مهزله واساءه لاسم مصر... مش كفايه جوه مصر يا ابراهيم ....

السلام عليكم ورحمه الله وبركاته ...

اليوم كان فريق المصرى يؤدى مباره العوده مع فريق بجايه الجزائرى

فى دوره مستحدثه هى دوره شمال افريقيا المصرى ربح فى الذهاب بهدف نظيف

وخسر هناك فى بجايه وخرج من البطوله .. لحد الان مفيش مشكله ...؟؟

المصرى يخسر بره ايه المشكله.... ماهو بيخسر كتيييييير جوه ..

يطلع من دوره شمال افريقيا .... يعنى هو طلع من كأس العالم للانديه ...

المشكله فى لاعب ومدرب بجد الواحد مش عارف يقول عليه ايه ..

اسمه ابراهيم حسن ... بجد اخلاق زى (...) وتصرفات غريبه جدااااا

تسيىء لاسم مصر قبل اسمه .. بعد المباراه تعدى بالضرب ..

بالضرب على الحكم الرابع للمباراه

الدولى الجزائرى الرائع جمال حيمودى

الذى ادار النهائى الافريقي بين الاهلى والقطن ...

وكمان مش كفايه ضرب لا وكمان بصق على الحكم الرئيسى منتهى قله (...)

وكمان التصرفات المشينه ..

انا هسيبكم مع الكليب بتاع المشكله

وبجد مش عارف ازاى لاعب كبير زى ده ممكن يطلع منه كل ده

وبالمناسبه المعلق على الفيديو معلق جزائرى لذلك

فهو تصور ان الذى يفعل كل ذلك هو حسام لقرب الشبه بين حسام وابراهيم

لكن الذى فعل كل هذه المهزله هو ابراهيم حسن ..

والان مع الفيديو .....

شاهد المهزله ...؟؟؟؟!!!

مش عارف اقول ايه بس الحقيقة انا للاسف عنصري لا بحب الجزائر ولا بطيق اي واحد فيها
وياما لاعيبه جزائريين قلوا ادبهم عندنا في مصر
رغم ان ابراهيم قليل الادب بس والله برافو عليه عرفهم انهم ولا حاجة

ههههههههههههه

عادي
ده ابراهيم حسن
ده قضي نص حياته ايقافات بسبب قلة ادبه

AhMeD كتب:: مش عارف اقول ايه بس الحقيقة انا للاسف عنصري لا بحب الجزائر ولا بطيق اي واحد فيها
وياما لاعيبه جزائريين قلوا ادبهم عندنا في مصر
رغم ان ابراهيم قليل الادب بس والله برافو عليه عرفهم انهم ولا حاجة

والله كنت هقوب نفس الكلام

دول بيكرهونا جدا ده لوفريق من عندنا راح يلعب معاهم كأن فريق اسرئيلى هو اللى بيلعب معاهم

فاكر تصفيات كأس العالم 2002

ده كأنه أسرائيل اللى كانت بتقابلهم مش مصر دول بهدلونا وضربونا وخرجونا من التصفيات من الرعب اللى كانوا

عاملينوا للعيبه علشان كده عماره حط الكوره بره الجون ههههههههههههه

برافوا عليك ياابراهيم

زائر

والله كانت حاجه تكسف امبارح
بس دا مش غريب على ابراهيم حسن زى ما الكل قال

بس هو كده هان اسم مصر
كان ممكن يعرفهم هما مين فعلا بأداء فريقه المتميز وبفوزه عليهم مش
بالتعدى عليهم بالضرب والالفاظ

والله يعني مش حاجة غريبة علي الوسط الرياضي
كله يعمل اللي علي مزاجه في مصر
الاعلام بيعمل اللي هو عاوزه
ويرفع اللي هو عاوزه وينزل اللي هو عاوزه
واللي يهاجم يهاجم باي كلام محدش يقوله حاجة
زي الانسان المحترم جدا علاء صادق
اللي يسب الحكم بوالدته وعامله فيها بيصلح اخطاء الاخرين
مستر جوزيه يعترض لاي خطا تحكيمي في مصر
انما في اليابان يتلغي هدف رغم اني معرفش اذا كان القرار صحيح ولا لا
نلاقيه قام وثار علي الحكام لانه في مصر انما اليابان عادي جدا
مش عايزين ابراهيم يعمل كدة
بس انا فرحان باللي عمله علشان خاطر الجزائر

