هذا ماعودتنى عليه ايامى

زائر

[

[center]من المحتمل أن يسعد الانسان كثيرا ، ولكن من المؤكد ان يحزن اكثر

اذا فرحت يوما كثيرا فاعلم ان مخزون السعادة قد قل

كثيراً ما ينكر الانسان فرحه خوفا من الحسد ، وكثيرا ما يقر بحزنه كي لا يفرح احد

منتهى الايثار يبكي الانسان عند موت عزيز عليه ، ولكنه لا يبكي اذا فقد نفسه

يبكي الانسان بالدموع كثيرا ، ولكنه يبكي بدون دموع أكثر

يستطيع الانسان تحمل الحزن لانه اعتاد عليه ، ولكنه لا يستطيع تحمل الفرح لانه لم يعتد عليه

مهما حاولت كتم الدموع ستنزف العين دمعا عند شدة الضحك

[/center]

دا مش اللى عودتك عليه ايامك

انت اللى عودت نفسك وايامك على كدا

متبصلها من منظور تانى هتلاقيها احسن بكتير مش زى ما انت فاهم

I'm missing you, toooooooooooooooooooooooooo

زائر

]
لاش انت ياميزو
انا معودتش ايامى ولا نفسى على حاجه

خلى الكلام ده لحد تانى غيرك مش يعرفنى اوى

كبو

هذا ما عودتني امي

موضوع جميل يا كابو بس دا اللي عودني عليه الزمن مش امي

بس انا اما بكون فرحان مبخبيش وبردوه اما بكون زعلان مبخبيش

دي بتبقي تعود

موضوع رائع

زائر

]مرسى ليك ياويزو وعاش من شاااافك

وأنا بقول ايامى مش أمى

يعنى متفق معايا فى ان الزمن والايام هى اللى كل يوم عن التانى بتكسبنا حاجات غريبه
وبجد انا عن نفسى اتخنقت

الموضوع ده بجد حلو اوي
انا ايامى علمتني مثقش ابدا في حد
وان الدنيا دي مصالح وان بجد مبقاش في
اصدقاء بجد وكمان مفيش حد بياخد كل حاجه
وعودتني ان مفرحش اوي عشان عمر فرحتي
مكملت ودايما بعد كل فرحه مصيبه
بس هي الدنيا كده ومش بايدينا نعمل حاجه
وباردو منظلمهاش علمتنا حاجات كتيره حلوه

زائر

اكيد زى مانتى قلتى علمتنا حاجات كتير بس ايه الفايده

والله كل حاجه اتعلمناها كان ليها مقابل

وكله بثمنه

يعنى المريض اتعلم ان الصحه تاج لما مرض

الفقير اتعلم انا الغنى نعمه وفى نفس الوقت هو زى ماهو

وهكذا باقىالامثله

بجد بحس انها مشايه عاكسى مش عارف
بس عادى اهى عيشه واخرها الموت مش فارقه كتير

ومرسى ليكى كتير على المشاركه

كبو

فعلا الدنيا هى اللى بقيت تعلم الانسان كل حاجة وانا اتعلمت منها كتير واول حاجة ان مافيش حد ممكن يحب حد اكتر من نفسه والصداقة دى بقيت مجرد كلمة بتتقال يعنى من الاخر وهم المهم ان الدنيا والزمن هما اكتر شىء بياثر فينا.

زائر

مرسى بوكى

بس على فكره فى صداقت ناجحه اوى اوى
بس الاغلبيه بتبقى فاشله والاصعب انك لما تعزى حد اوى وتتصدمى فيه بيبقى الواحد بيتمنى انه مكنش عرف الحد ده

