الشركات الرأسمالية بتشجع مصر.. واحنا معاهم

هوصف المشهد، أنا تعبت من محاولة
التحليل، أو ايجاد سبب، بس هوصفه.. وهسيبه متعلق كده في طل الفضاء السيبري
للي هييجوا بعدنا، أمانة مش أكتر..

"الحرب ع الأبواب، ويا النصر يا
الهزيمة.. البقاء معلق على النصر في هذه الحرب والتعبئة العامة على أشدها،
والشعب كله إيد واحدة، روح واحدة.. حاجة ماحصلتش من.. ﻷ مش من 73، انما من
89"

ايه 89 دي كمان؟

اللي فجأة أصبحت سنة أشهر م النار ع العلم، ..

عموما،
هو دا الوصف بالظبط، مش ببالغ ولا بتريق - لأ بتريق بأه - المهم، ماتش مصر
والجزائر أصبح أول قائمة أولويات المصريين -والجزائريين كمان-

كل
الكلام، في كل الأماكن في كل لحظة عن الماتش "المصيري" -تقولش مصر هتبقى
عضو دائم في الأمم المتحدة!- في الشارع، في الميكروباص، في الشغل، على فيس
بوك، على تويتر، ع البلوجات وطبعا وسائل الاعلام التقليدية.. الراديو،
والتلفزيون.. حتى الفواصل الإعلانية في أحلام المواطن المصري..

والتعبئة
العامة.. إلا موضوع التعبئة العامة دا، واللي بتقوم بيها شركات زي
كوكاكولا وموبينيل وفودافون (حد شاف كده!) اللي بيتاجروا عيني عينك بأحلام
المصريين في تحقيق نصر ولو على المستوى الكروي، واللي يبدو انه هو النصر
الوحيد اللي ممكن يحطوا عليه فلوسهم.. وبالتالي الشركات دي كلها عايزة
تاخد الفلوس دي كلها، حتى مشويات ستوديو مصر يا عالم! المكان لسه فاتح
جديد وراح خبط لك اعلان عن مصر والجزائر... مش خايفين نتغلب ونقول عليكوا
شركات نحس، وتتضربوا في السوق؟ مش هي دي القاعدة؟

واللا اعلان
موبيينل بتاع "كل الناس بتقول يا رب" وحملتها ان كل المصريين في الدقيقة
7:25 قبل الماتش في نفس واحد يقولوا "يا رب"... مش خايفين قوى المعارضة
الشريرة اللي ضد التوريث المقدس تستغل الموقف وتقول يارب هي كمان، في نفس
التوقيت، ودعواتهم "بإن جمال مايمسكهاش" تتاخد ضمن دعوات المصريين للماتش!

الماتش،
الماتش، الماتش.. اللي اصبح سبوبة كل محطة راديو خاص، فتتذاع أغنية زي
بتاعة عمرو مصطفى اللي بيقولك "حبيتهاااااا" كأنه بيغني لكوكاكولا..
وتلاقى الراديوهات مبدورة أغاني وطنية دلوقتي، والله انا بحب أجواء
الانتماء للوطن دي، بس حاساها المرة دي تجارة، تجارة برغبتي كمصرية اننا
نكسب الماتش.

طبعا مش هتكلم عن شريحة أخرى من الشعب المصري، عايزة
تقرقرش المنتخب الجزائري، ورايحين الماتش بس عشان يضربوا ويشتموا ويحدفوا
بالطوب ...

بردو،
ارجع واقول، قلبي معاكي يا مصر، سواء المنتخب كسب او خسر.. قلب معاكي يا
حبيبتي ع المفتريين والانتهازيين والجهلاء وولاد الحرام، ع اللي خللونا
نبيع الغاز لإسرائيل، ونستنى الجزائريين بالطوب،

الهتاف الموحد (يــــــــــــــــــــــــــــــــــــــــــــــــــــــــــــارب)

(يــــــــــــــــــــــــــــــــــــــــــــــــــــــــــــارب)

(يــــــــــــــــــــــــــــــــــــــــــــــــــــــــــــارب)

(يــــــــــــــــــــــــــــــــــــــــــــــــــــــــــــارب)

(يــــــــــــــــــــــــــــــــــــــــــــــــــــــــــــارب)

بردو،
ارجع واقول، قلبي معاكي يا مصر، سواء المنتخب كسب او خسر.. قلب معاكي يا
حبيبتي ع المفتريين والانتهازيين والجهلاء وولاد الحرام، ع اللي خللونا
نبيع الغاز لإسرائيل، ونستنى الجزائريين بالطوب،

كلام فوق النمرة واحد بجد

هههههههههههههههههههههههههههههههههههههههه

الحرامية بيشجعة مصر واحنا معاهم

اقتباس :: ارجع واقول، قلبي معاكي يا مصر، سواء المنتخب كسب او خسر.. قلب معاكي يا
حبيبتي ع المفتريين والانتهازيين والجهلاء وولاد الحرام، ع اللي خللونا
نبيع الغاز لإسرائيل، ونستنى الجزائريين بالطوب،

الله بجد حلوة أوى الجملة دى

ع اللى خلونا نبيع الغاز لاسرائيل

ونستنى الجزائرين بالطوب

ولا حول ولا قوة الا بالله

شكرا للمرور المشرق..

البلطجيه بيشجعوا مصر ...وإحنا معاهم

[ندعوك للتسجيل في المنتدى أو التعريف بنفسك لمعاينة هذه الصورة]

أجمد مهندس كتب:: البلطجيه بيشجعوا مصر ...وإحنا معاهم

[ندعوك للتسجيل في المنتدى أو التعريف بنفسك لمعاينة هذه الصورة]

والله عندك حق ياشريف ..

البلطجية..والحرامية ..والطعمية..

هههههههه

قول اللى نفسك فيه..

عندك حق

» كل التافهين بيحبوا مصر ...واحنا معاهم ..! مقال روووعة
» انا مش معاهم
» يا رتنى كنت معاهم
» مشروع"فكرة لبكرة "الف باء سياسة وكلل انتخابات واحنا فاهمانين
» واحنا لسه فى إبتدائي..