعنيني بالمرة نهائيا لان اللي مكانهم بيأدو نفس دورهم فأنا كدا مش هلاحق أحكام علي اللي في السجن والا اللي في السلطة
الحرائق الكثيرة والمتعددة اليومين دول شايفهم أمر طبيعى ، أم أمر له بعد سياسى معين ؟
طبعا غير طبيعي . . . . عايزني أوصل في الاخر اني أقول ( ولا يوم من أيامك يامبارك .). .وطبعا استحالة يحصل الكلام دا
موقفك إيه من حزب الدستور ، إيه رأيك فى الخطوة دى للبرادعى ، متوقع نجاحه ؟ هتنضم ليه ولا لأ .. وليه ؟
البرادعي دا دماغو عالية قوي . . . لما تأكد تماما من نوايا الجميع ( عسكر واخوان وليبراليين واشتراكيين وشباب ثورة ) طهر نفسو من اللعبة دي وانسحب ..... لان عارف النتيجة اللي احنا فيها دلوقتي واللي هتحصل في الفترة اللي جاية . ... . حزب الدستور بالنسبة للناس هوة النور اللي جاي من بعيد ( ودا بسبب التوقيت ) عشان كدا واسباب تانية متوقع نجااحه بشكل كبير جدا وطبعا هانضم للحزب
مجلس الشعب رأيك إيه هل سيطرة الاخوان والسلف على الغالبية العظمى منه هو بيعبر فعلاعن الشعب المصرى ولا لأ وإن كان لم يعبر فمن أين جاءت الاغلبية ؟ شاركت فى إنتخابات الشعب ، الشورى ، ليه شاركت أو مشاركتش ؟
مجلس الشعب لا يعبر عن الشعب المصري . . . جائت الاغلبية بعدم تنفيذ بند في قانون الاحزاب ( ان يكون الحزب ليس له مرجعية دينية ) ويتغاضوا عن دا وتطلع معظم الازاب بمرجعية دينية علنيا ولم يتخذ معها أي إجراء . . والشعب المصري متدين بطبعه وأيضا قانون الانتخابات . . كيف ننادي بالمساواة وليس هناك اصلا مساواة بين المرشحين يعني ( مرشح مستقل امامه فرصة واحدة في الترشح والمرشح الحزبي امامه فرصتين اما القائمة واما المستقل . . . وكمان توسيع الدوائر . . وكيف تعطي للكيان الحزبي الثلثين ومهما كان لا يوجد كيان حزبي متكامل فما بني علي باطل فهو باطل . . . . لكن من ناحية النزاهة الانتخابية فهذه الانتخابات الي حد كبير نزيهة لكنها ليست معبرة عن الشارع المصري بشكل عام . . . . وطبعا انا سجلت في الانتخابات وبعد فترة اعلنت مقاطعتي لهذه الانتخابات ولم افرض رأيي علي أحد
هل بتعتقد أن هناك فعلا خلاف حقيقى بين الاخوان والمجلس العسكرى أم أنه خلاف مصطنع ؟ الخلاف موجود بالفعل امام موضوع انه مصطنع ام لا فأنا اعتقد انه غير مصطنع لتضارب المصالح
نيجى للدستور :
هل بعد الحكم بإعادة تشكيل اللجنة هل سيحدث جديد ؟ أن أننا ندور فى دائرة ؟
لن يحدث جديد في اعادة تشكيل اللجنة اللهم بعض الترقيع ببعض الأسماء التي تلقي قبول من الشارع . . . واعتبارها ازمة نبحث لها عن حل
رأيك إيه فى عدم إختيار الاخوان الدكتور البرادعى على رأس إختيارتهم ؟
أمر طبيعي جدا . . . اذا كان هما سقفو لبكري مان لما شتم البرادعي في المجلس هايختاروه عشان يعلمهم كيف تصنع الدساتير ! ! !