اما الحب ده قصه تانيه خالص وعايز موضوع لواحده

دا حتى القرايب مش هقولك الاخوات ولا العلاقات الخاصه اللى زى الحب

المهم واللى طلعت بيه ان الواحد منا ممكن يقدر صحبه او حبيبه مره واتنين وكتير اوى بس طول ماهو حاسس ان الانسان ده بجد بيحبه او بيحب مصلحه
بس غير كده او يعنى لو الحد ده مش يستاهل فمينفعش احبه اكتر من نفسى وبعدين بصراحه وبكل وضووح مش ينفع احب حد اكتر من نفسى من الاخر لو محبتش نفسى كفايه مش هعرف احب حد ولا اكون ناجح فى علقاتى مع حد لان حب النفس ده غريزه مش بنكتسبها ولا حاجه وفى فرق كبير بين حب الذات والانانيه اللى مش اقصدها طبعا

واللى يعيش ياما يشوف ويتعلم كلمه قلها اللى قبل مننا

كبو

بس لو انت يا كابو اتصدمت مرة هتدى نفسك فرصة تجرب تانى؟ انا عن نفسى اتصدمت فى اقرب ناس فكرتهم اصدقاء بجد بس لقيت منهم غير كدة خالص علشان كدة مش عاوزة اجرب اصاحب حد واحبه اوى علشان ما اتصدمش. وانت بتقول انى لازم احب نفسى الاول علشان اقدر احب الناس اوك اكيد انا بحب نفسى بس كمان فضلتهم عليها وعملت اللى بيشوفوه مش اللى انا اشوفه بس فى الاخر طلعت غلطانة اوى. اما موضوع الحب ده نبقى نناقشه فى موضوع تانى بس بردوا الحب ده مجرد وهم.سورى طولت عليك

زائر

بصى يابوكى طول مأحنا عايشيين بنتعلم كتير حتى ولو حسينا أن احنا خلاص كبرنا على التعليم لاء طول مأحنا عايشين بنتعلم واللى بنغلط فى النهارده أكيد مش بنكرره تانى

وبصى عايز اقلك مش تندمى على حد كنتى بتعامليه بأخلاص ولاقيتى منه عكس كده انتى على فكره كده مش خسرتى بالعكس هو اللى خسر فهمانى؟؟؟؟

ومينفعش انى امشى ورى اى حاجه كده وخلاص علشان ارضى حد سورى يعنى مش تصرف

اللى هيقبلنى بشخصيتى وبأرائى اوكى مش ينفع انه يعمل عليا فول كنترول وارضى علشان ارضيه مش ينفع بالمره
ولازم طول ماحنا نتعرف على الناس لاءن مفيش حد بيعيش لواحده حتى ولو فى اطار محدود بس لازم وألا مش هينفع
والحب عمره ماكان وهم الحب فى نظرى سر الوجود فنحن خلقنا من اجل الحب حب الله حب الناس لبعضيها المهم ان الحب هو يعتبر الطاقه اللى بتمشينا ممكن يكون الواحد فينا مش مرتبط بحد مش معنى كده انه مفيش حب لاء موجود بس لسه مش صادفك الحب اللى بجد

انا عن نفسى مش بحب الحب اللى معروف عاطفيا بس بحس الحب وبحب الحب نفسه

فى مقوله من كلماتى بتقول لو مزرعتش الحب فى قلبك هينفت مكانه الكرهه

ولو ليكى رأى تانى ممكن تقوليه وانتى مش طولتى ولاحاجه انا اللى طولت ههههههههههه

ومرسى ليكى بوكى

كبو

اولا ميرسى على ردك ثانيا انا مؤمنة ان الانسان عايش علشان يتعلم وهيموت وهو لسة مايعرفش كل حاجة اما الحكاية وما فيها انى حبيت صحابى اوى وكانوا كل حاجة فى حياتى وفجاة مع بداية الجامعة وبحكم المكان اللى انا كنت فيه بعدنا عن بعض وحسيت انهم كانوا بس معايا علشان مصالحهم مش اكتر بس صدقنى انا مش ندمانة انى عرفتهم انا بس ندمانى انى حبيتهم اوى كدة واديتهم كتير وفى الاخر طلعوا مايستهلوش

