الزواج في العمار خراب بيوت

يا جماعه ازاى ما نتجوزش من العمار امال بنات العمار هاتروح فين

الموضع اصلة ما يستهلش لن مفيش حد هتجوز ويدفع 15الف لية او اكتر ولسة القيمة يعنى خراب فى خراب طب ما ليى اسافر احس على ايطاليا اغرق احسن الطاير

والله حل هذا الموضوع بسيط جدا وهو ان يعزفوا الشباب عن الجواز من البلد لمدة خمس سنوات
متتاليه وبلاد الله كثيره والبنات على قفا مين يشيل

انا بقي عايز اتكلم في نقطة صغيرة
وهية التأجيل في الزواج

الدين بيقول ( من استطاع منكم الباءة فلييتزوج )

يعنى الجملة دي بتنصحنا بسرعة عملية الزواج زي سيدنا موسي عليه السلام تزوج في يوم واحد

احنا بقي علشان نتجوز دلوقتى من اول الفكرة بس قدامك سنتين علي الاقل

اولا علي ما العريس يكون نفسة وبقي مليونير وبعد ما يتجوز بساعة واحدة مايبقاش معاه شلن واحد ( بس عامل حسابو علي اكل الاسبات اللى هاتجيلو في اول اسبوع والمناسبات والمواسم )

ثانيا الحاجة الغريبة المضادة لكلام الدين هو تأجيل الزواج مثلا علي ما خالها ييجي من السفر واخوها ييجي الاجازة السنوية بتاعتوا لان اخوها لازم يكون موجود ( ماينفعشي تتجوز واخوها مش هنا )

ثالثا مش ملاحظين ان في شباب اليومين دول شايلين فكرة الزواج من دماغهم خالص ودا من اللى بيشوفوه

انا بقي من رائي ان تعجل بالزواج ونسرع فيه
( زنقة شهر ولا زنقة سنة ) والجواز كدا كدا في ضيق حال

والله اعلي واعلم ........

من تجربتى فى الخطوبة و المشاكل الى قبل الخطوبة على الشبكة والحجات الى هتتجاب
كل حاجة فى قيد البنت و الولد لو اتفقو هيعملو اية من الاول واتكلمو فى كل حاجة الى هيجبهلها والى بباها هيجبهالها ويتفقو ويشوفو الحجات المهمة الى هتيجى دلوقتى و ممكن يحزفو حجات مع بعض فى حالة دخول الاهل فى الحجات دية صدقونى بيحصل مشاكل جامدة اتفق انت وشريكت حياتك فى الحجات الى هتتجاب ولى مش هتتجاب وحكاية الشبكة ولله صدقونى يا بنات متقلوش عايزة شابكة بكام الف عشان اعرف غلوتى عندة اية او اعرف شرينى ولا لا الكلام دة غلط وكل دة صدقونى فى ايد البنت لو عاوزة الانسان دة هتعمل المستحيل عشان الجوازة دية تتم وعلى فكرة انا مجبتش شبكة هى دبلة تدل على انى مخطوبة وبس صدقونى كان فى مشاكل اد كدة على الشبكة لكن انا اتصرفت وصممت ومهمنيش شبكة
ربنا يباركلكو يسرو ولا تعسروووووووووو

فعلا بجد موضوع حساس اوى بس انت اتكلمت عن الاولاد فقط يعنى عن الى زيك بس ونسيت البنات انها بجد اهلها بيدفعة دم قلبهم يجيبة كل حاجة وفى ساعة زمن بيتهم الى كان مفهوش مكان يقعدة فية تيجى ساعة ميلقوش حتة معلقة صغيرة اما الولد بيجة كل حاجة عندة وكمان الى بيدفعة بيبقة فى بيتة والى بيدفعة فى الخطوبة بيدفع لمدة ايام اما لما بيجيلة بيبقى طول العمر اظن انت نسيت تنظر للبنات واهلها وبظرت من زاوية واحدة واظن دة مش صح وياريت تكمل الناقص فى موضوعك عشان يبقى تمام والموضوع كمل هيبقى حلو وكمان اظن انت لو جالك فى جهازك حاجة ناقصة مش هتسكت يعنى ولا كلامى غلط وعلى العموم انت بتنفخ فى قربة مقطوعة اصل عمرك ماهتغيرها

