شبـــاب العمـــــار
إضغط دخول وإدخل فورا
وإلا إعرف إن الفيسبوك هو اللي منعك
واحشتونا والله
شبـــاب العمـــــار
إضغط دخول وإدخل فورا
وإلا إعرف إن الفيسبوك هو اللي منعك
واحشتونا والله
شبـــاب العمـــــار
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول


 

 أحزان الأبنودي العادية

اذهب الى الأسفل 
+2
سميح عزت الهيو
مختار محمود
6 مشترك
كاتب الموضوعرسالة
مختار محمود
أديـب عمـاري
أديـب عمـاري
مختار محمود


ذكر
عدد الرسائل : 2683
العمر : 59
المكان : السعودية
الحالة : موكن يعني تمام
الهواية : قراءة
تاريخ التسجيل : 24/01/2008
التـقــييــم : 0

أحزان الأبنودي العادية Empty
مُساهمةموضوع: أحزان الأبنودي العادية   أحزان الأبنودي العادية I_icon_minitimeالإثنين 13 أبريل 2009, 9:18 am

البسملة

أحزاني العادية لعبد الرحمن الأبنودي


[size=18]وفجأة
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا
بالقبض على القبضه
وتقديم الكف
الدم
قلب الميدان وعدل
وكأنه دن نحاس مصهور
انا عندى فكرة عن المدن
اللى يكرهها النور
والقبر اللى يبات مش مسرور
وعندى فكرة عن العار
وميلاد النار
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح
ولسه فى صوتى هديل الينابيع
لسه فى قلبى صهيل المصباح
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع
ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل
وفى ليله التشييع
كان القمر غافل ..مجاش
والنجم كان حافل
لا بطل الرقصه ولا الارتعاش
لما بلغنى الخبر
اتزحم الباب
وجونى الاحباب
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب
ما اجمل نومه على كتوف اصحابك
تنظر صادقك من كدابك
تبحث عن صاحب انبل وش
فى الزمن الغش
والرؤيه قصادى اتسعت
بصيت واحسب نفسى بين خلان
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه
نحلب ليالى حلمنا المنتظر
وامتلات الاسواق بالمواكب
تبيع صديد الوهم والمراكب
وفارشه بالوطن على الرصيف
بالفكر والجياع والكواكب ومذله الرغيف
شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة
دنيا فسه
ما اتعس الانسان
ما اسعد الحيوان
وعبر
وصف من الزوانى وراه
متلطخين بالبودرة والمعاجين
حاصرين غطاوى الروس
بطونهم عريانين
بيغنوا طوبى لضحكه المساجين
وعيال عرايا
تفيض بها الطرقات
من القرى ومن المقاطعات
اطفال فى لون الجوع
صوت النفس مسموع
اطفال شبه وضلوع
اما انا
فاتسعت الرؤيا
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان
قبل مرورى على بعض مكان
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن
وقدرت تموت
وتفوت اللحم العارى المتهان
فى المدن اللى معداش منها ريحه انسان
انا مت
ومش منظور لى جواب
متحصن بكتوف الاصحاب
ولذلك فت
عند التربه
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن
ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق
فى قماشى الابيض
من جوف القبر
التقدم ضابط واتعرض
قبض على الجثه
وطلب الاوراق
مزع الاكفان
عدل الوش
ووقف وركلنى
وقالى بلؤم شديد
حتى فى الموت بتغش
شيلوه
ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن المهذبة ياكلب
اظنك حتقولى تانى الشعب
وصفعنى وتنى على بطنى بالكعب
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث
ضل جدودك فى الجدران مغروس
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان
اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان
واتذكرت سنه ما اتبنت القلعه
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل
وآخر الليل جانى بدم صحابى فى الاكل
استأذنت ارتب اقوالى
قفل الباب
واتفتح الباب
وخلاص
يا عم الضابط انت كداب
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت
احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعه انفاسها
واحنا ولاد الكلب الشعب
احنا بتوع الاجمل وطريقه الصعب
والضرب ببوز الجزمه وبسن الكعب
والموت فى الحرب
لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون
اللى تاريخى مركون
وانت قلاوون وابن طولون ونابليون
الزنزانه دى مبنيه قبل الكون
قبل الظلم ما يكسب جولات اللون
يا عم الضابط
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال
واكيد فيه جيل
اوصافه غير نفس الاوصاف
ان شاف يوعى
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى
ما خدمك الا من سجنك

يتبع إن شاء الله
الرجوع الى أعلى الصفحة اذهب الى الأسفل
http://www.arabicstory.net/index.php?p=author&aid=211
سميح عزت الهيو
شــاعـر عمـاري
شــاعـر عمـاري
سميح عزت الهيو


ذكر
عدد الرسائل : 2323
العمر : 55
المكان : "عنوانى أرض الله .. فعلا ماليش عنوان "
الحالة : "إسمى بنى آدم .. وقضيتى إنسان "
الهواية : الشعر والأدب
تاريخ التسجيل : 02/10/2008
التـقــييــم : 1

