نافورة كليتنا ....تستغيث

بداية سلام عليكم اتمنى تكونوا أصحاء وسعداء وكل حاجة حلوة على هذا الوزن

المهم يا جماعة النافورة اللى عندنا فى المجمع واللى بتتصارع كل كلية إنها تنسبها لنفسها وتقول إنها نافورتهم

سواء كانت تجارة أو آداب أو تعليم أساسى أو طبعا تربية عام لكن بدون شك النافورة دى معمولة خصيصا

لكلية تربية عام مش بس علشان هى الكلية الأمثل فى مجمع الكليات والأمثل نظرياً فى بنها بأسرها ومش هنخوض

فى الكلام ده علشان الحماسة والحساسيات ولكن النافورة دى بتاعتنا

علشان كمان اللى بناها فى الأصل كان مدرس بس كان الحال ضيق عليه فاشتغل بنى وكده

المهم إن النافورة دى كانت حضن دافى لكل الطلبة ياااااااما قعدنا عليها وأكلنا وشربنا واتكلمنا واتصورنا

وتلاقى عليها من كل الأصناف يعنى الناس الحبيبة اللى دماغها عالية جاية الكلية علشان تسمع أسامة منير

والناس الدحيحة اللى مورهومش حاجة غير نقل المحاضرات والحضور وف الأصل لو سألتهم مش فاهمين حاجة

وتلاقى برضه عليها الناس اللى هى مهيسة ومش مركزة لا ف ده ولا فى ده وجاية الكلية تتضيع وقت والسلام

المهم إنها بصراحة عمرها ما فرقت بينا واحتضنتنا كلنا سواء عام او أساسى أو تجارة أو لو حتى كنت آداب

وكان كل ده بيحصل وفيه لافتة متعلقة على النافورة مكتوب عليها (ممنوع الجلوس على النافورة )

لكن إحنا كنا بنـُدفع دفع للجلوس عليها يا جماعة لان مفيش مكان نقعد فيه والله

الدنيا زحمة اوى حتى الارض محجوزة فمكنش لينا ملاذ آخر غير الجلوس على تدرجات النافورة الجميلة الحنينة دى

ومحدش يقول إنتوا بتقعدوا عليها إزاى طيب والمية اللى فى النافورة ؟؟؟؟؟؟؟؟

هقولكم لأ يا جماعة ........لأ النافورة أصلا عطلانه ومبتنزلش ولا نقطة مية وإحنا كنا بنحبها لذاتها

مش علشان المية والحلاوة حلاوة الروح بالرغم من انها عطلانه الا اننا كلنا بنعزها ونقدرها

وكانت عندنا أجمل وأغلى من نافورة الهيلتون

المهم إننا فى يوم داخلين الكلية الصبح وعلشان تدخل الكلية أو تخرج بتمر بهذه النافورة التى تتوسط

المجمع وبنبصلها الصبح بنظرة عرفان بالجميل علشان نصبح عليها وجدنا الفاااااااااااااااجعة

حاجة لا يمكن تتصورها وجدنا النافورة بتدرجاتها كاملة متغطية بالزيت الأسود

بتاع العربيات ده وشكلها يقطع القلب

هتقولى ليه كده؟؟؟؟؟؟؟؟؟؟؟

هقولك ده قرار إدارة الكلية الرشيدة العاقلة المتأنية كنوع من أنواع

الردع للطلاب إنهم يقعدوا عليها تانى ولو إنى مش فاهمه إيه المشكلة

فى قعاد الطلبة على النافورة دى؟؟؟؟؟؟؟؟هو انتوا وفرتوا أماكن آدمية وهما مقعدوش

حاجة تغيظ والله وحَوَل إدراكى ما بعده حول

وبالفعل النافورة عن بكرة أبيها اتغرقت زيت اسود ومنيل بستين نيلة وبقى حالها يرثى له

وياريت فعلاً الطلاب مبقوش يقعدوا لأ دول جابوا رمل وفرشوه عليها وحطوا الكتب وقعدوا وكأن شيئا لم يكن

وبراءة الأطفال فى أعينهم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

على الهامش كده وبدون زعل

يعنى موضوع النافورة من اوله لآخره بيجسد سياسية الحَول الإداركى

اللى بنعانى منها فى مصر وفى كل الإدارات والقرارات يعنى بعد تفكير عميق جدا ازاى يخلوا الطلبة

