ثوره كفايه على المنتدى

الله يمسيك بالخير يا منتدى العمار انا زمان كنت بسمع عن المنتدى انه كله حب وتعاون وكنت بدخل بعضويه عمرو اتفرج على صوركم وانتوا بتلاعبوا كوره وبتقوموا بمهرجانات وحفلات وتحكوا مواقف جميله ما بنكم والبنات تدخل تقول شعر والشباب يطرحوا الموضيع الجمليه وعمرى ما شفت اسوء من الايام ديه على المنتدى الناس الكبيره فين اللى كانوا عاملين روح للمنتدى والمنتدى بقى من غيرهم محل صراع ونزاع من اللى يحكم ومين اللى يتريس على مين فين الدكتور ايهاب فين الاستاذ محمود عبد الفتاح فين ورده بلادى واسيره الاحلام ومحمد صلاح هلال واجمد مهندس وعمرو اماموبنت العمار وبوكى والطير الباكى احمد زغلول حنين هند طلعت وفين وفين الناس الجميله اللى كانت بتعمل فى صمت دون جدال وخناق ديه كلها راحت فين يا جماعه المنتدى ده لو فضل على الوضع محدش هيدخله انتوا مش ملاحظين ان 4000 عضو اللى الناس بتتكلم عنهم دول بيدخل منهم كام عضو ايه الصمت الرهيب ده هى ديه العمار بعد ثوره 25 فعلا بقت اسوء واسوء اللى عايز يعمل حاجه يعملها من غير النقد الغريب ده اظن ان الناس كلها فاهمه بعضها بس الاغراب اننا مش عايز نفهم غير نفسنا ولا نسمع صوت غير صوتنا خلاص احنا ممكن نعمل منتدي تانى الناس اللى معترضه تمشيه زى ما هى عايزه احنا عايزين المنتدى يرجع زى الاول واكبر دليل كلامى المنتدى بقى خاص للافراد معينين بعد ما كان مصدر قوه مبقاش حد طايق يدخله و بجد اللى بيحب المصلحه العامه فعلا دون اى مصالح شخصيه نقوله كفايه ضغوط نفسيه بقى على المنتدى وخلونا بقى نرجع زى الاول نتعرف على بعض بحب واحترام وياريت بقى محدش يطلع يقولى انتى تقصدى ايه بالكلام ده انا كلامى واضح وصريح معلش انا جريئه شويه بس بجد فعلا كتيييييييييير قوى اللى بيحصل ده اللى خايف يتكلم يخسر حد من اصحابه ولا من اقاريبه واللى بيجامل واللى عايز يبين ان فلان ده منافق وكداب وتابع للغير بالله عليكم كل واحد يشوف عيوب نفسه الاول قبل ما يتكلم ولما تبقى فعلا تحس انك بقيت ملاك ابقى انصح غيرك انا مش عارفه احنا هنستفيد ايه لما نشوه صورتنا كلنا والناس اللى عايزه تحترم نفسها ومتتدخلش فى جدال ملهوش اول من اخر مبقتش تدخل واللى بيحاول يسخن فلان على فلان وللاسفالبعض ساب نفسه للى بيتكلم احسن ونبطل بقى نقول انت عملت ايه وانا عملت ايه انا شاركت وانت ماشركتش شوف انت عملت ايه وانا عملت ايه انا بتكلم احسن منك اللى بيعمل بيعمل لوجه الله دون مقابل ومش منتظر شكر من احد واذا كان المنتدى ده نجح هنجح بكل الاعضاء وبلاش نخسر اكتر من كدا انا متوقعه اى حاجه طبعا من الكلام اللى انا كتيته بس هو ده رائى ومكنتش هنام من غير ما اقوله ولكم منى جزيل الشكر

