حوار صريح جدا (الحلقة الثالثة ) احمد القماح

بسم الله الرحمن الرحبم

سادتى انساتى سادتى يتجدد اللقاء فى برنامجكم حوار صريح جدا مع عضو اكيد كل المنتدى يعرفه واللى ميعرفوش

يبقى خسر كتير قوى عضو يتميز بخفة الدم لتى دائما لا تفارق ردوده فضلا عن تواجده بإستمرار بمنتدى شباب

العمار وله علامة مميزة جدا فى منتدى شباب العمار سواء كان بعضوية العضو او بعضوية المشرف الا وهو

احمد بك القماح

[ندعوك للتسجيل في المنتدى أو التعريف بنفسك لمعاينة هذه الصورة]

عايزين ياجماعة اسئلة من نار والأن الميكرفون مع المشاهدين يالا ن هيبتدى [ندعوك للتسجيل في المنتدى أو التعريف بنفسك لمعاينة هذه الصورة]

يامسهل الحال يارب
ها الموضوع هيطول ولا اخش بالعضويه التانيه واسأل نفسى
صباح الفل ياعمرو
ولو حاد عايز يسأل يجيب حاجه سهله
عشان مترجعوناش لايام الغش والبرشام

زائر

أولاً مساء الفل على الناس الفل

حبيبنا أحمد القماح

1- ( المنتدى فى حياتك ) ..

كلمنا عن فترة ما قبل المنتدى .. أحمد القماح كان فيها ازاى ؟؟

وتكلمنا عن فترة مابعد المنتتدى ... ثم .. تقارن بين الفترتين ؟؟

2- ( القماح دمه زى العثل ) ..

السر فى ده إيه .. وراثة ولا صفة اكتسبتها من الدنيا ؟؟

3- (العيون الملونة ) ..

دايماً العيون الملونة بتدى إيحاء بنوع من أنواع ( التلون ) .. بمعنى :

قد تظهر شيئاً وتخفى شيئاً آخر ..

هل لاحظت يوماً ما على عينيك مثل هذا الأمر ؟؟

4- ( خالك د/كرم الشاذلى ) ..

شايفه ازاى ؟؟

استفدت منه إيه ؟؟

بتتمناله إيه ؟؟

5- ( عمرو امام ) ..

بيمثلك إيه ؟؟

6- ( أبومنة .. محمد مختار ) ..

مدى العلاقة اللى بينكم إيه ؟؟

7- ( ربنا سبحانه وتعالى ) ..

ظنّك بيه إيه ؟؟

8- ( يارب تدخل الجنة ) ..

أول شىء تحب تعمله أول ماتخش الجنة ؟؟

9- ( لحظة موتك ) ..

تحب آخر كلامك إيه ؟؟

10- ( النار ) ..

انت بعيد ولا قريب منها ؟؟

قمحاوى حبيبى

ازيك يا حبى

مش هتكلمنا عن عواطفك شوية ؟؟

هفكرلك فى كام سؤال كده

أولاً مساء الفل على الناس الفل
مساء الجمال يادكتور ايهاب
وصباح الجمال يادكتور ايهاب

حبيبنا أحمد القماح
ربنا يخليك
1- ( المنتدى فى حياتك ) ..

كلمنا عن فترة ما قبل المنتدى .. أحمد القماح كان فيها ازاى ؟؟
قبل المنتدى كنت طايش تايه مش شايف ولا دارى
ههههههههههههه
فعلا والله كانت حياتى شات فى شات واشتغلات
كان النت لسه جاى البلد وانا بقى مكنتش بعدى حاجه عليه
كنت لازم اتعلم كل حاجه لحد ماعرفت منتدى شباب العمار ربنا هدانى
وبدأت افهم النت صح .

وتكلمنا عن فترة مابعد المنتتدى ... ثم .. تقارن بين الفترتين ؟؟
مابعد المنتدى احسن فتره عشتها فى حياتى والله

2- ( القماح دمه زى العثل ) ..

