قفص الاتهام

موضوع: قفص الاتهام الأربعاء 15 أكتوبر 2008, 7:52 pm

السلام عليكم ...
انهارده اول يوم بعد التصافى فى المنتدى ...
واكيد المنتدى هتكون مواضيعه مفعلة وهنشوف نشاط الاعضاء معانا فى الردود فى جميع مواضيع المنتدى ...

وانا بالمناسبة دى هستغل الفرصة ونلعب لعبة بس لعبة جديدة ومفيدة ...
اللعبة هى قفص الاتهام ...
وفكرة اللعبة هى اننا نحط فى القفص ده مسئول او جهة معينة ونوجه لها اتهامتها ...
المسئول ده زى مثلا الاسرة المصرية ودورها فى التربية والتنشئة ...
او الاعلام ..او المؤسسة التعليمية ...الخ ...

وعايز الاعضاء معايا بافكارهم اللى هتفدينا ان شاء الله وكل واحد يخش الموضوع عليه بوضع اى شىء فى قفص الاتهام وتتم مناقشته بجديه..

يلا نبتدى اللعبة

ممكن نحط التليفزيون او الاعلام عموما ودوره في افساد مجتمعتنا

أسمحولى ابدا اللعبة واضع السينما المصرية فى قفص الاتهام ...
وانا شايف ان السينما اصبح يتحكم فيها مجموعة من التجار لايبحثون الا عن جمع الاموال ..
وساعدهم فى ذلك مجموعة الفنانات العرايا واستهوتهم شهواتهم عن كل قيمة نبيلة ...
ونشرت السينما الفسادوالعرى والانحلال فى الفكر ..
وترسخت صور سلبية كبيرة فى اذهان الشباب فاصبح الفلهلوى والبلطجى بطلا ..
واصبحت ممثلة الاغراء حلم الشباب فى ازواجهم ..
وانقلبت الموازين فبدلا من ان دور السينما فى التوعية اصبح دورا سلبيا فى المجتمع ..

ودى شوية اتهامات بسيطة عن السينما ..
حد عايز يوجه اتهامات تانية للسينما ولا عايزيين تدخلوا حد جديد قفص الاتهام ..

[ندعوك للتسجيل في المنتدى أو التعريف بنفسك لمعاينة هذه الصورة]

أب متهم بضياع ابنته

وكلنا بنشوف ده يوميا في كلياتنا وشوارعنا وكمان في المدارس

......

اسف ياجماعه انا ماشفتش الرد اللي قبلي

ههههههههههههههه
واضح انه كلنا كتبنا الرد مع بعض

ممكن يا احمد بدل السينيما نتكلم الاعلام عموما لانه السينيما جزء من الاعلام

كله في الاخر بيرجع للتربيه ...السيئه جدا

يعني مثلا العري اللي بنشوفه في الاعلام ماسببه أب .....ماعرفش يربي بنته

وتلاقيه بيتفرج عليها وهوه مبسوط.................

طبعا لازم يكون مبسوط
بنته بقيت بطلة ومشهورة

ده الاب في بلدنا دلوقتي بيبقي فرحان وهو شايف بنته بترقص وسط الشباب في الافراح
امال لو بقيت ممثلة
ابهات نص كم نص ايه دول سيواريه

تمام ياعم احمد السينما خلاص اتشالت من عليها الرقابة كل شئ بقي مسموح
اخرها افلام زي الريس عمر حرب ومش بس العري هو اللي بيفسد المجتمع عرض الافكار المنحطة اللي بتخلي العقول الضعيفة تسخط علي التقاليد والتنشئة السليمة اللي دينا رسخها جوانا
وطبعا فيلم زي اتش دبور تحس ان خلاص انتهي عصر الرقابة علي الاقل كان في رقابة علي الالفظ دلوقتي كل شئ بقي مباح وكل الكلام المبتذل بقي يظهر قدام كل كبير وصغير ..
رغم ان الحاجة المحترمة ليها طعم حلو جدا
مش عارف هنوصل لحد فين ...

السلام عليكم...

أنا اعتقد أن السينما المصرية لها عامل كبير في نشر ميلشيات الاجرام والسلوكيات الخاطئة والادمان حيث أنها تعرض لنا ماتنتج في حبكة درامية محببة للمشاهد..

ولو نظرت سريعا على اعلانات الأفلام لعرفت مدى الجرم الذي يقدم لنا باسم الفن..

لقد فعل بنا أهل الفن مالم يفعله عدو لتدمير قيمنا وأخلاقنا..
وعجبي..

فيا أهل الفن اتقوا الله واعلموا أنكم محاسبون...

وأحر تهانينا ياعم أحمد على الإشراف والموضوع الجيد..

السينما دلوقتي بتركز علي العيوب اللي في المجتمع فقط
جميل اوي اننا نركز علي عيوبنا بس الاجمل اننا نحاول نصلحها او نقول ازاي نصلحها
انما معظم الافلام دلوقتي بيذكر العيوب اللي في المجتمع اه الحاجات دي موجودة وبالصورة دي بس انا ممكن اوصل للمشاهد الصورة بدون ما يكون في خدش للحياء
اراهن لو كان حد عنده الجرأة انه يشاهد فيلم من بتوع اليومين دول مع اسرته
يا اما يتفرج علي محمد سعد باسفافه

ونرجع نسأل نفسنا
الايرادات اللي بتحققها الافلام دي بتحققها ازاي؟؟؟؟؟
!!!!!!!!!!!!!!

mahmoud elbakry كتب:: جميل اوي اننا نركز علي عيوبنا

جذبتني هذه العبارة ..
وحركت مشاعري بأن أضع ( أنا ) في قفص الاتهام...

