قانون المرور وسياسة النصب والسرقه والزور

قانون المرور الجديد ده في رأي إتاوه أو ضريبه عملتها الدولة من تحت لتحت علشان تنصب عالمواطن الغلبان

وغير الغلبان أو تخلي الحراميه الفيزيتا بتاعتهم تغلى أكتر وبعض الفلوس دي تدخل في خزينة الدولة والجزء الأكبر في خزينة أمناء الشرطة والظباط معدومي الضمير أو الحرميه بمعنى أصح
بند من ضمن البنود المربحه جدا لقانون المرور وهو السير عكس الإتجاه اللي غرامته في القانون لا تقل عن ألف جنيه ولا تزيد عن 3 آلاف جنيه
نلاقي بقى إن الشوارع كلها اتحولت فجأة إلى شارع رايح والشارع اللي بعده جاي
وتدخل الشارع عادي جدا ولا تصادفك إشارة أو تنبيه انه اتجاه واحد وفجأة تلاقي أمين شرطة طلعلك مرة واحدة من جنب الحيطة ويقولك تعالى يا حلو
غرامتك من ألف لـ 3 آلاف شوف بقى هتديني كام وأرجعلك الرخص
وطبعا الظابط الحرامي اللي بيقسم الغله مع أمناء الشرطة آخر الليل بيتعرف دايما ببعده عن أمين الشرطة يعني يبقى واقف بعيد خالص علشان أمين الشرطة يعرف يطلع منك المعلوم بمزاج ويهددك يا تدفعله اللي عايزه يا يودي الرخص للظابط اللي واقف هناك
وانت طبعا هتدفع من غير كلام وأهي 50 جنيه أو 100 حتى أرحم من ألف

شكلك دفعت النهاردة ..

هقول مثالين واحد يوضح نصب الحكومة عالناس وانهم عايزين لم فلوس وخلاص

والتاني أمناء الشرطة والظباط اللي بيسترزقوا آخر الليل

كنت ماشي في طريق رايح ميدان العباسية
الغريب ان طول الطريق يفط وإشارات كبيرة بتقول ميدان العباسية أسفل الكوبري
على المتجه لميدان العباسية الإتجاه يمينا
وهكذا مسافة طويلة جدا وفجأة وصلت للكوبري وما طلعتوش ونزلت من جنبه زي باقي العربيات اللي قدامي واللي ورايا
وبمحاذاة الكوبري وبنفس طوله من تحت توصل العربيات لطريق مسدود قال ايه فيه شغل ومفيش غير داخله شمال تحت الكوبري دخلت العربيات اللي قدامي منها وأنا وراهم
والعربية اللي تدخل تلاقي اللجنة في وشها ويقولك أمين الشرطة اللي واقف ومعاه الظابط رخصك
لو سمحت
يا خد الرخص ويقولك سير عكس الإتجاه وصف طويل من العربيات قدامي وصف ورايا وكله سلم رخصه
تشرح للظابط وتقوله نعرف منين ان الداخله دي مخالفه يقولك ماليش دعوة طب كنت هعمل ايه وهرجع ازاي وصف العربيات اللي ورايا مفيش فايده
طب ده أنا من القليوبية ولاقيت يافطة بتقول للدخول لميدان العباسية دخلت زي غيري تقوم تاخد الرخص وتقولي عكس الاتجاه
المهم اتضح لنا انها اشتغاله كبيرة من الحكومة وعمل لجنة في المكان ده بالذات علشان يكون المصيدة اللي هتلم الفلوس
بس بصراحة طلع الظابط محترم وقال أنا عارف انكم مظلومين علشان كده هعتبرها مخالفة حزام مش عكس الاتجاه لأن القانون بيقول نص الحد الأدنى لو هتفع فوري وعكس الاتجاه الحد الأدنى بتاعه 1200 ونصهم 600 جنيه غرامة فورية أما الحزام 100 فغرامته 50 بس
استجدع الظابط وكتب في الوصولات مخالفة حزام وخد من كل عربية 50 جنيه وخدنا الرخص
وطبعا فيه سواقين تاكسي و نقل غير الملاكي يعني بدل ما يرجع بيته بخمسين جنيه لأ قانون المرور شفط عرقه وتعبه وضاع يومه عالفاضي وكمان فرحان انه دفع 50 مش 600
مش بقول سياسة نصب تتسرق وتبقى فرحان ان اللي اتاخد منك 50 مش 1200 ولا 600
حسبنا الله ونعم الوكيل

لأ كان من أسبوع الكلام ده يا ريتش

اللي يضحك في القصة دي اني بحكي لخالي عالموقف ده فأول ما سمع ضحك وقالي انت كمان
ضحكت وقلتله ليه انت عديت هناك ولا ايه
قالي آه بس كان بالليل ولاقيتهم بيوقفوا العربيات اللي قدامي قمت طافي نور العربية علشان ما يشوفوش النمر وقمت طاير بالعربية
قعدنا نضحك قلتله بيتهيألي عربيات مصر كلها اتعلم عليها في المكان ده

زائر

خلاص يا عم اسلام عرفنا انك عندك عربية

اسلام عنده عربيه يا جدعان

والله عنده عربية

حاجة والله العظيم تغيظ..
يالا مش مشكلة ياعم اسلام ..
بس انت عرفت المصيدة بتاعتهم خلى بالك بقى ..

