الزواج في العمار خراب بيوت

تذكير بمساهمة فاتح الموضوع :

مش فعلا خراب بيوت ولا انتم مش معيا في الموضوع ده

يعني مثلا الشبكة اقل حاجه لازم تكون 15000 الف جنية غير بقا الشقة لازم تكون سوبر سوبر سوبر لوكس مفيش حد بيرحم حد في الجواز ابو اي عروسة مش بيرحم اي حد يتقدم لبنته Twisted Evil

غير الاهم من الشبكة والشقة وحتي العروسة هي
النفقه ورد النفقه والعشاء ورد العشاء والبيبسي ورد البيبسي ويسلام لو حاجه لو سبت ضاع او حاجه ساقعه نقصت من الصندوق غير الحلل لازم تكون اقل حاجه 17 حله غير اكيد انتم هتكلمو في الحاجات الي ناقصه علشان اتحصر اكتر واكتر المصيبة الاكبر الناس الي علي قدها بتجيب اكتر من الي معهم فلوس

ان شاء الله اللى جاى افضل

وانجطاط الاقتصاديات أرغم الناس وخصوصا أهل العروسة على الرضخ وقبول الموجود ..

المسالة بدأت تتحسن .. واهل العروسة بداوا يساعدوا بتخفيض تكاليف الزواج الباهظة ..

نتمنى ان يعود الناس لعقولهم ..

ياريت ياعمرو علشان نفرح بيك بقى

mahmoud reda كتب:: ياريت ياعمرو علشان نفرح بيك بقى

كلمكم مستعجلين عليا قوى كده ؟؟

يارب ما تنتظروا كتير

بجد يا جماعه انا اكتشفت اننا مش هنقدر نغير حاجه

لا بديل سوى الاضراب
وبعدين الشباب مستعجله على الجواز ليه

هو ايه اللى لا بديل غير الاضراب

يا اخ طليانى انت شكلك كده محضر خير ههههههه
انت عاوز تقومها فى دماغهم ولا ايه
بس انا بجد نفسى اعرف مين السبب فى الخراب ده اكيد ام العروسه
وام العريس لو مرحلهاش زى غيرها بتبقى جوازه سوده
وتفضل تشتكى من مرات ابنها لطوب الارض صح الكلام ولا ايه
ياللا ربنا يهدى الجميع

DrHosam كتب:: بجد يا جماعه انا اكتشفت اننا مش هنقدر نغير حاجه

يا سلام ع الاحباط يا حسام .. هو ده الكلام ..

حرام عليك مبسوط

اقتباس :: وام العريس لو مرحلهاش زى غيرها بتبقى جوازه سوده

طيب ليه ..يعنى كل واحد على قدر مقدرتة
و بجد فعلا مش هانقدر نعمل حاجة .كلام نظرى كلة ..
مثال بسيط جداا: لو فى عضوة فى المنتدى ومقتنعة جداا بان هدية الخاطب "الشبكة" مش لازم تبأ 15 ألف جنية وكلام كبير كدة ..
أول ما تتخطب ..عايزة زى فلانة وزى صحبتى دى .. وانا مش عارفة أيه .
والكلام دا .
دا شى خلاص بأ ثابت فى النفس العمراوية ..ومكلبش كمان

زائر

وربنا مابنطلب هو اللى بيتقدم لوحد بيشوف اختها جلها بايه او اخوها جاب ايه وبيجيب زيه وبعدين خلاص بقينا احنا العقده

مش المقصود .
كلة بيعمل زى كلة ..
كل واحد يقدم اللى فى مقدورة .مش لازم زى دا أو دى
لـــكـــن أزاة ..
تلاقى خلاص قرب يعلن أفلاسة .وبردوا لازم يجيب زى فلان طيب لية

زائر

والله مابقى حد يتشرط انتوا متعرفوش ايمتكم ولا ايه انتوا شحين اوى فى السوق يعنى اللى بيقع قدامه واحد بيمسك فيه باديه وسنانه

ياسلام متفرحوش اوى كده انا برفع من معنوياتكم بس

شحين ههههه..

