قالوا الحياه أحزان

قالوا الحياه أحزان
ولا فيها يوم راحه

وراحتها هيا الموت
قولناها بصراحه

لو إنت شايف كده
متقولها متخفشى

قولت الحياه ألوان
وعنينا ترسمها

لو فيها ذرة أمل
ليه نسيبها ما نعيشها

نرسمها ورديه
لو شئ يفرحنا

وإن شئ يزعلنا
بنعيشها نلعنها

وعجبى على حالنا
فيها ياخلق الله

ما لينا والله أمان
لو يوم فيها فرحنا

وإن يوم فيها تعبنا
أو شئ يزعلنا

بإيدنا إحنا بنهدى
اللعنه للأيام

وبعدنا ليه إحنا
عن شرعنا والدين

ونسينا أخلاقنا
وللأصول بايعين

لا فينا إيد تعطف
وتحن على غلبان

ولا حتى يوم ترسم
بسمه وأمل وحنان

فوقوا ياخلق الله
ولا تمشوا فى الأوهام

دا كل شئ مكتوب
على جبينا والأيام

بريئه من ذنبنا
والله ياخلق الله

اقتباس :: قولت الحياه ألوان
وعنينا ترسمها

لو فيها ذرة أمل
ليه نسيبها ما نعيشها

نرسمها ورديه
لو شئ يفرحنا

وإن شئ يزعلنا
بنعيشها نلعنها

جميلة والله يا أ /عمر..

معني وهدف ورسالة..

تسلم ايدك..

تسلم ايدك ياأخ عمرو شعر جميل والله .

جميله جدا استاذ عمر
تسلم ايدك

الله عليك

دعوة جميلة للتيقظ

استمر والى الأمام دائما

الأخت. أسيرة الأحلام

الأستاذ. حمدى فتحى

الأستاذ.أحمد ماهر

الأخت.وردة بلادى

أشكر مروركم الكريم

وسعدت كثيرا بكلمات حضراتكم الجميله

ولكم منى خالص التحيه

حبيبى شاعر المستقبل/عمر عبد العزيز
احسنت التعبير عن الفكره والرساله وصلت بطريقه سلسه
بساطة الفكره لم يمنعك من وضعها فى قالب شعرى جميل
استمر فى الكتابه والاطلاع على تجارب الاخرين فهناك تطور
ملموس ومحسوس فى كتابتك يجعلنى استبشر خيرا ولاسيما وان
الخطوات سريعه وجريئه ولن تأخذ وقتا طويلا للوصول الى مبتغاك

الاستاذ والاخ الاكبر /أحمديوسف أبوالنجا
منور الدنيا
ومشكور على الكلام الجميل
مرور حضرتك أسعدنى

» قالوا عنها الكثير.............فقالوا ...............و قالوا...........و قالوا ...........ماذا قالوا؟
» أحزان الأبنودي العادية
» ليه قالوا ...ومقلوش.
» قالوا مجنون .
» قالوا لى حبيبك مات