هو عربيتك نوعها ايه يا اسلام مبسوط

اللى أداك يدينا يا سيدى ..أول مرة أعرف أنك عندك عربية كويس يمكن ينوبنا توصيلة ..

على فكرة المنتدى كله عارف ان حركاتكو دي مفقوسه قوي

يعني ياريت لو تحاولوا تدارو نفسكو شوية أصل باين قوي الاستهبال ده
ماهو الكل عارف اننا اصحاب وان انتو أكيد بتستعبطو
انتو قلتولي بهدلنالك الموضوع قلت أكيد شلفطوه خالص
انما لاقيت اضافات طفيفه ما تأثرش الموضوع بتاتا
ياريت لو تعرفوا تغلسوا أكتر من كده أكون شاكر جدا
والضحكه اللي انت عايزها أهي يا ريتش
ههههههههههههههههههههههههههههههههههههههههههههههههههههههههه
إلعبوا غيرها

ههههههههههه ..ياراجل بقى .فى حد يضحك الضحكه دى كلها

تعرف حاجة كويسة إن واحد من أصحابنا يكون عندو عربية ..على الاقل زى ما قلتلك يمكن ينوبنا توصيلة ..
ونرخم بقى عليه وتعالى ودينا وجبنا وحاجات كدة ..

أهو ترحمنا من الجو شوية ..ألا هى عربيتك نوعها إيه صحيح ..

انا صورتلكم عربية اسلام أهى يا جماعة

من الامام ومن الخلف ..

نوعها هيونداي اوعى وشك وسموها كده لأن أول واحد ركبها كان احمد رزق في فيلم اوعى وشك سنة 1945

ناعمة وقوية .. وكلها حنية

[ندعوك للتسجيل في المنتدى أو التعريف بنفسك لمعاينة هذه الصورة]

إدعاءات وافتراءات واهية
أنا هلاقيها منكم ولا من قانون المرور
اللي ما حد سألني عن الموقف التاني
مش قلتلكم هحكي موقفين واحد عن نهب الحكومة بقانون المرور والتاني عن نهب أمناء الشرطة والظباط
ولا صحيح مش هحكي حاجة تاني ده انتو جرصتوني من أول موقف

قانون انت لسه بتسميه قااااااااااااااانون

ياراجل شيل كلمة قانون دى من العنوان

وبعدين عندهم حق يا سولم
تبقي عندك فوطة ناعمة وقوية وكلها حنية وميتاخذش عليها ضرااااااااااايب

هههههههههههههههههههه

وبعدين كل دا علشان 50 جنيه بس

يا سيدى متبقاش تروح العباسية دى تانى ..
ومن الأخر القانون فى صالح المواطن ..مش اللى راكبين عربيات

مش كفاية عمالين تدوسو فى الناس ..

انا بقي ممكن احكي عن نهب امناء الشرطه والظباط ده بعد اذن

الاستاذ اسلام طبعا

العربيات النقل الكبيره اللي بتعدي من علي الداءري مثلا

الحموله الزياده بتاعتها المفروض بتدفع عليها غرامه انا مش فاكره بالظبط علي كل طن اد ايه

بس اللي بيحصل ان الظابط بياخد مبلغ صغير بالنسبه للمبلغ القانوني

مقابل انه يعدي العربيه وبيقاسم المبلغ ده مع امين الشرطه

ووصلت لدرجه انهم بيعملو مرتبات شهريه مع العربيات دي

شوفو بقي في الورديه بتاعته بتعدي عليه كام عربيه وبيعمله كام

والله بيتعبو .........منهم لله بقي ربنا طبعا مش بيبارك في الفلوس الحرام

Noor كتب:: انا بقي ممكن احكي عن نهب امناء الشرطه والظباط ده بعد اذن

الاستاذ اسلام طبعا

العربيات النقل الكبيره اللي بتعدي من علي الداءري مثلا

الحموله الزياده بتاعتها المفروض بتدفع عليها غرامه انا مش فاكره بالظبط علي كل طن اد ايه

