عاوزين مساعده الله يخليكم

السلام عليكم

أنا فى مشكله قابلتنى هى مش مشكلتى لكن مشكله انسانه عزيزه عليا جدا
ربنا يارب يفك كربها ويريح قلبها

الانسانه دى حاليا بتمر بأزمه هى حكتلى عليها لكن أنا وقفت عاجزه ومش قادره بجد أعملها حاجه

المشكله تتلخص فى انها (على فكره هى أكبر منى مش من سنى هى متزوجه من انسان محترم جدا
ومتدين وأولادها ما شاء الله على الاحترام وكانوا دايما متفوقين فى الدراسه وهى بجد كانت شعله من النشاط
ست بجد قليل تلاقى زيها المهم هى كانت ملتزمه جدا ومتدينه جدا ومازالت ولكن مش زى الاول
بتحكيلى بتقول انها دلوقتى مش مهتمه بأولادها خالص ولا زوجها حتى لدرجه ما عادتش تتكلم معاه زى الاول
ومستوى أولادها الدراسى فى انحدار باستمرار وكمان لو شافت البيت مش نضيف مبقتش تهتم انها تنضفه
ومبقتش تصلى بانتظام ولا تقرأ قرأن زى الاول
وحياتها بقت متلخبطه وبتقول هى عارفه ان كل ده غلط لكن هى مش قادره تعمل حاجه
وبصراحه ولا أنا قادره
قولتلها ازكرى ربنا حاولى تقربى من ربنا تقولى خلاص مش قادره أرجع زى الآول وكمان بتقولى

حتى لو شافت أى شخص بيضحك تقول هو بيضحك ليه هيا الدنيا فيها أيه حلو
ودايما بقت مكتئبه وحزينه مبتسلمش على حد مبتكلمش حد
والمشكله انها مش عارفه كل ده بيحصلها ليه

بصراحه ملقتش أحسن من أخواتى على المنتدى هنا يحاولو يشوفو معايا حل ليها
لآنها بجد انسانه عزيزه عليا جدا وصعبان عليا اشوفها كده ومعملهاش حاجه
منتظره حلولكم ان شاء الله وحتى ولو دعوه ليها ربنا يفك كربها

زائر

نحن هنا

انا تقديرى للكلام هو = حسد

لإنك ذكرتى الآتى :

الزوج متدين ومحترم

الزوجة متدينة ومحترمة ونشيطة

الأولاد جمال ومتفوقون

ثم انقلب الحال الى الآتى :

الزوجة قليلة التدين والنشاط والاهتمام

الأولاد مستواهم بيقل

---------------

الشيخ محمود المصرى اتسأل فى قضية إجتماعية قريبة من السؤال

وقال إنه حسد

---------------

العلاج = الرقية الشرعية ودى حضرتك يا أ/دهب تجيبيها من على النت سواء

فيديو أو بحث وتخليها تقوم بيها باستمرار

---------------

أخيراً بيتين شعر عن الحسد :

أيا كل من بات لى حاسداً

أتدرى مع من أسأت الأدب

أسأت مع الله فى حكمه

كأنك لم ترضى بما قد وهب

---------------

ونسأل الدعاء من جميع الإخوة بأن يصلح لها الله الحال وإيّانا

آمين

اللهم امين ربنا يصلح حالها وحال المسلمين جميعا
وياريت يادكتور تكبر خطك فى المنتدى
عشان بعد كده هنمشى وراك بعدسه مكبره