ميقعدوش على النافورة (تمخض الجبل فولد فأراً)

وملقوش غير انهم يغرقوها زيت اسود سىء الشكل والرائحة

ده حول إداركى ولا لأ بالله عليكم؟؟؟؟؟؟؟؟

مجاش فى دماغهم يعملوا أماكن للجلوس جديدة مثلا علشان الطلبة اللى بتدعى ليل نهار عليهم يسكتوا شويه

مجاش فى دماغهم يصلحوا النافورة فتنزل مية فبالتبعية الطلاب مش هيقعدوا عليها

إلا بقى لو فى الصيف ولا حاجة

لأ مجاش كل ده فى دماغهم وقالوا نقطع عرق ونسيح دمه وغرق يعم زيت عربيات يكش تولع

مش عارفه أقول إيه إحنا لو إتكلمنا عن موضوع القرارات الغلط اللى مش فى محلها

وملهاش علاقة بأى منطق ولا واقع وبتدمر أكثر ما بتفيد مليار مرة مش هنسكت

الواحد بصراحة قرف................

قرار خاطىء من ادارة الجامعة الرشيدة ..

النافورة دى الواحد قضى عليها اجمل 4 سنين فى الكلية ..

وكان مكانها مميز وسط االجامعة ..

والواحد له ذكريات جميلة على النافورة دى بجد والله انا زعلان جدا على حصل للنافورة..

ده حتى انا متصور عليها شويه صور وماسك اليافطة بتاع ممنوع الجلوس على النافورة..

نشجب هذا القرار الجائر من ادارة الجامعة ...

والله يرحم ايام النافورة ..

وليا عودة للموضوع مرة اخرى لسه مخلصتش كلامى ..على رمز الجامعة نافورة الجامعة..

يا جماعة النافورة مش بس كانت حضن دافى لكل الطلبة

لأ دى زى ما قال أستاذ أحمد رمز للجامعة لأن مش أى جامعة تلاقى فيها نافورة وكمان عطلانه

لأ دى جامعة بنها وبس تنفرد بكل ما هو جديد وغريب ومثير

وزى ما قال الفنان أحمد عبد العزيز فى المال والبنون هقولها تانى هنا

الدكتور إمام بيقول لأ .......عباس الضو بيقول لأ

كلنا بنقول لأ

بدايتا ..لا

ولنا عودة

زائر

يعنى موضوع النافورة من اوله لآخره بيجسد سياسية الحَول الإداركى

اقتباس :

فعلاً ده حول إدراكى

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط] style="width: 142px;height: 80px" border="0" alt=""/>

__

مرة واحد عنده حول إدراكى بيسألوه نفسك فى إيه

قال نفسى مرة أشوف اللى قدامى لواحده

[ندعوك للتسجيل في المنتدى أو التعريف بنفسك لمعاينة هذه الصورة]

النافورة ياجماعة مش بتستغيث

افرحوا وخليكوا ساكتين

ولا أزعلوا وأفضلوا ساكتين

لأن النافورة ماتت......../ وبتندفن كل يوم حتة منها

اقتباس :: فعلاً ده حول إدراكى

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذا الرابط] style="width: 142px;height: 80px" border="0" alt=""/>

__

مرة واحد عنده حول إدراكى بيسألوه نفسك فى إيه

قال نفسى مرة أشوف اللى قدامى لواحده

هههههههههههههههه على رأيك يا دكتور.......

بخصوص الباشمهندس الثورجى أحمد عبد المجيد اللى مش هيسكت غير لما كلنا ......

