كفايه كلام بقى .. عاوزين نقدم لدين الله اى شيىء ...؟؟؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمه الله وبركاته

كل عام أنتم بخير

بدأنا موسم الطاعات شهر رمضان المبارك

شهر العطاء والحب والبذل والصدقة

شهر الخير .. شهر البر

نسأل الله ان يعيننا على الطاعه فيه وان يبارك لنا فيه

وان يخرجنا من رمضان من المقبولين اللهم امين

انا عاوز اتكلم معاكم فى موضوع مهم جدا ياجماعه واحنا فى رمضان

اه احنا الحمد لله بنقرأ القرآن ونصوم ونصلى ونقرأ من العلم المفيد

وكله ده تمام وفوق راسى بس احنا عاوزين بقى نخرج من اطار الكلام

او من الاطار النظرى ده لحيز عملى شويه عاوزين نتحرك شويه

نفسى اخدم دينى اوى عاوز احس باللذة اللى بيحسها الانسان

اللى بيكون سبب فى انه يخلى واحد مسكين يبتسم

او فقير تغموره السعاده .. او بيمسح بحب على راس يتيم

هى دى السعاده اللى بجد اللى عاوز أعيشها اللى نفسى احسها

علشان كده انا بقول شعارنا فى رمضان لازم يكون

@ كفاااااااية كلام بقى @

اه كفايه كلام ووعود وامانى واقتراحات وافكار واراء

عاوزين نخرج للحياة بقى نغير فيها

نحولها بالارداة والحب والتوكل على الله الى جنه

جنه ندخلها فى الدنيا حتى ندخلها ان شاء الله ربى يوم القيامه

ان فى الدنيا لجنه من لم يدخلها لم يدخل جنه الاخره

هى دى الجنه... جنه طاعه الله .. لذة القرب الى الله ..لذة عمل الخير

عارف انى طولت اوى فى المقدمه وعارف ان فى منكم ناس كتييييير اوى

عارفين كل الكلام ده ويمكن اكتر منى وهم اساتذتى وجزاهم الله خيرا

بس انا عاوز اقول ان الموضوع الى جاى اتكلم فيه بجد مش محتاج لتسويف مش محتاج

لتأجيل مش محتاج لكلام كتييييييييير محتاج لحاجه واحده بس

هى اصرار على طاعه الله وحب لكل شيىء يقربنى الى ربى

الموضوع بخلاصه اخوانى الكرام واخواتى الفضليات

هو ان احد الجمعيات فى العمار دعت الى

مشروع جمع الملابس القديمة من اهل العمار واعاده فرزها

وتنظيفها واعدادها واقامه معرض للاسر المحتاجه فى العمار فى رمضان

[ندعوك للتسجيل في المنتدى أو التعريف بنفسك لمعاينة هذه الصورة]

