عايزين مستشفى و قسم شرطة وحاجات تانية كتير

اقتباس :

عاوزين حد يقف للكهرباء الضعيفه جدا فى البيوت واللى كمان

بتحقق مثل رضينا بالهم ومش بس ضعيفه لابتقطع عمال على بطال

غير الاسم يا اسلام
وخليه عايزين من النائب
لان فى حاجات كتير جدا فى قلبى

إلى جانب اللى طلبتوه

إحنا محتاجين مواصلات كويسة ومحترمة فى البلد تبقى شغاله اربعة وعشرين ساعة

مش مثلا لو حد جه يزورنا من بره العمار واتأخر عن الساعة سبعة يبقى مش هيروح بيتهم

كمان عاوزين مشروع الصرف الصحى يخلص بسرعة بقى والأهم الطرق بعدها تتصلح

ونفسى كمان الطريق العمومى اللى ماشى فى البلد اللى فى (حتتنا) يترصف من جديد

اقتباس :

أنا ليه بعض الطلبات الجامدة قوى وهذا حق مشروع لى
1- أنا عايز مقبرة مكيفة فندق 5 نجوم لما الناس تيجى ممكن تلاقى حاجة ساقعة وبوفيه مفتوح
2- وبرضه أنا عايز أطلع كلبتى فوق القمر أحسن بتتعاير من كلبة بوش لأنها سبقتها هناك
3- وعايز مرسى للنش بتاعى ودشمة كبيرة للطيارتين اللى ملكى فى الدنيا
ولسه عايز بس كفاية دول يتحققوا فى 6 شهور

يا جماعة فعلا اللى حصل ان الكابتن محيى طلبنا انا واحمد سمير ولما كان بيقولنا ع المطالب وكده قلنا احنا عايزين اجتماع مع الشباب ورحب جدا ب الفكرة اللى كان هو متحمسلها م الاول
وكلمت الدكتور ايهاب ان احنا نقعد الاول قبل مانروح وقالى انا عليا هتصل بيهم كلهم واجمعهم علشان نتفق ايه اللى هيحصل واللى هيتم علشان الاجتماع لاننا مش عايزين نتكلم ف الاجتماع عن حاجات عددت ايا كان لكن المهم اللى جى وزى ماقلنا للكابتن احنا عايزين نستغلك اكمل استغلال
والظاهر الدكتور ايهاب مكسل شوية وكمان عمرو امام مطشننا شويتين هههههههه

سلامى ليكم كلكم احسن شباب ف االدنيا

وكل سنة وانتم طيبين

أ/ عمر
حاشا لله أن أسخر من أحد أبدا أو من رايه
ولكن
هى الأحلام حرام ولا ايه
هذا هو مطلبى الوحيد فى الدنيا
وبعدين المطالب دى مشروعة مشروعية عليا
والكابتن محيى مش مطالب بيها لوحدة أنا هطالب مستر منصور عامر
*****
أرى أن الأحلام فى وطننا هى المتنفس الباقى لنا
هل عندك مانع قانونى أو دستورى لا يجعلنى أحلم أو أنشد المستحيل

وانا موافق ياعم عمر بس ان كانت ع العلاقة انا طبعا بختلف مع الكبتن فى حاجات كتير
ولكن الاختلاف ده الحمد لله ماخلنيش احس بناحيته حاجة وحشة يعنى زى الاول تقريبا
والاختلاف دايما هو اللى بيبنى الامم
وبعدين كلها بتصب فى مصلحة البلد ان شاء الله

اقتباس :

ان كانت ع العلاقة انا طبعا بختلف مع الكبتن فى حاجات كتير

الأخ الفاضل أحمد / السلام عليكم ورحمه الله وبركاته
المرحله المقبله من أهم المراحل التى سوف توحدد مستقبل العمارالحبيبه
وأيضا استمرار محى عبد العاطى فى البرلمان او اقصاءه فى أول انتخابات قادمه
ومن اهم الاشياء التى يجب أن نفكرفيهاونطرحها على الاخ محى هى

• اصلاح ذات البين ( لأن هناك جروح غائره بين أبناء العمارظهره أعراضها فى انتخابات لجنه العشرين للحزب الوطنى والجميع يعلم ماحدث ومايمكن أن يحدث بعد ذلك وعليه يجب أن يتم توحيد العمارمن جديد تحد رايه واحده وهى العمارفوق الجميع )
  
• تعديل لجان الانتخابات بالعمار فليس من المعقول أن تكون لجنه ااتعليم الأساسى بهاهذا الكم من اللجان ومدرسه المجموعه ليس بهالجان يجب أن توزع اللجان من التعليم الاساسى و المجموعه الى عمرو ابن العاص ومدرسه المجموعه وأيضا نقل لجنه المدرسه الفكريه الى المدرسه الجديده بالمؤسسه
  
• تنقيه الكشوف الانتخابيه واضافه مواليد 2000 التى تم رفعهامن الكشوف بعد انتخابات الرئاسه لأن هذه الاسماء تم رفعها لأن الامن قال أنهم صوتوا لأيمن نور
  
• عمل موقع على النت لمتابعه مطالب الشباب وتكليف من يديره وهذا الموقع يكون للحوار وعرض الافكار الجديدة التى يمكن أن تكون مفيده للعمار واستمرارها فى البرلمان
  
• متابعه المشروعات القائمه وتحريكها قدر الامكان
  
• حل مشكله المواصلات بالعمار
  
• يكون لقاء محى عبد العاطى بشباب امياى وكفرالفقهاء وكل البلاد المجاوره عن طريق عمل لجنه متابعه مكونه من شباب العمار
  
• الربط الجيد بين البلاد المجاوره لأنها هى التى سوف تقف بجوارنا فى الانتخابات القادمه
  

وفى النهايه أحب اقول للاخ الفاضل مسعد
بلاش السخريه من الناس الغلابه
أنتى راجل بتعيش فى الغرف الفندقيه المكيفه وعندك كلب وكمان مستر

فعلا انتى مسعد

اقتباس :

• متابعه المشروعات القائمه وتحريكها قدر الامكان
  
• حل مشكله المواصلات بالعمار
  
• يكون لقاء محى عبد العاطى بشباب امياى وكفرالفقهاء وكل البلاد المجاوره عن طريق عمل لجنه متابعه مكونه من شباب العمار
  
• الربط الجيد بين البلاد المجاوره لأنها هى التى سوف تقف بجوارنا فى الانتخابات القادمه