لو سمحت قول لأ وخلاص ههههههههه

هاقولك ياحنين ده حاجة اكبر من انك تتكلمى عليها
ده جامعة بنها لاحظى كده هى عمتا انا فيها بس لا اعترف انى فى كلية نهائى لانها
ملهاس اسم ولا معترف بها
حســــــــــــبى الله ونعم الوكيل

نوارا كتب:: هاقولك ياحنين ده حاجة اكبر من انك تتكلمى عليها
ده جامعة بنها لاحظى كده هى عمتا انا فيها بس لا اعترف انى فى كلية نهائى لانها
ملهاس اسم ولا معترف بها
حســــــــــــبى الله ونعم الوكيل

بغض النظر عن انى يانسه نوارا مبتقهاش ومش عجبانى بس بردة حتما ولبد ادافع عن جامعتى

مين قالك انها مش معترف بيها والله انتم مهما يعملولكم بردة بقى فصلوكم عن جامعه الزقازيق

وبقى ليكم جامعه لوحدكم واسمها جامعه بنها وبردة مش عجباكم لالالا ويعنى ايه بقى مش معترف بيها

من قال كدا يعنى خرجى جامع بنها مش معترف بشهادتهم زى كدا دة انا اعمل عمايل واسوى الهوايل ساعتها [ندعوك للتسجيل في المنتدى أو التعريف بنفسك لمعاينة هذه الصورة]

ياستى والنبى مترددوا الكلام دة واحمدوا ربنا انكم فى بنها انتم لما تشوفوا اللى بيسفروا من الفجر للكليات

اللى فى القاهرة تحسوا بالفرق على الاقل احنه بنصحى 8 ومحضرتنا 9 شوفى الفرق غيرك بيصحى 5

والله كان العون فيهم ومش عايزنهم يظبتلهم كليتهم انا الحمد لله يعنى زى اما بيقوله ان تجارة بتعد

اجمل كليه فى جامعه بنها يعنى اهو الاجمل فى الاوحش ههههههههههههه بس اى احلى حاجه فى بنها

تصدقى ياحنين على اى مقعدت فى الكليه عمرى مبقعد على النافورة دى بس تصدقى

اكثر حاجه كل اما اعدى عليها اقوللها انت لسه بردة بايظه نفسى قبل مخرج من الكليه اشوفها شغاله مرة

ادينى قعدلهم فيها اما اشوف ههههههههههههه

اولا موضوع النافوره ده ,كانت بالنسبه لنا الملاز الاخير في حاله الزهق او الضيق

بسبب قرب الامتحانات او اي شيء يعكر الصفو وكنا بنقضي عليها اجمل الاوقات لدرجه اني

عندي على الجهاز فولدر اسمه النافوره فيه كل الصور اللي اتصورناها على النافوره بتاعت

تجاره ياحنين , النافوره بتاعت تجاره فهماني طبعا

المهم الاخت اللي بتقول :

نوارا كتب:

هاقولك ياحنين ده حاجة اكبر من انك تتكلمى عليها
ده جامعة بنها لاحظى كده هى عمتا انا فيها بس لا اعترف انى فى كلية نهائى لانها
ملهاس اسم ولا معترف بها

حضرتك مين قالك الكلام ده , وعرفتي منين انها مش معترف بيها اصلا ,

بالعكس جامعه بنها جامعه عريقه جداا , يمكن تكون مش في قوه القاهره وعين شمس بس لازم

نكن لها كل الاحترام لانها جامعتنا اللي اتخرجنا منها واللي انتم هتتخرجوا منها ان شاء الله

بنها ثم بنها ثم بنها

نوارا كتب:: هاقولك ياحنين ده حاجة اكبر من انك تتكلمى عليها
ده جامعة بنها لاحظى كده هى عمتا انا فيها بس لا اعترف انى فى كلية نهائى لانها
ملهاس اسم ولا معترف بها
حســــــــــــبى الله ونعم الوكيل

كلمة بسيطة بخصوص معترف بيها ولا مش معترف بيها ..

المهم فى الشخص نفسه خارج ببكالوريس عارف حاجة فى دنيته ولا ابيض ياورد ..

ياما ناس فى جامعة القاهرة وعين شمس وعن تجربة شخصية مش عارفين حاجة ..

واتعرضت للسؤال ده فى بعض المقابلات وكان هذا ردى ..

جامعة بنها ليست باسمها وانما بمن يدرس بها وعايز يستفيد..

اقتباس :

[ندعوك للتسجيل في المنتدى أو التعريف بنفسك لمعاينة هذه الصورة]

ياسلام يابني على كلامك , حكم والله

فعلا المهم في الشخص نفسه هو مين وعاوز ايه ...

