شارك صح...نحو منتدى افضل

[ندعوك للتسجيل في المنتدى أو التعريف بنفسك لمعاينة هذه الصورة]

بسبب بعض المشاكل اللى حصلت مؤخرا


حملتنا .............. شارك صح

شارك صح
عشان تكون كل كلمة فى ميزان حسناتك.

شارك صح
عشان تكون كل كلمة ليك مش عليك.

شارك صح
عشان يكون ليك حسنة جارية بكل حرف بتكتبه

شارك صح ..[ندعوك للتسجيل في المنتدى أو التعريف بنفسك لمعاينة هذه الصورة]

وهذا تلخيص تجدون فيه كل ما يتعلق بالحملة ..

اولا ... كيف جاءت الفكرة ؟
نحن اعضاء قدامى من منتدىشباب العمار .. ومنذ فترة وجدنا ظواهر غريبه اعتالت المنتدى واغلب المنتديات .. ومننا من ترك المنتدى لكننا صممنا ان نواجه تلك الظواهر السلبية ونصل بالمنتدى الى صفوف الريادة كما كان ..

ثانيا .. كيف ستواجه الحملة تلك الظواهر ؟
فى البداية كانت الحملة ستناقش فقط الظواهر السلبية على المنتديات .. الى ان شملت كل المنتديات الاخرى فاصبحت تلك الظواهر اكثر اتساعا .. وليس من الضرورى ان تجد كل تلك الظواهر مجتمعة فى منتدى واحد ..

وسنواجه تلك الظواهر من خلال عدد من الخواطر .. هن احدى عشر خاطرة تناقش كل منهن ظاهرة واحدة من خلال مناقشة خطورة تلك الظاهرة وعرض الحلولو لها ...

وعناوين هذه الخواطر هى :
راجع نفسك .. خليها لله !!
وهدفنا فى هذه الخاطرة ان نراجع جميعا انفسنا من تواجدنا على المنتدي .. وتعتبر هذه الظاهرة اساس باقى السلبيات الاخرى .. لان ضياع النية يؤدى الى ضياع الهدف وبالتالى يكون المرء عرضة لمخاطر الوقوع فى المعصيات .. وسننتهى معا الى شعار نتخذه لنا جميعا ونوحده على كل المنتديات نجدد به نيتنا دائما من تواجدنا على المنتدي ..

لو سمحت/ى .. ده يبقه تعدى !!
تناقش هذه الخاطرة ..ظاهرة مشاركات الاخوة فى ساحة الاخوات .. وان كانت هى اساسا ضد قوانبن اى منتدى فى المقام الاول .. وتتمثل خطورة تلك الظاهرة هو اطلاع كلا من الجنسين على خصوصيات الطرف الاخر .. وايضا المشاركة فى تلك الخصوصيات .. والامثلة كتيرة ..ده على اساس قسم للبنات بس

يلا ااتحرك خليك ايجابى !!
وهدفنا من هذه الخاطرة هو ان يكون الاعضاء ايجابين فى المشاركات .. وذلك لأننا لاحظنا انتشار ظاهرة السلبية بكثرة فى مشاركات الاعضاء بالاخص متمثلة فى جملة واحدة يكررها العضو فى كل موضوع يشارك فيه .. وخطورة هذا الامر اننا جميعا هدفنا من كتابة اى موضوع هو اثارة روح المناقشة .. فاما ان تؤيد واما ان تعارض ...

صحح تعبيرك .. ظبط توقيعك !!
وهنا نحن بصدد تلك الرسومات الملونه التى تتخللها الورود والقلوب وايضا الرسومات الكرتونية التى تحمل عبارات الشكر والثناء .. وارفاق يلك الرسومات فى مشاركات الاخوة فى مواضيع الاخوات والعكس .. وايضا وضع بعض الصور فى البروفيل الخاص ..وايضا ظاهرة الصور التى يضعها الاعضاء فى تواقيعهم ..


خد بالك .. انت متراقب !!
وفى هذه الخاطرة نسعى الى احياء روح المراقبة .. اننا جميعا مراقبون من الله تبارك وتعالى وايضا الملائكة ( رقيب وعتيد) وستشهد علينا جوارحنا يوم القيامة والنبى صلى الله عليه وسلم والمسلمون جميعا ..الخ .. ونريد احياء هذه الروح فى امور عدة منها .. الرسائل الخاصة ورسالئل الزوار وان يكتب الاخ اسم الاخت بدون القاب والعكس


كفاية مستورد .. عايزين محلى !!
تناقش هذه الخاطرة ظاهرة المواضيع المنقوله .. من خلال وضع عدد من الضوابط لراغبى نقل الموضوعات ككتابة اسم كاتب الموضوع الاصلى للحفاظ على حقوق الملكية الفكرية وان اقتبس العضو جملة واحدة .. وايضا نقل موضوعات مفيدة ذات قيمة .. وذلك لاننا نجد مثلا ان عضو ما يكتب فى اليوم الواحد خمسة موضوعات وكلها ليست من نسيخ عقله وانما جميعها منقوله وبالتالى يؤثر على موضوعات اخرى اكثر قيمة لاعضاء اخرين ..




7-لالالا .. كله الا كده !!
وهذه من اخطر الخواطر .. لانها تناقش ظاهرة نشر المواضيع المسيئة للاسلام والخرافية التى ابتدعها اعداء الاسلام ونشروها على منتدياتنا بهدف السخرية مننا .. ونحن وبكل سذاجة اخذنا فى نشر هذه الخرافات والاساءات بهدف تعريف المسلمين بالحرب الدائرة على الاسلام ..

