مشاكل السفر

الشباب ليه بيدور علي السفر هو مفيش فرص عمل في مصر ولا علشان تعمل مستقبل لك واليي جاي من بعدك بعد عمر طويل ولا علشان خايف العمر يعدي من غير متجوز انا عارف اني علشان تجوز دلوقتي عاوز عمر تاني في ظل الشروط بتاعت ابهات اليومين دول عاوز الناس تدرس الموضوع قبل فوات الاوان وشكرًا

أنا عن نفسي شايف ان السفر في الأيام اللي احنا فيا دي هو حل اللغز
البلد مخنوقة وان مكنتش هتكون نفسك وانت لسة شباب هتكون نفسك امتى

أنا عن نفسي بشجع السفر
أنا عارف ان مفيش أصعب من فكرة السفر والبعد عن أحبابنا وأهالينا والغربة

بس أنا لما أروح أعملي قرشين وآجي أعمل بيهم مشروع أبدأ بيه حياتي ايه المانع

لو رضيت بالأمر الواقع دلوقتي هتفضل على حالك من غير ماتتقدم لأن البلد مقفولة من ناحية الوظايف والشغل ولو لاقيت شغل مش هيأكلك عيش حاف

المهم يعني من الآخر أنا عن نفسي بأيد فكرة السفر

انا شايف ان مش اسافر بره بس انا ان شاء الله ناوي اعيش بره مصر واستقر انا ومراتي و اولادي وابقي اجي لمصر زيارات

انا مع اسلام ان الحل الوحيد هو السفر لحل المشكله الكبيره وهى ايجاد فرص عمل

لو قيسنا الموضوع بمقاييس العقل علشان تجيب شقه وتجهزها وتتجوز معتمد علي نفسك وعايش في مصر يبقي موت ياحمار

فعلا السفر حل لمشاكل كتير اوي

بسي ايه اللي ورا السفر

في ناس امنيتها السفر وبعد مابيسافر بيفشل

ياتري ايه السبب؟

اكيد انه مافكرشي هو هايروح يشتغل ايه

اكيد مافكرشي اني السفر مش بئر فلوس هاروح اجيب منه او السما بتمطر فلوس او ده كولدير معمول سبيل بينزل فلوس

السفر تضحيات

وتضحياته صعبه

اللي عازب بشجعه علي السفر

واللي خاطب بشجعه علي السفر

واللي متجوز لو مش هاياخد زوجته معاه يبقي هو ده اللي مانشجعشي عليه

في ناس امكانيتهم ماتسمحشي اني ياخدوا زوجاتهم واولادهم معاهم

بسي ده من الاحسن يقعد يشتغل في بلده لاني ضريبة السفر بالنسبه له هاتبقي خسارة كبيرة اوي

ويجعله عامر

عندك حق يا قابض فى الى انت بتقولة
وفى ناس كتير سفرو من بلدنا وفشلو لانهم مبيفكرش هيشتغلو اية

دي أمنيه اني اشوف الشغل في مصر اكتر من الايدي العامله

امتي هايجي اليوم اللي الحكومه تشجع فيه علي الانجاب بدل من وسائل تحديد وتنظيم النسل

امتي هايجي اليوم اللي الشباب يخلص فيه الجامعه ويلاقي شغل بدون تعب

امتي

امتي

بسي يادكتور احمد السفر والترحال اللي نكتسب منه الخبرات ده أظن قليل قوي

مافيناش ابن بطوطة اللي كان ملك الترحال

اللي بيسافر علشان يعمل فلوس ويرجع

حتي مابيبقاش عنده وقت يخرج ويشوف الناس عايشه ازاي

رتم الحياة بيبقي اسرع مما تتصور

عمرك ماتحس ان عمرك بينسرق منك الا في السفر وده كلام ناس مسافرة

واللة انا رائى ان السفر حل ومش حل يعنى حل لو فعلا ملقاش الفرصة هنا اما لو لة فعلا شغل وفرصة يبقى يسافر لية هنا زى هناك ولية ننسى ان السفر لة ضريبة كمان وضريبة غالية واظن احنة بحثنة بجد هانلاقى ان الفرصة فى بلدنا احسن بكتير وعلى كدة كل واحد يسيب البلد ويسافر واكيد هيجى يوم مانلقيش حد فيها