نرجع لموضوع النافورة يابوحميد ..

حاجة بجد تزعل والصور اللى معانا هتبقى ذكرى اه كان فيه هنا نافورة ..

الله يرحم ايام النافورة ..

تصدقوا واالله حاجة تزعل

مش عارف إزاى هيلغوا النافورة

وجالهم قلب

الا صحيح هيا كانت النافورة دى عزيزة عليكم قوى كده ليه ؟

بس بخصوص كلام الأخت نوارا

هى الجامعة معترف بيها وكل حاجة وده حتى مش بكلامنا إحنا

لكن مش شرط طالما معترف بيها تبقى اللى هى يعنى

فانا مش مع نوارا فى جزء من كلامها ولو انى حاسة بكلامها جدا وواقعى وملموس جدا

ولا مع الناس اللى بتستميت فى الدفاع عن الجامعة

أنا صحيح بحبها ويعلم الله بمدى إنتمائى ليها ولكن

فين المدرجات

فين الدكاترة

فين الأنشطة

فين النظام

فين النظافة

فين الكورسات المدعمة والنشاطات الاكاديمية تبع الجامعة

فين وفين وفين وفين...............؟؟

ببساطة الجامعة لا هى مينفعش تبقى جامعة ولا هى يعنى برضه السوربون

بخصوص سؤال الباشمهندس أحمد :

اقتباس :: الا صحيح هيا كانت النافورة دى عزيزة عليكم قوى كده ليه ؟

لو عندكم نافورة عطلانه فى كليتكم كنت عرفت دلوقتى ليه [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: فين المدرجات

فين الدكاترة

فين الأنشطة

فين النظام

فين النظافة

فين الكورسات المدعمة والنشاطات الاكاديمية تبع الجامعة

فين وفين وفين وفين...............؟؟

المدرجات.... موجوده طبعا وعلى اعلى مستوى , مكيفه وفيها شاشات عرض

صح ولا انا غلطان

الانشطه ... ياااااه ما اكثرها دي جامعتنا كلها انشطه ,

النظام ... الله على النظام ولا اروع , اعلى مستوى نظامي .

النظافه ... ياسلام على النظافه كل حته فيها بتبرق من كتر النظافه

ياجماعه بلاش نفسنه وارضوا باللي ربنا كتبوا لكوا

انا لاحظت من كلامكم انى غلطة غلطة كبيرة بس انا اسفة احب اقولكم حاجة اكبر غلطة فى حياتى انى

دخلت جامعة بنها

اقتباس :: المدرجات.... موجوده طبعا وعلى اعلى مستوى , مكيفه وفيها شاشات عرض

صح ولا انا غلطان

الانشطه ... ياااااه ما اكثرها دي جامعتنا كلها انشطه ,

النظام ... الله على النظام ولا اروع , اعلى مستوى نظامي .

النظافه ... ياسلام على النظافه كل حته فيها بتبرق من كتر النظافه

ياجماعه بلاش نفسنه وارضوا باللي ربنا كتبوا لكوا

تحيا جمهورية مصر العربية

ما شاء الله كل حاجة تمام والدنيا ربيع

يبقى أنا ونوارا بقى بنروح جامعة تانية طول الوقت ومش عارفه

يلا الحمد لله على الفقر والجدعنة

وبخصوص كلام نوارا إنتى مغلطيش يا قمر ولا حاجة إنتى صح وواقعية وكل حاجة والله

بس الناس دى تعشق تراب جامعة بنها وكل يغنى على ليلاه.......

المقال عجبني جدااااا

وفعلا ده تعبير عن سياسة بلد كاملة

سياسة

الباب اللي يجيلك منه الريح بشوية جاز وولع فيه واستريح

بس يمكن هم بالزيت الاسود اللي حطوه بيحاولوا يضيفوا لمسة جمالية للمكان
ممكن!!!!!!!!

او ممكن يكون اللون الاسود بيعبر عن فترة مظلمة بيعيشها الشعب
ممكن!!!

ممكن يكون دي خلاصة ابحاث قامت بيها الجامعة
وعرفوا انه اللون الاسود بيمتص الضوء فمن خلاله واحنا داخلين علي شتا
ممكن نعمل تدفئة للطلبة علشان يقعدوا مرتاحين ويبقوا ضربوا عصفورين بحجر واحد

منهم يوفروا مكان دافيء للطلبة ومنهم مايخلوش حد يعرف يقعد في المكان ده
ممكن!!!!!!!!!!!!

