يوم الأسرة لكل أهل العمـار ،، شارك بمقترحك

طبعا بعد السلامات اللي راحت وجت
انا جايلكم النهارده بموضوع ملوش علاقة خالص ب25 يناير وهو
( يوم الأسرة في العمار )
وهيبقي اليوم ده ان شاء الله يوم سنوي ازاي ؟
يوم عايزيين يبقي يوم يثبت في كل بيت في العمار والكل يشارك فيه
الهدف الرئيسي لليوم هو ابنائنا الصغار النشئ
طولت عليكم ولسه ما دخلت في الموضوع صح طبعا في ناس بتقول دلوقتي مين الراجل اللي وجع راسنا ولسه ما وصلناش هو عايز يقول ايه ...................

[ندعوك للتسجيل في المنتدى أو التعريف بنفسك لمعاينة هذه الصورة]

* طيب إزاى ؟

طيب كل واحد مننا عنده اخواته الصغار او ابناءه ربنا يخلي الجميع الكتير منهم عندهم العاب كتير ملهاش اي لزمه وسليمه وشغاله وميه ميه بس كل الحكايه انها بقالها كتير موجوده عندهم وهما زهقوا منها صح الكلام ؟
قول صح
المطلوب كل واحد هجيب الالعاب دي اللى مستغني عنها وزهق منها ونجمع الالعاب وتتظبط وتتجهز وطبعا الموضوع ده هيبقي علي مدار ثلاثة ايام قبل اليوم المفتوح اللي احنا ها نتفق عليه

* يوم (( الاسرة لكل العمار ))

هنجيب الالعاب كلها ونعرضها وكل واحد يشتري اللعبه اللي علي مزاج مزاجه وعلي كيف كيفه وهيبقي سعر رمزي مثلا نقول 2 جنيه ،، منه الاولاد عرفوا البيع والشراء ومنه جابوا العاب جديده مش موجوده عندهم
ومنه كله شارك باللي عنده من حاجات كانت مرميه وبنشلها من هنا ونحطها هنا وفي الاخير مصيرها تكرموا الزباله
طيب مين المستفيد دلوقتي اولادنا واحنا واتعمل يوم الكل لعب فيه و وغير جو وخرجنا من مود الانتخابات والمظاهرات والاعتصامات

* طبعا دي افكار مبدئيه انا منتظر الدعم والاضافات

اولا/ اليوم
ثانيا/ المكان اللي هنعمل فيه الحدث
ثالثا/ الاطفال الايتام ان شاء الله في اليوم ده كل واحد يقدر ياخد ولد اواتنين ويبقي متكفل بيه ويلف بيه علي الاستاندات ويشتريله الاي هو عايزه من الالعاب الموضوع (( اختياري ))

يارب تكون فكره كويسه
نهاركم زي الفل

فكره حلوه ايوى يا استاذ اسلام بس انا مش فاهمه نوعيع اللعب ايه يعنى فى لعب ولادنا مثلا طيب ما اكيد اللعب مش هتبقى على قد المستوى انها تتعرض فى معرض لانها اكيد مكسورمنها حاجه او مش شغاله وبعدين ما اعتقدش ان فى حد هيستغنى عن لعبته حتى ولو مش هيلعب بيها بس ممكن نقوم احنا بدور ان كل حد فينا يشارك بلعبه معانا وممكن تكون جديده يعنى انا ممكن اشترى لعب مش غاليه قوى نقول مثلا 4 جنيه واشارك بيها باجر رمزى 1 جنيه كدا يبقى انا شاركت وفى نفس الوقت خليت الطفل يحس انه اشترى لعبه من فلوسه وتبقى لعبه جديده عشان ميحسش انه بياخد لعبه قديمه واحفاظ على ثقته بنفسه عشان فى اطفال كتير بيتربى جوها عقد انه غلبان وبيشترى الحاجات المستعمله او بواقى لعب حد تانى

