للحصول علي الجنسيه المصريه ؟؟؟

يشترط لدخول الامتحان ان المتقدم يكون معاه كل أدواته اللازمة :

قلم رصاص - أستيكة (تحسباً للأخطاء الكتيرة) - اثبات شخصيتك (تذكرة اوتوبيس - مفتاح الشقة - كارت تليفون مينا تل - عملة مصرية - أي حاجة‎)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

=============================================
السؤال الأول:اختار من بين الأقواس الكلام الصح:
1
- ‏حنان ترك اتحجبت يعني............ (لبست فستان - لبست ساعة - لبست ايشارب)

2- ‏اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- ‏اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)

4- ‏البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)

- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

7- يا حضرة العمدة ابنك حميدة حدفني بال .... (معدية - السفندية - المية المعدنية - المهلبية)

8- اشهر مغني مصري هو عبدالحليم .... (دياب - حافظ - سموزين - فؤش)

- ‏بص في ورقتك يا حيواااان!

9 - ‏مصر هى أمي نيلها جوا...........(عبي - بطني - رجلي - جيبي - دمي)

10- ‏رئيس مصر القادم السيد......(جمال مبارك - جمال مبارك - و حياة أمك جمال مبارك - كل ما سبق)
===========================================
السؤال الثاني:أكمل الجمل الآتية بكلام م الآخر:
1
- ‏انتبه من فضلك السيارة ترجع إلى............ ......... ...

2- ‏ماما زمنها............ ......

3- ‏من خلال تجاربك السابقة...البامبرز استيك منه............ .

4- ‏طلعت أدّب نزلت أدّب لقيت الدب بيأزز............

5- ‏اسم والد اللاعب وائل جمعة............ ..

‏و لو بتشجع أي فرقة من الفرق الأجنبية "ريال مدريد ولا برشلونة " مافيش أم جنسية

6- وهيلا هيلا ، هيلا هيلا هو ، الزمالك ........

7- دا شاب هيهي ، بيروح و ......

===========================================
السؤال الثالث:ضع علامة صح أو علامة غلط أمام الكلام الجاي
:
1- ‏بابا فين؟؟ ..بابا هنا..قوله مين؟؟ قوله عمو ( )

2- ‏الشرطة دائما في خدمة الشعب ( )

3- ‏شاي الجوهرة حتة سكرة ( )

4- ‏يحكم مصر النظام الملكي ( )

5-ميلودي تتحدى الملل فعلا ( )

6- أذان المغرب في رمضان بصوت "طارق نور" ( )
>- صح يا أهبل ، كل حاجة في رمضان بصوت طارق نور
================================================
السؤال الرابع :التعبير الحر

اكتب فيما لا يزيد عن 3 اسطر تعليق على اخر ماتش بين الاهلي والزمالك.

السؤال الخامس علل :
1- ما زالت كرة القدم هي اللعبة الشعبية الاولى برغم ان احنا ملناش فيها .

2- ذكاء الشعب المصري الخارق برغم من اعتماده على الفول كغذاء اساسي .

ههههههههههههه
مبروك عليك الجنسيه...
================================================== ==
أسئلة سياسية مختلفه لشرح المثل الشعبى المصرى وباقى الدول العربيه:

بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم

2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب

3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه

4: بما تصف سياسة مصر الخارجية؟
ج4: دسنا الأرض اللى ما تنداس وبوسنا اليد اللى ما تتباس لا نابنا لا ذهب و لا نحاس

5: ما هى سياسة مصر الداخليه؟
ج5: أضرب المربوط يخاف السايب

6: ما هو نظام الحكم فى مصر؟
ج6: سمك لبن تمر هندى

7: ما هو موقف الأخوان المسلمين من الحكم؟
ج7: عينى فيه وأقول أخيه

8: بما تفسر الأداء الحكومى المصرى؟
ج8: إن كان هذا يكيدك أنا أزيدك

9: بما تصف التصريحات الحكوميه؟
ج9: أسمع كلامك أصدقك أشوف أمورك أستعجب

10: بما تصف زيادة معدل النمو فى مصر؟
ج10: إن كان الكذب حجة فالصدق أنجى

11: بما تفسر التغيير الوزارى؟
ج11: ايه يعمل الترقيع فى الثوب البالى

12: بما تصف الأخبار فى الصحافة الحكومية؟
ج12: قالوا الجمل طلع النخلة أدى الجمل وأدى النخله

13: بما تفسر ميزانية برنامج البيت بيتك؟
ج13: اللى يعوزه البيت يحرم على الجامع

14: بما تفسر تضخم ثروة أحمد عز؟
ج14: سبحان العاطى الوهاب من بعد الشبشب و القبقاب

15: ما هو الفرق بين حزب الوفد وحزب الجبهة الديمقراطية؟
ج15: لا تعايرنى ولا أعايرك دا الهم طايلنى و طايلك

==================================================
امتحان اللغه العربيه
1- ما رأيك بتصرفات " رفيع " و " فرحة " في مسلسل الضوء الشارد ؟ (5 علامات)

مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو )

2- ما رأيك بموقف "حسام" من "سرية" في مسلسل الحقيقة و السراب ؟ (5 علامات)

3- من برأيك أقوى وأفضل بوكيمون - هل هو – بيكاتشو ؟؟؟ (5 علامات)

4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد

في كأس العالم الأخيرة في كوريا و اليابان 2002. (4 علامات)
==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :

" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "

الأسئلة

==================================================

1-ماذا كان يريد ان يقول عمرو دياب للمزة ؟ (4 علامات (

2- ما نوع الكنبة اللي كان قاعد عليها عمرو في الاغنية, و ما إسم عامل السفنج في المصنع

3- ما اسم صبي الخياط بتاع المزه الموديل اللي كانت مع عمرو في الكليب ؟ (2 علامة (

==================================================
ثانيا النصوص

قال ريكو في أغنية (( خلي الشعب يعيش )) مايلي :

راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

==================================================
الاسئله
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 علامات)

2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3 علامات)

3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)

4- استخرج من البيت الثالث صورتين فوريتين مبينا نوع الكاميرا (3 علامات)
منقــــــــــــــــــــــــــــــــــــــــــــــــــــول

حرام عليك كل ديت اساله انا تعبت من كتر الاجابه
بس اساله جميله عرفتنى يعنى ايه مصر بجد افدكا الله انت سخص جميل وبتحب الجمال باىىىىىىىىىىىىىىىىىىىى معاك رابنا

» 10 نصائح للحصول على ظهر سليم بعد الولادة
» السفارات المصريه
» قصه حقيقيه حصلت في احد الجامعات المصريه
» من سمير زاهر الى الجماهير المصريه
» الاخبار المصريه والعالميه متجدد