اما بالنسبة للحب فاكيد انا بحب الناس وبحب اهلى وماما وبابا بس انا كنت اقصد المعنى الاخر للحب اقصد الوهم اللى بيسموه حب انا اكيد بحب الحب وكمان اكيد نفسى الاقى اللى يحبنى واحبه دى كلها كانت امنياتى زمان اما بعد الموقف اللى حصل معايا غيرت وجهة نظرى خالص وبقيت مش مقتنعة بيه تماما انت بتقول كدة علشان ماجربتش لكن لو كنت حبيت واتجرحت ما كنتش قلت كدة انا ممكن اكون مش اتجرحت لكن هو كدة حسيت فجأة انه سراب وهم حاجة كدة مالهاش اسم دى مجرد وجهة نظر.

eng farhooda كتب:: الموضوع ده بجد حلو اوي
انا ايامى علمتني مثقش ابدا في حد
وان الدنيا دي مصالح وان بجد مبقاش في
اصدقاء بجد وكمان مفيش حد بياخد كل حاجه
وعودتني ان مفرحش اوي عشان عمر فرحتي
مكملت ودايما بعد كل فرحه مصيبه
بس هي الدنيا كده ومش بايدينا نعمل حاجه
وباردو منظلمهاش علمتنا حاجات كتيره حلوه

ليه كده بس

تفائلى شويه والله احنا عنينا اللى بتورينا الدنيا حلوة او وحشة

أنا عن نفسى إتعلمت حاجة مهمة أوى إنى أنا اللى بحل مشاكلى

وأنا اللى لو تعبانه بعالج نفسى

أنا اللى لو مهمومة بفرح نفسى

وأنا اللى لو محتاجة للعطف والحنان والحب بحب نفسى

مش معنى كده إنى مليش غير نفسى لأ بس محدش بيقدر

يعملى كده ويأثر فيا غير نفســـــــــــــــى

شكرا يا مستر صابر على الكلام الجميل ده

زائر

بصى بوكى طول مانتى بتقولى ان الحب وهم يبقى لسهمتعلمتيش ومسيرك تتعلمى ان الحب هو الحقيقه الواحد

وموجود حتى ولو كان بقله بس موجود وبعدين مش لازم اعيش الحاجه علشان احسها انا بحس الاحساس وبعيش المشكله حتى ولو مش جربتها قبل كده

وبعدين انا مفيش حاجه فى الدنيا مش جربتها ومرسى ليكى وبعد كده خلى بالك فى اختياراتك

حنين انا مبسوط اللى انتى متفائله اوى كده

بس اشك انك كده فعلا بصى ساعات الدنيا بتقفل بجد ولو ادت لحد ظهرها مش بترجع تبصلوه تانى بسهوله

الدنيا اكبر من ان اى حد يتحداها ممكن تسيسيها اه تحولى تخطفى لحظات حلوه ممكن بس تمشيها زى مانتى عايزه nooooooooooo

ولو مصممه على كلامك يبقى انت لسه مش دخلتى امتحان بجد واتمنى انك متمريش بأى امتحان

وخلى الكلمه دى فى زاكرتك ولما نشوف

اذا فرحت يوما كثيرا فاعلم ان مخزون السعادة قد قل

saber cupoo

اكيد عندك حق عموما ميرسى اوى.

زائر

انا اللى سعيد بالنقاش معاكى

ومرسى لكل اللى رد وناقشنى

cupoo

ياكابو
يا أخى ويا أختى
التشائم والحزن مش للدرجه دى .. وصدقنى ياكابو كل الظروف اللى انت بتعيشها وكلنا بنعيشها فى السن ده بتتغير وهايبقى الحال تمام .
انتم لسه فى عز شبابكم بلاش نبرة اليأس دى
فيه حب
وفيه صداقة
وفيه دين
وفيه أهل
وفيه وطن مهما كان فيه مشاكل
والرزق والعمر من عند ربنا يبقى مافيش داعى لليأس
كلنا وقعنا فى مشاكل وفشلنا ونجحنا والحمد لله
بس الصبر ياجماعة والمحاولة
لو حب فشل أكيد ماكانش فيه خير للشخص .. ولو فيه ربنا هاييسر له الأسباب علشان مايفشلش
لو فرصة عمل راحت .. مش رزقك دى رزق واحد تانى ممكن يكون أقل مفاءة منك بس الأسباب .
لو صديق خان .. فيه صديق وفى
لو حد أهانك .. فيه ألف واحد بيحترمك وانت تكون الأقوى والأكبر بإنك تترفع عن التعامل بالمثل بشرط أخذ الحق بالعدل .

