طيب قبل رمضان .. عايزين نتكلم شوية ..؟؟

السلام عليكم ورحمه الله وبركاته

طبعا احنا اتكلمنا كتييير اوى عن المنتدى الايام لا الشهور اللى فاتت

وكان مش عاجبنا حاله وأظن فى ناس كتيييير مش الجميع اكيد رأيهم من رأيي

المهم احنا اتعودنا لو فى حلو بنقول الله اكبر تمام واستمروا

ولو فى غلط بنقول لا احنا مش عاوزين كده احنا عاوزين المكان اللى يجمعنا

يبقى احسن مكان فى الدنيا

طيب ايه مناسبة الكلام اللى بقوله دلوقتى مناسبته انى حتى الان مش عارف

مين اللى ماسك المنتدى هتقولى وايه يعنى لما تعرف اقولك لا احنا داخلين على شهر

خير ومحتاجين الناس رنا يكرمها ان شاء الله تستفيد من المنتدى

- ودى نيتى وربنا يكرمنا على قدها -

وده طبعا مش هيجى بمجهود فردى ابدا حتى لو انا عملت ايه

علشان كده ببقى محتاج ناس نشتغل سوا

وعلشان كده انا مش عارف مييييييين اللى ماسك المنتدى من شهور

هتكلم بصراحه أحسن ...؟؟؟

اتكلمنا كتييير اوى فى الغرف المغلقة وتشاورنا وزعلنا وناس زعلت منا

قلنا لا هنتكلم على العام علشان يبقى قدام الناس

لو غلطت فى كلامى هقول انا اسف قدام الدنيا كلها

ولو انا اللى صح الناس تبقى معايا وتساندنى

انا سمعت من فتره ان فى ناس من المنتدى اتفقت مع حد محترم جدا هيعمل

تصميم جديد للمنتدى بمناسبة شهر رمضان

وكان هيبقى مفاجأة ومكنش التصميم بس لا الابواب والاقسام

يعنى حاجات كتيييييير اوى كده انا مش عارف مين دول

بس تعرفوا انا فى اوقات كتييييير

بلاقى المديرين اللى موجودين تحت اكتر من الاعضاء فى نفس الوقت ربنا يكتر

طيب ممكن اسال والاقى جواب

ليه كل المشرفين العوام اتشالوا ماعدا سوكر

اهو انا بدأت باعز اخ ليا عاوز اعرف اشمعنى هو على رأسه ريشه يعنى

وليه كمان كل يومين الاقى الاستاذ احمد منصور

مره بالاحمر ومره بالاسود ومره يهل علينا فى ثوب الزائر

انا بجد مش عارف ومش فاهم ليه بيحصل كده

اه ممكن تكون مرحلة انتقاليلة للسلطة زى اللى عاوزين نعملها فى مصر

يعنى انتقال سلمى بس ملهاش لازمه اننا نحذف نفسنا ونمشى

ويوم مانرجع امسك مدير يبقى عملت ايه طيب ما اقعد واشارك واكون مع الناس اللى شغاله

ولا لازم اكوم مدير علشان اعمل حاجه للمنتدى ولا ايه ...؟؟؟؟

وحتى الان مش عارف مين اللى ماسك المنتدى

ولا على اى اساس بيتم اختيار المدراء

اه بالمناسبة انا عاوز ابقى مدير ...