السر فى ده إيه .. وراثة ولا صفة اكتسبتها من الدنيا ؟؟
مش عارف والله يادكتور
بس يمكن السبب انى بحب الهزار
والضحك واكره فى حياتى النكد
فبحب حياتى كلها تبقى هزار وضحك

3- (العيون الملونة ) ..

دايماً العيون الملونة بتدى إيحاء بنوع من أنواع ( التلون ) .. بمعنى :

قد تظهر شيئاً وتخفى شيئاً آخر ..

هل لاحظت يوماً ما على عينيك مثل هذا الأمر ؟؟
اه بشوف الصبح وبليل مش اوى
ههههههههههههههههههه

4- ( خالك د/كرم الشاذلى ) ..

شايفه ازاى ؟؟ شخصيه احترمها كثيرا
واعتبره القدوه فى حياتى

استفدت منه إيه ؟؟ بحاول والله استفيد بس مبشفوش غير يوم واحد فى الاسبوع

بتتمناله إيه ؟؟ ربنا يحقق كل الى بيتمناه

5- ( عمرو امام ) ..

بيمثلك إيه ؟؟ اخويه الكبير
ميفرقش عن محمد اخويه والله
الطيبه الزوق الاحترام الصفات الحلوه كلها
داغير حلوته وبياضه
الى بسببهم اتحسد وداس بنزين بدل الفرامل
هههههههههههههههههه

6- ( أبومنة .. محمد مختار ) ..

مدى العلاقة اللى بينكم إيه ؟؟

والله دول ناس زى العسل
ويتحبوا من القلب
ربنا يبارك فيهم

7- ( ربنا سبحانه وتعالى ) ..

ظنّك بيه إيه؟؟
ظنى برحمة الله لاحدود لها فرحمته وسعت غضبه

اللهم لا تحاسبنى بعدلك ولكن حاسبنى برحمتك
اللهم امين
8- ( يارب تدخل الجنة ) ..

أول شىء تحب تعمله أول ماتخش الجنة ؟؟
هصلى

9- ( لحظة موتك ) ..

تحب آخر كلامك إيه ؟؟
اشهد ان لا اله الا الله وان سيدنا محمد رسول الله

10- ( النار ) ..

انت بعيد ولا قريب منها ؟؟
مش عارف ربنا العالم بس ربنا يقدرنى وابعد عنها

شكرا يادكتور على الاسئله
ربنا يبارك فيك

صباح الفل ياعمنا الاستاذ عمرو
عامل ايه يارب تكون بخير
ربنا يقومك بالسلامه يعمرو

والله انت توقيعك يهلك من الضحك ....... رائع
...............................................
وان جاز لى السؤال :
ممكن تعطينا بطاقة تعارف كاملة عنكم
وما رايكم فى ال 16 سنة اللى تلقيت فيها التعليم مقارنة بمن حصل على نصف هذه السنوات من التعليم وذلك من الناحية ( الادبية والاجتماعية و المادية )
لا اقصد بالمادية مالك من ابيك ولكن اقصد مالك منك انت وكذلك الاخر

ههههههههههههههههههه

توقيعك تحفة يا ابو قماح

وشكرا على الكلام اللى قلته فى حقى .. ربنا يكرمك يا جميل

وانت أخ وربنا يعلم

خد دى بقى :

1- (الجدعنة)

أكتر حاجة بتميزك .. ممكن تكلمنا عنها شوية ؟؟

2- (أيام الثانوية)

كنت روش قوى وضارب شعرك جيل [ندعوك للتسجيل في المنتدى أو التعريف بنفسك لمعاينة هذه الصورة] وكنت بغير منك .. وكنت لما أشوف ظهرك أقول مين الواد العسول ده .. كانت بتمثلك إيه الأيام دى ؟؟

3- (لحظات حرجة)

كل واحد فينا مر بلحظات صعبة جدا فى حياته .. رغم انى مش عاوز أفكرك بس ياريت تقولنا على 3 مواقف مريت بيهم كأزمة ..