مروة كلام ترفع له القبعة بجد.
انا مش بجامل علشان مروة صحبتى لا والله.
كل الحكاية ان فعلا الفترة السابقة ودلوقتى ,فيه اشخاص بدئوا يلخبطوا الدنيا ,
ومحدش يقول بنت العمار منافقة اول مادخلت المنتدى كانت عمالة تقول المنتدى جامد ورائع ومفيش احسن من كدا وملياااااااان بالعقول الكويسة, انا مازال دا رايي والله ,
بس المشكلة ان انا لما تعمقت كويس فى المنتدى وعرفت افرق بين الكويس والوحش فى الاراء, ودا طبعا من نظرتى للكلام يعنى مش شرط يكون الكلام وحش ومش شرط يكون حلو,
المهم,
انا زى ما بقولكو اكتشفت ان فيه فئة من الناس فى المنتدى وللاسف من الادارة , كل الى يهمهم كلمات متشابهة فى المعنى زى:
انا هعمل كذا لو عملت كذا , انا همسح الموضوع الفلانى,انا الى اقول يمشى ولا لا,انا الى امسح عضوية علشان انا حاسس انها مش كويسة,انا ادخل بكام اشتراك واقول رايي المنافق باسمى الحقيقى واقول الراى الحقيقى فى الاشتراك الى بنيك نام يعنى مش اسمى.الخ الخ........
وكلنا عارفين الكلام دا وساكتين لان الاشخاص دى رغم عيوبهم دى الى انا قولتها دلوقتى ,بس بامانة الحق يتقال هما ممشين المنتدى ظاهريا كويس جدا لكن داخليا هما عايزين يصالحوا نفسهم الاول وبعدين يشوفوا الناس زعلانة منهم فى ايه.
اه على فكرةالاشخاص دى مش فى الادارة بس لا , من الاعضاء الى فى المنتدى (اعضاء العيار التقيل,,انتو فهمين),
وتوضيحا علشان مش اكون بوشين انا الناس دى عارفة كويس على المستوى الشخصى مع الناس انهم محترمين جدا بس ميصلحوش يبقوافى.........الواجهة.
انا متاسفة اذا كان كلامى هيدايق حد بس لازم اقول دا.
وعلى فكرة يا مروة دا مبداى ولو رجعتى لاول موضوع ليا هتلاقى ان موضوعك هو مبداى الى ماشية عليه.
معلش طولت عليكو.
تحياتى
bent el_3amar,,,,,,,

كلام جميل


والرد عليه - لتعرفوا الحقائق كاملة -

بعد المؤتمر إن شاء الله

وبعدها

كل واحد يحكم عقله


ويحكم على الخطإ والصواب بنفسه

فقد اكتفينا من أن تلصق التهم بمن ليس لهم فى الطور ولا فى الطحين .. وقد اكتفينا من تسييس الأمور .

أما عن الحادث فى المنتدى أو فى مصر كلها فهذا كله مردود طبيعى للثورة وسيهدأ التوتر ككل خلال فترة وجيزة إن شاء الله


( تأكدوا أن عجز البعض عن المواجهة والحسم هو سبب كل المشاكل
ونلتقى بعد الفاصل )

متشكره ليكى يا بنت العمار وطبعا كلامك بيدل ان بنات العمار اللى ناوين يغييروا اوضع كتيره وعايزين يخرجوا من حصار كلام الناس اللى ملهوش نهايه واللى اعجبنى اكتر ان اول حد رد عليه هى بنت زى وزى ما اتفقنا اننا رغم اللى هنعمله هنواجه ردود فعل صعبه بس مدام عايزين نعمل مش هيهمنا كلام حد وهنستمر فى طريقنا مهما كانت النتيجه

سميح عزت الهيو كتب:

كلام جميل


والرد عليه - لتعرفوا الحقائق كاملة -

بعد المؤتمر إن شاء الله

وبعدها

كل واحد يحكم عقله


ويحكم على الخطإ والصواب بنفسه

فقد اكتفينا من أن تلصق التهم بمن ليس لهم فى الطور ولا فى الطحين .. وقد اكتفينا من تسييس الأمور .