كل واحد ف بداية حياته بيقابل حاجات ياما .
واحنا ف بدية حياتنا دايماً نشوف كل شئ بنحبه وعاوزينه هو كل الحياة
وفى النهاية نلاقى إن الدنيا بتمر عادى جداً وتنجح .
يارب تنجحوا كلكلم بطلو حزن وانتم فى عز شبابكم والله خوفتونى أنزل مصر .وحاسس إن مصر مشيت من مكانها .
إضحك ياكابو من فضلك
أيوه كويس كده

زائر

hahahahaha

انا مش اقدر ارفضلك لحضرتك طلب ادينى بقى بضحك اهه

بس المشكله مش مشكله سن هى مشكله ظروف مش اكتر او ممكن تقول حظوظ انا مش حكايه مش راضى بالمقسوم ولا حاجه بس بجد انا عاندى حاجات كتير اوى مخليانى عارف ان هى اولها زى اخرها

يعنى بصى شفت قدام عينى نماذج والله بجد بيعيش غير سعيد وبيصبر وبيستحمل وقليل اوى لما بيفرح ورغم كده بيموت برده وهو مأخدش نصيبه من السعاده متسألنيش ليه وازاى وتقولى هياخد نصيبه وحظه ربنا شيل هوله فى الاخره اوكى يمكن الكلام ده صح دا ان مكنش اكيد بس ليه

ليه ماشيه كده ليه كل ماتجرى ورا الدنيا بجد واخلاص بتهرب منك ؟؟؟؟؟

والله بجد مبتسكتش عنك الا لما تحس انك بتقولها خلاص انا كده تمام وكمان هنزل تانى ومش هحاول ارفع نفسى تسيبك بقى وتشوف غير لكن هتقاوم هتلاقيها بتحارب برده دى مش قاعده بتعمم على الكل

تعرف انا هحكى الكلام ده لاول مره تقدر تطبق 3 او 4 ايام من غير نوم ولما بقى تيجى تنام بعد كده كبيرك اوى برده 4 او 5 ساعات بس واطبق غيرهم وانزل اشتغل لو فى شغل ةعادى

انا لدرجه انى مش عايز اضيع عمرى فى حاجه اسمها نوم بقول انا لازم اعمل كل حاجه ولا اخضع لسيطره اى غريزه بمشى مع الدنيا عكس فى كل حاجه هى بتفرضها عليا

وعلى فكره بقى انا بقالى فتره مش بشوف فيها فتره من الظهر للعصر اوى يعنى فتره سطوع الشمس الجامد مش بشوف النهار خلاص انا كمان تحس انى بقيت متعود على كده

هو اكيد فى حب وانا مؤمن بى اوى بس هو حاليا غايب من حياتى بس انا بقول ديما انى لو مش بحب حد يكفينى حب الحب
وفى صداقه بس يمكن اكون انا مقصر معاهم لانى مش عايز كل ماقعد معاهم حد يسألنى مالك ومش مالك فبشترى دماغى وبقلل من مكقابلاتى معاهم وبصراحه انا بقيت امل من قعدات الصحاب مع انى بحبهم بس بقيت بزهق لواحدك افضل

وطبعا فى دين وهو اساس الدنيا والخره ولو مفيش دين كان زمانكم عزيتوا فيا من حوالى قرن هههههههههه

بس اهل لا اعتقد مفيش حاجه اسمها اهل فى مصلحه فى انانيه فى حقد فى غيره فى نكران للجميل فىجفاء فى قله اصل ياااااااه فى حاجات كتير بالنسبه ليا انا يمكن الباقى يختلف معايا فى كده بس هو ده اللى عندى انا