وممكن بقي ودي الاخيرة انهم بيحاولوا ينموا قدرات الطلبة وعبقريتهم في التغلب علي الصعاب
وده اللي لاقوه بالفعل بعد لما الطلبة جابوا رمل وفرشوه

ممكن!!!!!!!!!!!

المطلوب حاجة واحدة

رئيس الجامعة يدخل من الباب ده يوم واحد
اقسم بربي النافورة و المجمع كله هايبقي انضف من النضافة نفسها

من اول الاسبوع ده وانا شايف حركة غريبة في كليتنا

سلات قمامة في كل مكان
الاضاءة بتتظبط
لوحات ولمسات فنية في المداخل
قولت الكليية داخلة علي نقلة جديدة
لحد يوم الاتنين شوفت منظر والله ماتخيلته

العمال ماسكين خراطيم وطالعين بسلالم بيغسلو الحوائط

متخيلين!!!!!!!!!!!!

نضافة نضافة يعني

سألت وانا خارج الامن
هو في ايه؟.؟؟؟؟؟؟؟؟؟؟؟؟؟؟؟؟؟؟؟

قالولي رئيس الجامعة جاي بكره علشان حفل الخريجين

طبعا الحفل خلص
والنضافة خلصت برده وكل شيءء رجع لاصله
الا الحوائط لو يقدروا كانوا جابوا تراب ورجعوها زي ماكانت

زى بالظبط ياحودة لما غطوا شوارع السيدة بالفراشة

وأوباما ماشفش من أثريات المدينة القديمة غير الجامع

برغم ان كل بيت فى المنطقة بيمتلك هموم ماشلهاش الهرم الأكبر اللى فرجه عليه زاهى حواس

وجناين قصر عابدين اللى كان فى استقباله الريس وهو راكب العربية الفخمة والطويلة بيتجول فيه

وكمان شارع الخليفة اللى أترصف فى نصف يوم والأضاءة بتاعة الشارع وميدان الجيزة اتعملت فى نصف ساعة

ياراجل دى كانت القبة بتاع الجامعة منورة اليوم ده

وعمارات وسط البلد اللى بتتبيض قشرتها

هتفيد ايه لو كانت الحيطان عششت عنكبوت بيدارى كل الأسرار المدفونة جوانا واللى تشق مليون حيطة بقشرتها

طيب حد مش موافقنى ان لو النافورة اشتغلت هتبان بتعيط بدل الميه دموع ؟

خليكوا ساكتين أحسن

والله الواحد تعب هههههه

اقتباس :: طيب حد مش موافقنى ان لو النافورة اشتغلت هتبان بتعيط بدل الميه دموع ؟

النافورة لو اشتغلت هتبقى مشكلة إحنا هنقعد فين دلوقتى

ده إحنا بندعى يارب ما تشتغل ده شايلة هم ما يتلم

هنتلطم بعدها

وبخصوص اللى حصل فى زيارة اوباما ده عادى جدا

حتى الورد والشجر اللى اتزرع فى شوارع القاهرة فجأة ده بعد ما هو سافر

اتشال تانى كأن المصريين ملهمش نفس وعلى رأى أحمد بك شوقى لما قال/

أحرامٌِ على بلابله الدوح ...حلال للطير من كل جنس؟؟

الموضوع محزن فعلا ياحنين بدل من أنهم يجددوا فى الكلية ويطوروها بما يسمى عندهم بالجودة بيخططوا ازاى
يقرفوا الطلبة على أساس إن الطلبة مرتاحة فى الكلية وكل شىء تمام ....قالو نعكر دمهم شوية .......
حسبى الله ونعم الوكيل

:ي*ب:
زعلان ومكتئب

هو فعلا محتاجين زى ما قال محمود محتاجين الاستاذ الدكتور رئيس الجامعة يدخل المجمع ده شوية
ويشوف ويتفرج

» بيوت الله تستغيث فهل من مغيث
» فلاحى العمار تستغيث برئيس الجمهورية