أما عن الحادث فى المنتدى أو فى مصر كلها فهذا كله مردود طبيعى للثورة وسيهدأ التوتر ككل خلال فترة وجيزة إن شاء الله


( تأكدوا أن عجز البعض عن المواجهة والحسم هو سبب كل المشاكل
ونلتقى بعد الفاصل )

متشكره جدا لحضرتك يا استاذ سميح

بس ليه حضرتك مصصم ندخل فى حوار المؤتمر والانتخابات يا استاذ سميح انا كلام هنا عن المنتدى والاشخاص اللى مصممه توصل المنتدى انه يتقفل نهائيا
ولو سمحتلى توضيح بس لكلامك مين اللى بيلصق تهم ومين اللى ملهوش فى الطور ولا فى الطحين ليه حضرتك عايز تقلل من مستوى تفكير الاشخاص اللى تقصدهم
وحتى ولو اكون انا يا استاذ سميح انا لاحظت رودد حضرتك فى اكتر من موضوع بس للاسف حضرتك عايز الناس كلها توصل لمستوى تفكيرك وليه حضرتك ماتنزلش لينا شويه عشان نقدر نوصل لفكر واحد بدل ما احنا بنجادل فى بعض وعايزين نقسمها احزاب ولكم منى جزيل الشكر

حنين كتب:

يا جماعة كلام مروة مجرد إسترجاع لروح جميلة كانت ولا تزال فى منتدى شباب العمار

بعيدا عن أى خلافات وغيره

وكنت هبقى مرتاحة لو كانت مروة كتبت بدون إشارة لأى مشاكل

لأننا عاهدنا الله كرابطة بنات العمار إننا منكتبش حرف واحد فى أى موضوع

أو خلاف من شأنه يثير الزعل والاحتقان وملناش أى علاقة بأى خلافات

لأن البعد عن كل ده أكبر غنيمة للبلد ولينا

دى دعوة للحب والتفائل والتصافى مش أكتر

إحنا كلنا هنا أهل والله دايما بقول الكلمة دى كلنا فعلا أهل

وأظن كلمة أهل شاملة وعامة

خلينا ناخد روح الكلام ونسترجع ما كان بينا من ود وألفة وتصافى

لأن دايما استرجاع الشىء الجميل بيساعد كتييييييييير

وصباحكم نادى

كلام جميل يا أخت حنين

بس زى ما انتم اتفقتم كده

ياريت توضحى للجميع ما حدش يعرض بأى رأى أو موضوع لينا
لأن فيه حاجات انتم مش عارفينها
افتحوا الموضعات اللى انتوا عايزينها
بس بلاش .. كل مانمشى خطوتين فى المنتدى . نلاقى كلام عن ناس بتعارض من أجل المعارضة
وكلام شايل بين سطوره كلام
انتى فاهمه قصدى كويس طبعا
من الآخر
خدو ساتر واشتغلوا زى ماتحبوا
علشان انا كمان قربت ازهق واحلل ردودكم وازهقكم
سيبونا احنا هانخلص موضوعنا ونلحق بيكم فى مواضيعكم الهادية

الأخت مروة
صباح الخير
غداً تغيرين نظرتك عندما تعرفين حقائق الأمور .

Baher Hokkam كتب:

اقتباس :

المهندس باهر صباح الخير

ياريت ترجع للخلف ورا كده كان ليا موضوع فيه مقترحات وصلبات انا طلبتها ومتحققش منها ولا حاجة وحاولت

انى الاقى الموضوع ده لانى كنت متوقع الهجوم الطبيعى عليا بس للاسف بقى عند حضراتكم انتو الادارة

عايزنى بعد ده كله اطلب تانى علشان احارب فى 100 جبهة انا مش مستعد ادخل فى حرب القوة فيها لجانب

واحد .

هفترض ان ده حصل
بعد الثورة كل حاجه اتغيرت

حاول مرة تانية وشوف الرد هيبقى ايه

اقتباس :

تانى هام اقترحت انا بإلغائه علشان الكلام اللى اتقال فى الموضوع ونحاول ندور على حل يرضى جميع الاطراف

طب وده اقتراح لحل مشكلة الناس اللي بتتكلم باسم المنتدى؟!
الراجل قال نلغيه بس اقترحوا

ياباشا دلوقتى انا كلامى فى موضوع الاخت مروة مش فى موضوع المتحدث الرسمى وكلامى كان عام لكن

كلام حضرتك بيقول كده انى بقول كلام ومش بطبقه وده تفسير خاطىْ لكلامى

ــــــــــــــــــــــــــــــــــــــــــــــــــــــــــــــــــــــــــــــــــــــ
حضرتك بتقول المنتدى اتغبر بعض الثورة

التغير بيبقى فعلى ومش بالكلام وبعدين الثورة اطاحت بالنظام وغيرته

الثورة عملت ايه فى المنتدى بقى ؟؟؟

شكرا

ارى انكى اختى الفاضله من حقك ان تغضبى وتثورى لما يحدث فالمشكله كبيرة فعلا
ولاكن فحوى هذه المشكله هيا ان حب الظهور الزى تملك بعض الناس ما ادى الى بعض التصرفات الخاطئه جعل بعض الناس يتهمون البعض بأشياء غريبه بسبب البعض فأدى هزا الى عزوف المجموعه الرائعه فى هزا المنتدى حفاظا على انفسهم مما تسبب فيه البعض
كما ان كثير من هل البلد ناوى يترشح للأنتخابات ومع احترامى الشديد للجميع كل فرد من المرشحين اصحابه وعائلته يدافعون عنه مما ادى الى عدم تقبل النقض فتحول الامر الى العصبيه العائليه


اشكر حضرتك جدا على ان احساس بالمشلكه انا كنت فقدت الامل والله انا فى حد ممكن يتجاوب معايا عشان نوصل بالمنتدى لبر الامان زى الاول

اما حكايه التعصب ديه انا مش مع حضرتك فيها عشلن ده مش مبرر احنا اتغيرنا ولازم العقول كمان تتغير وعلى العموم انا بتكلم عن نفسى انا لم اتعصب لاى مرشح مدام ما اقتنعتش بالبرنامج الانتخابى بتاعه ولسه قدمنا الوقت طويل نقدر نفهم الناس صح والراى الاول والاخير لاهل الدايره كلهم

مسعد النجار كتب:

تمنياتى بالتوفيق والسداد
ربنا يعين الجميع على فعل الخير
ويدرأ عنا الشر
شعور طيب يا اخت مروة وحس وطنى تجاه بلدك أشكرك عليه وياريت يكون موجود عند كل الناس
تحياتى

انا سعيده جدا بحضرتك يا استاذ مسعد وسعيده لمجرد ان حضرتك شرفتنى رغم انى معرفش حضرتك كويس

ومش هنتكلم فى اى حاجه وممكن نقول عفا الله عما سلف واحترام فى حضرتك عقلك الكبير واحتوائك للمواقف اللى زى ديه وياريت حضرتك تساعدنا اننا نرجع زى الاول

[quote="عمرو البكرى"][center]الى كل من يحب شباب العمار

الى كل شخص ينتمى لشباب العمار

الى كل أخ فى شباب العمار

الى كل أخت فى شبا ب العمار

احنا عايزين مبيقاش كل همنا طرح المشكلة بس وكده شكرا عملنا اللى علينا لا لازم نقدم

افكار وحلول المشكلة لاننا كلنا أفكار فطالما وصلنا ان فيه مشكلة فمن السهل نوصل للحل

انا مع كلام الاخت مروة فى طرح المشكلة ولكن لابد ايضا تقديم حلول لارتقاء المنتدى .