أنا من هذا الجيل الذي لايسمع إلا أصوات الغانيات ..

أنا من هذا الجيل الذي شهد حريق مجلسي الشعب والشورى والمسرح القومي..

أنا من هذا الجيل الذي تحرش أبنائه ببناته في حادثة ليست الأولى من نوعها..

أنا من هذا الجيل الذي ردد كفاية ولا يملك إلا صوته فقط..

أنا من هذا الجيل الذي هاجر بطرق غير شرعية بعيدا عن الوطن ليلقى مصيرا مجهولا في عمق البحر..

وأنا لا ألوم إلا أنا..

بص انت ظالم (انا ) معاك اوي يادكتور
ممكن نخليها في قفص الاتهام بعد السينيما بس ياريت مانكونش ظالمين في الحكم عليها ونستخدم معاها روح القانون اصلها
بتعاني وياما هاتعاني

شكرا لمرور الاعضاء المشرف والنشاط الواضح ..

بالنسبة لموضوع انا ياعم احمد ..
ابدل لفظ انا بنحن ..
واتذكر كلمة الاستاذ جمال عبد القادر مدرس التاريخ بالاعدادى ..
قال جملة لاتظل عالقة بذهنى ..
نحن نعذب نحن..
فإلى متى يانحن سنظل نعذب نحن ..

وهاهو المتهم الثانى فى قفص الاتهام ..
انا ونحن ..
نتركه للمناقشة .

فى انتظار ادعاءات الاعضاء ..
او استجواب متهم اخر ..

السلام عليكم

اعتبروا هذا خروج عن النص (نص الموضوع)

وتحملوا تطفلى قليلا ..

انا سأضع زملائي فى قفص الاتهام .. حتى يزاح عنهم التهم

لقد ظُلِمت كثيرا .. فأنا المجنى عليه

والجناة يرتعون ويمرحون ..

لن أقول لهم إلا كلمتين :

ليست هذه أخلاق عمرو إمام

فصبر جميل والله المستعان على ما تصفون ..

(انا ) دي الكل ظالمها معاه

قولي علمتها ايه ولا ربيتها ازاي
طيب بلاش بتأكلها ايه ولا بتسكنها فين
طيب ياسيدي بلاش
بتشغلها ايه ولا بتركبها مواصلات ايه

دي مطحونة بتتعلم في فصل في60 و70 طالب بتحشي دماغها بمناهج فاضية وعايزها تتعلم

بتسكنها في عشش تنهار عليها الصخور وغيرها ساكن في قصور وساكته وفرحانة
بتعاني وتخلص تعليمها بتقعدها عالقهوة
بتكبر بتهينها وتدوس علي كرامتها ولو قالت لا ياويلها

بس انت مشكور بتسليها باغاني تافهة وافلام خليعة وموفر ليها المخدرات في اي مكان حتي في كليتها
الاهيفه منهم بتعليها والجادة والمناضلة بتدوس عليها
لهيتها في الكورة والمسلسلات

ما اتعقدش انك ليك حق تحاسيبها الا لما توفر ليها كل حقوقها

انا دي زيل ونجيب محفوظ وطه حسين انا دي دكتور مصطفي السيد ماحدش سمع عنه ده خد اعلي وسام اميريكي في العلوم لاكتشافه علاج للسرطان

انا دي خلاص زهقت منا وبقي الحياة عندها زي الموت وبترمي نفسها في البحار بتدور علي نفس تتنفسه لاننا حتي حرمناها منه

شئ جميل ياعمرو ياريت توضح اكتر والكلام هيبقي في منتهي الهدوء

مش فهم عمرو امام مالو

اليومين دول

عمتنا يا عمرو أن زعلان منك جدا

بس هنتكلم بيني وبينك

الكلام شديد الوضوح اخى احمد

ولا أظن انى صريح اكثر مما فى هذه المرة

اعتقد انه لو كان صريح بالنسبالي ما كنتش سالتك وطلبت منك التوضيح
لكن انت وراحتك طبعا اولا واخيرا واتمني تصفي من تاني ياعمرو

إن كنت قد تصافيت فقد فعلت

وإن كنت لم اصفى مرة فكيف أصفى ثانية ؟؟

هو في ايه ياعمرو انت حتي طريقة كلامك متغيرة
انت ماكنتش بتستخدم الفصحة البحتة غير في اقسام معينة
بص ياعمرو الصاحب الحقيقي فعلا اللي يعاتب صاحبه لو زعلان منه ويقوله انت حصل منك كذا وكذا ما يسبوش علي عماه ويتكلم بصراحة بحته ده لو فعلا باقي عليه
اما موضوع التصافي انت وراحتك ياعمرو محدش يقدر يجبرك علي انك تصفي بالعافية
ويارب يصلح الحال ..

ربنا يصلح الحال

أنا مش فاهم منك حاجه يا عمرو خالص

» سجـل يا تاريخ مبارك و ابناءه فى قفص الاتهام