أنا ضد رد الأساءة بالمثل

ولازم نعترف أن ابراهيم وحسام

اسوء أخلاق رياضية في تاريخ اللعبة

وبغض النظر عن تاريخهم في اللعبة

هذا ذنب لايغتفر

والعلم إن لم تكتنفه شمائلُ تُعليه كان مطية الأخفاق

لاتحسبن العلم ينفع وحده مالم يُتوج ربه بخلاق

انا شوفت الفيديو والله الواحد مش عارف يقول ايه
بقى ده كان فى يوم من الايام عميد لاعبى العالم

قرر نادي المصري البورسعيدي المنافس في الدوري المصري الممتاز لكرة القدم اليوم الأحد إقالة التوأم حسام حسن وإبراهيم حسن من منصبي المدير الفني ومدير الكرة بالنادي.

جاء ذلك عقب اجتماع مجلس إدارة النادي اليوم لمناقشة الإجراءات اللازمة تجاه سلوك التوأم خلال مباراة الفريق أمام شبيبة بجاية الجزائري أمس الأول الجمعة في بطولة كأس اتحاد شمال أفريقيا للأندية.

كذلك قرر النادي إقالة طارق السعيد مدرب الفريق وحماده الجابري مدير الفريق.

وانتهت مباراة الإياب بفوز شبيبة بجاية 2/صفر بينما كانت مباراة الذهاب قد انتهت بفوز المصري 1/صفر في بورسعيد.

وكان مجلس إدارة الإتحاد المصري لكرة القدم قرر إيقاف حسام حسن وإبراهيم حسن وإحالتهما للتحقيق بمعرفة المستشار القانوني للاتحاد لما بدر منهما خلال مباراة المصري أمام شبيبة بجاية.

وذكر بيان صدر عن الاتحاد مساء أمس السبت أن مجلس الإدارة طلب استعجال تقرير حكام ومراقبي المباراة عن طريق اتحاد شمال أفريقيا لكرة القدم مشيرا إلى أن ذلك يأتي من منطلق حرص الإتحاد المصري على قوة ومتانة العلاقات بين مصر والجزائر وعدم الموافقة على "الخروج عن الأعراف الرياضية السمحة".

وأضاف البيان أن اتحاد الكرة "اتخذ قراره بعد متابعة متأنية لمباراة الإياب بين فريقي شبيبة بجاية والمصري البورسعيدي والتي أقيمت بالعاصمة الجزائر وما بدر خلالها من أفعال غير مسئولة صادرة عن حسام وإبراهيم حسن تجاه حكام المباراة وما نتج عنها من أفعال داخل الملعب وأمام الجماهير الجزائرية بشكل خاص والرأي العام العربي بشكل عام والتي لا تليق بالروح الرياضية والعلاقات الطيبة بين المنتخبين العربيين الشقيقين.

الاستاذ احمد:
وأضاف البيان أن اتحاد الكرة "اتخذ قراره بعد
متابعة متأنية لمباراة الإياب بين فريقي شبيبة بجاية والمصري البورسعيدي
والتي أقيمت بالعاصمة الجزائر وما بدر خلالها من أفعال غير مسئولة صادرة
عن حسام وإبراهيم حسن تجاه حكام المباراة وما نتج عنها من أفعال داخل
الملعب وأمام الجماهير الجزائرية بشكل خاص والرأي العام العربي بشكل عام
والتي لا تليق بالروح الرياضية والعلاقات الطيبة بين المنتخبين العربيين
الشقيقين.

طبعا قرار ايجابي من اتحاد الكرة المصري ومبادرة طيبه للعلاقة بين البلدين العربيين الشقيقين
ولكن استعراض لكل المباريات التي جرت بين المنتخبين تجد ان المنتخب المصري يقع تحت ضغوط واررهاب شديد
وهذا ليس علي مستوي دوله الجزائر فقط وانما معظم الدول العربية
داخل قارة افريقيا (تونس المغرب الجزائر )
ويكفي يوم التعادل مع زامبيا في بطولة 2008
هلل التليفزيون التونسي وكانه هو الذي فاز علي منتخبنا
هذا حالنا اقتصاديا سياسيا وحتي رياضيا
اتمني ان هذا القرار يحدث تغير لهذه الدول تجاه الفرق والمنتخبات المصري
رغم اني بعشق حسام حسن كتاريخ لاعب
من وجهة نظري افضل تاريخ في مصر في اللعبة
والشعبية والولاء والانتماء للنادي الذي يلعب له
والحماس الذي كان يظهر به
ولكنه لايصلح مدرب بسبب انفلات اعصابه
وخرجه عن النص