ـــــــــــــــــــــــــــــــــــــــــــــــــــــــــــــــــــ
على الهامش

كلامى للادارة

ياريت لما يكون فيه عضو عنده مشكلة او مطالب ياريت يتسمع ليها ولو متاح تتنفذ تتنفذ فورا

وبلاش المماطلة فى التنفيذ او العدول عنها نهائيا دون ارضاء صاحب المشكلة او المطلب


دمتم اخوة اعزاء وشباب واعى وفكر يتطلع دائما الى التقدم وتقديم كل ما هو جديد من

أجل الارتقاء بمنتدانا وبلدنا الجميل العمار


انا بشكر حضرتك جدا على احساس حضرتك بحجم المشكله واعتقد ان اقتراحك كويس جدا واضم صوتى لحضرتك للاداره

حنين كتب:

يا جماعة كلام مروة مجرد إسترجاع لروح جميلة كانت ولا تزال فى منتدى شباب العمار

بعيدا عن أى خلافات وغيره

وكنت هبقى مرتاحة لو كانت مروة كتبت بدون إشارة لأى مشاكل

لأننا عاهدنا الله كرابطة بنات العمار إننا منكتبش حرف واحد فى أى موضوع

أو خلاف من شأنه يثير الزعل والاحتقان وملناش أى علاقة بأى خلافات

لأن البعد عن كل ده أكبر غنيمة للبلد ولينا

دى دعوة للحب والتفائل والتصافى مش أكتر

إحنا كلنا هنا أهل والله دايما بقول الكلمة دى كلنا فعلا أهل

وأظن كلمة أهل شاملة وعامة

خلينا ناخد روح الكلام ونسترجع ما كان بينا من ود وألفة وتصافى

على يا حنين لم اشير الى اى مشكله انا كلام عام وبيما اننا رابطه بنات العمار لازم الاول نحافظ على كل حاجه حلوه فى العمار واولها المنتدى اللى عرفنى عليكى وعرفك عليه وقرب ناس كتير من بعضها فى نطاق حب واحترام


وطبعا موضوع الاهل ده اللى خلانى اتحمس نرجع تانى زى الاول واحسن


وشكرا ليكى يا حنين

[quote="سميح عزت الهيو"]

حنين كتب:

[center][color=Navy]

الأخت مروة
صباح الخير
غداً تغيرين نظرتك عندما تعرفين حقائق الأمور .

صباح النور يا استاذ سميح

اتمنى اننا كلنا نعرف حقائق الامور وبردوا فى الاخر محدش يزعل من حد وانا اتشرفت بمعرفه حضرتك وياريت بجد نوصل لنقطه تفاهم ورائى واحد

Baher Hokkam كتب:

اقتباس :

ياباشا دلوقتى انا كلامى فى موضوع الاخت مروة مش فى موضوع المتحدث الرسمى وكلامى كان عام لكن

جميل كلام عام نابع منك وانا كتبت كنت اتمنى انه يكون في موضوع سابق وحصل فيه مشاكل

اقتباس :

كلام حضرتك بيقول كده انى بقول كلام ومش بطبقه وده تفسير خاطىْ لكلامى

حضرتك نقدت بدون تقديم حلول ودلوقتي يتقول اللي ينقد يقول حلول
طب ايه الصح

ــــــــــــــــــــــــــــــــــــــــــــــــــــــــــــــــــــــــــــــــــــــ

اقتباس :

حضرتك بتقول المنتدى اتغبر بعض الثورة

انا مقلتش كده انا قلت كل حاجه اتغيرت
وجرب تاني بعد الثورة واحكم

اقتباس :

التغير بيبقى فعلى ومش بالكلام وبعدين الثورة اطاحت بالنظام وغيرته

الثورة عملت ايه فى المنتدى بقى ؟؟؟

عملت ان انا بتكلم معاك وبرد عليك وبشوف طلباتك وليه معترض وليه ناس زعلانه "حالة حوار"

لكن السؤال بقى ليك ولكل الناس هل الثورة غيرتنا كأشخاص؟
هل معنى ثورة ان اعترض على كل حاجه دون تقديم حلول؟

شكرا