وانا بطلب اهو وان شاء الله هتشوفوا تغيييييييييير وده وعد

بس نجرب ليه لاء احنا جربنا كتيييييير ولا جديد امسك انا بقى واجرب حظى ولو فشلت

هطرد نفسى يومين وبعدين ارجع امسك تانى عادى يعنى

ولا ايه انا عارف انى فى ناس هتزعل من كلامى بس رزقنا على الله

تعرفوا دايما كده ربنا بيخلق ناس

اول ما بنشوفها بنعشقها - مش شرط تكون ناس ممتازة -

وناس تانية اول ما بنشوفها بمنطقهاش - مش شرط تكون ناس مش كويسة -

ولا اللى حبناه كان فى سبب ولا اللى كرهنا اليوم اللى شوفناه فيه كان له سبب

هى كده من عند ربنا

برده فى الاخر اللى يزعل يزعل

المهم كلمة حق هنقولها وخلاص

انا عاوز اعرف مين الكبير هنا علشان اعرف اتكلم معاه واوصله

وعلشان برده المتسلقين واشباه الموصلات

انا قصدى الكبير فى الادارة مش حاجه تانيه

كلنا كبار والحمد لله

منتظر رد بس ياريت ميكونش دبلوماسى اصل انا بجد والله

بكره احمد ابو الغيط اوى

السلام عليكم ورحمه الله

اولا الكلام جميل بس اسلوبة لايليق بالبشمهندس احمد السيد

اللى كل المنتدى يعرفة يمكن الاسلوب شديد شويه

وحضرتك كل شويه تقول محدش يزعل لا انا شخصيا زعلت لما قرات لان الاسلوب شديد

انا فعلا شايفة ان المنتدى حالة يرثى له وبجد مفيش جديد ولا اى استفادة انا معاك جدا ياهندسة

بس مش كدة بالراحة على الناس وعامة اللى عايز يعمل حاجة يعملها وميستناش حد

او يستنى انه يبقى ريس اللى عايز يعمل حاجة هيعملها ياهندسة

ربنا قال ولو كنت فظا غليظ القلب لانفضوا من حولك

تخيل ربنا قال الكلام دة للرسول خير متكلم ومتحدث

انا اسفة جدا وياريت تتقبل كلامى وميكونش زعل حضرتك

جزاكم الله خيرا

كل سنة وانتم فى صحة وخير

رمضان كريم

:m22:

بصراحة

احمد السيد قال على اللى بيحصل بكل وضوح

ودة احسن

بدل مقعد اليس على الناس واوهمهم انهم صح وتمام

مش مهم الاسلوب

المهم كلمة حق

اقتباس :: اولا الكلام جميل بس اسلوبة لايليق بالبشمهندس احمد السيد

اللى كل المنتدى يعرفة يمكن الاسلوب شديد شويه

انا لا اتفق معك لان أسلوبى هو اسلوب كتابه الموضوع

واللى كاتبه والله احمد السيد بنفسه ولا حد غيره

ويمكن فعلا اسلوبى شديد بس يمكن من اللى شفته

انى تبقى ماشيه فى اتجاه وبتعملى حاجه كل الهدف منها المنفعه

والله ولا غيرها وكمان بنيه ادخال السرور على قلب المسلم

وفجأة تلاقى حاجه تانيه خالص اظن من حقى ازهق انا بشر برده

اقتباس :: انا فعلا شايفة ان المنتدى حالة يرثى له وبجد مفيش جديد ولا اى استفادة انا معاك جدا ياهندسة

لا انا شخصيا زعلت لما قرات لان الاسلوب شديد

كلامك اللى فوق هو سبب هذا الاسلوب الشديد

اقتباس :: بس مش كدة بالراحة على الناس وعامة اللى عايز يعمل حاجة يعملها وميستناش حد

او يستنى انه يبقى ريس اللى عايز يعمل حاجة هيعملها ياهندسة

وده كلامى اللى قلته فى الموضوع لما قولت طيب ما اقعد واشارك واكون مع الناس اللى شغاله

ولا لازم اكوم مدير علشان اعمل حاجه للمنتدى ولا ايه ...؟؟؟؟

اقتباس :: ربنا قال ولو كنت فظا غليظ القلب لانفضوا من حولك

تخيل ربنا قال الكلام دة للرسول خير متكلم ومتحدث

فعلا انتى هنا محقه انا لم ألتزم فى الشدة الزائده واعتذر للجميع

ولكن لعل شيئا يتغير

اقتباس :: انا اسفة جدا وياريت تتقبل كلامى وميكونش زعل حضرتك

لا محصلش حاجه احنا اخوات وجزاكم الله خيرا

اقتباس :: بصراحة

احمد السيد قال على اللى بيحصل بكل وضوح

ودة احسن

الحمد لله واحد معانا وربنا معانا ان شاء الله

بحبك يا ابو حازم

AhMeD ELSaYeD كتب:

اقتباس :: بصراحة

احمد السيد قال على اللى بيحصل بكل وضوح

ودة احسن

الحمد لله واحد معانا وربنا معانا ان شاء الله

بحبك يا ابو حازم

انا اللى بحبك اكتر والله

اكثر الله من امثالك

اقتباس :: انا عاوز اعرف مين الكبير هنا علشان اعرف اتكلم معاه واوصله

والله سؤال كلنا بنسأله مش إنت بس يا أحمد

فعلا إحنا كأعضاء فى المنتدى أعتقد أبسط حقوقنا نعرف مين الناس اللى ماسكة المنتدى

(فى السر والعلن) اللى ظاهرين واللى من بعيد لبعيد

علشان نبقى عندنا دراية ونعرف بنكلم مين ولو حصل مشكلة نتوجه لمين

طلب بسيط جدا ومنطقى جدا ويااااااااااارب تأتى إجابة شافية ......