شايف إن الدستور الجاى لو بـ 50 فى المائة من البرلمان هيعبر فعلا عن الشعب ؟
طبعا لا . . لأن ما بني علي باطل فهو باطل ومجلس الشعب لا يعبر عن الشعب وبالتبعية الدستور ايضا
وهل الافضل أن يكون أعضاء اللجنة كلها من خارجه ؟ بالشكل الحالى الدستور هيخدم مين ؟
طبعا الافضل ان يكون من خارج المجلس . . والمعيار الاساسي هو الكفائة والمهنية والمسمي الوظيفي . . . فالاحزاب لا تمثل الشارع المصري بقدر المهن هي التي تمثل ( الدكتور والمهندس والمعلم والعامل والفلاح والمحامي . . . . . . ) وبالشكل الحالي الدستور يخدم التيار الاسلامي بشكل عام ( معتمدين علي الشكل الظاهر للاسلام وليس المضمون الفعلي للإسلام)
لو مكنت من اختيار 10 أفراد فى اللجنة التأسيسية للدستور هيكون مين إختياراتك ؟
والله الموضوع ليس له علاقة بالاسماء نهائي . . . الانسان مش لازم يشم رائحة الوردة عشان يعرف انها جميلة . . . بس من شكلها العام تقدر تقول ( فعلا هما دول اللي يمثلوني في اللجنة )
الدستور قبل الرئاسة ولا العكس ، مع أى إتجاه فيهم وليه ؟
فكرة الدستور والا الرئاسة تختلف باختلاف الظروف يعني لو بعد الثورة هاقولك الدستور الاول . . لأن الدستور بيعمل حراك سياسي ايجابي في البلد وبيعرفك اية هوة توجه الدولة في المرحلة اللي جاية من من اقتصاد وسياحة وتعليم وجميع المجالات وكان هايبقي اكبر مكتسب من الثورة ومن التوحد اللي كان موجود بعد الثورة بفترة قليلة لكن دلوقتي مع الظروف الموجودة في البلد من طريقة حكم العسكر فلابد من الرئيس أولا
بالنسبة للرئاسة :
هتختار مين رئيسك وبناءا على إيه إختيارك ؟
انا اخترت الدكتور عبد المنعم ابو الفتوح بعد حيرة كبيرة مع حمدين صباحي . . . السبب في تأييد ابو الفتوح هو انه قدر يعمل كوكتيل مؤيدين من البرادعاوية ومن الاخوان ومن السلفيين ومن اطياف كتير جدا . . وهوا دا اللي محتاجينه في الفترة اللي جاية . . . دا أهم سبب عندي لكن في اسباب تانية وهو مشروعه وبرنامجه الانتخابي اللي فيه تفاصيل كتير ممتازة . . . ومواقفه القوية من العلاقات الخارجية التي تمس كرامة المصريين . . . وطبعا تاريخه السياسي المعروف
وإيه رأيك فى إنسحاب البرادعى وكيف تراه ؟
البرادعي دا حكايته حكاية . . انا ببقي فرحان وانا بتكلم عنه موقفه لم يتغير أبدا من قبل أو بعد الثورة . . صاحب مبدأ . . . لا يبحث عن مصالح شخصية . . .. غير قابل للتواطؤ مع أي جهة مهما كانت المغريات . . . عنده رؤية صائبة بنسبة 99 % . . . وانسحابه كان صفعه لكل متواطئ يبحث عن مصلحته الشخصية . . . فرفض ان يدخل معركة كلها ضرب تحت الحزام اساسها الخيانة . . والشعب قال عليه ساعتها انو مش قد الاسلاميين أو ماعرفشي يكسب ثقتهم وعرف يقدر حجمه امام الاسلاميين وبالاخص بعد انتخابات مجلس الشعب لكن الصورة الان اتضحت وبقي البرادعي وحزبه هوة بارقة الأمل للخروج من الازمات الحالية
إستبعاد 10 مرشحين كيف تراه ، ؟ وعدم قبول أية طعون كيف تراه ؟
شوف ياسيدي هي المادة 28 دي كلنا معترضين عليها قلبا وقالبا . . بس انا شايف ان اللجنة العليا للانتخابات لحد دلوقتي ماشية بالقوانين صح . . يمكن عشان بتجهز للمصيبة الكبيرة . . مش عارف . . . بالنسبة للاستبعاد فأنا شايف انو صحيح
دخول سليمان ثم إستبعاده ، تحليله إيه فى وجهة نظرك ،
انا شايف ان فكرة دخول سليمان في حد ذاتها مصيبة كبيرة . .
