قفص الاتهام

موضوع: قفص الاتهام الأربعاء 15 أكتوبر 2008, 7:52 pm

تذكير بمساهمة فاتح الموضوع :

السلام عليكم ...
انهارده اول يوم بعد التصافى فى المنتدى ...
واكيد المنتدى هتكون مواضيعه مفعلة وهنشوف نشاط الاعضاء معانا فى الردود فى جميع مواضيع المنتدى ...

وانا بالمناسبة دى هستغل الفرصة ونلعب لعبة بس لعبة جديدة ومفيدة ...
اللعبة هى قفص الاتهام ...
وفكرة اللعبة هى اننا نحط فى القفص ده مسئول او جهة معينة ونوجه لها اتهامتها ...
المسئول ده زى مثلا الاسرة المصرية ودورها فى التربية والتنشئة ...
او الاعلام ..او المؤسسة التعليمية ...الخ ...

وعايز الاعضاء معايا بافكارهم اللى هتفدينا ان شاء الله وكل واحد يخش الموضوع عليه بوضع اى شىء فى قفص الاتهام وتتم مناقشته بجديه..

يلا نبتدى اللعبة

مشكور على المرور ياعمور ..
وطبعا مصطفى ..

ديمقراطية مصر ام ديمقراطية امريكا ..

أمريكا طبعا يا أحمد

أمريكا بتطبق الديموقراطيه جوه بلادها بس بره بلادها وعلي الدول الناميه والدول الضعيفه بتطبق الديكتاتوريه علشان كدها لا هيه ولا شعبها حاسس ولا هيحس بأمان وده عكس الشعب المصري والحكومه المصريه

بجد والله الواحد شاف خطاب اوباما ..
بعد فوزه على منافسه ماكين ...
وقدموا لنا تابلوا رائع من الديمقراطية ..
ليرى كل العالم هذا المشهد الرائع فى خطاب اوباما بانه يصف ماكين بانه لم يخسر الانتخابات الامريكية ..
وانه كان سيقدم مجهودات رائعة لامريكا ..
وبغض النظر عن سياسة امريكا الا انهم طبقوا الديمقراطية باسمى معانيها ..

استنى شوية لان الكل مهتم بموضوع عمرو امام وياريت تدخل على الايميل على فكرة انت واحشنى جدا

تم التعديل من قبل احمد مسعد ..

هى اية الرسالة الهادفة اللى بتقدمها السينما يا ام يوسف الافلام اللى مليانة نسوان عريانة والافاظ تخدش الحياة
انتى طيبة ولا اية يام يوسف دة كلة افلام مسخرة زى اللى بيخرجوة وتفرجى على هى فوضى بتاع خالد صالح
وانتى
تشوفى الرسايل الهادفة على حق كركر

الله يرحم افلام زمان اللى كلها صداقة ونزاهة

زائر

يا ريت يا جماعه قفص الاتهام يتفتح من تانى
مع اللى بيحصل اليومين دول

واعتقد قفص الاتهام لا يكفى لاستيعاب المذنبين لانهم كثيييييييييرون
القاده اللى بيحافظو على السلام والمصالح الشخصيه
تاركين ورائهم الام الابرياء
انفسنا التى لا تقدر على شئ غير الثوره والغضب
وفى النهايه الدعاء
مين المتهم الحقيقى فى اللى بيحصل

موضوع: فكرة جيدة السبت 31 يناير 2009, 11:14 pm

فكرة جيدة وياريت تتعمل على هية حلقة نقاش وتطلع بنتائج ومواقف

موضوع: رد: قفص الاتهام الأحد 01 فبراير 2009, 8:00 pm

وانا موافق بس عايزيين مشاركات فعالة ومناقشات جادة..
ومستعدون بس ابدأوا

زائر

خلاص انا معاكم ان شاء الله
اى عضو يتفضل ويحط موضوع فى قفص الاتهام

موضوع: رد: قفص الاتهام الأحد 01 فبراير 2009, 9:25 pm

انا نفسي نتكلم عن موضوع الوسطه والكوسه

اللي بتحصل في البلد

انا بقى عن نفسى احب احط فى قفص الاتهام

الحاجه اللى ممكن نعملها بجد يعنى

كل الناس داخله تحلل المشكله

ومش بتحط اسباب او حلول فعاله

ممكن باه احنا نتكلم فى حاجه احنا ممكن نعملها بجد

يعنى قفص الاتهام نحط فيه (المنتدى بتعنا )