ده موضوع لأستاذ عمر المختار برضع بيسأل وينادى :

أين أنتم أيها المدراء

وما زال البحث مستمرا .....................................

أنت إنسان متميز ولك بالقلوب مكانة ياأخ أحمد

وعليك ان تلتمس الأعذار للمدراء فليس التقصير مقصورا عليهم فحسب

وإن كانوا هم من باب المسؤلية أولى بعمل إنتفاضه وتحريك للمياه الراكده ,

إلا أنني أري أن نعمل سويا ما نقدر, عليه فإن لم ينتبهوا , ولم يشاركوا في دفع شراع المنتدى يكون لنا وقفه

ولا تسألوا عن من هم المدراء ؟

المدير الحقيقي ليس صاحب اللون المميز ولكن صاحب العمل المميز الملموس بين أيدينا

أشكر لك حميتك العمارية , وسعيك الدائم نحو الأفضل

وعل الشهر الكريم يجمع الجميع على خير

كل عام وانتم بخير

لا حول ولا قوة الا بالله

بهذا الكم من التجاهل والاهمال نتعامل هنا

ام ان المنتدى بالفعل ليس له مدير حتى يتحدث باسمه

ان كان له مدير ولم يرد فهذه مصيبه تستحق السؤال

وان لم يكن له مدير فهى الطامه الكبرى

عرفت يا بشمهندس احمد لماذا كنت لابد ان اتحدث بحميه

وحتي حميتى لم تجدى شيئا

عليه العوض ومنه العوض

أشعروكأن هناك تعمد ان يتم معاملتنا بهذا القدر

الكبير من التهميش

( ياعمنا سيبه بتكلم ويقول اللى نفسه فيه ولا كأنه موجود )

لاحول ولا قوة الا بالله

وبجد منتدى من غير مدير

وبعد هذا الكم من التجاهل ابشركم بان المستقبل

هنا غير مبشر

السلام عليكم

تؤتؤتؤ مش للدرجه دي يابشمهندس

اكيد طبعاااا هما مش بيردوا لانهم ناوين يكون ردهم فعل باننا نشوف ادارة جديدة وطقم اشراف

جديد زي ماكانوا وعدونا قبل كدا

خلينا احنا نطور ف المنتدي بمعرفتنا وزي مااحنا شايفين اننا نعرف نطورة لحد ما حد يرد علينا

اقتباس :: اكيد طبعاااا هما مش بيردوا لانهم ناوين يكون ردهم فعل باننا نشوف ادارة جديدة وطقم اشراف

جديد زي ماكانوا وعدونا قبل كدا

ههههههههههههههههه

لا تعليق وبجد ربنا يخيب ظنى

ويكونوا عند حسن ظنك يا بشمهندسه

:ي*ب:

يااااااااااااااااااااااااااااااااااااارب

لا املك سوى ان اقول ياااااااااااااااااارب

السلام عليكم ورحمة الله وبركاته

أولا .. ماهو العمل الإداري في المنتدي ؟ وهل العمل متوقف الأن ؟

الإداري سواء كان مراقب عام أو مدير أو رئيس المنتدي فهو شخص يمتلك المزيد من الصلاحيات

من أبرزها صلاحيات التنشيط للأعضاء الجدد .. الحماية بالتنسيق مع الشركة المستضيفة متابعة التصميم

متابعة الأقسام وحالتها المتغيرة .. متابعة الرسائل العامة والتقارير التنبيهية بشكل دوري

البت في أمر الطرد والحذف والإعلان .. إضافة وتعديل وحذف قوانين الإشتراك وقوانين العمل داخل المنتدي

بما يناسب أوضاعه المتغيرة ... إدارة المجموعات والرتب والأعضاء وتلبية رغبات الاعضاء

في تغيير وتعديل البيانات الخاصة

فهذه هي أبرز الصلاحيات التي يقوم عليها عمل المدير

فالإدارة لا تعطي للمدير قدرات سحرية يحرك بها المنتدي فيجعله نشيطا وقتما يريد ويصيبه بالفتور

وقتما يريد .