ووطن لا ارى اى وطن ههههه وطن ايه يأستاذى الله يلعن دا وطن ودى بلد المهم

وحكايه رزق دى لحد دلوقتى بحمد ربنا على الصحه ودى تكفينى اوى على الاقل غنيانى انى امد ايدى لاى حد

وقصه الاحترام بقى دى قصه يعنى انت محترم طول مانت بعيد عن الشغل الشغل ده بحس انه قمه المزله والاهانه فى الشغل لانك بتخضع لقوانين وبتتحط تحت سيطره الاخرين اللى اغلبهم بيبقى معقد والله بتروح نفسيتك مااااااااينس مليون

وفى نفس الوقت مش ينفع ميبقاش فى شغل هتعيش منين يبقى لازم تبقى..........

انا معاك فى حاجات كتير اوى موجوده بس احب الفت نظر حضرتك ان فى حاجات لما بتكون مش معاك او انت مفتقدها
بتفقدك جمال كل حاجه فاهمنى

يعنى انا مثلا عندى وعندى الخ......... بس ممكن حاجات مش حد يمكن يكون بيحسها بتمرر حياتك وبتخليك توصل لمراحل ابعد من كده

هو حضرتك مش بتسمع عن حالات الانتحار يعنى تتخيل حضرتك الناس دى مش فى يوم من الايام كانت بتضحك وبتلعب وبتحب وليها دين وكل حاجه اكيد ده كله كان موجود

ايه اللى فى لحظه يخليه يتخلى عن ده كله ؟؟؟؟؟؟

مش تقولى بقى غياب الدين والكلام ده هو طبعا من الاسباب الاولى والرئيسيه طبعا بينعدم الدين عنده فى اللحظه دى بس انا بتكلم فى نقطه اللى هيا الحاله النفسيه والضغوط اللى خليته متخيل انه كده هيستريح اوا او انت متخيل مدى انه خلاص كرهه نفسه بالطريقه دى
مش عارف اوصف بصراحه الموضوع بجد والله مش حوار ممكن يخلص فى كلمتين لاء الحوار بجد انا بحاول اليومين دول اعمل فى بحث بمساعده ناس بالاستعانه بالنت وبعض الكتب وكمان دارسين علم نفس ويارب اطلع بنتيجه نستفاد منها كلنا وارجو مشاركه باقى الاعضاء

وزمرسى اوى لحضرتك

the great cupoo

ياااااه ايه ده كله

انا مش معااك في حاجات كتييير اوي

بس ده ابتلاء من ربنا ممكن يبتلي بيه انسان في

الدنيا عشان يعرف مقدار صبره ومنقدرش نقول غير

الحمد لله ومحدش عارف اكيد الجاي احسن

زائر

حاجات ايه اللى انتى مش معايا فيها زى أيه يعنى ؟؟؟؟؟؟؟

وطبعا الحمد لله انا فلت اللى انا راضى بأى حاجه

ومين قالك ان الجاى احسن انتى مش ساعات بتشوفى حد بيعيش وبيموت برده مش يعرف غير الحزن

فين الامتحان بقى؟؟؟؟؟؟؟؟

the great cupoo

مفيش حد بيعيش ويموت من غير ميشوف غير الحزن

اكيد يعني هتبقي فيه ايام حلوه حتي لو قليله

واوقات كتير الانسان مبيديش لنفسه فرصه يفرح

فيه ناس اتعودت علي النكد حتي في افراحهم تلاقيهم

بيبكو وده فعلا ابتلاء لو انت مؤمن هتقدر تتغلب علي حزنك

وتحول حياتك كلها دور علي اي حاجه تخليك حابب الحياه

واتمسك بيها

» عليه العوض .................!!!
» عليه الطلاق !
» صلى الله عليه وسلم
» الشعب المفترى عليه
» قصة سيدنا آدم عليه السلام