اللى بيخاف ..يطلع بره!!
وهنا نناقش ظاهرة انتشار المواضيع السياسية على المنتديات من اعضاء ليسوا موكلين بهذا .. ورأينا جميعا هذا فى اثناء الحرب على غزة ووجدنا من يستهدف رمز سياسية وقيادية بالسب والقذف .. نحن لسنا ضد هذا ولكننا ضد ان يأخذ الجميع فى نشر تلك المواضيع مما لها اكبر التأثير على فرقتنا وتشتتنا .. ولكننا كشعوب لدينا ما نناقشه فى موضوع السياسة وهى .. الحق والعدل والحرية ..

مشاركة لله !!
وهذه الخاطرة نستعرض فيها شريحة معينه من الاعضاء الذين هدفهم من كتابة اى موضوع هو (عدد المشاركات) ونجد هذا العضو يهدد بترك المنتدى او عدم اكمال الموضوع لقلة المشاركات .. ونحن هدنا فى هذه الخاطرة تعديل هدف كتابة الموضوعات من (عدد المشاركات ) الى ( عدد المشاهدات ) .. واستشعار الثواب بعدد الاعضاء الذين شاهدوا موضوعى ..

10-ابدأ اكتب .. وأحنا معاك !!
فى هذه الخاطرة نساعد الاعضاء بعدد من النصائح لكتابة موضوع ناجح وعرض افكاره بطريقة منظمه وايضا مساعدته بمجموعة من المواقع التى بها الاحاديث الضعيفة المنتشرة والمواضيع الخرافيه ..الخ

11-عفوا .. هذا الاسم غير متاح !!
وهنا نناقش ظاهرة انتشار بعض اسماء الاعضاء على المنتديات منها من فيه مخالفة شرعية ومنها من يحمل اسماء تثير الغرائز كأسماء ( الدلع ) .. وهدفنا ان ننتقى اسماءنا على المنتديات من منظور اخلاقى اسلامى..


ياريت بجد الادارة والاعضاء واحنا كلنا ننفذ الحملة دى بالله عليكم

موضوع جميل منك اخت ام مريم

المشكلة انى احنا قولنا الكلام ده كتير المهم الفعل

واانا معاكم فى اى حاجه تطلبوها باذن الله

أحمد منصور كتب:

أنا نفسي يجماعة تعملوا موضوع أو من خلال نفس الموضوع ده

وتتاخذوا قرارات وتعملوا قوانين جديدة للمنتدي أو تعدلوا القديم

واحنا معاكم طبعا وهنفذ كل اللي هتتفقوا عليه

أخى أحمد منصور
جبت المفيد وكلامك عين العقل
الكلام اللى فى الموضوع انت أكتر واحد عارف اتكلمنا فيه قد أيه .

الحزم
الحزم
الحزم
أى شركة بتفشل بدون حزم وهناك نوع من النجاع إسمه نجاح سلبى .................. المنتدى مش بعدد الأعضاء وبس .

معلهش أرجع تانى

يعنى أيه شارك صح

ده منتدى وكل واحد بيقول اللى عنده وناس تسخف وخلافه زى ماقالت الأخت توتا

المشرفين
المشرفين

ياسادة يامشرفين الرد الغير مضبوط ولا يحمل راى وخلافه يحذف فوراً ولا يناقش هكذا يحدث فى المنتديات الأخرى
سواء كان الرد ده سميح اللى رده ولا غيره

نوع من الجدية فى التعاطى والتفاعل الإيجابى مع المنتدى نفسه .. موضوع حملة شارك صح ده مش دماغى أصلاً مع احترامى لصاحب أو صاحبة الموضع بصراحة مابصتش مين كاتبه الكدب خيبه.. فيه قوانين للمنتدى لازم تفعل ويقوم بتطبيقها المشرفين قبل الإدارة .. الموضوع كده بقى عامل زى مايكون فصل فيه مجموعة ملتزمين ومجموعة مشاغبين .. وكل يوم يدخل مدرس يقول نصايح .. الملتزم بيعمل بيها من نفسه .. والمشاغب بيزيد مشاغبة زى اللى بيسوق الظرافة بدون داعى ومفكر إنه هايلفت نظر الناس ليه .
ولا حمله ولا غيره .. المنتدى مليان حملات كلها بتقف بسبب المشاغبات .
إتكلمنا ونصحنا كتير ..
إدارة الموقع طولت بالها كفاية
يا إدرة الموقع شوفوا الصالح واعملوه بحزم واللى يزعل يزعل .. لو فضل معاكم نص الأعضاء بفكر صحيح كفاية ويكونوا واجهة جميلة قوى للعمار .

أحمد منصور كتب:

طيب حضرتك شايف أيه بالظبط اللي محتاج الحزم

وعموما لو حضرتك بتتكلم علي الطرد أنا قلت لحضرتك إن الحزم هو تطبيق القانون

وقانون المنتدي بيقول إني مطردشي حد غير لما يستوفي 3 تحذيرات

لو حضرتك عندك إضافة لموضوع التحذيرات والطرد إطرحها ونتناقش فيها

مساء الفل أخى أحمد منصور
إبعت لى رقم المحمول بتاعك على الخاص من فضلك
الكلام مش هاينفع على العام ولا الخص
نقوله فى دقايق على التليفون
لوسمحت