على فكرة ده عادى بالنسبة لابراهيم حسن على طول عصبى ومبيقدرش يتحكم فى اعصابة

لكن انا سمعته فى برنامج 90 دقيقة بيقول انهم (شتموا مصر بالاسم هناك) وده اللى اثاره

للدرجة اللى احنا شوفناها دى

انا كنت ضدد ابراهيم حسن
بس بعد اللي سمعته وشوفته في ماتش الاسماعيلي
لا انا معاه
وكان لازم يضربهم بالجزمة
شعب همجي زيه زي الشعوب العربية كلها

اه هو قل ادبه بس اللي عماوه مش شوية

يلا اهو الاسماعيلي ظبطهم

انا فاكر كان في ماتش لمصر بتاع تصفيات كاس العالم 2002
كانوا بيحدفوا اتوبيس اللاعبين بأكياس فيها بول

يعني قمة القذارة وقلة الادب

الناس دى ماينفعش معاها غير كده

بجد بيكرهونا اكتر من أسرائيل

وهتشوفوا فى ماتش المنتخب اللى جاى هيحصل ايه

انا من يوم ما شوفتهم بيحرقوا علم مصر غير الشتايم اللي في حقنا وانا كان نفسي حد يديهم بالجزمة
ويستاهلوا اكتر من كده بكتير وماينفعش نعيب في حد مننا عشان شعب زي ده

يا جماعة دا الفرق والمنتخبات المصريه لما بتروح تلعب برة مع الدول الافريقيه
ما بتقلقش زي ما بتكون هتلعي في الجزائر او اي دوله عربية تاني
احنا كدا بنستقواش غير علي بعض
واكبر مثال نهائي افريقيا مع الاهلي المصري والقطن الكاميروني
ما سمعناش ان جماهير القطن الكاميروني ضربت او سبت الاهلي ولعيبته
ولا يمكن علشان بيكلموش عربي
صحيح اللي عمله ابراهيم غلط بس الناس دي ما ينفعش معاها غير كدة

يارجل ده الأخضر باللومى عمل عاهه مستديمه لطبيب مصرى

فى ماتش تصفيات 90 وهنا فى مصر على أرضنا

اينعم هو حاليا ممنوع من السفر بره الجزائر

بس علشان تعرفوا ان احنا هفايا وبننضرب على ارضنا

العميد يفتح النار على اتحاد الكرة ويؤكد أن شوبير يحاربه

[ندعوك للتسجيل في المنتدى أو التعريف بنفسك لمعاينة هذه الصورة]

فتح حسام حسن المدير الفني السابق
للمصري النار على مسؤولي اتحاد الكرة بصفة عامة وأحمد شوبير نائب ئيس
الاتحاد السابق بصفة خاصة بعد قرار إيقافه لأجل غير مسمى مع توأمه إبراهيم
بسبب أحداث لقاء المصري مع شبيبة بجاية الجزائري وهو ما تسبب في إقالتهما
من تدريب المصري.

وقال حسام حسن في تصريحات لبرنامج "الرياضة اليوم" إن ما فعله إبراهيم حسن
في لقاء بجاية كان صحيحا لأنه جاء من نازع وطني للدفاع عن لاعبين مصريين
والدفاع عن كرامة مصر بصفة عامة والتي تم اهانتها في الجزائر.

وأضاف "إبراهيم كان يدافع عن لاعبي المصري الذين كان من الممكن أن يتعرضوا
لإصابات بالغة من جراء الصواريخ النارية التي تم قذفها من جماهير الجزائر،
وكان من المفترض أن يتم عمل تمثال لإبراهيم في مصر بسبب شجاعته وموقفه
الشجاع بدلا من إيقافه".

واندهش حسام من قرار إيقافه من قبل اتحاد الكرة رغم أنه لم يشارك في الأحداث أثناء اللقاء والتي شارك فيها إبراهيم بمفرده.

وهاجم العميد اتحاد الكرة بعنف قائلا: "مفيش راجل في اتحاد الكرة يقدر يهز
حسام وابراهيم، واللي على راسه بطحة يحسس عليها، واتحاد الكرة لا يعنيني
في شىء".