4- (ضحك ولعب وجد وحب)

خلينا فى آخر كلمة (الحب) حبيت كام مرة .. أنا شايف انك حبيت كتير دا انت كنت دنجوان [ندعوك للتسجيل في المنتدى أو التعريف بنفسك لمعاينة هذه الصورة] .. قولنا بقى مين أكتر واحدة حبيتها ومن غير أسماء .. وحبيت فيها إيه ؟؟

5- (محمد رضا)

بيمثلك إيه ؟؟

6- (حتة النادى)

لو طلعت منها بتحس بإيه ؟؟

7- (شلة المنتدى)

لما بتكون معاهم بحس بإيه ؟؟

8- (أكتر واحد فى المنتدى بتحبه)

مين هو ؟؟؟؟؟؟؟؟؟؟؟؟؟؟؟؟؟

9- (إيهاب رفعت)

الإسم ده فى ذاكرة ناس كتير .. وهو لا يختلف عليه اثنان .. اكتر حاجة بتجذبك فى إيهاب أيه ؟؟

10- (رومانسية)

اعتقد انك اكتر واحد تقدر تكلمنا عن الكلمة دى .. قول وبوح يا عمنا ..

كفاية عليك كده

انتظرونى
احبكم فى الله

احمد هلول كتب:: والله انت توقيعك يهلك من الضحك ....... رائع
...............................................
وان جاز لى السؤال :
ممكن تعطينا بطاقة تعارف كاملة عنكم
وما رايكم فى ال 16 سنة اللى تلقيت فيها التعليم مقارنة بمن حصل على نصف هذه السنوات من التعليم وذلك من الناحية ( الادبية والاجتماعية و المادية )
لا اقصد بالمادية مالك من ابيك ولكن اقصد مالك منك انت وكذلك الاخر

اسمى احمد رضا حبش
من عند النادى
اكيد معظم الناس عرفنى
بالله عليك يا استاذ احمد
تجيب اسئله سهله
لحسن اخوك صاقط عربى
ههههههههههههه

Amr Emam كتب:: ههههههههههههههههههه

توقيعك تحفة يا ابو قماح
لازم يبقى فى تغيير
اصل انا كنت حزين الفتره الى فاتت دى
قولت ادور على حاجه تضحكنى كل ما اكتب رد او موضوع
ههههههههههههه

وشكرا على الكلام اللى قلته فى حقى .. ربنا يكرمك يا جميل

وانت أخ وربنا يعلم
دى الحقيقه بتشكر فى ايه بس

خد دى بقى :

1- (الجدعنة)

أكتر حاجة بتميزك .. ممكن تكلمنا عنها شوية ؟؟
معلش ياعمرو السؤال ده مش لاقي له اجابه
اصل مبحبش اتكلم عن نفسى

2- (أيام الثانوية)

كنت روش قوى وضارب شعرك جيل [ندعوك للتسجيل في المنتدى أو التعريف بنفسك لمعاينة هذه الصورة] وكنت بغير منك .. وكنت لما أشوف ظهرك أقول مين الواد العسول ده .. كانت بتمثلك إيه الأيام دى ؟؟
الايام دى كانت اجمل ايام حياتى
وفى نفس الوقت اسوء ايام
كنت مدى للدنيا كلها طناش ومقضيها
قولت اعمل زى شباب اليومين دول
مفيش حد احسن منى
مهو عمرى كله كان من المعهد للبيت للدرس
لا عمرى خرجت زى باقى الشباب ولا كان ليه اصحاب
وكنت مع نفسى
بس اول مابدأت اقلد الشباب افتريت وبقيت اللطش
ومكنتش بتفرق معايا الصح من الغلط
بقيت شوارعى زى مابيقولوا
لامعهد ولا بيت ولا درس
هههههههههههههههه
كانت حياتى كلها فسح وخروجات
بس اتعلمت من الايام دى كتير دلوقتى
واستفدت كتير جدا
وعرفت فيها الانسان الكويس من الانسان الوحش وبقيت افرق
اصل انا كان عندى الناس كلها حلوه
ومكنتش بتعلم بالسهل ولا بقبل نصيحة حد
اه خسرت كتير بس اتعلمت اكتر
وبدأت احسبها صح
والحمد لله ربنا هدانى دلوقتى وبقيت عكس الكلام ده نهائى

3- (لحظات حرجة)

كل واحد فينا مر بلحظات صعبة جدا فى حياته .. رغم انى مش عاوز أفكرك بس ياريت تقولنا على 3 مواقف مريت بيهم كأزمة ..

مفيش ياعمرو الحمد لله

4- (ضحك ولعب وجد وحب)

خلينا فى آخر كلمة (الحب) حبيت كام مرة .. أنا شايف انك حبيت كتير دا انت كنت دنجوان [ندعوك للتسجيل في المنتدى أو التعريف بنفسك لمعاينة هذه الصورة] .. قولنا بقى مين أكتر واحدة حبيتها ومن غير أسماء .. وحبيت فيها إيه ؟؟
هههههههههههههه
انت عارف فى حياتى كلها محبيتش غير واحده بس
وانا عندى 17 سنه
بس ياعم دا كان شغل عيال
مرحله بيمر بيها اى شاب
كان بيعجبنى فيها جرأتها
ورقتها
وكانت بتحبنى
بس الحمد لله المرحله دى اتعلمت منها كتير
اتعلمت انى مفتحش قلبى غير للانسانه
الى هتكون من نصيبى
وربنا يسهل ياعمنا

5- (محمد رضا)

بيمثلك إيه ؟؟
ينهر ابيض اخويه محمد
دا نبض قلبى
دا الهوا الى بتنفسه
دا اخويه وصحبى وحبيبى
لو قولت هقول كتير
بلاش ياعم لا نتحسد
هههههههههههههه

6- (حتة النادى)

لو طلعت منها بتحس بإيه ؟؟
معرفش ابعد عنها اصلا
بس لو حصل وبعدت
بفضل اهرش لحد
ما ارجعلها
ههههههههههههههههههههه
دى ادمان

7- (شلة المنتدى)

لما بتكون معاهم بتحس بإيه ؟؟
احساس جميل جدا
اولا انا بتشرف بيهم والله
ناس محترمه
شباب زوق
واخلاقهم عاليه
ربنا يجمعنا على خير
ويحفظهم من كل سوء

8- (أكتر واحد فى المنتدى بتحبه)

مين هو ؟؟؟؟؟؟؟؟؟؟؟؟؟؟؟؟؟
استحاله احدد شخص معين
لانى غلوتكم واحده

9- (إيهاب رفعت)

الإسم ده فى ذاكرة ناس كتير .. وهو لا يختلف عليه اثنان .. اكتر حاجة بتجذبك فى إيهاب أيه ؟؟
اكتر حاجه
دول حجات ياعمنا
اول حاجه مبيسألش عنى
تانى حاجه مبيرنش عليه
ونسينى كمان
ههههههههههههههههههههه
حتى لو بيعمل كده عمرى ما ازعل منه
بجد الدكتور ايهاب من الناس الى تعلم فى القلب والعقل
انسان تحبه من غير ماتعرفه
يعنى انا مثلا حبيته من غير ما اشوفه قبل ما اعرفه
سمعت انه سأل عليه
بقيت هتجنن واعرفه انا كمان
لحد ما اتصادفنا
واتقابلنا زى ما يكون عرفين بعض من سنين
ربنا يبارك فيه
ويخليه لينا يارب
ومايحرمنا من طلته علينا

10- (رومانسية)

اعتقد انك اكتر واحد تقدر تكلمنا عن الكلمة دى .. قول وبوح يا عمنا ..
ههههههههههههههههه
ومالك واثق كده
الرومانسيه دى كلمه منسيه
خلاص بقى

كفاية عليك كده

كفايه ايه ياعمنا
تسلم ايدك
اسئله كلها ذكريات
وشقاء وحب
شكرا ليك ياعمرو
يا احلى عمرو

انا داخل بس علشان اسلم علي احمد القماح
والله واحشني جدااااااااا

وطالما دخلت الموضع يبقي لازم اسأل

اي واحد بتشوفه بتاخد عنه انطباع اول
بس لما تعرفه ممكن الانطباع ده يتغير
قول اول انطباع اخدته عن الاعضاء اللي قربت منهم في المنتدي؟ وبعد لما عرفتهم اتغير ولا لا؟

قبل مسأل فينا من زعل ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

لا قوووووووووووووووووووووووووول
هزعل من ايه بس

صباح الفل يبش مهندس محمود
وصباح الاسئله الحلوه
شباب المنتدى بجد من اجدع واطيب الشباب الى عرفتهم
ودا الانطباع الى خدته عنهم قبل وبعد ماعرفتهم
ناس بجد بلسم يتحطو على الجرح يطيب
وبجد مفيش حد فيهم وحش عشان الوحش بيتعرف من اسلوبه فى المنتدى
ومصير الوحش ياطرد يالحذف
واكيد محدش بيتعامل معاه بعد كده

طيب لغاية بقى ما أحمد منصور يحضرلك الأسئلة

أسأل انا.........

بداية سلام عليكم

انا عندى سؤال واحد بما إنك شاهد على المنتدى ده من زمااااااااااااااااااااااااااااااااااااان

اوووووووى

ياريت تقولنا إيه رأيك فى الأعضاء وتكتلاتهم أو إنتمائاتهم بمعنى أصح وأبسط

إنت شايف الناس اللى معاك هنا إزاى بصراحة جداااااااااااااااا

إيه رأيك فى الناس هنا بقى سواء كانوا أعضاء

قدامى أو ناس لسه مشتركة جديدة وياريت كمان تقولنا إيه رأيك فى تطور الأعضاء هنا

يعنى حاسس إن الناس إتغيرت عن زمان شخصيتهم اتغيرت ردودهم ولا ايه ؟؟؟

عامة أنا فتحتلك نافذة الأعضاء وبقولك كلمنا عنهم

بشكل عام بدون ذكر أسماء ............

شكرا جزيلا

أنا بس داخل أمسى على الجميل ..أحمد القماح ..

سا الخيرررررررررررررر

مساء الجمال ياعم محمد ريتش سابقا
مساء الفل عليك ياعم محمد ميزو سابقا

طيب لغاية بقى ما أحمد منصور يحضرلك الأسئلة

أسأل انا.........

بداية سلام عليكم
وعليكم السلام ورحمة الله وبركاته يا اخت حنين

انا عندى سؤال واحد بما إنك شاهد على المنتدى ده من زمااااااااااااااااااااااااااااااااااااان

اوووووووى

ياريت تقولنا إيه رأيك فى الأعضاء وتكتلاتهم أو إنتمائاتهم بمعنى أصح وأبسط

إنت شايف الناس اللى معاك هنا إزاى بصراحة جداااااااااااااااا

إيه رأيك فى الناس هنا بقى سواء كانوا أعضاء

قدامى أو ناس لسه مشتركة جديدة وياريت كمان تقولنا إيه رأيك فى تطور الأعضاء هنا

يعنى حاسس إن الناس إتغيرت عن زمان شخصيتهم اتغيرت ردودهم ولا ايه ؟؟؟

عامة أنا فتحتلك نافذة الأعضاء وبقولك كلمنا عنهم

بشكل عام بدون ذكر أسماء ............
بدون مقدمات
نخش فى الموضوع
بداية دخولى المنتدى كان مجرد انه حاجه تخص البلد
هفيد وهستفاد منها
وفعلا استفد كتير اوى منه
طبعا اول ما اشتركت شوفت اسامى لاعضاء
منهم الى اعرفهم وبحترمهم اوى وبعزهم
ومنهم الى معرفش مين هما اساسا
وكنت اتمنى اتشرف بمعرفتهم والحمد لله حصل
اعضاء المنتدى جميعا فى البدايه بلا استثناء
كان اسلوبهم مختلف نهائى
بدليل انه لو حد فيكم دخل وشاف مواضيعهم وردودهم فى البدايه
هتلاقيها مش طريقة ردود اى حد فينا دلوقتى
ولا موضوع ينفع حد فينا دلوقتى ينقله او يكون من تفكيره
بس الى احنا فيه دلوقتى بمعاملتنا وموضيعنا واسلوبنا فى الرد
اكبر دليل ان المنتدى علمنا كتير
وانا شخصيا والله والله بسبب المنتدى واعضاء المنتدى والناس الى محترمه
الى فيه
اتعلمت كل حاجه حلوه فى حياتى
اسلوبى فى الكلام
معملتى مع الناس
واما ابقى حزين ادور على مين يطلعنى من الى انا فيه
اكيد المنتدى والناس الى فى المنتدى الى بيفرحونى
شباب المنتدى بجد هما الحاجه الحلوه فى حياتى
اى شاب مدخلش منتدى شباب العمار
اكيد خسر وهيخسر كتير
خسر الصحبه الحلوه
خسر الخير الى بنتجمع عشانه كل سنه
كفايه اننا بنتجمع فى الخير بس دى بالدنيا كلها
يشباب والله لو احمد طلعت دور على موضوع لكل واحد فينا يكون مش منقول من تفكيره هوه
او رد لاى حد فينا هيشوف نفسه فيه
ويشوف اسلوبه دلوقتى اتغير ازاى
بجد المنتدى ده هو الى عملنا مش احنا الى عملناه
اتعلمنا نفكر مره واتنين وعشره فى كل كلمه هنقولها قبل ماتتقال
دا فى المنتدى وبره قدام اهلك واصحابك
اتعلمنا نفكر مره واتنين وعشره فى اى موضوع تحب تتكلم فيه
لما بتكون قاعد وسط شله من زميلك او مع اهلك فى البيت
اتعلمنا نخاف على بعض لما حد يخش يقول كلام ممكن يزعل اتنين من بعض
اتعلمنا اننا منعرفش نفرح غير مع بعض
واننا منشوفش واحد زعلان ومنقفش جنبه
بصراحه لو كل واحد عمل زووووووووم على نفسه
على رأى الدكتور احمد
لو عملت زووووووم على نفسك زمان
وعملت زووووم دلوقتى هتلاقى فرق كبير
والله والله انا مكنتش بعرف اكتب كلمتين على بعض زى الى كتبتهم دول
اول مادخلت المنتدى
دلوقتى فى فرق
لو فضلت اتكلم هقول كتير اوى اوى
وكتير منكم هيقول دا بيجامل
بس انا والله ما بجامل
انا اتغيرت كتير اوى
واتغيرت حجات كتير فى حياتى
بسبب المنتدى والشباب الجميل الى عرفتهم من المنتدى
بالله عليكم ماتبعدوا ولا تزعلوا من بعض
عشان انتوا سبب غيرنى وغير كتير منكم وهيغير جيل كمان بعدنا
ربنا مايحرمنا من بعض
ويجمعنا دايما على الخير