انا شايف انه الموضوع من الاول بيناقش مبدأ واحد وهو المبالغة في فاعليات العرس سواء من جانب العريس او العروس
الحكاية مش مين بيجيب لمين الحكاية حكاية ناس بتكلف نفسها فوق طاقتها علشان يرضوا الناس يعني مش علشان بعضهم كمان ولكن للمنظرة

وفعلا احنا بننفخ في قربة مقطوعة

اية الحاجات الحلوة دى

انا بسمع بارقام فلكيه ومبالغ فيها من اصدقائى فى الشبكة والمهر ليه كده
وواحد يقوللك انه مش عاوز يتزوج من خارج العمار عشان العروسه تجيب حاجات كتير
وبيقول ان البلاد التانيه ابو العروسه مش ملزم بحاجات كتير عشان كده مامته مش عاوزة تجوزه من خارج الجمهوريه العمراويه

ههههههههههههههههههههه
حلوة الجمهورية العمراوية دي

يجماعه ياريت يقف الخراب على هذا الحد انتم نسين ان كل يوم بل كل ساعه الدهب

بيزيد والمصيبه لو اختين وحده فيهم اتجوزت وجلها دهب مثلا بعشرة الاف جنيه

لازم المحروسه التنيه يجيلها زيها الى يجيلها انفلونزا الطيور انا نفسى يجي للدهب

مرض مزمن عشان ميفكروش فى الدهب ده خالص ونرجع بقى للخلاخيل الورق

ههههههههه

هههههههههههههه حلوة انفلولنزا الطيوردى حرام عليك يا اخى قول يجلها ارتكاريا مثلا

لأ بس فعلا معاك حق البنات بتستهبل فى الموضوع بتاع الدهب ده لازم متكنش اقل من اى بنت فى

العيلة

هى شوية فى البلد دى؟؟

ااااااااااااااااه والله كلمة اشمعنه نفسى اخزفها من قاموسهم

على رايك هى جت على الدهب

دى من اول اختيار العريس ان مكنش المشكلة فى البنت تبقى فى اهلها اللى عاوزينه من عيلة

كبيرة ومرفه ماديا وله مكانه اجتماعية مرموقه وووووووووووووووووووو حاجات كتيييييييييير

ملاهاش اى لازمة ولا اى تاثير كلها يبحث عنها فقط لتجميل الشكل العام للى هما هيناسبوه عشان يقولوا

يا سلام بنتنا واخدة واحد كذا وابوه كذا وامه كذا الا عمه كذا


ربنا يهدينا يارب

معاه حق فعلا وكلامه مع الاسف صح

البنات بجد فكرهم بقى غريب جداااااااا وطريقة تقيمهم للناس اللى ممكن تكون مرشحه ليهم بمعنى

متقدمنلهم بقيت عجيبة جداااااا جداااااااااااا وده اللى بيخلى الشباب يشعوروا بالعجز

حلم حياتى والله ان كل البنات يبقى عندها مقياس واحد للرفض او القبول وهو

طالما الشخص ده محترم ومهذب ولا يعاب فى دينه ويحترمها ويقدرها خلاص توافق

غير كده يبقى رفض تام حتى لو كان مين

بس طبعاااا ده حلم مستحيل

tito_eldeeb كتب:

مش فعلا خراب بيوت ولا انتم مش معيا في الموضوع ده

لاهو فعلا خراب بيوت ومستعجل كمان


يعني مثلا الشبكة اقل حاجه لازم تكون 15000 الف جنية غير بقا الشقة لازم تكون سوبر سوبر سوبر لوكس
مش شايف حكاية15000 وسعة شوية ومش مهم سوبر لوكس قضيها كوالتى

مفيش حد بيرحم حد في الجواز ابو اي عروسة مش بيرحم اي حد يتقدم لبنته فعلا
غير الاهم من الشبكة والشقة وحتي العروسة هي
النفقه ورد النفقه والعشاء ورد العشاء والبيبسي ورد البيبسي ويسلام لو حاجه لو سبت ضاع او حاجه ساقعه نقصت من الصندوق غير الحلل لازم تكون اقل حاجه 17 حله غير اكيد انتم هتكلمو في الحاجات الي ناقصه علشان اتحصر اكتر واكتر المصيبة الاكبر الناس الي علي قدها بتجيب اكتر من الي معهم فلوس

هو دا بقا الكلام وكلامك هنا صح الصحيح

يا اخي اتجوز من برة البلد وخلاص

هم البنات لايين عرسان
دي حاجة تارف

يلاااااااااااااااااااااااااااااااااااااااااااااااااااااااا
برد البلد