المنتدى ده ممكن نقدم منه حجات كتير جدا مفيده جدا كمان

وفى كل المجالات يعنى الناس مشاء الله بتقدم حجات كتير اليومين دول

فى المنتدى الاسلامى ودى فكره حلوه جدا وابدى ان الافكار اللى فيها تتنفذ

بس على التوازى من هذا التقدم لازم يكون فيه تقدم شامل فى المنتدى كله

وفى كل اقسامه ويكون كل مشرف مسؤل عن القسم بتاعه

ويحاول ينشطه بأى طريقه كويسه

انا مع احترامى لكل المشرفين (فى مشرفين كتير جدا مش بيقدموا اى حاجه لآقسامهم)

مش عارف ليه

يعنى الاشراف ده تكليف ولا تشريف ؟؟؟؟؟

ياريت يكون فى اهتمام شويه اكتر من كده

مين معايا نحط المنتدى فى قفص الاتهام

ويكون فيه حلول

معلش يا احمد انى دخلت فى حوار تانى

معاك ياشريف اننا نحط المنتدى داخل القفص ..
ولو سمحت الاخت نور نحط المحسوبية والكوسة فى القفص بعد مناقشة حكاية المنتدى ..

بصراحة قسم كلام فى الحب مبحاولش ادخله ..
ومش عاجبنى ..
وبالنسبة للاشراف ..
انا ساعات ببقى مشغول عنه بس لما اقعد على المنتدى بحاول اعمل اى حاجة فى قسم المواضيع الجامدة..
قراءة المواضيع ..
ومتابعة الردود ..

بس انا معترض على حاجة ياجمد مهندس المشرفين مش متهمين ..
وا المنتدى متهم .
ممكن تقول نناقش سلبيات المنتدى ..
بس فكرتك حلوة وجادة ويارب كلامنا يوصل ..
المنتدى ده مرايتنا فياريت نحاول نخليه فى اجمل صورة ..
وبعد الحكم نناقش قضية المحسوبية والكوسة دى فعلا المتهم والمتهم ..
بجد من اخطر القضايا فى مصر ..
واصبحت امر طبيعى وعادى جدا ولا نبالى بهذا الامر ..
لنا الله ..

ابسط حاجة فى المحسوبية والكوسة ..
حاجة بسيطة اووى وبتحصل كل يوم..
رغيف العيش ..
ياااااااااه كوسة بجد ..

عيزين نتتناقش فى موضوع الكوسة فى رغيف العيش ..
وياريت اعضاء المنتدى الكرام يتفضلوا معانا ..
عايزين نعرف رايكم ..
منتظركم ..

طبعا انا معاكم بس المسؤليه مش مسؤليه مشرفين بس

لا كل الاعضاء واحد وكل اللي يقدر يقدم حاجه للمنتدي سواء عضو

او مشرف يقدمها ..............

والمنتدي ماشاء الله زاخر بالمواضيع اليومين دول انا معاك ان القسم الاسلامي

ازدهر جامد اليومين دول ماشاء الله ودي حاجه ايجابيه جدا مش سلبيه وياريت تدوم

ياريت بس نعمل توازن فعلا بين كل اقسام المنتدي ..........

وموضوع الكوسه بقي انتظروني فيه عشان غايظني جداااااااااااااااا

مساء الخير يا احمد باشا يارب تكون بخير
الموضوع ده من المواضيع بجد اللي كان نفسي تستمر بس للاسف زي بقية المواضيع الهادفة اتنسي بسرعة

فكرة حلوة يا شريف انه نحط المنتدي في قفص الاتهام

كل واحد هايوجه التهم من منظوره هو ونحاول نحللها ونشوف لو في مشاكل فعلا تتحل

انا هاخرج دلوقتي للاسف بس هارجع مأخر شوية

نيجي بقي للكوسه الاخ احمد مسعد ضرب مثال صغييييير اووي

وهو رغيف العيش ...............

ناس تصحي من الفجر وتتبهدل في الطابونه عشان تاخد العيش علي الساعه 8 كده

ده ان اخذته وناس تانيه بقي العيش بيخدوه وقت ميروحه في ثانيه

وطبعا لازم ماهي قريبه صاحب الطابونه ولا جيراان ولا ...........

اما الغلبان مش مهم يقف هو وراه ايه

وياريت علي كده لا ممكن يديله كميه العيش الي يطلبها عادي جداا

لنا الله فعلا وده مثال صغير وبسيط لمحسوبيه في البلد

امال بقي لو تناولنا حاجه اكبر شويه

وللحوار بقيه

Noor كتب:: طبعا انا معاكم بس المسؤليه مش مسؤليه مشرفين بس

لا كل الاعضاء واحد وكل اللي يقدر يقدم حاجه للمنتدي سواء عضو

او مشرف يقدمها ..............