دا اللى بيقع بيتبهدل .بيخلصو منه القديم والجديد

بلاش نظلم البنات والشباب
المسؤولية تقع على عاتق الاباء والامهات
الاب عاوز يكون فرح بنته أحسن من فرح بنت فلان
والام عاوزة الناس تحكي عن روعة حاجات بنتها
والمصيبة الكبرى مافيش فرح جوازه اتكلفت وانصرف عليها ببذخ إلا وكان مصيرها الفشل
عموما ندعوا الله سويا أن يهون على الشباب
أخوكم انور

انا بصراحه شايف اللي عليه الهم كله هو ابو العروسه الحمل
كله عليه غير العريس كدا كدا الحجات دي انت مطالب بيها
انك تجبها لاكن في حجات بيبقي ابو العروسه مجبر يدفع ومش
بيتكلم ان البنت مغصبتش عليه يبقي امها هطلع عينه انت
هتفضحنه انت مشفتش ابصر مين جابت لبنتها ايه وانا مش اقل
منها ولازم اجيب

انا نفسي اعرف حاجه
هو ليه الرسيفر
هو ليه الكمبيوتر
هو ليه 20او18 حله خرجين دخلين
هو ليه غسلتين ولازم وحده اوتوماتيك ووحده عادية كفاية وحده حرام
هو ليه 100 فطيرة ولازم يروحوا كل اتنين علي طبق عنطزه ملهاش لزمه
ليه حرام عليكوا ارحمو ابو العروسه
ابو العروسه بيستر بنتو وبعد فرحها بيطفضح هو
اه علي فكره بصراحه بالطريقه دي انا هتجوز من البلد احسنــلي
انا لو اتجوزت من مصر بصراحه مش هيجيلي نص الحاجه اللي
بتيجي للبنات في البلد [/size]

زائر

هههههههههههههههههههههههههههه

اهو ولد زيكم وفاهم اننا مش السبب

وبعدين دلوقتى كل ام بنت بتروح شقه عروسه جديده وتفضل تعد علشان تجيب لبنتها

بينى وبينكم هى البنت هتاخد ايه من بيت باباها غير جهازها ده

بعد كده هتروح تزورهم بس

تحيا مصر كلامكم كله تمام

بس مع الاسف ومن وجهة نظرى مفيش تغيير وانا هعمل 21 حله حد يزود ههههههههههههههه

مين قال الجواز فى العمار خراب بيوت

الجواز فى العمار عمار بيوت اسم على مسمه

البنات بس الى تستاهل

انا عن نفسى عمرى ماشفت بنات احلى وانضف من بنات بلدنا لا فى المدن ولا فى القرى

المجاورة مع احترامى لكل البنات المشاركه من خارج البلد بس البنات تتواضع شويه لله

وتراعى اخوتنا الشباب وربنا يوفق الجميع ويعم الستر والخير على كل الناس

وتفضل العمار احلى بلد وشكرا

الله يكرمك يا konakai

بس باردو الموضوع في العمار زياده شويه ومش كل الناس بتقدر عليه

وعادات غريبه والغريب بقي ان الفقير بيجيب ويعمل زيي ويمكن اكتر من

الغني وحاجات ملهاش لازمه وحاجات بتروح وترجع مش فاهمه ليه يعني

بجد لازم نبدا نغير العادات دي شويه ولكل واحد بدء بنفسه الموضوع هينتهي

و يا كرمك انت كمان يا فرهوده

انشاء الله ربنا هيكرمك على تواضعك ده وبكره تقوليلى

ومشكورة على مساهمتك

اولا: السلام عليكم ورحمة الله وبركاتة (((الجزء الاول)))

انا ضيف جديد عليكم ... اسمحولى التحدث فى هذا الموضوع الشيق والى كان شيق بالنسبة لى ومازال؟؟؟
اولا :
وبصراحة الدور دور الرجل الهيجوز هو ميين وشخصيتة ايه وهو واخد ميين وهى عاوزه
ايه ويكونوا متفقيين والصراحة من اول مرة والوضوح (لانى القاء الاول هو الذى يدوم).مع اهل خطيبتةوخصوصا الرجل واذا الخاطب اتفق معه وغير كلامه ابو الخطيبةمرة والتانية فلينسحب خيرا له..........
ثانيا:
خاص بالخطيبة المقبل على الزواج اكيد عاوز زوجة صالحة طيبة كما قال الله عزوجل (الطيبون لطيبات والخبيثين للخبيثات)...فلابد ان يكون الخاطب نفسة صالح وطيب لان الله عادل : لا يجوز طيب لخبيثة ولا طيبة لخبيث!!!...الا لحكمه يعلمها الله عزو جل .
ثالثا:
ولان الزواج تكملة نصف الدين فلابد من احسان الاختياروالصراحة والوضوح وان يشترط ان الخاطب لايجهدهم ولا هم يجهدوه فى مؤنة الزواج وان زواجك زواج طبقا لسنة النبى والدين وبهذا تكون قصرت على نفسك طول الرد فان كانو مؤمنيين ميالون لدين والسنة اختاروك وان
كانوا طالبين لدنيا وهم اكثر اهل العمار اعرف هذا تماما... فيبقى ادامك فرص تشوف غيرهم على طول وتعرف انهم مش مرادك ان صدقت نيتك انت فى زوجة صالحة

