بدايه ابا كلامى بسلامى كالعاده والحمد لله........بسم اللله الرحمن الرحيم
ازيكم يا احلى شباب فى الدنيا شباب منتدى شباب جامد
امبارح كنت بتفرج على التليفزيون فلقيت اعلان حديد عز وكانوا عاملين اغنيه دعائيه حلوه اوى والاعلان عاملينه حلو اوى فشدنى اوى
وبعدين جت فدماغى فكره كده ليها علاقه بالالحديد والاسمنت والبناء عموما وانا قولتلكوا قبل كده ان انا بحب دايما اربط الحاجات اللى بنشوفها فى حياتنا اليوميه بالحب
قولت متيجوا نعتبر الحب ده عماره واحنا عايزين نبنيها وتكون من ميت دور كده(ميت سنه يعنى)وانشاء الله يفضل الحب موجود اكتر من كده كمان
وطبعا لازم عشان تفضل عماره الحب دى موجوده ميت سنه لازم نبنى ليها اساس متين بس معتقدش اننا هنحتاج حديد عز فى حاجه مش عشان غالى ..لا
عشان انت مش محتاجه ولا محتاج مهندس كمان عشان تبنيها لانك هتحتاج مواد بسيطه او بمعنى اصح شويه احاسيس ومشاعر تكون متاحه عندك
بس المشكله ان المشاعر دى مش موجوده عند اى حد ولو مش عندك هتتعب شويه عشان تبنى العماره دى وافتكر ان انت مش هتبنيها لوحدك اكيد فى شخص تانى هيشاركه العمليه دى عشان تنجح
وطبعا كده اكيد عرفنا ازاى هنحط الاساس اللى بيه هتعيش العمار العمر كله
طبعا ان انت تختار شريك حياتك اللى هيخلى العماره دى تعلى وتعلى مش انت تبنى وهو يهدم
طيب طبعا بعد ما حطينا للعماره الاساس المتين اللى هيخلى العماره تعيش العمر كله جه وقت ان انت تطلع بقى بالادوار اللى انت عاوزها
وعلى فكره انا هبنى اول تلات اربع اداور دلوقتى الاولى بعدين ربنا يسهلها انشاء الله
ــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــ
اول دور ياشباب هاتبنيه فى عمارة حبك هو(الصدق) عشان تبقى صادق فى مشاعرك وفى كل كلمة بتقولها وكل حاجة بتعملها
وصدقنى مدام بدات علاقتك بالصدق اكيد هيبقى الحب طول عمره صادق
وتانى دور ياشباب فى عمارتنا المتينه التضحيه اكيد انت لازم تضحى عشام اللى بتحبه والحب تضحيه لارضاء الطرفين
وعلى فكره كل ما يزيد الحب جواك كل متضحى عشان حبيبك من غير ماتحس انك بتضحى
والتضحيه بمعنى انك تحترم مشاعر واحاسيس الطرف التانى ومتجرحهوش مش بمعنى انك تمحى شخصيتك لارضاؤه
واهم حاجه ياجماعه نعرف امتى نضحى ولمين نضحى ولامتى نفضل نضحى ...
الدور التالت ياشباب بقا فى أساس الحب المتينن هو (الوفاء والاخلاص ).. لازم تكون وفئ ومخلص وحريص ان كل لحظة تبقى فيها لوحدك تبقى اكنك با الظبط معاها وفى حضنهااا ..
واوعى تخونها او حتى تستهر بحبها حافظ عليها جواك ووسط الناس ..
واعرف ان اخلاصها ليك وحبها ليك لوحدك اكيد ليه تمن كبير عندك
واعتقد المصرى اتكلم كتير فى موضو المنافسه فى الحب عن الموضوع ده
الدور الرابع بقاياشباب فى اساس الحب هو ( الثقة ) ودى مهمة جدااااا فى اى علاقة حب متينة وسليمة وتدوم لازم تثق فى حبيبك عشان تثق فيك
لان اى هزة ثقة بينكو هاتكون زلزال يهد الارض من تحت العمارة لا قدر الله ..
وطبعا ياجماعه لسه طريقنا طويل مع عماره حبنا لسه حوالى 96 دور وانشاء الله هنبنيهم مع بعض ونتناقش فيهم دور دور بعد كده
دى بدايه بس وانشاء الله جارى كتابه موضوع عن كل دور من ادوار العماره وهنزله هنا فى نفس الموضوع
اه ..ملحوظه اخيره...واوعى تنسى التصاريح من الحى علشان ميجلش قرار ازالة
عايز رايكوا فى الموضوع ...........سلاااااام
موضوع: عمارة حب 
الأحد 08 يونيو 2008, 8:15 pm