هل اللجنة أعلنت الحيادية والشفافية بموقف الاستبعاد خصوصا أن أمر التوكيلات يصعب على أحد أن يعرفه وكان من الممكن أن تخفى هذا اللجنة إن أحببت ؟ الشيخ حازم ، بغض النظر عن موقفه شايف إن دفاعه عن نفسه صحيح ؟ بمعنى أنه إهتم إعلاميا أن يحسم مسألة الترشح أكثر من إثبات صدقه حتى لغير مؤيديه ؟
انا قولت موقفي بالنسبة للجنة . . . وبالنسبة للشيخ حازم فدفاعه عن نفسه غير منطقي وغير طبيعي بالمرة حتى لو هو كان علي حق فدوره يمكن أن يكون أفضل ألف مرة من منصب يدافع عنه بالتحدث الان في المادة 28 ( مش معني كدا اني مؤيد للمادة 28 ) لكني اتحدث عن موقفه وموقف الجبهة السلفية بشكل عام فهم من دعو الناس لاختيار نعم في التعديلات الدستورية وإذ فجأة يكتشفوا ان هناك مادة 28 . .. فالموقف يدل علي ضعف سياسي لا تتحمله الفترة الحالية
هل تتوقع أن يكون لأمريكا ومصر دور مشترك فى إستبعاده كما يردد مؤيدوه ؟
لا ابدا
لو بالفعل هى مزدوجة الجنسية إيه رأيك فيما فعله الشيخ حازم وشايف مبرره إيه من وجهة نظرك ، رأيك إيه فى رد فعل أنصاره ؟ رسميا وبعد خروج الشيح حازم خارج من المنافسة يا ترى القاعدة العريضة اللى بتدعمه هتكون من نصيب مين من المرشحين أبو الفتوح ، مرسى ، العوا .. الخ ؟
انا هجاوب علي اخر سؤال وهو ان القاعدة العريضة التي تدعم ابو اسماعيل 70 % منهم من نصيب ابو الفتوح والباقي موزعين علي العوا ومرسي
موقف الاخوان من الترشيح نفسه كيف تراه بعدما رفضت مرارا وتكرارا أمر ترشيح أحد قيادتها ؟ بعد رفض الطعن المقدم من خيرت الشاطر تتوقع موقف شباب الاخوان إيه من تدعيم المرشح الاحتياطى محمد مرسى ؟
موقف الإخوان تغير من ناحية الرياسة بسبب انتهاز الفرصة . . فهم كانو يتوقعون ان تقف جبهة كبيرة ضدهم في الترشيح لذلك رفضو الترشح للرياسة . . . ولكن بعد التخبط السياسي لمدة اكثر من عام سنحت الفرصة لذلك فكيف لا . . وهم اغلبية في البرلمان وتأسيسية دستور وحكومة قادمة فهل بعد كل هذه المكاسب اتركها لرئيس مدني يكون رئيس السلطة التنفيذية !!!!
شباب الاخوان لا احد ينكر ان هناك انقسامات بينهم وهناك اختلاف بينهم وبين قياداتهم . . فهم غير قادرين علي اعطاء مبررات اكتر من هذا . . فالأمر زاد عن حده . . .
إيه رأيك فى سليم العوا كشخص وكمرشح لرئاسة مصر ؟
انا شايف ان الدكتور سليم العوا . . عليه علامات استفهام كتير لكن ماقدرشي يقنعني بأكتر من المفاهيم العامة التي لا يختلف عليها أحد
تفسر بإيه ضعف شعبية حمدين صباحى رغم ما يمتلكه من وطنية ومؤهلات عدة ؟
حمدين صباحي مناضل كبير وكم أحترم هذا الرجل . . وانا اري ان شعبيته كبيرة لا تختلف عن شعبية عمرو موسي وابو الفتوح
عودة أحمد شفيق بالامس بعد إستبعاده ؟ هل مؤثر ؟ ولو أه تفتكر مين أكثر المضرورين ؟
عودة احمد شفيق لا تمثل قلق الان لمرشحين الثوريين ومن أكثر المضرورين من رجوعه هو عمرو موسى
أحمد شفيق ، عمرو موسى .. فى إعتقادك من فيهم هو الرئيس الذى سيؤمن الخروج مع المجلس ؟
الاثنين معا . . ونسبة شفيق أكبر في تأمين خروج المجلس العسكري وخرج مبارك بالمرة
واقعيا شايف مين أقرب المرشحين ليصبح رئيس مصر 2012 ؟
طبعا بما اني مؤيد لأبو الفتوح فأنا شايفه اقرب ان شاء الله
قولى ميزة و 3 عيوب فى أبو الفتوح ، صباحى ، أبو إسماعيل ؟
يعتبر سردي للأسئلة السابقة يظهر فيها عيوب ومميزات الثلاثة
أخيرا ماذا وإن لم ينجح أحد المرشحين الثوريين ونجح مرشح محسوب ع النظام السابق ؟
زي ما بيقول التراس اهلاوي ( ثورة تاني من جديد )
| |
|
| |
مصطفى فتـ7ـى عماري أصيل
عدد الرسائل : 2890 العمر : 34 تاريخ التسجيل : 09/12/2009 التـقــييــم : 15
| موضوع: رد: الان .. "أنت .. والرئيس" ، .. قدمنا 8 حلقات ،، الثلاثاء 01 مايو 2012, 11:02 am | |
| هههههههههه :) ، تسلم يا أ/ أحمد والله دخلت خبطهم مرة واحدة
إجاباتك شخصياً عجبتنى جداً جداً ..
شكرا لقبولك الاستضافة يا أستاذنا ونورتنا والله :)
::
| |
|
| |
| الان .. "أنت .. والرئيس" ، .. قدمنا 8 حلقات ،، | |
|