ايه رأيكم نتكلم عن المصايب اللى عملناها فى المطبخ

يعني انا كنت اخصائي تكسير

انما الطبيخ عمري ماتطلعت حاجة بايظة
فكرتني والله قريب قبل رمضان بكام يوم كان والدتي واختي عندهم امتحانات

وقررنا نطبخ
واحنا بنطبخ جبنا الكاميرا وصورنا بعض فيديو هزار ايه ومسخرة ايه بجد كان يوم حكاية
انا لحد دلوقتي بتفرج عالفيديو بموت من الضحك

بس طلع اكل مالوش حل
انا ساهمت فيه بعمل السلطة كان سلطة رهيبة بجد ههههههههههههه

فى سنه اولى كلية كنت واخد شقه انا وزميلى حنب الكلية وكنا خمسة

المهم ان احنا مفيش غير واحد بس اللى بيعرف يطبخ وياريته بيعرف يطبخ كل حاجة

مبيعرفشى يطبخ غير الحاجة اللى بيحبها وهى البطاطس من الاخر كان مدمن بطاطس

وكان مبيأكلناش غيرها مطبوخة او مسلوقة او محمرة كل يوم

واحنا الاربعة احسن واحد يطبخ فينا كان بيعمل بيض
فقررنا احنا الاربعة ناكل مع بعض ونسيبه لوحده ياكل البطاطس بتاعته

اول يوم قلنا هنعمل مكرونة وياريتنا مسبنا البطاطس

حطينا السمنة علشان نحمر المكرونة بصراحة انا لقيت المكرونة لونها ابيض زى ميكون عليها دقيق او نشا
قلت لهم المفروض ان احنا نغسل المكرونة وطبعا وافقوا وغسلت المكرونة وإتحولت المكرونة لعجينة

وطبعا هو كان واقف وكان عارف اننا بنبوظ المكرونة

وقعد يضحك ويتريق علينا المهم طبعا مسكتناس

حبسناه في الاوضة وأكلنا البطاطس المطبوخة اللي كان عملها ههههههههههه

موضوع جميل يميزو