شكرا جدا يا دكتور ايهاب وجزاكم الله خيرا

ان شاء الله هنعمل معاها الروقيه الشرعيه هى عندى على شرائط كاسيت

ربنا يصلح حالها

بس بعد الرقية الشريعة ياريت تشوف طبيبة نفسية كويسة وتتكلم معاها

ده طبعا بعد متصارح زوجها بحالتها .. ومدام الحالة تستدعي

يبقي لازم ... وأكيد الدكتورة هتساعدها جدا إن شاء الله

قل للطبيب تخطفته يد الردى ياشافي الأمراض من أرداكا

قل للمريض نجا وعوفي بعد ما عجزت فنون الطب من عافاكا

قل للصحيح يموت لا من علة من بالمنايا ياصحيح دهاكا

قل للبصير وكان يحذر حفرة فهوى بها من ذا الذي أهواكا

بل سائل الأعمى خطا بين الزَّحام بلا اصطدام من يقود خطاكا

قل للجنين يعيش معزولا بلا راع ومرعى مالذي يرعاكا

قل للوليد بكى وأجهش بالبكاء لدى الولادة مالذي أبكاكا

الله
لا اله الا الله محمد رسول الله

أحمد منصور كتب:: ربنا يصلح حالها

بس بعد الرقية الشريعة ياريت تشوف طبيبة نفسية كويسة وتتكلم معاها

ده طبعا بعد متصارح زوجها بحالتها .. ومدام الحالة تستدعي

يبقي لازم ... وأكيد الدكتورة هتساعدها جدا إن شاء الله

شكرا على المساعده وطبعا زوجها عارف حالتها

بس مش عارفه موضوع الدكتوره النفسيه دى هى هتوافق عليه ولا لاء
على العموم هحاول اقنعها

وانا مليش شكرا وانا عمال ادعى من الصبح
هههههههههههههههههههههه

هههههههههههههههههههههههه

طبعا شكرا لكل اللى رد
وبعدين يعنى هو اللى بيعمل خير بيستنى شكر حد
كفايه الثواب من عند ربنا
والله أنا لما بشكر حد ببقى اقصد كل اللى رد مش شخص بعينه
ومع ذلك شكــــــــــــــــــــــــــــــــــــــــــــــرا

بارك الله فيكى

انا مع راي د/ ايهاب

وزى ماقولتلك يادهب ان ده حسد
وان كان فى حاجات تانيه بتغير حال البنى ادم
زى الاعمال والسحر والشعوزه ذى ما بعض الجهله
بيعتقدو فيها
بس عليها بالقرأن كتير وان مكنتش قادره تقرأ
فعلى الاقل تشغل كاسيت او راديو محطه القرأن الكريم
وتحاول تتكلم مع شخص قريب منها او تغير المكان المتواجده فيه
وتفرج عن نفسها وانشاءالله ربنا يفك كربها باذن الله

الموضوع فعلا لايخرج من كونه حسد

بسبب انها بتحكى على حياتهم ديما وانها سعيده

عليها بالقرأن خواتيم البقره وان استطاعت البقرة كامله وسورة

والاخلاص والمعوزتين ثلاث مرات فى يديها ثم تتفل في يديها ثم تمسح على وجهها

كما قال احد علماء الدين فى احدى البرامج عن زوجة تتصل وتحكى له نفس القصه

والله الموفق

سورى جاى متاخر
بس فعلا الموضوع لم يخرج عن نطاق الحسد
اللهم احفظها وبارك لها فيما رزقتها
وطول ما هيا قريبه من ربنا اكيد عمر ما اى حاجه هتاثر فيها
حاولى انك تشغليلها قران ف البيت على طول باستمرار
حتى لو ازاعه القران الكريم
وربنا يعينها
ويارب نسمع عنها كل خير عن قريب ان شاء الله

طيعا كان الله فى عونها وربنا يعينها على الى هى فيه بس ياريت حد يكون قريب منها يحاول يقف جنبها االايام الجاية دى وبلاش تضيع اكتر من الى ضاع المهم الى جاى حاولوا تقربوا منها وتخففوا من المها وتعرفوا ايه الى مضايقها اوى

شكرا يا جماعه على المساعده

وأنا فعلا اديتها شرايط الكاسيت اللى عليها الرقيه الشرعيه
وربنا معاها ويخفف عنها ان شاء الله

» كفايه كلام بقى .. عاوزين نقدم لدين الله اى شيىء ...؟؟؟؟؟
» فلاشة تلاوه قرآنيه تقشعر لها الابدان-الله الله الله الله
» عاوزه أنزل الفيلم ده ومش عارفه ممكن مساعده؟ (baby's day out)
» عاوزين نتخانق
» الله يرحم .. اللى قال جبر الخواطر ع الله ... سبحان الله ..؟؟؟؟