ولهذا أطرح السؤال مرة أخري هل العمل الإداري متوقف الان في المنتدي ؟

وسوف أجيب عليه ومن لديه إجابة أخري أو رأي أخر فمرحبا به

العمل الإداري ساري تماما وليس هناك أي تقصير ملحوظ يخل بالعمل الأداري

فالمنتدي محمي جيدا وتتابع حمايته بإنتظام

المجموعات وخصوصا محموعة المشرفين فهناك توقف ظاهري ولكن العمل نفسه يتم بواسطة المدير

متابعة الأقسام وتغيراتها سائرة بلا توقف ليوم واحد

متابعة التصميم لعلك صرحت بما تكنه قلوبنا لكم

فمن الثلاثاء القادم سوف يتم تسليم المنتدي إلي مصمم متخصص علي درجة عالية من الإحترافية

حتي يقوم بتغيير التصميم كاملا وذلك كنا نكنه كمفاجأة رمضانية .. كل عام وانتم بخير

فياأخي الكريم عملي لن تجد فيه أي تقصير علي قدر ما نستطيع ولله الكمال

اما بالنسبة لكثرة المدرين التي تحدثت عنها ومع ذلك أيضا تحدثت عن عدم وجود مسئول

فالكلام هنا غير متناسق ..

اقتباس :: بلاقى المديرين اللى موجودين تحت اكتر من الاعضاء فى نفس الوقت ربنا يكتر

اقتباس :: انا عاوز اعرف مين الكبير هنا علشان اعرف اتكلم معاه واوصله

لو تقصد بالكبير صاحب الرتبة الأعلي فرتب الإدارة كلها متساوية وهم الأشخاص الذين تحدثت

أنت عنهم وعن كثرة وجودهم

أخي الكريم لن يستطيع أحد أن ينكر علينا ما فعلناه في السابق ولن يستطيع أحد أيضا ان ينكر علينا

ما نفعله الان لأن هذا هو الحق الذي لا يمكن إنكاره

كما لن يستطيع أحد أن ينكر علي أحد هنا شيء ولو يسير قدمه لهذا الصرح الكبير

أخي كما قلت أنت

اقتباس :: ولا لازم اكوم مدير علشان اعمل حاجه للمنتدى ولا ايه ...؟؟؟؟

هي دي القضية للأسف ناس كتير عندها حاجات كتيرة ممكن تقدمها للمكان ده

لكن معرفشي ليه منتظرين الإدارة علشان يتحركوا

عندما كنت مشرفا ومن قبلها عضوا لم أفكر يوم أن أحجب ما لدي حتي أجلس علي الكرسي

لا أظنك نسيت مجلة شباب العمار كانت فكرة عضوا

جميعة شباب العمار سعينا جميعا لها ولم يكن بيننا سوي مدير واحد وهو إسلام طلعت ولم تكن فكرته

جلسنا مع جميعات العمار بإسم المنتدي عملنا أشياء كثيرة بإسم المنتدي علي أرض الواقع

جعلنت المنتدي كيان حقيقي علي أرض الواقع وماذال العمل مستمرا

كما لا أنكر عليك أنك كنت أحدنا

وهذا العمل أضاف كثيرا للمنتدي ولم نكن عندها إلا أعضاء أو مشرفين

وانا الأن ومع كل الطاقم امامك أقول لك حاسبنا علي النقاط التي تري فيها تقصيرا

سواء الأن أو في أي وقت تشاء....وكان دائما موجودين لهذا الحساب ولم نمتنع عنه أبدا

ومع هذا ودعني أنهي كلامي بأن إنتظرونا في رمضان فهناك الأفضل إن شاء الله

الحمد لله رب العالمين

جاء الرد متأخرا جدااا

ولكن مريحا جداااااا

جزاكم الله خيرا

وننتظر رمضان

كل عام أنتم بخير

السلام عليكم جميعا

مبدئيا فى حاجه غلط عندنا وهى اننا عندنا اكثر من مدير

وده المفروض انه سلاح ذو حدين

1- الاول ده بيفرض على المدرين الموجودين يقدموا شغل ويرتقوا بحال المنتدى

2-الثانى انه بيعرض المنتدى للحذف او التخريب لكثرة عضويات الاداريين

فكرة ان كل يوم مدير يتغير ده مرفوض (من وجهة نظرى طبعاا)