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالإثنين 13 أبريل 2009, 11:44 am


الله يسامحك يا أستاذنا

ده انا كنت بزوغ م الخال عبدالرحمن
علشان مش ناقص غلب ونيل أحزان
وانا كون مستكفى بضلمة ليله
ولا راغب حتى ف حلم يقيد قناديله
مبسوط بالتوهه وبالتوهان


راح اقول لك أيه ؟

"انا مت
ومش منظور لى جواب "

الرجوع الى أعلى الصفحة اذهب الى الأسفل
http://sameehezzat.maktoobblog.com/
مسعد النجار
عماري أصيل
عماري أصيل
مسعد النجار


ذكر
عدد الرسائل : 1942
العمر : 47
المكان : العمار البلد
الحالة : الحمد لله (تمام)
الهواية : راصد لأمور عدة
تاريخ التسجيل : 21/12/2007
التـقــييــم : 2

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالإثنين 13 أبريل 2009, 11:50 am

الله الله الله
م / مختار محمود
أ / سميح عزت
اختارولكم خيره
يا تاخدوا بأدينا وتطلعونا معاكم فوق
ياتنزلو لنا تحت
الرجوع الى أعلى الصفحة اذهب الى الأسفل
احمد عبدالمجيد
عماري أصيل
عماري أصيل
احمد عبدالمجيد


ذكر
عدد الرسائل : 2125
العمر : 36
المكان : العمار
الحالة : مهندس مدنى بالسعودية
الهواية : القراءة والرسم والشعر
تاريخ التسجيل : 08/10/2008
التـقــييــم : 0

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالإثنين 13 أبريل 2009, 6:49 pm

كل ده واسمها احزان الابنودى العادية
وكمان فى يتبع!!!!
انا قربت اعيط
بعد ماقال:

وطنك متباع
سرك متذاع
والدنيا حويطة
وانت بتاع
الرجوع الى أعلى الصفحة اذهب الى الأسفل
احمد فتحي
شــاعـر عمـاري
شــاعـر عمـاري
احمد فتحي


ذكر
عدد الرسائل : 1683
العمر : 42
المكان : بينكم
الحالة : متزوج
الهواية : الشعر -القراءة
تاريخ التسجيل : 18/10/2008
التـقــييــم : 2

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالثلاثاء 14 أبريل 2009, 12:27 pm

دي حصة مراجعه قبل الامتحانات
مانتم عارفين ان المسابقه ع الابوب
والموجه العام للمدرسه حب يراجعلنا المنهج
مشكورين يااستاذنا .
الرجوع الى أعلى الصفحة اذهب الى الأسفل
أحمد عبدالعزيز
شــاعـر عمـاري
شــاعـر عمـاري
أحمد عبدالعزيز


ذكر
عدد الرسائل : 3616
العمر : 42
المكان : أبوظبي
الحالة : متزوج
الهواية : الشعر والأدب
تاريخ التسجيل : 30/09/2008
التـقــييــم : 16

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالثلاثاء 14 أبريل 2009, 10:13 pm






الحق واعمل برشام

وصور مراجعة ما قبل المسابقة

:ي*ب: :ي*ب: :ي*ب:

مشجعين
الرجوع الى أعلى الصفحة اذهب الى الأسفل
مسعد النجار
عماري أصيل
عماري أصيل
مسعد النجار


ذكر
عدد الرسائل : 1942
العمر : 47
المكان : العمار البلد
الحالة : الحمد لله (تمام)
الهواية : راصد لأمور عدة
تاريخ التسجيل : 21/12/2007
التـقــييــم : 2

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالثلاثاء 14 أبريل 2009, 10:36 pm

أحمد فتحى مش بتاع برشام

شوف نفسك انته
الرجوع الى أعلى الصفحة اذهب الى الأسفل
مسعد النجار
عماري أصيل
عماري أصيل
مسعد النجار


ذكر
عدد الرسائل : 1942
العمر : 47
المكان : العمار البلد
الحالة : الحمد لله (تمام)
الهواية : راصد لأمور عدة
تاريخ التسجيل : 21/12/2007
التـقــييــم : 2

أحزان الأبنودي العادية Empty
مُساهمةموضوع: رد: أحزان الأبنودي العادية   أحزان الأبنودي العادية I_icon_minitimeالثلاثاء 14 أبريل 2009, 10:41 pm

تسلم ايدين اللى اشترى الدبلتين والأسورة وخطب ود شباب العمار
الرجوع الى أعلى الصفحة اذهب الى الأسفل
 
أحزان الأبنودي العادية
الرجوع الى أعلى الصفحة 
صفحة 1 من اصل 1
 مواضيع مماثلة
-
» قالوا الحياه أحزان
» يامنه - عبدالرحمن الأبنودي
» مواويل الأبنودي...2009
» الله يجازيك ياعم عبد الناصر ...الأبنودي

صلاحيات هذا المنتدى:لاتستطيع الرد على المواضيع في هذا المنتدى
شبـــاب العمـــــار :: منتدي الأدب :: منتدى النقول :: الشعر والنثر-
انتقل الى: