موضوع فيه مشاكل

السلام عليكم ورحمة الله وبركاته
العنوان بايخ  بس يشد  
الموضوع هوه  
"ليه ما بدخلشى ابنك او بنتك  او اخوك او اختك المعهد الدينى"
سؤال ليه اجابتين عند اغلب الناس
الازهر تقيل ............... وهوه ده الاشهر
الازهر ما لوش مستقبل




فى البداية ده كلام غير صحيح تماما  لكن خلينا نرد علية فى الاخر, فى الاول هنعتبر  انه صحيح  ونشوف بقى مميزات المعهد الدينى لما هى اللى فوق دى بقى عيوبه نشوف مميزاته ونقارن
1-   ومفيش بعد كده وكفايه بيها ميزة  ان ابنك او بنتك هتتربى على حفظ القران   فيه اجمل من كده  هنقول هوه فين اللى فى الازهر اللى حافظ القران  هنقول على الاقل  اتربى على حفظ القران  وبعد كده بيبقى حفظة سهل  ,, وهوه دايما او الاغلب  الاقرب لية  قال رسول الله صلى الله عليه و سلم ( خيركم من تعلم القرأن و علمه ) صدق رسول الله 
2 - العلوم الشرعية اللى فى الغالب فية شباب عدوا سن العشرين  وال30  والطالب فى 3 اعدادى ازهر عنده علم فى  الفقه وامور الدين اكتر من 10 زيهم مجتمعين  
3- و ده سبب اللى  يقول فيه  حاجه يبقى لمؤاخذه... اسف   و السبب هوه الاختلاط ,  الطلبة فى الاعدادى والثانوى والجامعه مفيش اختلاط  يعنى ابنك وبنتك اقرب الى العفه منهم الى .........واللى شايف ان الاختلاط ميزة او ان الاختلاط  مباح وعادى  اقوله كلمة   ......... حرام عليك 
 4- طالب االازهر عنده ثبات اكتر ضد التيارات  المنحرفه  دينيا او اخلاقيا  وده كلام سمعناه ان مثلا الجماعات الارهابيه اللى كانت فى يوم من الايام مالية مصر كلها   ولا واحد من الجماعات دى ازهرى تصدق


-- وفيه طبعا حاجات تانية كتيير ومميزات تانيه  مش موجوده فى التعليم الحكومى 




طيب نشوف حكاية ان الازهر تقيل   مش بالصورة اللى الناس متخيلاها شوف الطلبة فى التعليم الحكومى وبالذات فى الثانوى  طبعا كلنا  عارفين ان الناس بتاخد دروس فى جميع المواد   وطول السنة الواحد او الواحده حابس نفسه   وشغال طحن    وتشوفه من السنه للسنه ليه؟
 بيذاكر  
واللى اعصابه تبوظ والناس اللى تجيلها انهيار عصبى   و المعسكرات المقفوله والمفتوحه والممتده الحاجات دى سمعناها من طلبة التعليم الحكومى اعتقد  ان التعليم الازهرى لو تقيل    يبقى ما يفرقش عن التعليم الحكومى كتير



----   حكاية ان الازهر ما لوش مستقبل    اولا المستقبل بيد الله وحده
و بعدين كلمة مضحكه جدا اللى اخترعها   فاشل


مالوش مستقبل ازاى  
فيه كلمه استاذ عندنا قالها  (انت فى جميع الاحوال انت داخل كليه )  شهاده كبيرة زى ما الناس ما  بتقول   لو هنتكلم عن الشهادات.



و للحديث بقية    


الواحد زهق   اه الكلام ده كله  ياسنه بيضه معلش طولت عليكم   ده اذا حد وصل  لاخر الموضوع