بس اللي بيحصل ان الظابط بياخد مبلغ صغير بالنسبه للمبلغ القانوني

مقابل انه يعدي العربيه وبيقاسم المبلغ ده مع امين الشرطه

ووصلت لدرجه انهم بيعملو مرتبات شهريه مع العربيات دي

شوفو بقي في الورديه بتاعته بتعدي عليه كام عربيه وبيعمله كام

والله بيتعبو .........منهم لله بقي ربنا طبعا مش بيبارك في الفلوس الحرام

الاخت نور تقريبا عارفة ألاعيب الظباط كويس قوى

شكلك كنتى بتقسمي الفلوس معاهم مبسوط

ألف شكر عالإضافة يا نور
مسلسل السرقة والنهب حلقاته كتير قوي ما بتخلصش
ومجالاته واسعة جدا
يعني زي ما بتقولي كده
وده فعلا بيحصل في أي كمين مش بس عالطريق الدائري لأ أي كمين بتعدي عليه العربيات النقل دي
وكأنها إتاوة في الرايحة والجاية وآخر الليل تتقسم الغله وكل واحد ياخد اللي فيه النصيب
ههههههههههههههههههه مش شقيانين ياعيني طول النهار

الاخت نور تقريبا عارفة ألاعيب الظباط كويس قوى

شكلك كنتى بتقسمي الفلوس معاهم مبسوط

لو كنت بقسم معاهم مكنش بقي ده حالي مبسوط

كلنا عارفين الكوسه اللي في البلد

وفعلا يااخ اسلام حلقات السرقه مش بتنتهي

ربنا يهديهم

هحكيلكوا موقف تاني حصل معايا

كنت داخل شارع جانبي متفرع من شارع الهرم

شارع العريش لو تسمعوا عنه

الشارع ده كبير قوي وعريض وطول عمري أعرف انه رايح جاي عادي جدا

المهم دخلت وركنت العربية وخلصت الطلب اللي كنت بعمله وركبت العربية تاني وبلف علشان أخرج من الشارع

لاقيت اتنين أمناء شرطة كانوا مستخبين جنب الحيطة وطلعولي مرة واحده وقال ايه رخصك

ليه ياعم انت في ايه يقولولي سير عكس الإتجاه لأن الشارع ده بقى اتجاه واحد للي داخل بس

طيب يا عم الحاج وأنا أعرف منين يقولي رخصك لو سمحت وإركن علشان الطريق

ركنت العربية و مديت ايدي في خمسه جنيه و بديهاله عملي فيها شريف وقالي يا بيه الظابط واقف وباصص علينا وبتديني فلوس أتاريه مستقلهم

وخد الرخص ورايح للظابط

أنا طبعا عارف ان الظابط لما يقف بعيد معناها انهم بيسترزقوا على قفانا

فقمت مطلع كمان خمسه وقلتله عشرة جنيه أهي

قالي مخالفة بألف ومتين وبتديني عشرة جنيه

قلتله أنا من بنها ولسه ورايا مشوار ومش عامل حسابي

قالي طيب تعالى معايا للظابط وخد الرخص وماشي في اتجاه الظابط قلتله بص عشرين جنيه أهي وهي اللي معايا هتاخدها كان بها مش هتاخدها اعمل اللي تعمله

قاللي لأ ده أنا هوفرلك 600 جنيه عن لو هتدفع نقدي

قلتله خلاص اعمل اللي تعمله مش معايا غير العشرين جنيه عايز تروح للظابط روح

قام واخدها وخدت الرخص ومشيت

مضطر هعمل ايه هدفع 600 جنيه لو فوري في ساعتها يا إما الرخص تتاخد وأدوخ وراها لحد ماترجع بنها وأروحلها نيابة المرور وفي النهاية هدفع أقل حاجة خالص ألف جنيه لأن قانون المرور فيه مخالفة السير عكس الاتجاه دي لا تقل عن ألف ولا تزيد عن 3 آلاف
مع اني مش ماشي عكس الاتجاه والموضوع كله بيبقى نصب ولم فلوس وخلاص

حسبنا الله ونعم الوكيل

زائر

يا عينى انا هاعيط

فعلا الموضوع موثر جداااا ..اوعدك أنما هارفع الموضوع لاعلى السلطات ..

مش لازم نبقى كدة أبدا ..

ماتركب أتوبيس ولا مكروباص يا أخى وريحنا

وخلى العربية هنا ..أتمشى بيها فى البلد أحسن ما تدفع مخالفات وفلوس

» قانون المرور الجديد!!
» النصب دة ذكاااااااااااااااااااااااااااااااااااااااااااء
» حكم المرور بين يدى المصلى
» وردة بلادى وسياسة الناس الدحيحة
» قانون الزواج