ياريت الاعضاء كلها تلتزم وتقدم حاجة مفيدة ..

بجد فى شوية ردود او مواضيع الواحد يدخلها بيزعل اووى على الفكر بتاع بعض الاعضاء ..

وفى مواضيع غاية فى الروعة بتبقى لازم ترد فيها بتلمس حاجة عندك واثرت فيك وبتبقى عايز تعبر من خلال ردك ..

والمنتدي ماشاء الله زاخر بالمواضيع اليومين دول انا معاك ان القسم الاسلامي

ازدهر جامد اليومين دول ماشاء الله ودي حاجه ايجابيه جدا مش سلبيه وياريت تدوم

القسم الاسلامى بجد حاجة فى منتهى الجمال ونشيط اليومين دول ..

دايما يارب القسم الاسلامى فى ازدهار ..

ياريت بس نعمل توازن فعلا بين كل اقسام المنتدي ..........

وموضوع الكوسه بقي انتظروني فيه عشان غايظني جداااااااااااااااا

اما موضوع الكوسة غايظنا كلنا ..

وخصوصا العيش قريب هاسيب الشغل وافضى للعيش ..

Noor كتب:: نيجي بقي للكوسه الاخ احمد مسعد ضرب مثال صغييييير اووي

وهو رغيف العيش ...............

ناس تصحي من الفجر وتتبهدل في الطابونه عشان تاخد العيش علي الساعه 8 كده

ده ان اخذته وناس تانيه بقي العيش بيخدوه وقت ميروحه في ثانيه

وطبعا لازم ماهي قريبه صاحب الطابونه ولا جيراان ولا ...........

اما الغلبان مش مهم يقف هو وراه ايه

وياريت علي كده لا ممكن يديله كميه العيش الي يطلبها عادي جداا

لنا الله فعلا وده مثال صغير وبسيط لمحسوبيه في البلد

امال بقي لو تناولنا حاجه اكبر شويه

وللحوار بقيه

والله بقت حاجة تموت من الغيظ ...

كل يوم الصبح وانا ماشى الاقى موت على الطابونة ..

واللى بيجيب العيش بيتكلم مع حد تانى انه ازاى جاب العيش وكانى عمل انجاز ..

ويفرح قووى بالعيش بس لما يفتكر بكره يزعل عشان العيش ..

والله حرام اللى بيحصل فينا..

طيب انا هقول حاجة بسيطة اوووووووووووى واحد شغال فى فرنة كان بيتفق مع واحد وبيقوله اعمل حسابى فى
شكارتين والله شايفهم وسامعهم .. ..

حراااااام ..
ناس بتدور على رغيف عيش وناس مش عارفة تكسر ملل الرفاهية ..

mahmoud elbakry كتب:: مساء الخير يا احمد باشا يارب تكون بخير

انا هاخرج دلوقتي للاسف بس هارجع مأخر شوية

مساء الخير يامحمود باشا ..
ياريت تشاركنا الحوار عن موضوع العيش ..

نيجي بقي للمصيبه الكبيره

الوسطه والمحسوبيه في الشغل .........

يمكن انا ليسه متخرجتش وملمستش ده حقيقي.......

بس سمعت كتييييييييير وبجد ناس كتيير انظلمت اوي بسبب الوسطه

وناس كانت اولي بشغل معين وعشان المحسوبيه للاسف مكنش من نصيبهم

واخرتها ايه ...................

يا جماعة مالكم ومال العيش هو ناقص علي العموم

لو قدرت اشارك دلوقتي هاثبت ليكوا ان انتوا المتهمين الاوئل في هذه الازمة

وانها مشكلة من غير حل او الحل احتما في اول 1_مارس

مع انه حل هيزعل الطرفين صاحب الطابونة والمواطن العادي

"احمد مسعد"

طيب انا هقول حاجة بسيطة اوووووووووووى واحد شغال فى فرنة كان بيتفق مع واحد وبيقوله اعمل حسابى فى
شكارتين والله شايفهم وسامعهم .. ..

حراااااام ..
ناس بتدور على رغيف عيش وناس مش عارفة تكسر ملل الرفاهية ..

والله من ده كتييييييير اووي

والناس كلها عارفه كده وقدام عنيهم بس هنعمل ايه .......

وكمان بيوفرو من الدقيق كتيييييير عشان يبيعوه بسعر اغلي

لنا الله

فعلا لنا الله ..
موضوع العيش عايز ايام وليالى عشان نتكلم فيه ولن نصل الى حل مرضىلجميع الاطراف ..
اعاننا الله ..

» سجـل يا تاريخ مبارك و ابناءه فى قفص الاتهام