اتمنى تكون قدرت اوصل وجه نظرى مع كامل احترامى لفكره حضرتك

انا معاكي بس في حاجه انتي مش وخده بالك منها انا بقول اللعاب تكون مش كسوره وشغاله وحالتها الاي حد ما كويسه ازاي يعني مش ساعات مثلا بتروحي وانتي ومعاكي اختك الصغيره او اخوكي عند حدا ما وشبط في لعبه عندهم وهما عندهم اللعاب كتير والولد الاي انتي ها تخدي من عندو اللعبه خلاص زهق من اللعبه اكيد ها يستغنا عنها دي حاجه الحاجه الثانيه انا ليه مش عايز اللعاب جديده علشان كده هعمل فرق لاني هيبقي في اللعاب جديده واللعاب مستعمله واحنا مش عايزين كده طبعا احنا عايزيين مسواه وطبعا اللعاب جديده يعني محتاجه فلوس في الاول علشان نشتريها صح والغرض من الفكره اني اللعاب دي عندنا عديمة الفائده بنشيلها من هنا نحطها هنا صح يبقي نستغلها صح والكل ها يجي يشتري منها الغني والفقير واليتيم الطويل والقصير الرفيع والتخين بالعربي كل الناس هتبقي مستوي واحد يبقي مفيش مجال اني يبقي حد احسن من حد
يارب تكون وصلت الرساله

جميل يا عم اسلام هو دا الكلام المتفق عليه
تم الاعلان العام لمشاركة الجميع فى المقترح ،،

حلوة الفكرة جدا وممكن الحكاية دى تتظبط وتتعمل ف اول الاجازة يعنى يكون الناس الى هتشتغل

مع حضرتك جمعت اكبر قدر ممكن من اللعب دى وكمان لو فيه تصليح وكدا يكون تمام

وخاصة واحنا قربنا ع المزاكرة والامتحناات ودى طبعا وجهة نظرى ،، وكمان افضل الاجازة علشان

الاطفال يحسوا بالفرحة اكتر ، يعنى طالعين من غم الامتحانات وكدا ، لحاجة جميلة هتبسطهم .

وكمان الناس تكون فاضية ،، واكيد حضرتك هيبقى اعتمادك ف الشغل ع الشباب ،

بمعنى ان الموضوع دا محتاج بعض الوقت والجهد علشان يطلع بصورة مشرفة وقوية ، يبقى

لازم الاجازة علشان الامتحانات تكون خلصت والبشر كلهم يكونوا فضيوا .....

ــــــــــــــــــــــــــــــــــــــــــــــــــــــــــــــــــــ

طبعا المكان النادى .... ودا افضل مكان وبردو الناس كلها واخدة عليه بالنسبة للحاجات دى..

ــــــــــــــــــــــــــــــــــــــــــــــــــــــــــــــــــــ

ثالثا دى بقى انا موافقة عليها جدا جدا جدا ..........

ــــــــــــــــــــــــــــــــــــــــــــــــــــــــــــــــــــــ

بس انا عندى استفسار اليوم دا هيكون بتنظيم مين يعنى الجمعية ليها دور ف التنظيم ،

والشباب الى حبا تشارك ف كل دا ف شروط تنتطبق عليهم ،،،،،

والموضوع دا فيه تبرعات ولا لا ؟

ــــــــــــــــــــــــــــــــــــــــــــــــــــــــــــــــ

ميرسى جدا ع الفكرة فوق الممتازة ، بس رجاءا من اختك الاصغر ياريت مش تياس ولا

تنشغل بالكلمات المحبطة لان بجد فكرة ممتازة ، وهتعرف الناس اكتر ع بعض هنا

ف العمار..
ـــــــــــــــــــــــــــــــ

مستنيا رد حضرتك...

فكرة جميلة جدا جدا

لازم ما تخرجشى غير من مراقب عام سلمت يداك

وفكرة جميلة جدا جدا

الاخت اسماء محيي شكرا علي مرورك وطبعا اول استفسار موضوع التنظيم هيبقي للشباب العمار كلها ومش تحت اسم الجمعيه لسباب واحد انا كل الناس تشارك يعني مش عايز حد يسئل ويقول من المنظم لليوم جمعية شباب العمار يقول للا مش عايزيين نعطي فرصه لاي حد
اهم شي نقوم بتنظيم الموضوع يعني بس نحدد الاهداف ونشتغل عليها من دلوقتي وبعدين نحدد اليوم ونشتغل عليه بردو من دلوقتي
ثانيا : الشباب طبعا ها يشارك هو الاي ها ينظم وهيقوم بعملية الاعداد والتجهيز لليوم بكل احداثه وفاعليات اليوم يعني بالعربي عايزيين برنامج لليوم هنبدا بفقرة ايه ووننهي اليوم ازاي
الشروط يكون جسم خفيف السن مفتوح الطول لايقل عن 190 سم
ثالثا : اليوم ياريت يكون بعد 20 -6 علشان اكون موجود في العمار يارب
بالنسبه للكلمات المحبطه مش وجوده في القاموس بتاعي

يعم احمد هذا من بعض ما عندكم بس يارب ربنا يقدرنا ونعمل سويا علي اسعاد اهلنا اهل العمار بنسائها بشبابها برجالها باطفالها بشيوخها بكل من فيها

الاخت ايه شكرا علي مرورك

ــــــــــــــــــــــــــــــــــــــــــــــــــــــــــــــ

اسماء محيى يا فندم مش اسمى اخت ايه !!!

ــــــــــــــــــــــــــــــــــــــ
الشروط يكون جسم خفيف السن مفتوح الطول لايقل عن 190 سم.

ــــــــــــــــــــــــــــــــــــــــــــــ

والحاجات دى ممكن تلاقيها ف مسابقة بوديجردات ..

دا حقيقى الكلام دا ولا هزار !!!!

ــــــــــــــــــــــــــــــــــــــــــــــــــــــــــــــ

اليوم ياريت يكون بعد 20 -6 علشان اكون موجود في العمار يارب.

ــــــــــــــــــــــــــــــــــــــ

والله يا فندم خير الميعاد هو دا الى بتكلم فيه ..

ــــــــــــــــــــ

ربنا يجيبك بالسلامة .. شكرا.

يارب

حقيقى فكرة كويسة جدا....وجديدة فى البلد....وأكيد ان شاء الله مفيش اعتراض عليها بالعكس

والمعاد اللى حضرتك قلت عليه مناسب وكويس

وكمان لو كانت فى النادى هتبقى كويسة اوووووووى

بس هو فعلا شرط الطول 190 سم ده أساسى ولا ايه مبسوط

بصراحة الفكرة عجبانى جدا وهنقدر نسعد بيها اطفال كتييييير اوى واللى مش عنده هدايا مستعملة ممكن ينزل يشترى هدايا للأطفال ويجيبها اليوم ده

والله انا متحمسة اووووووووووى للموضوع ونفسى اكون مشاركة فيها جداااا بس لو حضرتك تغاضيت عن ال 190 سم دى مبسوط

باجماعة انا اسف علي موضوع المواصفات وخصوصا 190سم والله كنت بتكلم علي سبيل الدعابه ومن داخل الموضوع واسف علي الخطأ المطبعي بالنسبه للاخت اسماء محي اما الجميع فله احقية المشاركه في الاعداد والتنظيم لليوم وانشاء الله ربنا يوفقنا جميعا وبالنسبه لوموضوع الجهه المنظمه مفيش جه منظمه للاحتفال الراعي الرسمي قرية العمار الكبري رجالها بشيوخها بنسائها بشبابها بأطفالها بكل من بتنفس علي ارضها علشان يبقي فيه مسواه وبعدين بالنسبه لموضوع الاللعاب الجديده مش مطلوب وذلك لسبب الهدف من الموضوع هو تدوير الاللعاب القديمه الغير مستخدمه عن طريق شكل جديد من اعدة البيع او المشاركه بها بأسعار رمزيه

فكره حلوه والله فعلا وكلنا معاك فيها ان شاء الله .

وفعلا ياريت نثيت ميعادها سنويا والمكان طبعا هيكون فى النادى .

وممكن يبقى ميعادها فى اول اجازه الصيف عشان الاطفال تحس انها زى جائزه لهم .

تسلم دماغك يااستاذ اسلام .

ايدك معانا يا عم حمدي عيزيين مجهود في انجاح اليوم ده وان شاء الله نعمله كل سنه نثبته باذن الله

بالتوفيق وربنا يعينا معاك يارب

موضوع جميل يا استاذ اسلام وفكره جديده محصلتش قبل كده وان شاء الله تحصل واحنا كلنا معاك اكيد

الله يا عم أسلام

تغيب علينا وترجع بافكرك الهايله

وأنا معاك يا عم أسلام أن شاء الله

فكرة جميلة جدا وايجابية قوى

لكن مش عاوزين نقتصر على الأيتام بس

نعملة زى ماحضرتك قلت لكل أهل العمار

يوم الاسرة لاهل العمار كلها بدون تفرقه كل الناس لها حق الحضور والمشاركة بس مهمتنا يا اهل العمار اني كلنا نبقي ايد واحده ونشتغل علي التجهيز والاعداد لليوم ده من الان ونرسم خطه 1-2-3- الخ
اولا نتفق علي اي يوم والمكان وبعدين الفاعليات والعناصر الرئيسيه للموضوع موجوده وانا تحت امركم في اي استفسار لحد ما اجي العمار ان شاء الله 20 -6
واكون ايدي بأيديكم

كدة يا عم إسلام وصلنا لشوية نقط مهمة جدا ،،

1. تأييد واتفاق المشاركين فى الموضوع على قيمة هذا اليوم
2. الميعاد يكون فى الاجازة ( يعنى تقريبا كمان شهرين الى تلاتة )
3. فكرة تجميع الالعاب وصيانتها فكرة ممتازة وممكن نبدأ من دلوقتى نكلم قرايبنا وأصدقائنا اللى عندهم أطفال
4. نجمع تبرعات لضمان توفر مبلغ مادى يسهم فى نجاح المشروع ،، المساهمات انا شايفها انها ممكن تكون بسيطة وممكن كلنا نشارك فيها وانا شخصيا اعرف ناس سمعوا بالفكرة وعندهم نية للمشاركة المادية واخرين عندهم نية بالمشاركة بالجهد فى التجميع والصيانة وتنظيم اليوم
5. المكان أظنه فى إتفاق على النادى لانه مكان عام وهام ورئيسى فى العمار
6. أرى من وجهة نظرى الشخصية أن تنظيم هذا اليوم لا يتم تحت أى إسم ويكون مشارك فيه شباب العمار بمختلف طوائفهم حتى نتيح فرصة المشاركة لعدد أكبر من الشباب ومنها تبقى دعوة للم الشمل بين كل الاطراف

تمام كده يا حج مصطفي 1و2و3 متفقين اما موضوع الفلوس انا رأيي الشخصي نلمها مش للالعاب تبقي للالعاب الكبيره الموجوده في اليوم زي النطاطيات الكبيره المنفوخه بالهواء بالموتور والشخصيات الكارتونيه والعاب غيرها كتير تبقي موجوده وفقرات الحفل بالكامل بقي من ايجارات للالعاب لاضاءه لغيره
اما موضوع التنظيم فيبقي لاهل العمار (( اهل العمار ))بدون استثناء كل الاي عايز يشارك ويساهم اهلا وسهلا بيه
ومنتظر التفعيل

والله فكرة ممتازة وحتي ولو بدون العاب
ان شاء الله فكرة اليوم نفسه تكون هايلة ونحاول نخلي زي مهرجان طفولة كده
والنادي اكيد انسب مكان

ممتازاة الفكرة والله يا ابو سما

همتك معنا يا ابو حنفي وعايزيين الدكتور حسام معانا وميعملشي فيها مشغول

اقتباس :: في اليوم زي النطاطيات
الكبيره المنفوخه بالهواء بالموتور والشخصيات الكارتونيه والعاب غيرها
كتير تبقي موجوده وفقرات الحفل بالكامل بقي من ايجارات للالعاب لاضاءه
لغيره

الحاجات دى سهلة تأجيرها جدا وبمبالغ بسيطة ان شاء الله ،،

متفقين اما موضوع
الفلوس انا رأيي الشخصي نلمها مش للالعاب تبقي للالعاب الكبيره الموجوده في
اليوم زي النطاطيات الكبيره المنفوخه بالهواء بالموتور والشخصيات
الكارتونيه والعاب غيرها كتير تبقي موجوده وفقرات الحفل بالكامل بقي من
ايجارات للالعاب لاضاءه لغيره
اما موضوع التنظيم فيبقي لاهل العمار (( اهل العمار ))بدون استثناء كل الاي عايز يشارك ويساهم اهلا وسهلا بيه
ومنتظر التفعيل

ـــــــــــــــــــــــــــــــــــــــــ

متفقة مع حضرتك جدا ، ومش كان لازم اعتزار

حضرتك اخويا الكبير ...

لك منى كامل احترامى .

ASMAA MO7Y

» اسئلة واجوبة حول الأسرة والتربية .. مفيدة جدا
» شباب العمار..صحبة في حب الخير..شارك معنا
» شارك برأيك لتحسين خدمة مشروع النقل الجماعي ..
» مذكرات شارك صح...التمهيد وبعدين نبدا فى المفيد
» إستطلاع للرأي شارك فورا لقلب النتيجة