وأشار حسام إلى أن اتحاد الكرة لم يتدخل من قبل في أزمات أثارها لاعبي
الأهلي في بطولة دوري أبطال إفريقيا، ولاعبي الزمالك في دوري أبطال العرب
أمام الصفاقسي، ولاعبي حرس الحدود في كأس الكونفيدرالية، وأكد أنه ليس له
علاقة بالبطولات الخارجية "طيب اشمعنى دلوقتي اتدخلوا وأخدوا قرار بايقافي
أنا وإبراهيم".

وأضاف أن اتحاد الكرة لا يكيل بمكيالين فقط ولكنه يكيل بعشرين مكيال "مكيال للأهلي وآخر للزمالك وثالث لإنبي وما إلى ذلك".

وأكد حسام أن أحمد شوبير نائب رئيس الاتحاد السابق له دور كبير في قرار إيقافه وكان عامل أساسي في اتخاذ هذا القرار.

وقال لاعب الأهلي والزمالك السابق إن التوأم تعرض لحرب كبير طوال مشواره الكروي.

وشدد حسام حسن على وجود فساد كبير في الرياضة المصرية بصفة عامة وكرة
القدم بصفة خاصة وأن اتحاد الكرة يراضي بعض الأندية الكبيرة ويمنح رؤوساء
الأندية أموالا لكي يضمن أصواتهم في الانتخابات.

وقال إن التوام أعطى لمصر الكثير وسيظل يعطي في مجال الرياضة وأنهم ليس
مثل ناس آخرين "بيتشعبطوا في أي حاجة .. رياضة .. لإعلام .. لإدارة ..
سياسة ".

وأكد ان اتحاد الكرة ينتظر أي خطأ للتوأم لكي يضخمه ويتخذ ضدهم عقوبات من خلال التليفونات.

واختتم العميد حديثه قائلا: "أنا باقول لزاهر .. وباقول لشوبير .. ولمجدي
عبد الغني .. وأيمن يونس إن أنا مبقتش مدرب بس هفضل أحارب الفساد من خلال
وسائل الإعلام وهاكشف الحقايق كاملة لجماهير مصر".

بحبك يا حسام وانت ياأبراهيم مهما حصل flower

مدير فنى يتشتم عادى جمهور متعصب

لاعيبه تتشتم برده عادى جمهور متعصب

لاعيبه تتحدف بصواريخ والعاب ناريه برده عادى جدا

فى 80 مليون غيرهم فى مصر

طيب مصر تتشتم وتتهان هل ده عادى!؟

لا طبعا مش عادى لازم نوقف التوأم علشان دافعوا عنها

اتحاد الكره الغير محترم.........شكرا

كنت فين ايها الأتحاد

كنت فين فى 90 لما الأخضر باللومى عمل عاهه مستديمه لطبيب مصرى وفى مصر

كنت فين 2002 لما انضربنا من الجزائر وخدنا على قفانا وخرجنا من التصفيات

كنت فين فى ليبيا لما ضربوا منتخب الكره الخماسيه

كنت فين 2008 لما قناه تونسيه اقامت الليالى الملاح لما أتعادلنا مع زامبيا

وأخيرا كنت فين لما مصر اتشتمت وأتهانت

أه صحيح انا نسيت أنك قولت ماليش دعوه بالبطولات الخارجيه

فى كلمه جميله وبسمعها على طول على لسان المنافق علاء صادق كان بيقولها على طول للحكام

ولكن المره دى انا اللى هقولها

يأتحاد رائحتك وحشه

أتحاد ملىء بالمنافقين

وسط رياضى ملىء بالفساد

دوله مليئه بالخونه والدلاديل وعدمات الكرامه

افتخر ايها التوأم انكم مصريين

وافتخرى يامصر أنهم مصريين

انا بطالب صاحب الموضوع بتغير اسم الموضوع اللى

افتخرى يامصر.............التوأم ردولك كرامتك

فعلا اخر الرجال المحترمين

أخر الرجال الوطنيين

:بقبث: بحبك ياحسام وانت ياابراهيم:بقبث:

طب ياريت يااحمد نعرف ايه السبب اللى خلاهم يعملوا كدة
علشان نرد رد يتضمن الحيادية

» حوار مع الأديب الصحفي الكبير ابراهيم خليل ابراهيم
» أ/ابراهيم خليل ابراهيم.....مرحبا بك...والله نورتنا
» أ/ ابراهيم خليل ابراهيم كل سنة وحضرتك طيب
» كفايه بقى يا شيخ ( ة ) متجدد ..
» ثوره كفايه على المنتدى