لان المنتدى مش ملك حد

يوم الاقى عمرو مدير ويومين الاقيه مش موجود

وكذلك ابو منه واخيرا احمد منصور (مع حفظ الالقاب)

سياسة اختيار مدير او مشرف او مشرف عام ليها شروط

اهمها ان يبقى الشخص ده فاضى او بالقدر الكافى فاضى للمنتدى

ولو اتشال مره ميرجعش تانى.... ده حتى للمشرفين

تخيل بقه لو كان مدير كل يوم يتغير

ده كله خطأ احمد طلعت

جميل جدا انه عمل منتدى يضم الناس كلها فى كل مكان

بس مش جميل انه يسيب المنتدى

دمتم بود

اقتباس :: ده كله خطأ احمد طلعت

جميل جدا انه عمل منتدى يضم الناس كلها فى كل مكان

بس مش جميل انه يسيب المنتدى

أجمل ما قرأت فى تاريخ المنتدى

دمت رائعا يابشمهندس
ـــــــــــــــــــــــــــــــــــــــــــــــــــــــــــــــــــــــــــــــــــــ

معلش انا اسف بالرغم منى قلت هستنى لرمضان

برده محتاج اعرف مين مدير المنتدى حالا

ولو كانوا عده اشخاص طيب مين هم

وهل فى حاليا مشرفين ولا لاء

اقتباس :: معلش انا اسف بالرغم منى قلت هستنى لرمضان

برده محتاج اعرف مين مدير المنتدى حالا

ولو كانوا عده اشخاص طيب مين هم

وهل فى حاليا مشرفين ولا لاء

الإدارة التنفيذية الموجودة حاليا

أ / علي أبو الفتوح القائم علي التصميم الجديد

م / سوكر

أ / محمد عبدالسلام

وأخيرا العبد لله

وعلي فكرة بالنسبالي يجماعة ذهابي وعودتي كل ده لأسباب متعلقة بحاجات كتير أوي

يمكن يجي الوقت اللي أسردها لكن ده مش موضوعنا حاليا

اقتباس :: متابعة الأقسام وتغيراتها سائرة بلا توقف ليوم واحد

مش عارفه بصراحة الكلام ده ازاى

المنتدى من اسبوعين بالضبط كان بيحتضر

وبعد ما دخلنا وبنفسى بقيت ابعت رسايل للاعضاء اللى بنتوسم فيهم خير

ان منسيبش المنتدى كده يا جماعة ونكتب ونرجعه زى ما كان لغاية ما الحمد

لله اهو بقى أفضل كتير من فترة ال3 اسابيع الماضية

وف الفترة دى الواحد مكنش بيشوف حاجة من الادارة او بيفتكرها غير بالالوان

الاحمر والازرق وبــــــــــس

كل اللى اعرفه ان اى منتدى بيبقى ليه ادارة ثابته فى نشاطها

اعمالها ثابتة ولما يبقى المنتدى فى كبوة

تبقى هى أول المنقذين وده مبيحصلش هنا

ومع ذلك احنا مبننكرش دور الادارة اللى عملته ولا حاجة

كل ما هنالك مش عاوزين المنتدى يحصله زى ما كان حاصل من فترة قريبة

والادارة كانت متمثلة فقط فى الألوان والبانرز اللى بتوضع على الرئيسية فقط

هى الادارة بتنشط فى فترة نشاط المنتدى ولما بيتعب شويه بتختفى؟

شكرا

» عايزين نعمل حاجة
» للازكياء فقط .....شوفوا المتاهات وبعدها نتكلم!!!!
» ايه رأيكم نتكلم عن المصايب اللى عملناها فى المطبخ
» العمار بخير وربنا يوفقكم لما يحب ويرضى
» عايزين من النوع ده كتير اوى لو سمحتم ....