اه فى ناس كتييييير اوى سمعت عن الموضوع بس للاسف

القليل اوى اللى كان عنده عزيمه لاتلين

وقال فى صوت قوى وعجلت اليك ربى لترضى

نعم سأل وعرف ان الاخ الفاضل حبيب القلب شيخى الفاضل / الاستاذ عمرو امام

هو من تبرع بوقته وجهده فى جمع هذه الملابس وذهب اليه وقدم اليه ما استطاع

والبعض الكثير سمع ونام او كسل او قال بكره ان شاء الله هدور فى هدومى بكره

هكويها بكره هوديها بكره بكره بكره حبيبى هو العمر فيه كام بكره

حبيى والله ليست الفكره فى ملابس قديمه

انما الفكره فى ماذا تستطيع ان تقدم لدين الله

متى تتحول من الكلام فقط الى الفعل فقط ولا غيره

عاوزين نتغير بقى ياشباب والله هى فرصه

انا قلبى مقبوض وحاسس انه اخر رمضان بجد والله حاسس كده

حاسس انه اخر رمضان ليا معاكم

عاوزين نتم رمضان ده على خير

و لو ربنا اراد وبلغنا رمضان اخر الحمد لله

وان لم يرد الله برمضان اخر بعد هذا العام وكان الاجل

يبقى منندمش فى يوم والله لن ينفع فيه الندم

يلا بقى عاوزين نتحرك عاوزين نجمع كل الملابس

اللى عندى اللى ضاقت عليا واللى ليس لى حاجه اليها

كل الملابس عندى وعند اخواتى وعند ولاد عمى وجيرانى كلهم هنجمعهم

وهروح من بكره على أ.عمرو امام - جزاه الله خيرا -

هنتحرك يا جماعه .. هنعمل حاجه لاسلامنا ولا هنفضل محلك سر

نتكلم وبس انا قلتها كلمه لله ويمكن العام اللى جاى اكون قابلت ربى

وساعتها تذكرونى بالرحمه وادعولى بالمغفره

ان شاء الله انا ثقتى فى الله ثم فى شباب الخير فى العمار ليس لها حدود

ياااااااااااااااااارب يكون ظنى بكم ظن خير

اسأل الله ان يبارك فيكم وان ينفع بكم وان يجمعنا فى جناته

اللهم امييييييين

ننتظركم ان شاء الله فى منزل الحبيب عمرو امام

وكل من لديه مساهمه حتى ولو بسيطه جدا يتفضل

ليس العبره بما تتبرع ولكن العبره

برغبتك فى ان تقدم لدين الله كل حياتك

احبكم فى الله

واعذرونى على الاطاله ولكن كلماتى والله ما انتهت ولكن حتى لا اطيل

عليكم ننتظركم فلاتتأخروا علينا

كل عام انتم بخير

السلام عليكم ورحمه الله وبركاته

الاخ الفاضل أحمد أطال الله عمرك وبلغ الله رمضان سنوات وسنوات
أولا بالنسبه للفكره فهى جميله وقد قرات عنها قبل ذلك
ولكن لكى نقوم بتنفيذ اى فكرة يجب أن يكون هناك عدة خطوات اذا تمت بنجاح نجحت الفكره
وتتلخص فى

وجود مؤيدين لهذة الفكره
تحديد مكان للاجتماع لأخذ الاراء حول الفكره وعمل مايسمى العصف الذهنى للمجتمعين
تجميع الأراء وبحثها حتى لو كان بها أراء غير منطقيه سوف يتم استبعادها
اختيار مجموعه الأراء الجيدة ومناقشتها مره اخرى لأختيار الافضل الذى يمكن تنفيذه
الاتفاق على الرأى الأكثر واقعيه والذى يسهل تنفيذه
توزيع الادوار على المجتمعين كل واحد فى المجال الذى يرى أنه يمكن أن ينجح فيه
قيام كل واحد بتنفيذ الدور المطاوب منه
الاجتماع لبحث النتائج والتقييم
وهنا يجب أن يكون مكان الاجتماعات فى مكان ثابت مثل الجمعيه الشرعيه مثلا
مع تحياتى وكل عام وأنتم بخير

الخير فيكم وفى امتى الى يوم الدين ................. صدق الصادق الامين
جزاكم الله خير وزادكم من فضله

الأستاذ أحمد سيف الدين اسف على المقاطعة

ولكن الموضوع ليست فكرة نتشاور لتنفيذها

ولكنها باتت واقع فهناك جمعية بالفعل تقوم بذلك الآن

ولسنا سوف نقوم بإنشائها

فكل مافى الموضوع الآن أن من يريد

التبرع بالملابس بإمكانه أن يعطيها

للأستاذ حبيب قلبى والغالى علينا أوى

أ/عمرو إمام

فهو تعهد جزاه الله خيرا بجمع الملابس

جعل الله ذلك فى ميزان حسناته

وشكرا لأعز الناس البشمهندس

أحمد السيد

على مجهوده الرائع

وربنا يمد فى عمره آمين

والله العظيم انت كل كلامك صائب وفى محالة بجد

عايزين نتطور احسن انت لو عطفت على يتيم

وابتسم لك هتحس ان ابتسامتة دى بالدنيا كلها

وتحسسك برضا المولى عنك

رائع ياحمد باشا

تسلم يا هندسة

[ندعوك للتسجيل في المنتدى أو التعريف بنفسك لمعاينة هذه الصورة]

الحمد لله رب العالمين

اقتباس :: الحمد لله رب العالمين

مش فاهم .. تقصد ايه

قصدى كل خير يا ابوحميد ياراجل يا نشيط
انت عارف انا بعزك والله
قصدى ان الحمد لله تعبنا ومازلنا وان شاء الله نقدم حاجة كويسة
انا بحمد ربنا ع الشهر الكريم ده ياريت السنة كلها تبقى رمضان وياريت نكمل كمان بعد رمضان بهذا الشكل اللى الى حد ما يسر النفس ويبهجها
كل سنة وانتم طيبين

» عاوزين مساعده الله يخليكم
» من روائع كلام ابن القيم رحمه الله
» وحيد حامد يحرف كلام الله فى الجماعه
» 3 او 4 قطع مش كفايه خالص الناس محتاجه اكتر من كده هاااااااااااام
» فلاشة تلاوه قرآنيه تقشعر لها الابدان-الله الله الله الله