حبيبى قلبى القماح

استلم دول

ماهو الشئ اللى لقيتة فى شباب العمار

وملقيتوش فى مكان تانى

ماهى موصفات فتاة احلامك

ماذا يمثل لك

ابومنة

ميزو

ايهاب رفعت

ابوحازم يلا بالمرة

ماهى علاقتك بأصدقاء الدراسة

هل انت صديق مخلص ام غير ذالك

هل انت مجامل زيادة عن الشئ ام لا

من هو جوهرة قلبك

من هو اول صديق لك من شباب العمار

ما انطباعك عن الصداقة

ماهوهدفك فى شباب العمار

،،،،،،،،،،،،،،،،،،،،،،،،

كفاية لحد كدة

جاوب بقى

انا داخل تانى بس أمسى على القماح ..

ABO7AZM كتب:: حبيبى قلبى القماح

استلم دول

ماهو الشئ اللى لقيتة فى شباب العمار

وملقيتوش فى مكان تانى؟
السؤال ده انا جاوبت عليه
فى الرد الى قبل ده
شباب المنتدى جدعان وناس يتحبوا من القلب
ربنا مايحرمنا من بعض

ماهى موصفات فتاة احلامك؟

حلاوة المرأه فى حيائها
اتمنى ان تكون فتاة احلامى
اخلاق وادب وحلاوه ودمها يكون خفيف
عشان اليوم يعدى بسرعه
واه بقى لو عنيها ملونه
هنجيب قطط
هههههههههههههه

ماذا يمثل لك

ابومنة
الجدعنه

ميزو
الطيبه

ايهاب رفعت
حلاوة الروح

ابوحازم يلا بالمرة
حبيبى

ماهى علاقتك بأصدقاء الدراسة؟
تمام والله حتى الى من بره البلد
فى ود واستحاله ننسى بعض

هل انت صديق مخلص ام غير ذالك؟
نترك السؤال للجمهور
لانهم مرايتى

هل انت مجامل زيادة عن الشئ ام لا؟
بردوا الجمهور شايفنى اكتر من نفسى

من هو جوهرة قلبك؟
اخويه محمد

من هو اول صديق لك من شباب العمار؟
مسلم

ما انطباعك عن الصداقة؟
اجمل شئ فى الدنيا
الصداقه بأخلاص
الى من غير اى مصلحه
ودا طبعى عمرى ما عرفت حد وصاحبته
عشان عايز منه حاجه
بحب الى يعرفنى عشان عايز يعرفنى
وكذالك انا
بحب يبقى ليه اصدقاء مخلصين
يبقى فى ود وحب واخلاص

ماهوهدفك فى شباب العمار؟

نفسى يبقى حاجه
وافضل اتعلم منه
ويبقى فيه جديد
ويعلم اجيال بعدنا
بجد نفسنا نتقدم بمنتدى
بل
بملتقى شباب العمار

،،،،،،،،،،،،،،،،،،،،،،،،

كفاية لحد كدة

جاوب بقى

ربنا يخليك يا استاذ محمد
يجدع اموت واشوفك
ربنا مايحرمنا منك

وشكرا ياعم ابو حازم على الاسئله الجميله دى
ربنا يبارك فيك ياعمنا

انا بس حبيت امسي على القماح
والله يا قماح انا بموت من الضحك كل ما اشوف توقيعك ... مش قادر ... لدرجة انى بثبت الصورة على التوقيع ونقع من الضحك انا والاسرة ... الله يبارك لك اسعدتنا والله رغم انك ما جاوبتش على اسئلتى .

ههههههههههههههههههههه
ربنا يخليك يا استاذ احمد
مساء الجمال ياعمنا
عيزك تسألنى اسئله
متكلمش عن نفسى فيها كتير
بالله عليك ماتزعل

» حوار صريح جدا الحلقة 2
» حوار صريح جدا الحلقة الاولى
» حوار صريح جدا (الحلقة الاولى )
» حوار صريح جدا (الحلقة العاشرة) أ/دهب
» حوار صريح جدا (الحلقة التاسعة )أ/عمر المختار