*وان اختاروك فبدأ بعرض ظروفك والله الموفق ؟ وعلم خطيبتك القناعة فى كل شئ واتفقا على تطبيق السنة فى كل شئ وسيعينك الله ... المواضيع بتاع الزواج بتفشل بسبب مفيش راجل هنا ولا هناك لان الرجل الحق والرجل الصدق يحقه الحق ..يستحى منه كل الرجال الذين هم يشبهون النساء فى البيوت والله وعن تجربة من التزم بالحق وكانت نيته صالحة اعانه الله وعلى فكرة يوجد بيوت كتيره فى العمار مشتاقة لراجل معتدل وصالح كلمته من دماغه يتقدم لبناتهم......الى القاء فى حديث ثانى فى هذا الموضوع الشيق..ابو بكر

والله فى اخوان واخوات مقبلين على الزواج ومنهم اتجوزو حاربوا هذه
العادات العقيمة ونجحوا نجاح بارع ... والى كان بيلموهم فى البداية اعجبوا
ببساطة الزواج والى لفت نظرهم اكتر توفيق ربنا ليهم فى فرحهم فى
كل حاجة مقارنة بالجوزات التانية المتغالى فيها ... واحمد ربنا انى كنت منهم
وعدى فرحى على خير ولم يحدث اى اسراف فهو ده دور الشباب والفتيات
العفيفات الائى يبغين العفة والزوج الصالح وعدم الغلوا فى المهور...

زائر

بداية الموضوع حلو اوى ثانيا ليه مش هنعرف نغير حاجه؟! امال احنا هنا بنعمل ايه
وبعدين مين اللى هيتجوز مش شباب وبنات البلد دى اللى المفروض احنا بنمثلهم
الموضوع صدقونى فى ايدينا احنا مش فى ايد حد تانى
هو برضه الولد اللى رايح يتقدم ده مش مفروض انا راجل ومسؤل، ايه يخليه يقبل وضع هو مش مقتنع بيه وعارف انا اسراف وتبذير
والبنت دى كمان لازم يكون ليكى راى ماتسكتيش كده على وضع كله غلط فى غلط وما يرضيش ربنا
وبدل كل المصاريف اللى ملهاش لازمه دى اللى هى للتباهى ليس الا،ما الولد والبنت يخدو الفلوس دى ويطلعو عمره مثلا..........مادامت الاهل مصممه كده كده على المصاريف
انا عن نفسى شايفه ان المشوار الصعب بيبدا بخطوه
يعنى المفروض ولد وبنت يصمموا يعملو كده وبعدين كل الناس هتعمل زيهم
انا بالنسبه لى مش عايزه شبكه ولا الدهب ده بيهمنى اساسا مش بسمع عن موضوع الدهب بمبالغ كده غير فى البلد دى.وربنا يهدينا جميعا

بجد موضوع مهم اوى ولازم يظهر دلوقتى

لان والله كل مدى الموضوع يزيد اوى عن حده

ومش عارف امتى بقى هنحكم الدين فى اللى بينا

بجد عيب اوى ان اكون انسان مثقف ومتعلم ورايح اتزوج وارضى

بكل الموجود كده بدون اى تعقيب او دور او اى موقف من الحاجات

السلبية الكتيرة اوى اللى بتكون موجوده

أما بقى موضوع البنت يمكن فى ناس كتير شايفه

ان البنت ملهاش اى دور لان اهلها اللى فى ايديهم الموضوع كله

لكن برده لازم يكون ليكى دور اختى ولا ايه

صباح الخير ياعمار

بصراحه يجماعه العيب على الرجاله علشان المفروض هو صاحب الكلمه فى البيت مش الزوجه ولاالبنت وهو يعمل الى يرضى ربنا وفى الاخره هو الى هينسئل امام ربنا وربنا يهدى

اقتباس :: بصراحه يجماعه العيب على الرجاله علشان المفروض هو صاحب الكلمه فى البيت مش الزوجه

تعرف الكلمة اللى بتقول الرجاله ماتت فى الحرب

فعلا حقيقة والله

بجد فى العمار الموضوع سيىء اوى

فى ايه ياعمار

اقولكم حلها مهرجان نعمله ونفتحه لللموضوع ده بس

ويكون عنوانه خليها تعنس

كلمة قوية أوى نهديها

لكل ولى امر بنت

عاوز دهب بكذا وشقه بكذا

» دعوة عامة من مدرسة العمار للتعليم الأساسي ل منتدي شباب العمار
» اغرب 3 بيوت في العالم
» العمار .. العمار ..للشاعر العمارى أحمد قورة .. مفاجأة
» هنعيشها صح ...العمار اليوم ..أخبار العمار يوميا (متجدد)
» تعاون جمعية شباب العمار بالعمار & رابطة أبناء العمار بالكويت